Alert Archives - Page 461 of 519

October 15, 2018

ડીઝલની બચત કરવા માટે ઇન્ડિયન રેલવે દ્વારા ૨૦૦૮થી બોઇસર અને દિવા વચ્ચે શરૂ કરેલી બોઇસર-દિવા DEMU (ડીઝલ ઇલેક્ટ્રિÿક મલ્ટિપલ યુનિટ) ૭૧૦૦૧ શટલ લોકલ ટ્રેનને સ્થાને તા.15મી ઓક્ટોબર 2018થી MEMU (મેન ઇલેક્ટ્રિક મલ્ટિપલ યુનિટ) ૬૧૦૦૧ શરૂ કરવામાં આવી છે.

(બોઇસર-દિવા વચ્ચે ચાલી રહેલી ડિઝલથી ચાલતી ટ્રેન)

દસ વર્ષ પહેલાં ૧૨ કોચની DEMU બોઇસર-દિવા સર્વિસ શરૂ થઈ હતી. આ સર્વિસમાં ડીઝલનો ઉપયોગ થતો હતો અને એને મુંબઈના સંસદસભ્ય રામ નાઈક દ્વારા શરૂ કરવામાં આવી હતી. પહેલાં DEMU સર્વિસ વિરાર અને દહાણુ વચ્ચે દોડતી હતી અને હવે મોટા ભાગની લોકલ ટ્રેનોને MEMU બદલવામાં આવી છે. જોકે બોઇસર-દિવા લોકલ DEMUમાં જ દોડી રહી હતી. એથી સેન્ટ્રલ રેલવેએ DEMUને ૧૨ કોચની MEMU લોકલ કરવાનો નિર્ણય લીધો હોવાથી આજથી આ રૂટ પર દોડતી આ ગાડી દેખાશે નહીં. જોકે રેલવેએ લીધેલા આ નિર્ણયથી પ્રવાસીઓને વધુ સારી સુવિધા, ઓછા એન્જિન ફેલ્યરના ચાન્સ, વધુ કમ્ફર્ટેબલ, વધુ સ્પેસ જેવી અનેક સુવિધાઓ પણ મળી રહેશે. ઇલેક્ટ્રિÿક એન્જિનથી ફ્યુઅલની બચત થવાની સાથે પર્યાવરણને પણ નુકસાન નહીં થશે. જોકે આટલાં વર્ષો રેલવે-પ્રવાસીઓને સર્વિસ આપી હોવાથી ગઈ કાલે બધા રેલવે- પ્રવાસીઓએ લાલ પરીના મોટરમૅનને બુકે આપીને અને ગાડીને ફૂલોથી શણગારીને અંતિમ વિદાય આપી હતી.’

October 15, 2018

રાજ્યમાં એક તરફ નવરાત્રિ પૂરજોશમાં ચાલી રહી છે ત્યારે બીજી તરફ સ્વાઇન ફ્લૂના રોગચાળાએ પોતાનો કેર યથાવત્ રાખ્યો છે. રાજ્યમાં સ્વાઇન ફ્લૂના કેસમાં સતત વધારો થઇ રહ્યો છે અને અત્યાર સુધીમાં સ્વાઇન ફ્લૂના 1374 કેસ નોંધાયા છે. જેમાં સૌથી વધુ અમદાવાદ કોર્પે.માં 584 કેસ છે.

તા.13મી ઓક્ટોબર 2018ના રોજ રાજ્યમાં સ્વાઇન ફ્લૂના 36 કેસ નોંધાયા જેમાં અમદાવાદ કોર્પો. ખાતે 12, સુરત કોર્પો. અને કચ્છ ખાતે 4-4, ગાંધીનગર ખાતે 3, ભાવનગર ખાતે 2, વડોદરા, મહેસાણા, અમદાવાદ, રાજકોટ, આણંદ, અમરેલી, જામનગર અને નવસારી ખાતે 1-1 સ્વાઇન ફ્લૂના કેસનો સમાવેશ થાય છે. રાજ્યમાં સ્વાઇન ફ્લૂને કારણે આજ સુધીમાં કુલ 36 દર્દીઓનાં મૃત્યુ નોંધાયાં છે. જો કે સદ્નસીબે આજે સ્વાઇન ફ્લૂને કારણે વધુ કોઇ વ્યક્તિનું મૃત્યુ થયું નથી. કુલ મૃત્યુઆંક 36 જાહેર થયો તેમાં સૌથી વધુ અમદાવાદ કોર્પો.માં 15 મહેસાણામાં 3, રાજકોટ 2, બનાસકાંઠા 1, અરવલ્લી 2, પાટણ 2, સુરત 3, ખેડા 1, ગીર સોમનાથ 2 અને અન્ય જિલ્લા અને કોર્પોરેશન મળીને 4નો સમાવેશ છે.

