Alert Archives - Page 491 of 519

August 14, 2018

ટાટા મોટર્સે ટિયાગો અને ટિગોર કારની સારી માંગના પગલે ગુજરાતના સાણંદ પ્લાન્ટ ખાતે 100 ટકા ક્ષમતા પર ઉત્પાદન નોંધાવ્યું છે અને કંપની આગામી સમયમાં તેની ક્ષમતામાં થોડો વધારો કરશે. કંપની ટિગોરના ઇલેક્ટ્રિક વ્હિકલનું ઉત્પાદન પણ સાણંદ પ્લાન્ટ ખાતે કરે છે અને કંપની 2020 સુધીમાં સાણંદ પ્લાન્ટને સેન્ટર ઓફ મેન્યુફેક્ચરિંગ એક્સેલન્સ બનાવવાનું લક્ષ્ય ધરાવે છે.

સાણંદ પ્લાન્ટ ખાતે અમારી શરૂઆત ધીમી રહી હતી પરંતુ ટિયાગો અને ટિગોરનું ઉત્પાદન અહીં શરૂ કરવામાં આવ્યા બાદ ઉત્પાદનમાં ઝડપી વૃદ્ધિ નોંધાઈ છે.

જાન્યુઆરી 2017માં આ પ્લાન્ટમાં કુલ 3 લાખ કાર ઉત્પાદનના સ્તરે પહોંચ્યા બાદ જાન્યુઆરી 2018માં અમે ચાર લાખ યુનિટનો આંક વટાવ્યો હતો અને હવે ઓક્ટોબર મહિનામાં જ આ પ્લાન્ટમાં બનેલી કારની સંખ્યા પાંચ લાખનો આંક વટાવી જશે.

હાલમાં પ્લાન્ટ 1.50 લાખ યુનિટની ક્ષમતા સાથે સંપૂર્ણ ક્ષમતા પર કાર્યરત છે અને અમે એફિશિયન્સી વધારીને ઉત્પાદન ક્ષમતા વધારી રહ્યા છીએ. હાલમાં દરરોજ 450 કારનું ઉત્પાદન થાય છે તે ચાલુ નાણાકીય વર્ષના અંત સુધીમાં ૫૦૦ કાર પર પહોંચવાની ધારણા છે. સાણંદ પ્લાન્ટ અમારા પેસેન્જર વાહનોના ઉત્પાદનમાં 60 ટકા યોગદાન આપે છે.

પેસેન્જર વ્હિકલ ઉદ્યોગની વૃદ્ધિની સરખામણીએ ટાટા મોટર્સ ઘણી ઝડપી વૃદ્ધિ નોંધાવી રહી છે અને તેથી ઉત્પાદનમાં વૃદ્ધિ થઈ રહી છે. સાણંદ પ્લાન્ટ ખાતે કંપની લગભગ 35 ટકા રિન્યુએબલ એનર્જીનો ઉપયોગ કરે છે અને તેના દ્વારા ખર્ચમાં ₹8 કરોડની બચત કરી છે.

ગુજરાતને ઓટોમોબાઇલ હબ બનાવવાનું શ્રેય ટાટા મોટર્સના નેનો પ્લાન્ટને આપવામાં આવે છે પરંતુ નેનો કાર અપેક્ષા જેટલી સફળતા મેળવી શકી નહોતી અને ટાટા મોટર્સના સાણંદ પ્લાન્ટ ખાતે નજીવું ઉત્પાદન થતું હતું. જોકે, ટિગોર અને ટિયાગોના લોન્ચ બાદ આ પ્લાન્ટ ધમધમતો થયો છે. ટાટા મોટર્સ અહીં એન્જિનનું ઉત્પાદન પણ કરે છે.

