આજે 12/9/26 ભારતમાં BRICS દેશોના 18મા શિખર સંમેલનનું આયોજન થવા જઇ રહ્યું છે. Russian President પુતિન અને ઇરાનના President પહેલાથી જ ભારતમાં આવી ચૂક્યા છે ત્યારે આજે ચીનના રાષ્ટ્રપતિ શી જિનપિંગ પણ ભારત આવી પહોંચશે. વડાપ્રધાન મોદી BRICS દેશોના જુદા જુદા પ્રમુખ સાથે બેઠક કરીને અનેક મહત્ત્વના કરારો કરી દુનિયાને મોટો સંદેશ આપવા જઇ રહ્યા છે.વડાપ્રધાન મોદી વિવિધ નેતાઓ સાથે મહત્ત્વપૂર્ણ બેઠકો કરશે. સવારે 10 વાગ્યાથી શરૂ થતા કાર્યક્રમમાં ઇથિયોપિયા, મલેશિયા, વિયેતનામના નેતાઓ સાથે મુલાકાત થશે. બપોરે BRICS સભ્યોનું આગમન અને સાંજે મોદી-જિનપિંગની દ્વિપક્ષીય બેઠક યોજાશે.

ડલાસમાં યોજાયેલા રિપબ્લિકન મિડટર્મ સંમેલન દરમિયાન ડોનાલ્ડ ટ્રમ્પે વચન આપ્યું હતું કે જો મિડટર્મ ચૂંટણીમાં રિપબ્લિકન પક્ષ હાઉસ અને સેનેટ પર પોતાનું વર્ચસ્વ જાળવી રાખશે, તો તેઓ અમેરિકાના દરેક પુખ્ત નાગરિકને 5,000 ડોલર ચૂકવશે. આ લાંબા ભાષણ દરમિયાન રાષ્ટ્રપતિએ ડેમોક્રેટ્સની “કટ્ટરપંથી” તરીકે ટીકા કરી હતી અને ઈરાન સાથેના તેમના અલોકપ્રિય યુદ્ધનો બચાવ કર્યો હતો.

અમેરિકાના ફ્લોરિડામાં મિયામી ઈન્ટરનેશનલ એરપોર્ટ રનવે પરથી ઉતરીને એમેઝોનનું એક કાર્ગો વિમાન દુર્ઘટનાગ્રસ્ત થયું હતું. અત્યાર સુધીમાં 5 લોકોના મોતના અહેવાલ સામે આવ્યા છે.એમેઝોન પ્રાઈમનું વિમાન જ્યારે ઉડાન ભરીને લેન્ડ કરવા જઈ રહ્યું હતું ત્યારે જ કોઈ કારણોસર ફ્લાઇટ અનિયંત્રિત થયું અને લેન્ડ થયા બાદ રન-વેથી લપસી ગયું હતું. પછી અચાનક જ તે રન-વે પૂરું કરી સીધું વાહનોમાં ટકરાયું હતું જેના કારણે ઘણા વાહનો સાથે તેની ટક્કર થતાં ફ્લાઈટોનું સંચાલન ખોરવાયું હતું.

રવિવારે Dt.16/08/2026, યુક્રેન પર રશિયન હુમલાઓમાં ભારતીય અબજોપતિ લક્ષ્મી મિત્તલની માલિકીની Ukraine દેશના સૌથી મોટા સ્ટીલ ઉત્પાદક આર્સેલરમિત્તલ ક્રાયવી રીહ ખાતે એક Steel Plant પર હુમલો થયો હતો, જેમાં બે લોકો માર્યા ગયા હતા અને 10 થી વધુ કામદારો અને કોન્ટ્રાક્ટરો ઘાયલ થયા હતા, એમ કંપનીએ કિવ પોસ્ટને જણાવ્યું હતું. 16 ઓગસ્ટના રોજ ક્રાયવી રીહના મધ્ય શહેરમાં આર્સેલરમિત્તલ ક્રાયવી રીહ ખાણકામ અને ધાતુશાસ્ત્ર પ્લાન્ટ પર મિસાઇલ હુમલો થયો હતો.