October 15, 2018

દેવભૂમિ દ્વારકાને જો દુષ્કાળગ્રસ્ત જાહેર કરવામાં આવે તો દારુણ ગરીબીમાંથી પસાર થઇ રહેલા ખેડૂતોને થોડીઘણી રાહત મળે તેમ છે. પણ આવું નહીં થતાં ખેડૂતોએ કલેક્ટર કચેરી, દ્વારકા પહોંચીને કલેક્ટરને આ રીતે સાષ્ટાંગ દંડવત કરીને આજીજી કરી હતી કે દ્વારકાને દુષ્કાળગ્રસ્ત જાહેર કરવામાં આવે.

દેવભૂમિ દ્વારકા જિલ્લામાં પડેલા ઓછા વરસાદ પછી પણ એને દુષ્કાળગ્રસ્ત જાહેર કરવામાં નહીં આવતાં તા.13મી ઓક્ટોબરના રોજ જિલ્લાના ખેડૂતો કલેક્ટરની ઑફિસમાં પહોંચ્યા હતા અને કલેક્ટરની ઑફિસમાં જઈને પટાંગણમાં જ બહાર આવેલા જિલ્લા કલેક્ટરને સાષ્ટાંગ દંડવત્ કરીને તેમની પાસે જિલ્લાને દુકાળગ્રસ્ત જાહેર કરવાની માગણી કરી હતી.

દ્વારકા જિલ્લામાં ઘઉં, મગફળી, બાજરી અને જુવારનો પાક લેવામાં આવે છે, પણ ચોમાસું નબળું જતાં એવી પરિસ્થિતિ સર્જાઈ કે જિલ્લામાં થતા પાકમાંથી અંદાજે એંસી ટકા પાક નિષ્ફળ ગયો છે. પાક નિષ્ફળ જતાં ખેડૂતો છેલ્લા એક મહિનાથી પાકવીમાની માગણી કરે છે, પણ કલેક્ટર દ્વારા કોઈ પગલાં લેવામાં નહીં આવતાં ગઈ કાલે ખેડૂતોની એક રૅલી કલેક્ટર ઑફિસમાં પહોંચી હતી અને દ્વારકાધીશને કરે એ રીતે જિલ્લા કલેક્ટરને સાષ્ટાંગ દંડવત કર્યા હતા.

October 15, 2018

સુરતના ડિંડોલીમાં કાર્યરત એક કહેવાતા આયુર્વેદિક તબીબના સહાયકે ૧૪૫ મહિલાઓનાં અશ્લીલ વીડિયો ઉતાર્યા હોવાની હકીક્ત પ્રકાશમાં આવતા જ ખળભળાટ મચી ગયો હતો. આ બનાવની જાણ થતા જ લોકોનું ટોળું ડિંડોલી પોલીસ મથકે પહોંચ્યું હતું.

ઘટના સ્થળેથી મળતી માહિતી મુજબ ટોળાંએ આયુર્વેદિક ડૉક્ટરના સહાયક સામે સારવારનાં નામે અશ્લીલ વીડિયો ઉતારવાનો આરોપ લગાવ્યો હતો. આ બનાવમાં પોલીસને ફરિયાદ કરવામાં આવી હતી કે, ડૉક્ટરનો સહાયક સારવાર માટે આવતી મહિલાઓની આંખ પર સારવારનાં નામે પાટા બાંધતો હતો અને ત્યારબાદ મહિલાનો અશ્લીલ વિડીયો ઉતારતો હતો. આ ઘટનાની ગંભીરતાને ધ્યાનમાં લેતા પોલીસે આક્ષેપ લગાવનારા મહિલાનાં ભાઈને વિડીયો લઈ આવવા કહ્યું હતું, પરંતુ મોડી રાત સુધી તે પરત ના આવતા આ ઘટના અંગે કોઈ જ ગુનો નોંધવામાં આવ્યો નહોતો. પોલીસ અત્યારે પુરાવા એકત્ર કરી રહી છે. જો પુરાવા મળશે તો કડકમાં કડક કાર્યવાહી કરવામાં આવશે. તો બીજી તરફ ટોળાંએ આક્ષેપ કર્યો છે કે પોલીસે મહિલાઓનાં અશ્ર્લીલ વિડીયો ઉતારનારા ડૉક્ટરના સહાયકનાં મોબાઈલની તપાસ કરવી જોઈએ, પરંતુ તેમ ના કરતા તેમણે આક્ષેપ કરનારાઓ પાસે પુરાવા માગ્યા હતા.