હાલમાં સાણંદ પ્લાન્ટમાં દર મહિને 8,000 જેટલી ટિયાગો અને 3,000 જેટલી ટિગોર કારનું ઉત્પાદન કરવામાં આવે છે. અમે એફિશિયન્સી વધારીને પ્લાન્ટની ઉત્પાદન ક્ષમતામાં વધારો કર્યો છે. ગયા વર્ષે અમે દર મહિને 6500 યુનિટનું ઉત્પાદન કર્યું હતું, પરંતુ હાલમાં દર મહિને 11,000 યુનિટ ઉત્પાદન કરી રહ્યા છીએ. આ ક્ષમતા ઓક્ટોબર સુધીમાં જ વધારીને દર મહિને 12,500 યુનિટની કરી દેવાશે.

August 14, 2018

અન્ડરવર્લ્ડ ડૉનમાંથી રાજકારણી બનેલો અરુણ ગવળી ગાંધી વિચારોની પરીક્ષામાં પહેલા નંબરે પાસ

મુંબઈની દગડી ચાલ પર એક સમયે ગુંડાગીરી કરીને જીવતો અરુણ ગવળી હાલ નાગપુરની જેલમાં સજા ભોગવી રહ્યો છે.
શિવસેનાના નગરસેવકની હત્યાના કેસમાં અરુણ ગવળી નાગપુરની સેન્ટ્રલ જેલમાં સજા ભોગવી રહ્યો છે.

દર વર્ષે નાગપુર જેલમાં સહયોગ ટ્રસ્ટ, સર્વોદય આશ્રમ અને મુંબઈ સર્વોદય મંડળ એમ ત્રણેય મળીને ગાંધી વિચારોની પરીક્ષાનું આયોજન કરે છે. પરીક્ષા સ્વૈચ્છિક હોય છે. જેલમાં એક મહિના પહેલાં ગાંધીના જીવન પરનાં અમુક પુસ્તકો આપવામાં આવે છે અને એના આધારે પરીક્ષા આપવાની હોય છે. અરુણ ગવળીને આ પરીક્ષા આપવાની ઇચ્છા થતાં તેણે પણ આ પરીક્ષા માટે નામ આપ્યું હતું.

અરુણ ગવળીને ગાંધી વિચારોના પેપરમાં કુલ ૮૦ માર્કમાંથી ૭૪ માર્ક મળ્યા છે. જેલમાં રહેલા હજારો કેદીમાંથી ૧૬૦ કેદીઓએ આ પરીક્ષા આપી હતી. એમાં અરુણ ગવળી પહેલા નંબરે પાસ થયો છે.

August 14, 2018

Jayesh Brahmbhatt 98253 44944

તાજેતરમાં સુરતના હજીરા રોડ, ઓએનજીસી સામે શરૂ થયેલી કોર્ટયાર્ડ મેરિયટને ફાઇવ સ્ટાર રેટિંગ્સ મળ્યું છે. આ સાથે જ તાજ ગેટ-વે અને ટીજીબી પછી સુરતની ત્રીજા ફાઇવસ્ટાર હોટેલ બની છે સુરતની કોર્ટયાર્ડ મેરિયટ.

દેશમાં કોઇપણ હોટેલને સ્ટાર રેટિંગ મેળવવું હોય તો એ હોટેલ મેનેજમેન્ટએ ટુરીઝમ મંત્રાલય સમક્ષ એપ્લિકેશન કરવી પડે છે. ટુરીઝમ મંત્રાલય દ્વારા જે તે હોટેલના ઇન્સ્પેકશન માટે પાંચ સભ્યોની કમિટી બનાવીને તેને સ્થળ તપાસ, સ્થિતિ ચકાસવા માટે મોકલવામાં આવે છે અને એ કમિટી દ્વારા જાંચ-પડતાલ કરાયા બાદ જે તે હોટેલને કેટલા સ્ટારનું સ્ટેટસ મળી શકે તે અંગે ભલામણ કરવામાં આવે છે.