વિશ્વપ્રસિદ્ધ ફૂટબોલર ક્રિસ્ટિયાનો રોનાલ્ડો અને તેમની ગર્લફ્રેન્ડ જ્યોર્જિના રોડ્રિગ્ઝે આખરે પોતાના સંબંધને નવું નામ આપ્યું છે. લાંબા સમયથી એકબીજા સાથે રહી રહેલા આ સુપરસ્ટાર કપલે પોર્ટુગલમાં એક અત્યંત ખાનગી પણ ભવ્ય સમારોહમાં લગ્ન કરી લીધા છે. સોશિયલ મીડિયા પર વેડિંગ રિંગ પહેરેલી એક તસવીર શેર કરીને આ જોડીએ પોતાના કરોડો ચાહકોને આ સરપ્રાઈઝ આપ્યું છે. 41 વર્ષીય રોનાલ્ડો અને 32 વર્ષીય જ્યોર્જિનાએ ઇન્સ્ટાગ્રામ પર પોતાના હાથમાં પહેરેલી લગ્નની વીંટીઓની ઝલક આપતા એક ખાસ કેપ્શન “C G” સાથે તસવીર પોસ્ટ કરી હતી.

દક્ષિણ અમેરિકાના દેશ Peru માંથી એક અત્યંત દુઃખદ સમાચાર સામે આવ્યા છે. 01/08/2026ના રોજ પ્રખ્યાત ‘નાઝકા લાઇન્સ’ (Nazca Lines) જોવા જઈ રહેલું એક પ્રવાસીઓથી ભરેલું વિમાન નાઝકા શહેર નજીક એક ખેતરમાં પ્લેન ક્રેશ થતાં જ તેમાં સવાર તમામ 13 લોકોના ઘટનાસ્થળે જ કરૂણ મોત નિપજ્યા છે. પ્લેનમાં 2 પાઇલટ (ક્રૂ મેમ્બર્સ) સહિત 7 ઇટાલિયન નાગરિક, 2 જર્મન નાગરિકો અને 2 સ્પેનિશ નાગરિકોનું મોત થયું છે. આ ફ્લાઇટ ખાનગી એરલાઇન ‘એરોડિયાના’ દ્વારા ઓપરેટ કરવામાં આવી રહી હતી.

ભારતમાં આગામી સપ્ટેમ્બર મહિનામાં બ્રિક્સ (BRICS) શિખર સંમેલનની યજમાની કરવાનું છે. આ બ્રિક્સ શિખર સંમેલનમાં ચીનના પ્રમુખ શી જિનપિંગ ભારત આવશે તેવા સંકેત મળી રહ્યાં છે. જોકે, આ સંમેલનમાં તેઓ હાજરી આપવા માટે આવશે એમ માનવામાં આવી રહ્યું છે. જો શી જિનપિંગ ભારત આવશે તો આખી દુનિયાની રાજરમત બદલાઇ શકે છે અને આર્થિક મહાસત્તા અમેરિકાના પેટમાં તેલ રેડાઈ શકે છે.

હોલિવૂડની ફિલ્મ ‘સ્પાઈડર મેન’ની દરેક સિરીઝ સુપરડુપર હિટ સાબિત થાય છે, ટેક્નોલોજી અને વીએફએક્સનો સંગમ આ ફિલ્મમાં જોવા મળે છે પણ આ સિરીઝને પસંદ કરનારો યુવાવર્ગ ખૂબ જ મોટો છે. હવે ભારતીય બોક્સ ઓફિસ પર ‘સ્પાઈડરમેનઃ બ્રાંડ ન્યૂ ડે’ની ધમાકેદાર શરૂઆત થઈ ચૂકી છે. હિન્દીમાં રિલીઝ થયેલી ફિલ્મના મોર્નિગ શૉમાં 100 ટકા યુવાનો આવ્યા હતા. હાઉસફૂલ શૉ રહ્યો હતો. પહેલા જ વીકમાં એડવાન્સ બુકિંગમાં ફિલ્મે 100 કરોડની કમાણી કરી લીધી હતી.

ચેન્નાઈ સુપર કિંગ્સ (CSK) ના ભૂતપૂર્વ મુખ્ય કોચ અને ન્યુઝીલેન્ડના મહાન ખેલાડી સ્ટીફન ફ્લેમિંગને ઇંગ્લેન્ડના પુરુષોના ટેસ્ટ મુખ્ય કોચ તરીકે નિયુક્ત કરવામાં આવ્યા છે, જેમાં ઇંગ્લેન્ડ અને વેલ્સ ક્રિકેટ બોર્ડ (ECB) એ વિશ્વ ક્રિકેટમાં સૌથી મોટા કોચિંગ પગલાઓમાંના એકની પુષ્ટિ કરી છે. 53 વર્ષીય ખેલાડી ન્યૂઝીલેન્ડના સાથી ખેલાડી બ્રેન્ડન મેક્કુલમનું સ્થાન લેશે, જેમણે જૂનમાં ન્યુઝીલેન્ડ સામે ઇંગ્લેન્ડની શ્રેણીની હાર બાદ ટેસ્ટ ભૂમિકા છોડી દીધી હતી, જોકે તે સફેદ બોલની ટીમોની દેખરેખ રાખવાનું ચાલુ રાખે છે.

