Alert Archives - Page 492 of 521

August 16, 2018

કૉસ્મૉસ બૅન્કમાં થયેલી ૯૪.૪૨ કરોડ રૂપિયાની તફડંચી માટે બૅન્કની ઇન્ફર્મેશન ટેક્નૉલૉજીની ખામી જવાબદાર હોવાનું નૅશનલ પેમેન્ટ્સ કાઉન્સિલ ઑફ ઇન્ડિયા (NPCI)એ કહ્યું છે.

cosmos bank

કાઉન્સિલના રિસ્ક મૅનેજમેન્ટ વિભાગના વડા ભરત પંચાલે કહ્યું હતું કે ‘કાઉન્સિલની સિસ્ટમ સંપૂર્ણપણે સલામત છે. સાઇબર-હુમલાની આ ઘટના બૅન્કની પોતાની ઇન્ફર્મેશન ટેક્નૉલૉજી સિસ્ટમમાં આવેલા માલવેરને લીધે થઈ છે. હુમલા મારફત મોટા ભાગના વ્યવહારો ભારતની બહાર થયા છે. કાઉન્સિલની સિસ્ટમ એકદમ સલામત છે. કૉસ્મૉસ બૅન્કની ઘટનાને પગલે સર્જા‍યેલી સમગ્ર પરિસ્થિતિ પર કાઉન્સિલ દેખરેખ રાખી રહી છે.’

August 16, 2018

જવલ્લે જ બનતી અત્યંત કરુણ ઘટનામાં મુંબઇના એક ગુજરાતી યુવાનનું હેલિકોપ્ટરના પાછળના ભાગે આવતા ટેઇલ રૉટરમાં કપાઇ જવાથી મૃત્યું થયું હતું. 42 વર્ષિય કાર્તિક મહેતા કૈલાશ માનસરોવરની યાત્રાના ભાગરૂપે હેલિકોપ્ટરથી નેપાળના હિલ્સા પહોંચ્યા હતા. જ્યાં હેલિકોપ્ટરમાંથી ઉતાર્યા બાદ તેઓ હેલિકોપ્ટરના પાછળના ભાગે અજાણતામાં પહોંચી ગયા હતા જ્યાં આ ઘટના બની હતી.

ભારતીય એમ્બેસીના એક અધિકારીએ જણાવ્યા પ્રમાણે મૃત્યુ પામેલા નાગરિક ૪૨ વર્ષના નાગેન્દ્ર કાર્તિક મહેતા છે અને તેઓ મુંબઈના રહેવાસી છે. તેઓ હેલિકૉપ્ટરમાંથી ઊતર્યા પછી અજાણતાં ચૉપરના પાછળના ભાગ તરફ જતા રહ્યા હતા ત્યારે તેમને ઝડપથી ફરતું ટેઇલ-રૉટર વાગ્યું હતું અને તેઓ ઘટનાસ્થળે જ મૃત્યુ પામ્યા હતા.

આ એક દુખદ ઘટના છે એમ જણાવતાં આ અધિકારીએ કહ્યું હતું કે ભારતીય દૂતાવાસ ટૂર-ઑપરેટરો સાથે સમન્વય કરી રહ્યું છે તેમ જ શક્ય એટલી મદદ કરી રહ્યું છે.

મનાંગ ઍર કંપનીના હેલિકૉપ્ટરમાં છ ભારતીય પ્રવાસીઓ હતા અને તેઓ બપોરે ૩.૧૮ વાગ્યે હિલ્સામાં પહોંચ્યા હતા. હેલિકૉપ્ટરમાંથી ઊતરતી વખતે અચાનક પાછળનો પંખો વાગવાથી નાગેન્દ્ર મહેતાનું ઘટનાસ્થળે જ મૃત્યુ થયું હતું. ડેડ-બૉડી પોસ્ટમૉર્ટમ માટે સિમિકોટ લઈ જવામાં આવી હતી. નેપાલના સિમિકોટ અને હિલ્સા દુનિયાના ઍર-રૂટથી જ જોડાયેલા છે.

આ બનાવ વિશે ઇન્સ્પેક્ટરે જણાવ્યું હતું કે ‘નાગેન્દ્ર મહેતા ઘણા ઊંચા હતા. તેમણે ઊતરતી વખતે કદાચ સાવચેતી નહીં રાખી હોય જેને કારણે આ અકસ્માત બન્યો હોઈ શકે.’