October 13, 2018

Jayesh Brahmbhatt 98253 44944

અગર બધું સમૂસુતરું પાર પડશે તો થોડા મહિનાઓમાં સુરતના માર્ગો પર અત્યંત અાધુનિક લૉ કાર્બન (ઓછું પ્રદૂષણ ફેલાવતી) ઇ-બસ (ઇલેક્ટ્રીક બસ) દોડતી થઇ જશે. સુરત મહાનગરપાલિકાએ હેવી ઇન્ડસ્ટ્રીઝ મંત્રાલયને ઇ-બસની ખરીદી પર સબસિડી આપવા અંગેનો પ્રસ્તાવ પણ રજૂ કરી દીધો હોવાનું જાણવા મળ્યું છે. એક લૉ કાર્બન ઇ-બસની બજાર કિંમત રૂ.1.75 કરોડ જેટલી થવા જાય છે અને સુરત મહાનગરપાલિકા પ્રતિ બસ રૂ.75 લાખ સબસિડી મળે તો 50 ઇ-બસીસ ખરીદવાની તૈયારી ધરાવે છે.

ઇ-બસ કન્સેપ્ટ હાલમાં યુરોપ અને અમેરિકાના દેશોમાં જોવા મળી રહ્યો છે. તબક્કાવાર વિકસીત દેશોમાંથી ડિઝલ વાહનો નાબૂદ થઇ રહ્યા છે અને ખાસ કરીને પબ્લિક ટ્રાન્સપોર્ટ સિસ્ટમમાં મોટા ભાગે ઇ-બસ,લૉ કાર્બન બસને લાગૂ કરવામાં આવી રહી છે. એ જ તર્જ પર હવે સુરત મ્યુનિસિપલ કોર્પોરેશન પણ આગળ વધી રહી છે.

(બેંગ્લોર મ્યુનિસિપલ ટ્રાન્સપોર્ટ કોર્પોરેશન દ્વારા લોંચ કરવામાં આવેલી ઇ-બસની તસ્વીર)

ડિઝલ બસ કરતા ઇ-બસની કિંમત વધુ હોવા છતાં પણ પ્રદૂષણ તેમજ આવરદા વધુ હોવા ઉપરાંત તેની કાર્યક્ષમતા પણ ઉત્તમ હોવાથી સુરત મ્યુનિસિપલ કોર્પોરેશન પબ્લિક ટ્રાન્સપોર્ટ સિસ્ટમમાં ઇ-બસના કન્સેપ્ટને દાખલ કરવાની યોજના ધરાવે છે. હાલ ચાલી રહેલી ડિઝલ બનની તુલનામાં લૉ કાર્બન ઇ-બસની કિંમત અને મેઇન્ટેનન્સ બન્ને વધુ છે આમ છતાં તેના બહુવિધ ફાયદાઓ હોવાથી ઇ-બસ સુરતના શહેરો પર દોડતી કરવામાં આવે તેમ મનાય છે. આગામી દિવસોમાં સુરત મહાનગરપાલિકામાં સ્થાયી સમિતિમાં આ અંગેનો નિર્ણય લેવાય તેમ માનવામાં આવે છે.