સુરતના હજીરા રોડ પર ઓએનજીસી સામે આવેલી કોર્ટયાર્ડ મેરિયટ હોટેલ દ્વારા ફાઇવ સ્ટાર રેટિંગ માટે ટુરીઝમ મંત્રાલયને અરજી કરાયા બાદ ગઇ તા.10મી ઓગસ્ટ 2018ના રોજ તેનું ઇન્સ્પેકશન કરવામાં આવ્યું હતું. કમિટીએ કોર્ટયાર્ડ મેરિયટ હોટેલમાં નિર્ધારિત પેરામિટર્સ ચેક કર્યા બાદ સંતોષકારક સ્થિતિ જોઇને કોર્ટયાર્ડ મેરિયટ હોટેલને ફાઇવસ્ટાર રેટિંગ આપવાનું નક્કી કર્યું હતું. આમ, કોર્ટયાર્ડ મેરિયટ સુરતની ત્રીજા ફાઇવસ્ટાર હોટેલ બની છે.

ફાઇવસ્ટાર રેટિંગ માટે હોટેલમાં કયા પરિબળોને પ્રાથમિકતા અપાય

(1) શારીરિક રીતે સક્ષમ ન હોય તેવા ટુરીસ્ટ્સ માટે કેવા પ્રકારની સુવિધાઓ હોટેલમાં વિકસાવવામાં આવી છે એ સૌથી પહેલા જોવામાં આવે છે.

(2) હોટેલ પ્રિમાઇસીસમાં ગાર્બેજ કલેકશનથી લઇને તેના નિકાલની શું સુવિધાઓ હોય છે એ બાબતને પ્રાથમિકતા આપવામાં આવે છે. ઘન કચરો, પ્રવાહી કચરો અલગ રીતે અેકત્રિત થાય છે કે કેમ, પ્રવાહી કચરાને ખાતરમાં તબદિલ કરીને ફરીથી ઉપયોગમાં લેવાય છે કે કેમ તે જોવામાં આવે છે.

(3) હોટેલ પ્રિમાઇસીસમાં સુએઝ ટ્રીટમેન્ટ પ્લાન્ટ પોતાનો છે કે કેમ તે ખાસ જોવામાં આવે છે.

(4) સિક્યુરિટી સિસ્ટમ્સ કેવી છે, અહીં બેગેજ સ્કેનર્સ છે કે કેમ, મુસાફરો તેમજ અન્ય વાહનોની અવરજવર સ્કેન થાય છે કે કેમ આવી સુવિધાઓ હોવાની ખાસ તકેદારી રાખવામાં આવે છે.

(5) સેફ ટુરિઝમ માટે હોટલ લાયક છે કે કેમ, જેમાં વુમન ટ્રાફિકિંગ, ચાઇલ્ડ એબ્યુઝિંગને પ્રોત્સાહન ન મળે એ અંગે પ્લેજ પણ લેવડાવવામાં આવે છે અને જો આવું કંઇ બનતું હોય તો ત્વરિત તેની જાણ હોટેલ ઓથોરિટીને કરવી પડે છે.

(6) હાઇજિન સ્ટાન્ડર્ડ કેવા છે, આ ફેક્ટરમા ંસ્ટાફ કાફેટેરિયા, સ્ટાફ વોશરુમ્સ, ટોઇલેટ્સ, રેસિડેસ્ન્સ વગેરે ખાસ જોવામાં આવે છે. હોટેલ મેનેજમેન્ટ સ્ટાફને કેવી રીતે રાખે છે તેના પરથી સ્ટાફ ગ્રાહકોને કેવી સુવિધા પુરી પાડતા હોય તે નિયત કરવામાં આવે છે.

(7) રસોડામાં વેજ-નોનવેજ માટેના વાસણો, જગ્યા, ટુલ્સ વગેરે અલગ છે કે કેમ, અલગ કઇ રીતે તારવવામાં આવે છે તેની નિશાનીઓ વગેરે સુવિધા વિકસાવવામાં આવી છે કે કેમ તે અંગે જોવામાં આવે છે.

ઉપરોક્ત અનેક બાબતો પરથી ટુરીઝમ મંત્રાલય દ્વારા નિયુક્ત કમિટી જે તે હોટેલને સ્ટાર રેટિંગ્સ આપે છે.