August 16, 2018

બાર કાઉન્સિલ ઓફ ગુજરાતનના ચેરમેન સહિત હોદ્દેદારોની ચૂંટણી આગામી તા 25મી ઑગસ્ટના રોજ યોજાશે.આ ચૂંટણીમાં વિજ્યી બનવા માટે તાજેતરમાં ભાજપ પ્રેરિત સમરસ પેનલની ગુપ્ત મિટિંગ મળી હતી.જેમાં 25મી ઑગસ્ટના રોજ યોજાનારા ચેરમેન,વાઇસ ચેરમેન સહિતના હોદ્દા માટેની તમામ સત્તાઓ પૂર્વે ચેરમેન અને ભાજપના ક્ધવીનર જે.જે.પટેલને સોંપવામાં આવી હતી.

બાર કાઉન્સિલ ઓફ ગુજરાતના ચેરમેન સહિત હોદ્દેદારોની તા.25મી ઑગસ્ટના રોજ યોજાનારી ચૂંટણી ભારે રસાકસી ભરી બને એવી શક્યતા છે. ભાજપ પ્રેરિત સમરથ પેનલના સભ્યો તા.23મી ઑગસ્ટથી ગુજરાત બહાર જઈને વ્યૂહરચના ઘડનાર હોવાનું જાણવા મળે છે. ઉપરાંત બાર કાઉન્સિલ ઓફ ઈન્ડિયામાં સભ્યને 9મી સપ્ટેમ્બરના રોજ ચૂંટવા ચેરમેન સહતિની ચૂંટણી બાદ નક્કી કરવામાં આવશે.

છેલ્લા 20 વર્ષથી ભાજપ પ્રેરિત સમરસ પેનેલ ચૂંટાતી હોવાથી આ વખતે પણ ચૂંટાયેલા સભ્યોની ખાનગીમાં મિટિંગ રાખવામાં આવી હતી.જેમાં ચૂંટાયેલા 25 પૈકીના 20 સભ્યો હાજર રહ્યા હતા. બાર કાઉન્સિલ ઓફ ઈન્ડિયામાં સિનિયર સભ્ય અનિલ સી. કેલ્લા અથવા વિજય પટેલને મોકલી આપવા માટે તખતો ગોઠવવામાં આવી રહ્યો છે. બાર કાઉન્સિલ ઓફ ગુજરાતની ચૂંટણી ગત તા.28મી માર્ચના રોજ યોજાઈ હતી. જે બાદ તેની મતગણતરી 13મી એપ્રિલના રોજ પૂર્ણ થઈ હતી. જો કે, આ પરિણામોને 10 જેટલા ઉમેદવારોએ ટ્રિબ્યુનલ સમક્ષ પડકાર્યું હતું. જેમાં એવી રજૂઆત કરી હતી કે, આ ચૂંટણીમાં ભારે ગેરરીતિ થઈ હોવાથી પરિણામ રદ કરવા જોઈએ.

August 16, 2018

આયુષ શર્મા લવરાત્રી ફિલ્મનું પ્રમોશન કરવા વડોદરામાં આવ્યો હતો. બોલીવૂડ સ્ટાર સલમાન ખાનના બનેવી આયુષ શર્માની પહેલી ફિલ્મ લવરાત્રી ખૂબ જ જલદી રિલીઝ થવાની છે. ફિલ્મ રિલીઝ પહેલાં લવરાત્રીના બંને લીડ એક્ટર આયુષ અને વરીના હુસેન વડોદરા શહેરમાં પહેલી વાર પ્રમોશન માટે પહોંચ્યાં, પરંતુ આ પ્રમોશન તેમના પર ત્યારે ભારે પડ્યું જ્યારે તા.13મી ઓગસ્ટ 2018ની રાત્રે પોલીસ તેમની હોટલ સુધી પહોંચી ગઇ હતી.