રશિયન ઓઇલ અને ગેસ ખરીદનારા દેશો પર શિકંજો કસવા માટે અમેરિકન સેનેટમાં એક નવું બિલ ૮૬-૧૨ મતે આગળ વધારવામાં આવ્યું છે. આ ખરડામાં રશિયા પાસેથી વધુ ઊર્જા આયાત કરતા પાંચ મુખ્ય દેશો—ભારત, ચીન, સ્લોવાકિયા, હંગેરી અને અઝરબૈજાન—પર ૧૦૦ ટકા સુધી ટેરિફ લાદવાની જોગવાઈ છે. આ બિલ સંપૂર્ણ કાયદો બનવાની સ્થિતિમાં, અમેરિકી પ્રમુખને ભારત જેવા સહયોગી દેશ પર પણ આકરા આર્થિક પ્રતિબંધો લગાવવાની સત્તા મળી જશે, જેના લીધે ભારતની ચિંતાઓમાં વધારો થયો છે.

કતાર ફ્રી ઝોન્સ ઓથોરિટી (QFZ)એ કતાર ડાયમંડ એક્સચેન્જ (QDE)ને વિશ્વની સેવામાં સમર્પિત કર્યું છે. કતાર ડાયમંડ એક્ષચેન્જ હીરા અને (પ્રેસિયસ સ્ટોન્સ) કિંમતી પથ્થરોના વેપાર માટે એક નવું પ્લેટફોર્મ છે. આ નેટવર્ક કતારમાં આંતરરાષ્ટ્રીય હીરા ઉદ્યોગ માટે એક નવું કેન્દ્ર બનાવે છે. જેમાં સુરક્ષિત ટ્રેડિંગ ફ્લોર, ખાનગી વાટાઘાટો સ્યુટ અને સ્થળ પર સુરક્ષા અને દેખરેખનો સમાવેશ થાય છે, આ પ્રિમાઇસીસમાં કસ્ટમ્સ અને પ્રમાણપત્ર સુવિધાઓ પણ પૂરી પાડે છે. 2021 માં, કતાર કિમ્બર્લી પ્રોસેસ સર્ટિફિકેશન સ્કીમ (KPCS) નું સંપૂર્ણ સભ્ય બની ચૂક્યું છે.

વર્ષો સુધી, બિહારના ઝાંડુ કુમારના દિવસો બજારમાં શાકભાજી શાકભાજી વેચવાની પ્રવૃતિથી શરૂ થતા અને જીમમાં કસરત સાથે દિવસો સમાપ્ત થતા. કોવિડ-૧૯ મહામારી દરમિયાન ઝાંડુકુમારનું જીવન જ્યારે વધુ મુશ્કેલ બન્યું, ત્યારે તેણે શાકભાજી વેચાણની પ્રવૃતિ બંધ કરીને ઈ-રિક્ષા લઇને કમાવાનું જારી રાખ્યું. ઝાંડુ કુમારે પોતાનું વેઇટ લિફ્ટિંગનું કૌશલ્ય પણ જાળવી રાખ્યું. આખરે તા.24મી જુલાઇને શુક્રવારે ગ્લાસગો ગ્લાસગો કોમનવેલ્થ ગેમ્સમાં બ્રોન્ઝ મેડલ જીતીને સમગ્ર વિશ્વને પોતાની અપ્રતિમ પ્રતિભાથી વાકેફ કરાવ્યું. બિહારના પેરા પાવરલિફ્ટરે ૨૦૨૬ કોમનવેલ્થ ગેમ્સમાં પુરુષોની હેવીવેઇટ ઇવેન્ટમાં ભારત માટે બ્રોન્ઝ જીત્યો.

અમેરિકાની ટ્રમ્પ સરકારે પોતાની વેપાર નીતિમાં મોટો બદલાવ કરીને ભારત સહિત ૬૦ દેશો પર ૧૦% થી ૧૨.૫% સુધીની નવી આયાત જકાત (ઇમ્પોર્ટ ટેરિફ) લગાવવાની જાહેરાત કરી છે. બંધુઆ મજૂરી દ્વારા ઉત્પાદિત થતા માલસામાન પર યોગ્ય પ્રતિબંધ અને તેના કાયદાઓનો કડક અમલ ન કરવાને કારણે આ નિર્ણય લેવાયો છે. ભારતીય સમય પ્રમાણે શનિવારે સવારે ૯.૩૧ વાગ્યાથી અમલી બનનારા આ નવા નિયમ અંતર્ગત ભારત પર ૧૦% ટેરિફ લાગશે, જેનો દુનિયાભરના દેશો દ્વારા વિરોધ કરવામાં આવી રહ્યો છે.