August 14, 2018

રાજ્યભરમાં ૨૦૧૨થી ૨૫,૦૦૦ એઇડ્સના દર્દીએ સારવાર લેવાનું બંધ કરી દીધું છે અને તેમાંથી અડધાથી વધુ દર્દીનો કોઇ પત્તો નથી. આવા દર્દીઓ તેમના જીવનને તો જોખમમાં નાખી જ રહ્યા છે સાથે સાથે અજાણતા જ અન્ય લોકોમાં તેનું ઇન્ફેકશન ફેલાવી રહ્યા છે.

સરકારી સેન્ટર ખાતે સારવાર માટે આવવાનું બંધ કરી દેનાર દર્દીની શોધમાં હેલ્થ વર્કરને કામે લગાડવામાં આવ્યા બાદ મહારાષ્ટ્ર સ્ટેટ એઇડ્સ ક્ટ્રોંલ દ્વારા જમા કરવામાં આવેલા ડેટામાં આ અંગે ખુલાસો થયો છે. દર્દી ત્રણ મહિનાથી વધુ સમય સુધી સરકારી સેન્ટરમાં સારવાર માટે ન આવ્યો હોય તો તેણે સારવાર લેવાનું બંધ કર્યું હોવાનું માનવામાં આવે છે.

હવે મહારાષ્ટ્ર સ્ટેટ એઇડ્સ ક્ધટ્રોલ દ્વારા એ અંગે તપાસ કરવામાં આવશે કે સરકારી સેન્ટર ખાતેથી સારવાર લેવાનું બંધ કર્યા બાદ દર્દી ખાનગી ક્ષેત્રની દવા લઇ રહ્યો છે કે કેમ?. સારવાર લેવાનું બંધ કરનાર દર્દી અંગે માહિતી અપડેટ કરવાનું નેશનલ એઇડ્સ ક્ધટ્રોલ ઓર્ગેનાઇઝેશન દ્વારા સૂચન કરવામાં આવતા સ્ટેટ એઇડ્સ ક્ધટ્રોલે પ્રયત્ન શરૂ કર્યો છે.

August 14, 2018

રાજ્યમાં નશાબંધીના કડક અમલ માટે રાજ્યવ્યાપી ઝુંબેશ શરૂ કરવામાં આવશે. આ મામલે એટીએસ (એન્ટી ટેરરિસ્ટ સ્ક્વોડ)ના માર્ગદર્શન હેઠળ એસઓજી (સ્પેશિયલ ઑપરેશન ગ્રુપ) કાર્યવાહી કરશે. તાજેતરમાં ગુજરાતમાં નશાના પદાર્થના કેસમાં વધારો થયો છે જે ચિંતાનું કારણ છે. આ માટે કૉલેજ અને સ્કૂલ કેમ્પસને ડ્રગ્સ ફ્રી કરવા માટે ખાસ ઝુંબેશ શરૂ કરવામાં આવશે.

ગુજરાતને નશામુક્ત કરવા માટે ખાસ ઝુંબેશ શરૂ કરવામાં આવશે. તેમ જ નશાબંધીના ભંગ માટેની પ્રવૃત્તિઓ ચલાવતા લોકો સામે કડક કાર્યવાહી કરવામાં આવશે. આ માટે સ્કૂલ અને કૉલેજ કેમ્પસમાં ખાસ કાર્યક્રમ કરવામાં આવશે. સ્કૂલ-કૉલેજ કેમ્પસને નશામુક્ત કરવાની સાથે સાથે ચેઇન સ્નેચર્સ સામે કડક કાર્યવાહી કરવાની જાહેરાત કરવામાં આવી હતી.