આયુષ શર્મા અને કો-સ્ટાર વરીના હુસેન ફિલ્મના પ્રમોશન માટે વડોદરા આવ્યાં હતાં અને હેલ્મેટ પહેર્યા વગર સ્કૂટી ચલાવી રહ્યાં હતાં. આયુષ અને વરીનાએ લગભગ પાંચ વાગ્યે હરણી ઍરપોર્ટથી લઇને સુરસાગર લેકની વચ્ચે હેલ્મેટ વગર સ્કૂટી ચલાવ્યું. આ બંને સ્ટારે તેમના ચાહકો સાથે વાતો પણ કરી. હેલ્મેટ પહેર્યા વગર સ્કૂટી ચલાવીને આ બંનેએ ટ્રાફિકનો નિયમ તોડ્યો અને આ બંનેની હેલ્મેટ વગરની તસવીર સોશિયલ મીડિયા પર વાઇરલ થઇ ગઇ. આયુષ અને વરીનાની તસવીર વાઇરલ થતાં જ પોલીસ પણ એકશનમાં આવી અને સોમવારે રાત્રે એ હોટલમાં પહોંચી ગઇ, જ્યાં આયુષ શર્મા અને વરીના રોકાયાં હતાં. ત્યારબાદ પોલીસે તેમનું ચલણ ફાડ્યું અને બંને સ્ટારને 100-100 રૂપિયાનો દંડ ફટકાર્યો.

August 16, 2018

નરેન્દ્ર મોદી 23મી તારીખના તેમના તમામ કાર્યક્રમો પૂરા થયા બાદ સાંજે ગાંધીનગર ખાતે ભાજપના નેતાઓ સાથે ચર્ચા કરશે. આ માટે ખાસ ડિનરનું આયોજન કરવામાં આવ્યું છે. એક દિવસના પ્રવાસ દરમિયાન વડા પ્રધાન વલસાડ, જૂનાગઢ અને ગાંધીનગરમાં યોજાનાર વિવિધ કાર્યક્રમોમાં હાજરી આપશે. આ દરમિયાન તેઓ ભાજપના નેતાઓ સાથે ટૂંકી ચર્ચા પણ કરશે.

બેઠક દરમિયાન આગામી ચૂંટણીથી લઈને અનેક મુદ્દે ચર્ચા થવાની સંભાવના છે. વડા પ્રધાન નરેન્દ્ર મોદી તા. 23મી ઑગસ્ટે વલસાડ અને જૂનાગઢનો કાર્યક્રમ પૂરો થયા બાદ સાંજે ગાંધીનગર ખાતે ભાજપના નેતાઓ સાથે ચર્ચા કરશે. આ માટે ખાસ ડિનરનું આયોજન કરવામાં આવ્યું છે. ડિનર દરમિયાન વડા પ્રધાન લોકસભાની તૈયારીઓ, ગુજરાતની વર્તમાન રાજકીય પરિસ્થિતિ બાબતે ચર્ચા કરશે. તા.23મી ઑગસ્ટના નરેન્દ્ર મોદી સવારે 9.30 વાગ્યે સુરત ઍરપોર્ટ આવી પહોંચશે અહીં તેમનું સ્વાગત કરવામાં આવશે. સુરત ઍરપોર્ટ પરથી તેઓ સીધા હેલિકૉપ્ટર દ્વારા વલસાડ જવા રવાના થશે. અહીં યોજાયેલા કાર્યક્રમમાં બપોરના 12 વાગ્યા સુધી હાજરી આપશે. વલસાડમાં કાર્યક્રમ પૂરો કરીને તેઓ હેલિકૉપ્ટર મારફતે જ જૂનાગઢ જવા રવાના થશે. જૂનાગઢ ખાતે હૉસ્પિટલના ઉદ્ઘાટન કાર્યક્રમને પૂરો કરીને વડા પ્રધાન ગાંધીનગર જવા રવાના થશે. બપોરે 3 વાગ્યા બાદ તેઓ ગાંધીનગર એફએસએલના કાર્યક્રમમાં હાજરી આપશે.

August 15, 2018

ઓસ્ટ્રિયાની રાજધાની વિયેનાએ સૌથી વધુ ઉત્તમ રહેવાલાયક સ્થળ તરીકેનું બહુમાન પ્રાપ્ત કરી લીધું છે. વિયેનાએ આ મામલે ઓસ્ટ્રેલિયાના શહેર મેલબોર્નને પાછળ રાખી દીધું છે. આ જાણકારી ઈકોનોમિસ્ટ ઈન્ટેલિજન્સ યુનિટ રેકિંગ્સના સરવેમાં સામે આવી છે.

