1થી 3 માર્ચ સુરતના સરસાણા ખાતે આયોજન
ધી સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રી, સધર્ન ગુજરાત ચેમ્બર ટ્રેડ એન્ડ ઇન્ડસ્ટ્રીઝ ડેવલપમેન્ટ સેન્ટર તથા એગ્રીકલ્ચર, ફાર્મર્સ વેલફેર એન્ડ કો-ઓપરેશન ડિપાર્ટમેન્ટ – ગુજરાત સરકારના સંયુકત ઉપક્રમે આગામીતા. 1/3/ર019થી 3/3/ર019 દરમિયાન સરસાણા સ્થિત સુરત ઈન્ટરનેશનલ એકઝીબીશન એન્ડ કન્વેન્શન સેન્ટર ખાતે ‘ફૂડ એન્ડ એગ્રીટેક એક્ષ્પો- ર019’નું ભવ્ય પ્રદર્શન યોજાશે.
ચેમ્બરના પ્રમુખ શ્રી હેતલ મહેતાએ જણાવ્યુ હતુ કે, ટ્રેડ એન્ડ ઈન્ડસ્ટ્રીના વિકાસ માટે કામ કરતી ચેમ્બર દ્વારા કૃષી ક્ષેત્રને પ્રોત્સાહન મળી રહે અને તેના થકી તેનો વિકાસ થાય તેવા આશય સાથે સૌપ્રથમ વખત ફૂડ એન્ડ એગ્રીટેક એકઝીબીશનનું આયોજન કરવામાં આવ્યુ છે. સુરત સહિત દક્ષિણ ગુજરાતનો બેલ્ટ કૃષી ઉદ્યોગ તરીકે હવે ડેવલપ થઇ રહયો છે ત્યારે આવનારા સમયમાં ઉદ્યોગપતિઓ તેમજ નવા એગ્રો ગ્રેજયુએટ્સ કૃષી ઉદ્યોગમાં પોતાનું યોગદાન આપી શકે તે હેતુથી પણ આ હેતુલક્ષી પ્રદર્શન એગ્રો ફૂડ યોજાઇ રહયુ છે. પ્રધાનમંત્રી શ્રી નરેન્ફ્ભાઇ મોદી વર્ષ ર0ર0 સુધીમાં ખેડૂતોની આવક બમણી કરવાના લ1ય સાથે આગળ વધી રહયા છે ત્યારે આવા પ્રદર્શનો એક સીમાચિન્હ બની રહેશે. આ પ્રદર્શન થકી આ ક્ષેત્રમાં નવી ટેકનોલોજી અને ગુણવત્તા વધારવાની સારી તક મળશે. પ્રદર્શનમાં એકજ સ્થળે સુરતીઓને 400થી પણ વધુ ટેસ્ટી તથા હેલ્ધી વાનગીઓ માણવા મળશે.
ચેમ્બરના એકઝીબીશન સેલના હેડ શ્રી દેવેશ પટેલે જણાવ્યું હતું કે આ પ્રદર્શનનો ઉદ્ઘાટન સમારંભ શુક્રવારે તા. 01/3/ર019ના રોજ સવારે 11.00 કલાકે સરસાણા સ્થિત સુરત ઈન્ટરનેશનલ એકઝીબીશન એન્ડ કન્વેશન સેન્ટર ખાતે યોજાનાર છે. જેમાં મુખ્ય મહેમાન તરીકે શ્રી સંજય પ્રસાદ (એડીશનલ ચીફ સેક્રેટરી, એગ્રીકલ્ચર એન્ડ કો-ઓપરેશન ડિપાર્ટમેન્ટ, ગુજરાત સરકાર) ઉપસ્થિત રહેશે. સાંસદ શ્રી સી.આર. પાટીલ અને શ્રીમતી દર્શનાબેન જરદોશ તથા ગુજરાત એગ્રો ઇન્ડસ્ટ્રીઝ કોર્પોરેશન લિમિટેડના મેનેજિંગ ડાયરેકટર શ્રી કે.એસ. રંધાવા (IFS) અને
યસ બેન્કના પ્રેસિડેન્ટ શ્રી પંકજ પોપટ સ્પેશિયલ ગેસ્ટ તરીકે સ્થાન શોભાવશે.