દેશના હેવી ઇન્ડસ્ટ્રીઝ મંત્રાલયએ કુલ 11 શહેરોને ઇ-બસ પ્રોજેક્ટ માટે પસંદ કર્યા છે, ગુજરાતમાંથી આ યાદીમાં અમદાવાદ શહેરનો સમાવેશ કરવામાં આવ્યો છે. સુરત મ્યુનિસિપલ કોર્પોરેશનનું નામ ઇ-બસ પાઇલોટ પ્રોજેક્ટમાં ન હોવા છતાં મ્યુનિસિપલ કમિશનર દ્વારા સુરત મ્યુનિ. કોર્પોરેશનને 50 ઇ-બસ ખરીદવા માટે પ્રતિ બસ રૂ.75 લાખની સબસિડી મળે તો પ્રોજેક્ટ સુરતમાં સાકાર થઇ શકે તેવી પ્રપોઝલ રજૂ કરી છે.

October 13, 2018

બી.એન.આઇ. સુરત વિવિધ ભૌગોલિક પ્રદેશોમાંથી હજારો વ્યાવસાયિકોને એકસાથે એક પ્લેટફોર્મ ઉપર લાવવા સક્ષમ છે અને તેમને તેમના વ્યાવસાયનો ઝડપથી વિકાસ કરવામાં મદદ કરે છે

સુરત, 11મી ઓક્ટોબર, 2018:બિઝનેસ નેટવર્ક ઇન્ટરનેશનલ (બીએનઆઇ) એ વિશ્વનો સૌથી મોટો અને 35 વર્ષ જૂનો ટેકનો નેટવર્કિંગ રેફરલ ઓર્ગોનાઇઝેશન છે. જેની શરૂઆત સુરતમાં જુલાઇ 2016માં સુરતના અગ્રણી અને પ્રતિષ્ઠિત ચાર્ટર્ડ એકાઉન્ટન્ટ સીએ ગૌરવ વી. સંઘવી અને ડો. નિધિ સંઘવી દ્વારા કરવામાં આવી હતી. જેઓ બી.એન.આઇ સુરતના એક્ઝિક્યુટિવ ડિરેક્ટર છે. બી.એન.આઇ સુરત વિવિધ ભૌગોલિક પ્રદેશોમાંથી હજારો વ્યાવસાયિકોને એકસાથે એક પ્લેટફોર્મ ઉપર લાવવા સક્ષમ છે અને તેમને તેમના વ્યાવસાયનો ઝડપથી વિકાસ કરવામાં મદદ કરે છે. બી.એન.આઇ. ગુણવત્તાયુક્ત બિઝનેસ રેફરલ્સના ડેવલપમેન્ટ અને એક્સચેન્જ માટે સહાયક, સરકારાત્મક અને માળખાંગત વાતાવરણ ઉપલબ્ધ કરાવે છે.

પ્રાદેશિક પહેલ તરીકે, બી.એન.આઇ. સુરત ખાસ કરીને એવા સભ્યો માટે બનાવેલું પ્લેટફોર્મ છે જેઓ ટેક્સટાઇલ બિઝનેસમાં અને બીટુબી સેક્ટરમાં કામગીરી કરી રહ્યાં છે. જેનો મુખ્ય ઉદ્દેશ્ય ટેક્સટાઇલ ઇન્ડસ્ટ્રીઝ ટાયકૂન સાથે નેટવર્કમાં ઊભરતી તકોને વેગ આપવાનો અને ઝડપી લેવાનો છે. તેમજ જેઓ ટેક્સટાઇલ સેક્ટરમાં કામકાજ કરી રહ્યાં છે તેમના માટે અસરકારક મોડલ બનાવવાનો છે જેથી તેમને સમગ્ર ભારતના 67 શહેરમાં સાનુકુળ ઇકોસિસ્ટમ્સ મેળવશે તેમજ પ્રોફેશનલ ટેક્નો નેટવર્કિંગ બિઝનેસ પ્લેટફોર્મ મારફતે વધુ પ્રમાણમાં બિઝનેસ મેળવી શકશે.

જો તમે ટેક્સટાઈલ ઉદ્યોગસાહસિક છો અને સમગ્ર ભારતમાં તમારા વ્યવસાયનું વિસ્તરણ કરવા અને વધારવા કરવા માંગતા હોવતો બી.એન.આઇ. સુરત એક શ્રેષ્ઠ પ્લેટફોર્મ છે કારણ કે તે તમને સીધેસીધું 67 શહેરો સાથે જોડે છે જે એક વર્ષની અંદર 100શહેરો સુધી વિસ્તાર પામશે.