નાર્કોટિક્સ કંટ્રોલ બ્યુરોના સત્તાવાર આંકડા પ્રમાણે વર્ષ ૨૦૧૩થી સતત ગુજરાતમાં ડ્રગ્સની રેડમાં વધારો થઇ રહ્યો છે. જેમાં વર્ષ ૨૦૧૩માં ૬, વર્ષ ૨૦૧૪માં ૭, વર્ષ ૨૦૧૫માં ૬, વર્ષ ૨૦૧૬માં ૯, વર્ષ ૨૦૧૭માં ૧૦ અને ચાલુ વર્ષના છ મહિનામાં જ ૬ રેડ થઇ ચૂકી છે. આ સમગ્ર આંકડા પરથી માલૂમ પડે છે કે, ડ્રગ્સ ગુજરાતના યુવાધનને કઇ રીતે બરબાદ કરી રહ્યું છે. રાજ્યના મુખ્ય શહેરોમાં ચાલુ કરવામાં આવેલી

ટ્રાફિક ડ્રાઇવ મામલે ગૃહપ્રધાન પ્રદીપસિંહ જાડેજાએ કહ્યું હતું કે, રાજ્યભરમાં આ ટ્રાફિક ઝુંબેશ ચાલુ જ રહેશે. આ માટે અમદાવાદ અને સુરત શહેરમાં એસઆરપીની વધારે કંપનીઓ ફાળવવામાં આવશે. ટ્રાફિક ડ્રાઇવ માટે પોલીસ કમિશનરો અને એસપીને સૂચનાઓ આપવામં આવી છે. સાથે જ તેમણે લોકોને પણ આ ઝુંબેશમાં સહકાર આપવાની અપીલ કરી હતી.

August 14, 2018

તમે ક્યાં જાઓ છો અે જાણવા ગૂગલ એટલું ઉત્સુક રહે છે કે તમે ના પાડો તો પણ તે તમારી ગતિવિધિઓ પર ચાંપતી નજર રાખે છે.

એસોસિયેટેડ પ્રેસ-એપી દ્વારા હાથ ધરવામાં આવેલી તપાસ દરમિયાન શોધી કાઢવામાં આવ્યું હતું કે તમારી ગુપ્તતાની જાળવણીની ખાતરી આપતી પ્રાઈવસી સૅટિંગનો તમે ઉપયોગ કર્યો હોય તો પણ તમે ક્યાં છો તેની માહિતીનો ઍન્ડ્રોઈડ અને આઈફોન પરની અનેક ગૂગલ સેવા સંગ્રહ કરે છે.

એપીની વિનંતીને પગલે પ્રિન્સટનસ્થિત કમ્પ્યુટર સાયન્સના સંશોધકોએ તપાસના આ તારણોને સમર્થન આપ્યું હતું.

તમે ક્યાં છો એ સ્થળની માહિતી માટે મોટાભાગે ગૂગલ પરવાનગી માગે છે. ગૂગલ મૅપ જેવી ઍપનો તમે ઉપયોગ કરો તો તે પણ તમે ક્યા સ્થળે છો તેની માહિતી એકઠી કરવા માટે પરવાનગી લેવાનું યાદ કરાવે છે. જો તમે ક્યા સ્થળે છો તેનું રૅકોર્ડિંગ કરવાની સહમતી દર્શાવો તો અને ભવિષ્યમાં તમે ક્યારેક એ અંગેની જાણકારી માગો તો ગુગલ મૅપ તમારી દૈનિક ગતિવિધિઓની હિસ્ટ્રી દર્શાવે છે.

તમારી મિનિટે મિનિટની ગતિવિધિઓનું માહિતી સંગ્રહી રાખવી તમારી અંગતતા સામે જોખમ ઊભું કરી શકે છે અને શંકાસ્પદ લોકોને શોધી કાડવા પોલીસ તેનો ઉપયોગ કરી શકે છે. જોકે ગૂગલનું કહેવું છે કે કોઇપણ સમયે તમે લૉકેશન હિસ્ટ્રીને ટર્નઑફ કરી શકો છો અને ત્યાર બાદ તમે ક્યા સ્થળે જાઓ છો તેની માહિતીનો સંગ્રહ નથી થતો.