મેલબોર્ન અને ત્યાંના રહેવાસીઓ માટે આ આંચકાસમાન છે કેમકે છેલ્લા સાત વર્ષોથી આ રેંકિંગમાં મેલબોર્ન ટોચના સ્થાને રહેતું આવ્યું છે. જો કે, આ વખતે પણ મેલબોર્ને આ મામલે જોરદાર ટક્કર આપી હતી. ૧૪૦ શહેરો વચ્ચે થયેલા આ મુકાબલામાં વિયેનાને ૯૯.૧ અને મેલબોર્નને ૯૮.૪ પોઈન્ટ મળ્યા હતા.

વિયેનાના ઓછા ક્રાઈમ રેટના કારણે તેને આ સ્થાન પ્રાપ્ત કરવામાં મદદ મળી હતી કેમકે આ સરવેમાં સૌથી વધુ લક્ષ ક્રાઈમ રેટના આંકડાઓ પર આપવામાં આવે છે. જ્યારે આ બંને શહેરોએ હેલ્થકેર, એજ્યુકેશન અને ઈન્ફ્રાસ્ટ્રક્ચરમાં ટોચનું સ્થાન મેળવ્યું છે. બંનેની સ્થિતિ ગત વર્ષના મુકાબલે ઉત્તમ થઈ છે પણ વિયેનાએ તેમાં થોડો વધુ સુધારો કર્યો છે.

વિયેના, મેલબોર્ન ઉપરાંત ટોપ-૫માં જાપાનના શહેર ઓસાકા, કેનેડાના કેલગરી અને ઓસ્ટ્રેલિયાના સિડનીને સ્થાન મળ્યું છે. યાદીમાં લંડન ૪૮મા ક્રમે રહ્યું છે પરંતુ નવી દિલ્હી ટોપ-૫૦માં પણ સામેલ થઈ શક્યું નથી. જ્યારે ફ્રાન્સનું પેરિસ ૧૯મા સ્થાને તથા અમેરિકાનું ન્યૂયોર્ક ૫૭મા ક્રમે છે.

વિયેનાની વસતી ૨૧ લાખ જેટલી છે. આ શહેરમાં હરિયાળી ઉપરાંત શાનદાર તળાવો અને બીચ આવેલા છે. ત્યાં જાહેર પરિવહન પણ ખૂબ સસ્તું છે.

આ યાદીના જણાવ્યા પ્રમાણે, રહેવા માટે સૌથી અશાંત જગ્યાની વાત કરીએ તો તે દમાસ્ક છે. તેના પછી બાંગ્લાદેશનું ઢાકા અને નાઈજિરિયાનું લાગોસ છે. આ સરવેમાં ખતરનાક શહેરોમાં બગદાદ અને કાબુલ જેવા શહેરોને સામેલ કરાયા નથી.

ઉલ્લેખનીય છે કે છેલ્લા બે વર્ષથી યુરોપે અનેક આતંકવાદી હુમલા જોયા છે. મેલબોર્ન અને વિયેના બંનેને ઈન્ફ્રાસ્ટ્રક્ચરની કેટેગરીમાં એક સમાન રેટિંગ મળ્યા છે. જો કે વિયેનાને સંસ્કૃતિના મામલે સૌથી વધુ નંબર મળ્યા છે. આ યાદીમાં ઓસાકા, કલગેરી અને સિડની જેવા શહેરોને ટોપ-૫માં સ્થાન મળ્યું છે. જ્યારે લંડન આ યાદીમાં ૪૮મા ક્રમે રહ્યું છે.

વિયેના પ્રવાસીઓ માટે મનપસંદ સ્થળ છે. તે હરિયાળી, સુંદર તળાવો, લોકપ્રિય સમુદ્રી તટ અને વાઈનયાર્ડ માટે પ્રખ્યાત છે. જ્યાં પબ્લિક ટ્રાન્સપોર્ટ પણ સસ્તું છે. યુરોપમાં તે સૌથી સુરક્ષિત શહેરોમાંનું એક માનવામાં આવે છે.

August 15, 2018

એમ કરૂણાનિધિના અવસાનને કારણે ડીએમકેના સુકાનની વારસાઇ માટે તેમના પુત્રો વચ્ચેની લડાઇમાં સ્ટાલિન મેદાન મારી ગયા છે. પક્ષના મોટાભાગના હોદેદારોએ તેમને સમર્થન આપ્યું છે અને કહ્યું છે કે તેઓ ટૂંકમાં જ પક્ષની આગેવાની સંભાળશે.