ફૂડ એન્ડ એગ્રીટેક એક્ષ્પોના ચેરમેન ડો. વી. કુમારેજણાવ્યુ હતુ કે, આ પ્રદર્શન 1 લાખ ચોરસ સ્કવેર ફૂટ વિસ્તારમાં યોજાશે. જેમાં 13પથી વધુ એકઝીબીટર્સ ભાગ લઈ રહયા છે.આ પ્રદર્શનથી ખાદ્ય ઉદ્યોગ, સંસ્થાઓ અને વિદ્યાર્થીઓને માટે ઉજળી તક મળશે.ભવિષ્યમાં આંત્રપ્રિન્યોર્સને પણ સારુ પ્લેટફોર્મ મળી રહેશે. આ પ્રદર્શનમાં કૃષી ક્ષેત્રે ફૂડ પ્રોસેસિંગ અને ખેતીના વિકાસ માટે રાજય સરકારના કૃષિ વિભાગ, ગુજરાત એગ્રો ઇન્ડસ્ટ્રી કોર્પોરેશન, હોર્ટીકલ્ચર વિભાગ, ડાયરેકટોરેટ ઓફ એગ્રીકલ્ચર, વિવિધ સહકારી મંડળીઓ, પશુપાલન વિભાગ, ગુજરાત સ્ટેટ સીડ્સ કોર્પોરેશન લિમિટેડ અને કૃષિ યુનિવર્સિટી મોટાપાયા ઉપર ભાગ લઇ રહી છે.
આ પ્રદર્શનમાં ભાગ લેનારા મુખ્ય એકઝીબીટર્સમાં એગ્રીકલ્ચર પ્રોડયુસ માર્કેટ, ગીરીરાજ ફૂડ્સ પ્રોડકટ્સ, હજુરી ફ્રુટ્રીટ આઇસ્ક્રીમ, મલ્ટીગ્રેન ફૂડ પ્રા.લી., સ્કૂપ હેપ્પીનેસ પ્રા.લી., તાપી ફ્રુટ પ્રોસેસિંગ પ્રા.લી., ગજાનંદ ફૂડ્સ પ્રા.લી., ગ્રોવેલ બાયોસિસ્ટમ્સ પ્રા.લી., શીતલ કૂલ પ્રોડકટ્સ, એસ.આર. ઇકવીપમેન્ટ્સ, સ્ટેટ બેન્ક ઓફ ઇન્ડીયા, નેશનલ બેન્ક ફોર એગ્રીકલ્ચર એન્ડ રૂરલ ડેવલપમેન્ટ, ગુજરાત કો-ઓપ. મિલ્ક માર્કેટ ફીડ લી., પેટસન ગૃપ ઓફ કંપનીઝ, દક્ષિણ ગુજરાત વીજ કંપની લી., જીવરાજ ટી લી., સુરત ડિસ્ટ્રીકટ કો-ઓપ. મિલ્ક પ્રોડયુસર્સ યુનિયન લી., ધી સુરત ડિસ્ટ્રીકટ કો-ઓપ. બેન્ક, આઇસ મેક રેફ્રીજરેશન લિમિટેડ, ગુજરાત સ્ટેટ ફર્ટીલાઇઝર્સ એન્ડ કેમિકલ્સ લિમિટેડ, નવસારી અને જુનાગઢ એગ્રીકલ્ચર યુનિવર્સિટીનો સમાવેશ થાય છે. ચેમ્બરના ફૂડ એન્ડ એગ્રી ટેક પ્રદર્શનના આયોજનમાં યસ બેંકનો સહયોગ પ્રાપ્ત થયો છે.