August 13, 2018

પસંદ થયેલ બાળકોનેઇન્ટરનેશનલ રનવે શોમાં જાણીતા બ્રાન્ડ્સ અને ડિઝાઇનર્સ માટે રેમ્પવોકની તક મળશે

સુરત:ઇન્ડિયા કિડ્સ ફેશન વીક સીઝન 6માટે સુરત ખાતે સફળતાપૂર્વક ઓડિશન યોજાયું હતું. એ.ડી.એફ. ઇન્સ્ટિટ્યૂટખાતે યોજાયેલ ઓડિશનમાં 150જેટલા બાળકોએ ભાગ લીધો હતો. જે તમામને ગુજરાતના પહેલા મહિલા ફેશન કોરિયોગ્રાફર તેમજ ઇન્ટરનેશનલ બ્યુટી પેઝેન્ટ માટેના ટ્રેઇનર અને ગ્રૂમર મંજુલા અને રિકી દ્વારા ટ્રેઇન કરાયા હતા. આ ઓડિશનમાં જૂરી તરીકે કિરણ પાજવાની અને પુનીત ઉપસ્થિત રહ્યા હતા.

ઓડિશનના અંતિમ રાઉન્ડ બાદ પસંદ થયેલા બાળકોને ઇન્ટરનેશનલ રનવે શોમાં જાણીતી બ્રાન્ડ્સ અને ડિઝાઇનર્સ માટે રેમ્પવોક કરવાની તક મળશે. આગામી 15મી ઓગસ્ટના રોજ અમદાવાદ ખાતે ઓડિશનયોજાશે. જેમાં જૂરી તરીકે મંજુલા અને રિકી ઉપસ્થિત રહેશેજેઓએ આજ સુધી 500 થી વધુ બાળકોને ટ્રેઇન કર્યા છે.

-x-x-x-x-

August 13, 2018

સુરત :પર્સનાલિટીના ક્ષેત્રે સફળતાના ગુરુ કહેવાતા પૂજા અને પિયુષ વ્યાસ દ્વારા નવા કન્સેપ્ટ શો કેસ અને ડિગ્નિટિ વોક સાથે એક અનોખા બ્રાન્ડ શો કેસનું આયોજન કરવામાં આવ્યું હતું. ડુમસ રોડ સ્થિત અવધ ક્લબ ખાતે ભવ્ય રીતે આ કાર્યક્રમ યોજાયો હતો.

પહેચાન-2018-સ્ટેમ્પ યોર આઇડેન્ટિટી કાર્યક્રમમાં શહેરના જાણીતા ઉદ્યોગપતિઓ થી માંડીને અલગ-અલગ કાર્યક્રમ માં સફળ થયેલા મહાનુભાઓએ પોતાની સફળતા ગાથા વર્ણવી હતી જેમાં ડો અતુલ અભ્યંકર, શ્રી અરવિંદ તેજાણી,શ્રી જસમત વિડિયા,શ્રી કનુભાઈ ટેલર, ડો નીરજ ગોએંકા, સીએ રવિ છાવછરિયા,શ્રી હિરેન કાકડિયા,શ્રી વિલિશ પટેલ,શ્રી હર્ષદ પંડ્યા,શ્રી રાજેન્દ્ર શેઠ,શ્રી અમીશમાલજી,શ્રી વિજય કલાલ,શ્રી મુકેશ પટેલે પોતાની સક્સેસ સ્ટોરી ની સાથે અત્યાર સુધીની સફર વર્ણવી હતી.

આ વખતની સિઝનમાં મુંબઈની સેલિબ્રિટી શુભ મલ્હોત્રા તથા વિશાલ કપૂર જેવા લોકોએ ભાગ લીધો હતો. તેમના દ્વારા તેમના જીવનમાં ઉતાર-ચઢાવ, સફળતા તેમ જ અંગત વાતો સાથે અત્યાર સુધીની સફર વર્ણવી હતી. મિસિસ ટિઆરા ઈન્ડિયાનુ 2018તાજેતરમાં જ ટાઇટલ મેળવ્યા બાદ શ્રીમતી પૂજા વ્યાસે સુરતની પ્રતિસ્થિત કપડા તેમજ જ્વેલરીની બ્રાન્ડને એક અનોખો અંદાજ સાથે બ્રાન્ડ શો કેસના નામ સાથે જેમાં વિવિધ ક્ષેત્રની મહિલાઓ જેમણે ફેશન વોકની તાલીમ અને માર્ગદર્શન આપી પ્રતિસ્થિત બ્રાન્ડ માટેનુંકેટવોક કરાયું હતું. તેમને માર્ગદર્શન અને તાલીમ આપી હતી.