કરૂણાનિધિના લાંબાસમયના સહયોગી અને પક્ષના પ્રિન્સીપાલ સેક્રેટરી દુરાઇમુરુગને જણાવ્યું હતું કે સ્ટાલિન પાસે પાર્ટીનું સુકાન સંભાળવાના તમામ કૌશલ્ય છે. સ્ટાલિનને થલાપતિ (કમાંડર) તરીકે સંબોધતાં સીનિયર લીડરે કહ્યું હતું કે ‘ડીયર થલાપતિ તમે ટૂંકમાં જ ડીએમકે પ્રમુખ બનવા જઇ રહ્યા છો, અમે તમારા આદેશોનું પાલન કરવા સજ્જ છીએ. અમારી આગેવાની લો.’

ઉલ્લેખનીય છે કે ટૂંકમાં ડીએમકેમાંથી હકાલપટ્ટી કરી દેવાયેલા કરૂણાનિધિના પુત્ર એમ કે અલાગિરીને દાવો ક્યો હતો કે તેમના પિતાના સાચા સમર્થકો તેમની સાથે છે. તેમના આ નિવેદન બાદ પક્ષમાં વારસાનો મુદો ઊભો થયો હતો.

August 15, 2018

કેરળમાં વરસાદ કહેર વરસાવી રહ્યો છે. કોચી એરપોર્ટ પર 18 ઓગસ્ટ બપોરે બે વાગ્યા સુધી બધી જ ફલાઇટોને રદ કરવામાં આવી હતી. હવામાને વિભાગે વાયનાડ, કોઝિકોડ, કન્નુર, કાસરગોઝ, મલપ્પુરમ, પલક્કઝ, ઈડુક્કી અને એર્નાકુલમમાં ગુરુવાર સુધી રેડ એલર્ટ જાહેર કર્યો છે.

કોચી એરપોર્ટ પર આજે પણ ભાર વરસાદે કારણે ફલાઇટોને રદ કરવાનો નિર્ણય લેવામાં આવ્યો છે. પહેલા બુધવાર બપોર સુધીની ફલાઇટોને રદ કરવામાં આવી હતી પરંતુ પરિસ્થિતીમાં સુધાર ન જણાતા 18 ઓગસ્ટ સુધીની ફલાઇટોને રદ કરવામાં આવી છે.

એરપોર્ટનાં અધિકારીએ જણાવ્યું કે, એરપોર્ટની અંદર અને આજુબાજુનાં વિસ્તારોમાં પાણી ભરાયા હોવાનાં કારણે એરપોર્ટને બંધ રાખવાનો નિર્ણય લેવામાં આવ્યો છે. તેમણે જણાવ્યું કે, વરસાદને કારણે બુધવાર સવારનાં વાગ્યાથી 18 ઓગસ્ય 2 વાગ્યા સુધી એરપોર્ટની ફલાઇટો રદ કરવામાં આવી છે.

August 15, 2018

પુણેમાં કોસમોસ બેન્કનું સર્વર હૅક કરી હેકર્સે માત્ર બે દિવસમાં રૂ. 94.42 કરોડની ઉચાપત કરતાં બેન્ક સત્તાવાળામાં ખળભળાટ મચી ગયો હતો. હેકર્સે બેન્કના હજારો ડેબિટ કાર્ડની માહિતી ચોરીને ગુનો આચર્યો હોઇ ભારતની બહાર 12,000 ટ્રાન્ઝેક્શન કરીને રૂપિયાની ઉચાપત કરવામાં આવી હતી. પુણેના ચતુર્શ્રૃંગી પોલીસ સ્ટેશનમાં આ પ્રકરણે નોંધાયેલી ફરિયાદને આધારે પોલીસે અજાણી વ્યક્તિ તથા હોંગકોંગની એએલએમ ટ્રેડિંગ લિમિટેડ સામે ગુનો દાખલ કરી તપાસ આદરી હોવાનું જાણવા મળ્યું હતું.