બી.એન.આઇ. સુરતમાં 100+ કરતાં વધુ સભ્યો છે જેઓ ટેક્સટાઇલ કેટેગરીમાંથી આવે છે અને તેમણે ભારતના વિવિધ શહેરો જેવા ઈરોડ, કોલકાતા, જયપુર સહિત તમામ 67 શહેરોના બજારમાં પોતાની પકડ જમાવવા માટે કામકાજ શરૂ કરી દીધું છે.

બી2બી ટેક્સટાઇલ ફોરમના સભ્યને સમાન સ્તરોના ઉદ્યોગસાહસિકો સાથે વાતચીત કરવાની અને ભારતમાં 67 શહેરોમાં વિશ્વસનીય વિક્રેતાઓ સાથે વેપાર વધારવાની તક મળે છે.

આ ફોરમ તેના સભ્યોને સમગ્ર ભારતમાં મોટા અને લાંબા ગાળાના નેટવર્કનું નિર્માણ કરવામાં મદદ કરે છે જે વ્યવસાય રેફેરલ્સનું વિનિમય કરીને તેમના બ્રાન્ડ મૂલ્યને વધારવામાં સહાય કરે છે જે રીતે વિશ્વમાં વેપારની કામગીરી બદલાઇ છે તેવી રીતે.

October 13, 2018

ભારતમાં ખાસ કરીને દક્ષિણ ભારતના રાજ્યોમાં યુવાનો અને માબાપમાં સૌથી પ્રચલિત શૈક્ષણિક સંસ્થા શંકર આઇ.એ.એસ. એકેડેમીના સ્થાપક શંકર સર એ અગમ્ય કારણોસર આત્મહત્યા કરી લેતા ભારે ચકચાર મચી જવા પામી છે. શંકર IAS એકેડમીના સ્થાપક અને સીઈઓ પ્રોફેસર શંકર દેવરાજને 45 વર્ષની ઉંમરે ફાંસી લગાવીને આપઘાત કરી લીધો છે. ચેન્નાઈના માઈલપુર સ્થિત ઘરમાંથી મૃતદેહ મળી આવ્યો. એવું માનવામાં આવે છે કે શંકર સર એ 500થી વધુ સનદી અધિકારીઓ ભારતને આપ્યા છે. તેમના ક્લાસીમાં અાપવામાં આવતી કોચિંગથી વિદ્યાર્થીઓ બહુ જ પ્રભાવિત થતા હતા. જે વિદ્યાર્થીઓ શંકર એકેડેમીનું કોચિંગ લઇને આઇ.એ.એસ. કે આઇ.પી.એસ. બન્યા હોય એ ફરીથી શંકર એકેડેમીમાં ક્લાસ લેવા સ્વેચ્છાએ આવતા હોય છે.

પ્રોફેસર શંકર દેવરાજન તમિલનાડુ દક્ષિણ ભારતમાં જ નહીં બલ્કે ભારતભરમાં ‘શંકર IAS એકેડમી’ થી જાણીતા હતા, જેની સ્થાપના 2004માં ચેન્નાઈમાં થઈ હતી. ત્યારથી આજ સુધી એમની એકેડમીમાં તૈયારી કરીને 900 યુવાનો IAS, IPS કે રાજ્ય સરકારની ક્લાસ-1-2 અધિકારી બનવામાં સફળ રહ્યાં છે.

આ રાજ્યની પ્રથમ એકેડમી હતી, જેનું લક્ષ્ય IAS અને IPS બનવા ઈચ્છતા યુવાનો તૈયારીની ટ્રેનિંગ આપતી હતી. આ એકેડમી ખાસ કરીને પછાત સમુદાયના યુવાનો પર ખાસ ધ્યાન આપતી હતી, જેથી એ ભવિષ્યમાં સફળતા હાંસલ કરી શકે. શંકર દેવરાજનના પરિવારમાં પત્ની અને બે પુત્રી છે.

તમિલનાડુના કૃષ્ણગિરીમાં રહેતા શંકરનો પરિવાર ખેતીવાડી સાથે જોડાયેલો હતો, તેમના પિતા બાળપણમાં અવસાન પામ્યા હતાં.

શંકર દેવરાજને એગ્રી કલ્ચરમાં સ્નાતકની ડિગ્રી મેળવી હતી.