હાલમાં જ અંતરિક્ષમાંથી લેવાયેલી સેટેલાઇટ ઇમેજમાં પૃથ્વી પર એક એવો દ્રશ્ય કેપ્ચર થયો છે, જેણે આખા એશિયા ખંડના હવામાનશાસ્ત્રીઓને આશ્ચર્યચકિત કરી દીધા છે. ઉત્તર ભારતથી શરૂ કરીને હિમાલય, ચીન અને સીધા સાઉથ કોરિયા સુધી ફેલાયેલી 7,000 થી 10,000 કિલોમીટર લાંબી વાદળોની વિશાળ પટ્ટી જોવા મળી છે.આ ‘મોનસૂન કન્વર્જન્સ ઝોન’ને કારણે ભારતમાં બમ્પર વરસાદની ચેતવણી અપાઈ છે. છેલ્લા 2 દિવસમાં સરેરાશ કરતાં 170% થી 180% વધુ વરસાદ નોંધાયો છે.

કોમનવેલ્થ ગેમ્સ 2026 સ્કોટલેન્ડના ગ્લાસ્ગોમાં 23 જુલાઈથી 2 ઓગસ્ટ દરમિયાન રમાશે. આ ગેમ્સમાં ભારત 126 એથ્લીટ્સ (78 પુરુષ અને 48 મહિલા) ભાગ લેશે. જેમાં ઓલિમ્પિક મેડલ વિજેતા નીરજ ચોપરા, મીરાબાઈ ચાનુ અને બોક્સર લવલિના બોરગોહેન જેવા સ્ટાર ખેલાડી છે. વેઇટલિફ્ટર મીરાબાઈ ચાનુ ઉદ્ઘાટન સમારોહમાં દેશની ધ્વજ વાહક છે. રમત મંત્રાલયે આ ગેમ્સ માટે 191 સભ્યોની ભારતીય દળની મંજૂરી આપી દીધી છે, જેમાં 126 એથ્લીટ્સ (78 પુરુષ અને 48 મહિલા) અને 51 ટીમ ઓફિસિઅલ્સનો સમાવેશ થાય છે. ખર્ચ ઘટાડવા માટે ગેમ્સને માત્ર 10 ઇવેન્ટ્સ સુધી મર્યાદિત કરવામાં આવી છે. જેમાં 3×3 બાસ્કેટબોલ અને 3×3 વ્હીલચેર બાસ્કેટબોલ, આર્ટિસ્ટિક જિમ્નાસ્ટિક્સ, એથ્લેટિક્સ અને પેરા એથ્લેટિક્સ (ટ્રેક અને ફિલ્ડ), બોલ્સ અને પેરા બોલ્સ, બોક્સિંગ, સાયકલિંગ ટ્રેક અને પેરા સાયકલિંગ ટ્રેક, જુડો, નેટબોલ, સ્વિમિંગ અને પેરા સ્વિમિંગ અને વેઇટ લિફ્ટિંગ અને પેરા પાવરલિફ્ટિંગનો સમાવેશ.

વર્ષો પહેલા નિવૃત્તિની જાહેરાત કર્યા પછી એમેઝોનના સ્થાપક જેફ બેઝોસ કામ પર પરત ફર્યા છે, તેમણે કહ્યું કે, હું ફક્ત બેસી શકતો ન હતો …નિવૃતિના 7 મહિના પછી બેઝોસે જાહેર કર્યું કે તેઓ તેમના નવા AU સ્ટાર્ટઅપ પ્રોમિથિયસને લોન્ચ કરવા માટે ઓપરેશનલ ભૂમિકામાં પાછા ફરશે. 62 વર્ષીય અબજોપતિએ કહ્યું કે ફરીથી સહ-CEO બનવું એ “ટાઇપ 2 મજા” છે – એક પ્રકારનો પડકાર જે પર્વત પર ચઢ્યા પછી જ ફળદાયી લાગે છે. પ્રોમિથિયસ બેઝોસનું મુખ્ય ધ્યાન બની ગયું છે. આ સ્ટાર્ટઅપ, જે ભૌતિક કાર્યો માટે AI મોડેલ્સ બનાવે છે, જેમાં એન્જિનિયરોને ડિઝાઇન અને ઉત્પાદનમાં વધુ ઝડપથી મદદ કરવા માટેના સાધનોનો સમાવેશ થાય છે