આ અંગે પિયુષ વ્યાસે જણાવ્યું હતું કે કંપની ને સૌ કોઈ ઓળખે છે પરંતુ એ બ્રાન્ડની સક્સેસ સ્ટોરી શું છે? કંપનીણે બનાવનાર વ્યક્તિની મહેનત અને દિશાદ્રષ્ટિ શું હતી તે ભાવિ પેઢીને ખબર પડે તે માટે પહેચાન-2018-સ્ટેમ્પ યોર આઇડેન્ટિટીનું આયોજન કરવામાં આવ્યું હતું.

આ અંગે પૂજા વ્યાસે જણાવ્યું હતું કે સામાન્ય રીતે હંમેશા બ્રાન્ડની ધારણા હોય છે. તેમજ માર્કેટિંગ પ્રોફેશનલ મોડલ દ્વારા જ કરાવવું જોઈએ. જ્યારે બ્રાન્ડ શોકેસમાં દરેક રંગ, રૂપ કે વજનની યુવતી તેમજ મહિલાઓની પસંદગી રેમ્પ માટે કરાઇ હતી.કારણ કે પૂજા વ્યાસ માને છે કે દરેક મહિલા સુંદર છે અને ખાસ છે. બ્રાન્ડની પ્રોડક્ટ કે સર્વિસની ખરીદી કરતી હોય છે.

-x-x-x-x-

August 13, 2018

आज दिनांक 13 अगस्त को दोपहर 12 बजे पुलिस कमिशनर सुरत शहर श्री सतीश शर्मा के साथ फोस्टा एवं मार्केट एसोसिएशन के पदाधिकारियों कि अहम बेठक हुईथी. यह मिटींग बहूत ही सुखद और फलदायी रही एैसा श्रीरंगनाथ सारड़ाने सी.आइ.ए. को बताया था.

पुलिस कमिशनर के साथ हूई बेठकमां लिए गए फैंसले के बारे में जानकारी देते हुए श्री रंगनाथ सारड़ाने बताया कि 1) फ़्री पार्किंग ( विज़िटर्स मालवाहक) के लिए एक घंटे कि अवधि के लिए दिया जाएगा. पार्किंग किए गए वाहन में उसी मार्केट के व्यापारी का माल होना जरूरी होगा ।

2) Pay and park के लिए अगर किसी मार्केट ने अलग से जगह ले रखी है तो उस जगह पर पार्किंग चार्ज वसूल कर सकते है ।

3) अगर कोई एक घंटे के बाद या अन्य मार्केट के माल को लेकर (जिसमें गुजरात हाईकोर्ट के आदेश का उल्लंघन नहीं होता है) जोर-जबरदस्ती करता है तो तुरंत पुलिस को सूचित करें ।।

आज मिटिंग में मनोज अग्रवाल, राजेश अग्रवाल, रंगनाथ सारड़ा, जयलाल, दिनेश कटारिया, जगदीश गोयल, फूलचंद राठौड़, मनोहरसिंह, रामरतन वोहरा, भंवरलाल जांगीड़ व 451 मार्केट के सेक्रेटरी आदि मौजूद थे।

August 13, 2018

વરાછાના યોગીચોક ખાતે બિલ્ડરના ઇશારે ડિમોલિશનની હરકત થતાં મામલો ગરમાયો હતો

શહેરના વરાછા વિસ્તારમાં આવેલા પ્રખ્યાત યોગી ચોક વિસ્તારમાં મોટા ગજાના બિલ્ડર ગણાતા હિન્દવા ગ્રુપના એક પ્રોજેક્ટને નડતર રૂપ સ્થાનિક સોસાયટીવાસીઓની દિવાલ તોડવા માટે સુરત મહાનગરપાલિકાએ કાર્યવાહી કરતા મોટું ટોળું એકત્રિત થઇ ગયું હતુ અને સુરત મહાનગરપાલિકાએ કામગીરી પડતી મૂકવી પડી હતી.