October 13, 2018

તાજેતરમાં સાબરકાંઠામાં માસૂમ બાળકી પર અને સુરતમાં બે નાની બાળાઓ પર થયેલા દુષ્કર્મ બળાત્કાર કેસના આરોપીઓને સખત સજા થાય અને પીડિત પરિવારોને ઝડપી ન્યાય મળે તે માટે આ કેસની ટ્રાયલ ફાસ્ટટ્રેક કોર્ટમાં ચલાવવામાં આવશે. આ ત્રણેય કેસની ખાસ ફાસ્ટટ્રેક કોર્ટ જજની નિમણૂંક કરી દેવામાં આવી છે.

રાજ્ય વડી અદાલતે આ અંગેના જારી કરેલા જાહેરનામા અનુસાર સાબરકાંઠાની ઘટનામાં ફાસ્ટટ્રેક કોર્ટ જજ તરીકે સાબરકાંઠા જિલ્લાના પ્રિન્સિપલ ડિસ્ટ્રીકટ જજ કે. બી. ગુજરાથી તેમ જ સુરતની બે ઘટનાઓમાં ફાસ્ટટ્રેક કોર્ટ જજ તરીકે સુરત જિલ્લાના પ્રિન્સિપલ ડિસ્ટ્રીકટ જજ આર. કે. દેસાઇની નિયુક્તિ કરવામાં આવી છે. ગુજરાત સરકાર દુષ્કર્મનો ભોગ બનેલી દિકરીઓના પરિવારો પ્રત્યે સંપૂર્ણ સંવેદના સાથે પડખે ઊભી છે અને ગુનેગારોને કાયદા અનુસાર કડક સજા થાય તથા પીડિત પરિવારોને ન્યાય મળે તે માટે કટિબદ્ધ છે તેની પુષ્ટિ આ ફાસ્ટટ્રેક કોર્ટ જજની નિમણૂંકથી થઇ છે, એવું સત્તાવાર સૂત્રોએ જણાવ્યું હતું.

October 13, 2018

ચીને નવી હાઇ સ્પીડ ટેક્નોલોજી ધરાવતી ટ્રેનનું મૉડેલ લૉન્ચ કર્યું છે. જે કલાકના 1000 કિલોમીટરની ઝડપે અંતર કાપશે. ચીની સૂત્રોના જણાવ્યા મુજબ 2025થી હાઇ સ્પીડ ટ્રેન શરૂ કરવામાં આવશે.

ચીનની નવી ટ્રેનના મૉડેલને સિચુઆનના ચેંગડુ ખાતે યોજાયેલા નેશનલ માસ ઈનોવેશન એન્ડ ઑન્થ્રેપ્રેન્યોરશિપ સપ્તાહમાં રજૂ કરવામાં આવ્યું હતું. ટ્રેન ઉત્પાદનનું કાર્ય ચીન એરોસ્પેસ સાયન્સ ઍન્ડ ઈન્ડસ્ટ્રી કોર્પોરેશન લિમિટેડ દ્વારા કરવામાં આવશે.

હાઇ સ્પીડ ટ્રેનને ધ ફલાઇટ નામ આપવામાં આવ્યું છે. ટ્રેનની કેબિન 29.2 મીટર લાંબી ત્રણ મીટર પહોળી હશે. ટ્રેન વેક્યુુમ સિસ્ટમ દ્વારા જમીનથી 100 મિ.મી. ઉપર ચાલશે. શાંઘાઈ યુનિવર્સિટીના રેલવે નિષ્ણાત સૂન જંગે જણાવ્યું હતું કે હાઇ સ્પીડ ટ્રેનની ટેક્નોલોજીએ ચીનને અમેરિકાની સમકક્ષ મૂકી દીધું છે. ટ્રેનમાં એરોસ્પેસ ટેક્નોલોજીમાં વપરાતી ઈલેક્ટ્રો મેગ્નેટિક પ્રપ્યુલઝનનો ઉપયોગ કરવામાં આવ્યો છે.

ઉલ્લેખનીય છે કે ચીન દુનિયાનું સૌથી લાંબું 22000 કિ.મી.નું હાઇ સ્પીડ નેટવર્ક ધરાવે છે.