પોલીસના જણાવ્યા અનુસાર 11 ઓગસ્ટે બપોરે ત્રણ વાગ્યાથી 13 ઓગસ્ટ સવારે 11.30 વાગ્યા દરમિયાન આ ઉચાપત કરવામાં આવી હતી. પુણે સ્થિત ગણેશખિંડ રોડ પર કોસમોસ ટાવર ખાતે કોસમોસ બેન્કની મુખ્ય બ્રાન્ચ આવેલી હોઇ 11 ઓગસ્ટે બપોરે ત્રણથી રાતે 10 વાગ્યા દરમિયાન બેન્કનું સર્વર હૅક કરવામાં આવ્યું હતું.

અજાણી વ્યક્તિએ માલવૅઅર ઍટેક કરીને બેન્કના કેટલાક વિઝા તેમ જ રૂપે ડેબિટ કાર્ડધારકોની માહિતી ચોરીને કાડર્સ ક્લોન કર્યા હતા. તેના દ્વારા ભારતની બહાર અંદાજે 12,000 ટ્રાન્ઝેકશન કરીને રૂ. 78 કરોડ ટ્રાન્સફર કરવામાં આવ્યા હતા, જ્યારે ભારતમાં 2,849 ટ્રાન્ઝેકશન કરીને રૂ. 2.50 કરોડ ટ્રાન્સફર કરવામાં આવ્યા હતા. આમ કુલ 14,849 ટ્રાન્ઝેકશન કરવામાં આવ્યા હતા. વિઝા તેમ જ એનપીસીઆઇ (નેશનલ પેમેન્ટ કોર્પોરેશન ઓફ ઇન્ડિયા) દ્વારા પાઠવાયેલી ટ્રાન્ઝેકશન રિકવેસ્ટસ બેન્ક તરફથી તેમને અપ્રૂવ કરવામાં આવી હોવાનું બતાવી અજાણી વ્યક્તિએ તેના દ્વારા આ રકમ કાઢી લીધી હતી.

બીજી તરફ 13 ઓગસ્ટે સવારે 11.30 વાગ્યાને સુમારે અજાણી વ્યક્તિએ સ્વિફ્ટ ટ્રાન્ઝેકશન ઇનિશિયેટ કરીને હોંગકોંગની હેનસેંગ બેન્કના એ.એલ.એમ. ટ્રેડિંગ લિમિટેડના બેન્ક એકાઉન્ટમાં રૂ. 13.92 કરોડ ડિપોઝિટ કરાવ્યા બાદ કાઢી લીધા હતા. 11 ઓગસ્ટથી 13 ઓગસ્ટ દરમિયાન કેનેડા, હોંગકોંગ તેમ જ ભારતના 25 જેટલા એટીએમ ખાતે આ ટ્રાન્ઝેકશન કરવામાં આવ્યા હતા, એમ ફરિયાદમાં જણાવવામાં આવ્યું હતું.

હેકર્સ દ્વારા બેન્કની કૉર બેન્કિંગ સિસ્ટમ (સીબીએસ) હૅક કરાઇ નહોતી, પણ સ્વીચ સિસ્ટમ પર માલવેઅર એટેક થયો હતો. વિઝા-રૂપે ડેબિટ કાર્ડના પેમેન્ટ ગેટ-અવે માટે ઓપરેટિવ સિસ્ટમ છે સ્વીચ. બેન્કના એકેય કસ્ટમરના એકાઉન્ટને હાથ લગાવાયો નહોતો, પણ જે નુકસાન થયું એ બેન્કને થયું હતું. સુરક્ષાની દૃષ્ટિએ બેન્ક દ્વારા તેના સર્વર તેમ જ નેટબેંકિંગ સુવિધા બંધ કરવામાં આવ્યા હતા, એમ અધિકારીએ કહ્યું હતું.

August 15, 2018

સુરતઃ ડીપીએસએસએમયુએન એક અકલ્પનીય વારસો છે કે જે તેના 10માં સફળ વર્ષમાં આગળ વધી રહ્યો છે. આ ખુબ પ્રખ્યાત કાર્યક્રમ 10 અને 11 ઓગષ્ટ,2018ના રોજ દિલ્હી પબ્લિક સ્કૂલ ખાતે આયોજીત કરવામાં આવ્યો હતો. આ ભવ્ય સમારોહનું ઉદ્ઘાટન ડીપીએસ-એસએમયુએનના પૂર્વ સેક્રેટરિયેટ સભ્યોની ઉપસ્થિતિમાં કરવામાં આવ્યું હતું.આ કોન્ફરન્સને ડીપીએસ-એસએમયુએન 2018ના સેક્રેટરી જનરલ શિવી ખન્ના દ્વારા ખુલ્લી મુકવામાં આવી હતી.