સમગ્ર મામલા અંગે ઘટના સ્થળેથી મળતી વિગતો મુજબ વરાછાના યોગીચોક ખાતે આવેલી પેરેડાઇઝ રેસિડેન્સી પ્રોજેક્ટના રહેવાસીઓએ તેમના મંજૂર પ્લાન અનુસાર એક દિવાલનું ચણતર કરાવ્યું હતું. આ પ્રોજેક્ટને અડીને જ અનુપમ બિઝનેસ હબ નામે હિન્દવા ગ્રુપનો એક પ્રોજેક્ટ ચાલી રહ્યો છે. અનુપમ બિઝનેસ હબ પ્રોજેકટ માટે પેરેડાઇઝ સોસાયટીવાસીઓએ ચણેલી દિવાલ નડતરરૂપ હોઇ મોટા ગજાના બિલ્ડરોએ પાલિકાના એક અધિકારી સાથે સાંઠગાંઠ કરીને આજે દિવાલનું ડિમોલિશન કરવાની પેરવી કરાવી હતી. જેની સામે સ્થાનિક રહેવાસીઓમાં ભારે રોષ ભભૂકી ઉઠ્યો હતો. જોતજોતામાં એકત્રિત થઇ ગયેલા ટોળાએ પાલિકા સ્ટાફ અને મુકેશ નામના બિલ્ડરનો હૂરીયો બોલાવ્યો હતો. મામલો ગરમાતા પોલીસ પણ ઘટના સ્થળે દોડી આવી હતી અને હાલ તુરત ડિમોલિશન પડતું મૂકવું પડ્યું હતું.

ઘટના સ્થળેથી મળતી વિગતો મુજબ હિન્દવા ગ્રુપ દ્વારા પ્રોજેક્ટના પહેલી વખતના મંજૂર પ્લાનમાં રિવાઇઝ કરીને કેટલીક ગેરરીતિ આચરવામા ંઆવી છે જે અંગે પણ તપાસ કરવા માટે સ્થાનિક રહેવાસીઓએ પાલિકાને રજૂઆત કરી છે. સુરત મહાનગરપાલિકાએ સોસાયટીવાસીઓની દલીલને માન્ય રાખતા 5 દિવસમાં આ મુદ્દાનું નિરાકરણ લાવવા અંગે જણાવ્યું છે.

Newer Posts

Older Posts

Alert Archives - Page 491 of 519 - CIA Live

ટાટા મોટર્સના સાણંદ પ્લાન્ટએ સંપૂર્ણ ક્ષમતા સિદ્ધ કરી

ગાંધીના વિચારોની પરીક્ષામાં ગુંડો ગવળી પહેલા નંબરે પાસ

કોર્ટયાર્ડ મેરિયટને મળ્યું 5 Star સ્ટેટસ, સુરતની ત્રીજી ફાઇવસ્ટાર હોટેલ બની

મુંબઇમાં એઇડ્સના 25000 દર્દીઓ ગુમ થઇ ગયા

ગુજરાતની સ્કુલ-કોલેજોમાં ડ્રગ્સ વિરોધી ઝુંબેશ શરૂ થશે

ગૂગલ તમારી દરેક હિલચાલ પર નજર રાખે છે

India Kids Fashion Weekના સુરત ખાતેના ઓડિશનમાં 150 બાળકોએ કેટવૉક કર્યું

‘પહેચાન’ સુરતીઓને કરાવશે સફળતાની પહેચાન : સુરતમાં પહેલીવાર સ્ટાર બ્રાન્ડ શો કેસ ધમાકેદાર રહ્યો

पार्किंग के मुद्दे पर पुलिस कमिशनर के साथ टेक्सटाइल व्यापारीओ कि बैठक फलदायी रही

યોગીચોક ખાતે મોટા ગજાના બિલ્ડરના ઇશારે સોસાયટીની દિવાલ તોડવાનો કારસો નિષ્ફળ