October 12, 2018

મુંબઇના નરીમાન પોઇન્ટ ખાતે આવેલા રાહેજા સેન્ટરમાં કાર્યરત સ્ટેટ બેન્ક ઓફ મોરેશિયસની મુંબઇ બ્રાન્ચમાં સાઇબર રોબરી ઇન્ટરનેશનલ હેકર્સ દ્વારા 143 કરોડ રૂપિયાની મસમોટી સાઇબર લૂંટ થઇ હોવાની પોલીસ ફરીયાદ દર્જ થતાં ભારતમાં અફરાતફરી મચી જવા પામી છે. જાણકારો કહે છે કે સાઇબર એક્સપર્ટસને આ લૂંટનો ભેદ ઉકેલતા દિવસો નીકળી જાય તેમ છે. હજુ સુધી એ પણ જાણી શકાયું નથી કે બેંક સાથે થયેલી આ મસમોટી સાઇબર લૂંટ ક્યાંથી ઓપરેટ થઇ હતી.

હકીકતમાં ગઇ તા. 5 ઓક્ટોબરે આ મામલે સ્ટેટ બેંક ઓફ મોરેશિયસના સ્થાનિક અધિકારીએ નોંધાવેલી ફરિયાદ જણાવ્યું હતું કે ઇન્ટરનેશનલ હેકર્સ દ્વારા બેન્કના સર્વરને હેક કરી ખાતાઓમાંથી ભારત બહારના કેટલાક ખાતાઓમાં મોટી રકમ ટ્રાન્સફર કરવામાં આવી હતી. સ્ટેટ બેન્ક ઓફ મોરેશિયસની એક શાખા ભારતમાં મુંબઇના નરિમન પોઇન્ટ વિસ્તારમાં સ્થિત છે. જેમાં હેકર્સ દ્વારા કરોડો રૂપિયાની હેરાફેરી કરવામાં આવી હતી. બેંકના મેઇન સર્વરમાં સેંધ મારીને ઇન્ટરનેશનલ હેકર્સ દ્વારા ભારત બહારના ખાતાઓમાં કરોડો રૂપિયાની રકમ ડોલર્સમાં ગેરકાનૂની રીતે ટ્રાન્સફર કરી દેવામાં આવી છે.

ફેબ્રુઆરીમાં ચેન્નઇ ખાતે યુનિયન બેન્કની એક શાખામાંથી હેકર્સ દ્વારા બેન્કનું સર્વર હેક કરીને 34 કરોડ રૂપિયાની સાઇબર લૂંટ ચલાવાઇ હતી
ઓગસ્ટમાં કોસમોસ બેન્કની પુણે ખાતેની હેડઓફિસેથી કરાયેલી સાઇબર લૂંટમાં 94 કરોડ રૂપિયા ઉપાડી લેવાયા હતા

Newer Posts

Older Posts

Alert Archives - Page 461 of 519 - CIA Live

બોઇસર-દિવા ડીઝલ ટ્રેન લાલપરીને બદલે મેમુ ટ્રેન દોડશે

રાજ્યમાં વકરી રહેલો સ્વાઇન ફ્લુ રોગ, કુલ 1500 જેટલા કેસો નોંધાયા

દેવભૂમિ દ્વારકાને દુષ્કાળગ્રસ્ત જાહેર કરવા ખેડૂતોની સાષ્ટાંગ આજીજી

સુરતના આયુર્વેદ સહાયકે ૧૪૫ મહિલાઓનાં અશ્લીલ વીડિયો ઉતારી લીધા

સુરતના માર્ગો પર હાઇટેક અને ઓછું પ્રદૂષણ ફેલાવતી E-બસ દોડતી થઇ જશે

BNI સુરત બી2બી ટેક્સટાઇલ ફોરમના માધ્યમથી એક વર્ષમાં 100 શહેરોને આવરી લેશે

સેંકડો યુવાનોને IAS-IPS બનાવનાર શંકર ‘સર’ નો આપઘાત

સાબરકાંઠા-સુરતમાં નાની બાળાઓ પર દુષ્કર્મના કેસની ઝડપી ટ્રાયલ માટે બે ફાસ્ટટ્રેક કોર્ટ જજની નિમણૂંક

ચીને 1000 કિ.મી.ની ઝડપે દોડતી ટ્રેન લૉન્ચ કરી

સ્ટેટ બેન્ક ઓફ મોરેશિયસની મુંબઇ શાખામાંથી 143 કરોડની Cyber લૂંટ