એક્ઝેક્યુટિવ બોર્ડનો પરિચય અને ગૌરવવંતી ફ્લેગ માર્ચના માધ્યમથી રાષ્ટ્રીય ધ્વજ તથા દેશના ઇતિહાસના દર્શન કાર્યક્રમની મુખ્ય વિશેષતાઓ હતી. 11મી ઓગસ્ટે વૈશ્વિક સ્તર પર પ્રાસંગિક મુદ્દાઓ પર ચર્ચા કરનારા પ્રતિનિધિયો સાથે સમ્મેલનની શરૂઆત થઇ હતી.ચર્ચા અને કૂટનીતિના માધ્યમથી તેઓએ આજે વિશ્વ જેનો સામનો કરી રહ્યું છે તેવા કેટલાંક પડકારોનું સમાધાન મેળવ્યું. તમામ મ્યુનર્સના પ્રયત્નો અને તે જે સૌથી વધુ સક્ષમ હતા તેને વિદાય સમારંભ દરમિયાન સ્વીકારવામાં આવ્યા. ડીપીએસએસએમયુએનના પૂર્વ સેક્રેટરિયેટ સભ્યોએ વિવિધ કેટેગરીમાં વિજેતાઓને ટ્રોફી અને પ્રમાણપત્રો આપ્યા હતા.

ડેપ્યુટી સેક્રેટરી જનરલ 2018 વેદાંશ અગ્રવાલે કાર્યક્રમ દરમિયાન શીખેલા મૂલ્યોને ચોક્કસ પણે જીવનમાં ઉપયોગ કરવામાં આવશે અને દુનિયાને રહેલા માટેનું શ્રેષ્ઠ સ્થાન બનાવવામાં ઉપયોગ કરવામાં આવશે તેવી આશા અને સંદેશ સાથે કોન્ફરંશની પુર્ણાહુતિ કરી હતી.

-x-x-x-x-

Newer Posts

Older Posts

Alert Archives - Page 492 of 521 - CIA Live

કૉસ્મૉસ બૅન્કની ઘટના માટે એની પોતાની ઇન્ફર્મેશન ટેક્નૉલૉજીની ખામી જવાબદાર : NPCI

નેપાલમાં હેલિકૉપ્ટરના પંખાની ઝપટે ચઢી ગયેલા ગુજરાતી યાત્રાળુનું મોત

બાર કાઉન્સિલ ગુજરાતના ચેરમેન સહિત હોદ્દેદારોની તા.25મીએ ચૂંટણી યોજાશે

વડોદરા ટ્રાફિક પોલીસ સલમાનખાનના બનેવી આયુષ ખુરાનાને દંડ ફટકાર્યો

નરેન્દ્ર મોદી તા. 23મી ઑગસ્ટે ગુજરાતની મુલાકાતે આવશે

વિશ્વમાં વિયેના સૌથી ઉત્તમ રહેવાલાયક શહેર, સૌથી ખરાબ શહેર દમાસ્ક અને ઢાકા

DMK પક્ષનો વારસો કરુણાનિધીના પુત્ર સ્ટાલિન સંભાળશે

કોચી એરપોર્ટ પર 18 ઓગસ્ટ સુધી બંધ, બધી જ ફલાઇટો રદ

Cyber Crime, પુણેની બૅન્કમાં ₹ 94 કરોડની ડિજિટલ લૂંટ

DPS Surat ખાતે DPS-SMUN 2018-લીપ ટૂ લીડનું આયોજન કરવામાં આવ્યું

દુબઈ-તેલ અવીવ Fly Dubai ફ્લાઈટ હાઇજેક કરવાનો પ્લાન ભારતીય પાયલોટે નિષ્ફળ બનાવ્યો

સુરતના વણાટ ઉદ્યોગના બંધની દિલ્હીમાં નોંધ, ટેક્સટાઇલ મંત્રાલયે મંગાવ્યા યાર્ન ભાવવધારાના ઇનપુટ્સ

CJP કોકરોચ ફરી Active, મુખ્ય ચૂંટણી કમિશનર જ્ઞાનેશ કુમાર રાજીનામું નહીં આપે તો જંતરમંતર 2.0