સુરત અને નવસારીની અડધા દિવસની મુલાકાતે આજે સુરત પધારેલા નરેન્દ્ર મોદીએ સુરત એરપોર્ટ પર પોતાની પહેલા જ કાર્યક્રમને સંબોધતા પૂર્ણ બહુમતવાળી સરકાર આપવા માટે સુરતવાસીઓ સમેત દેશવાસીઓને અપીલ કરી હતી. તેમણે પોતાની સરકારની સિદ્ધિઓ વર્ણવતા કહ્યું હતું કે પૂર્ણ બહુમતવાળી સરકાર હશે તો જ મોટા, કઠોર અને ત્વરીત નિર્ણય લઇ શકાશે. વાંચો વડાપ્રધાન શ્રી નરેન્દ્ર મોદીનું આખું ભાષણ અહીં…
પૂર્ણ બહુમતવાળી સરકાર આપજો મને, મોદીએ કહ્યું
સુરત ઇન્ટરનેશનલ એરપોર્ટના એક્સપાન્સના વિધિવત પ્રારંભ પ્રસંગે આજે સુરત ખાતે ઉપસ્થિત રહેલા વડાપ્રધાન શ્રી નરેન્દ્ર મોદીએ એરપોર્ટ ખાતે યોજાયેલી જાહેરસભાને સંબોધતા સુરતના પોંક અને ઉંધીયાનો ઉલ્લેખ કર્યો હતો. પૂ. બાપૂની પૂણ્યતિથીએ નવસારી નજીક દાંડીના નમક સત્યાગ્રહ સ્મારકનું લોકાર્પણ આજે થવાનું છે ત્યારે કર્મયોગીઓના શહેર સુરતથી સ્વ.પૂ.બાપૂને નમન. સુરતના સેંકડો સત્યાગ્રહીઓ દાંડી માર્ચમાં પૂ.બાપૂ સાથે જોડાયા છે. સ્વચ્છતા, સ્વાવલંબન અને સ્વદેશી જેવા ગાંધીજીના ગુણોને સુરતે બખૂબી નિભાવ્યા છે. હીરા અને કપડાની સાથોસાથ અનેક નાના ઉદ્યોગોથી મેઇક ઇન ઇન્ડિયાને સુરત સશક્ત બનાવી રહ્યું છે. સુરતની સ્પિરીટને વધુ મજબૂતી મળશે જ્યારે આજે સેંકડો કરોડના પ્રોજેક્ટ્સનું ઉદઘાટન અને શિલાન્યાસ થયો છે. સુરતને સ્માર્ટ બનાવવા માટે ડઝનો પ્રોજેક્ટનું ઉદઘાટન થયું, સુરતના વિકાસને વધુ વેગ મળશે. વિકાસના પ્રોજેક્ટસ માટે સુરતી ભાઇઓને ખૂબ ખૂબ અભિનંદન.
આગામી 10-15 વર્ષમાં દુનિયાના સૌથી ઝડપથી વિકસતા વિશ્વના જે 10 શહેરો હશે એ ભારતના છે અને તેમાં સૌથી ટોચ પર સુરત હશે. આગામી સમય સુરતનો હશે, ભારતના શહેરોનો સમય આવશે. સમગ્ર વિશ્વમાંથી સુરત સમેત ભારતના શહેરોમાં રોકાણ થશે, લાખો રોજગારીઓની તકો ઉપલબ્ધ બનશે. દુનિયા ભારતના શહેરોથી એટલી આશાવાદી છે ત્યારે આપણું દાયિત્વ છે કે શહેરોને વર્તમાનની સાથે ભવિષ્ય માટે તૈયાર કરવું જોઇએ. માળખાગત સુવિધા, વ્યવસ્થા, શિક્ષણની સાથે માનવીના મનને પણ ઉંચાઇ પર લઇ જવાનું છે.
દેશમાં દરેક પ્રકારની કનેક્ટિવિટીના પ્રોજેક્ટસ હાથ ધરવામાં આવી રહ્યું છે. સુરત એરપોર્ટ ગુજરાતના ત્રણ મોટા એ પોર્ટ, વ્યસ્ત એરપોર્ટમાં સામેલ થઇ ચૂક્યું છે. એક દિવસમાં સુરતથી 1800 મુસાફરોની વિમાની અવરજવર શક્ય બનશે. સુરત એરપોર્ટની ભવિષ્યની ક્ષમતા વાર્ષિક 4 લાખથી વધીને 26 લાખ મુસાફરોની થઇ જવાનો આશાવાદ વડાપ્રધાને વ્યક્ત કર્યો હતો. બહારગામથી આવનારા લોકોના સમયનો પણ બચાવ થશે. થોડા દિવસોમાં સુરતથી શારજાહ ઇન્ટરનેશલ ફ્લાઇટ પહેલી શરૂ થઇ રહી છે. વ્યાપારની દ્રષ્ટીએ ઇન્ટરનેશનલ ફ્લાઇટ ઘણી ઉપયોગી નિવડશે.
કેન્દ્ર સરકાર હવાઇ કનેક્ટિવિટી માટે સતત પ્રયત્નશીલ છે. 17 એરપોર્ટને અપગ્રેડ કરવામાં આવ્યા છે. સરકારનું લક્ષ્ય છે કે આગામી ચાર વર્ષોમાં 50 એવા એરપોર્ટને સક્રિય કરશે જ્યાં એરપોર્ટની સુવિધા
હવાઇ ચપ્પલ પહેરવાવાળા પણ હવાઇ મુસાફરી કરી શકે તેવું સપનું સાકાર કરવામાં આવશે. ઉડાન યોજનાથી દેશ એવીએશન સેક્ટરમાં 12 લાખ વિમાની સીટ્સ ઉપલબ્ધ બની શકી, નવા 40 એરપોર્ટ એવીએશન મેપમાં ઉમેરાયા, ગુજરાતમાંથી ચાર ફ્લાઇટ્સ ઉડાન-1 અને ઉડાન-3થી ગુજરાતના ચાર નાના શહેરોને જોડી શકાયા. ઉડાન-3માં પણ ગુજરાતના નવા 4 એરપોર્ટને જુદા જુદા ભાગો સાથે જોડી દેવાશે. ગુજરાતમાં સીપ્લેન પ્રોજેક્ટસ સાકાર થશે. સાબરમતિ રિવરફ્રન્ટથી સરદાર સ્ટેચ્યુ સુધી વોટર પ્લેન દોડશે. પાસપોર્ટ માટે લોકોએ મોટા શહેરોના ચક્કર ન લગાડવા પડે એટલા માટે મુખ્ય પાસપોર્ટ કેન્દ્રોની સંખ્યા ફક્ત 80 હતી, પાછલા 4 વર્ષમાં મુખ્ય પાસપોર્ટ કચેરીઓની સંખ્યા 400નો આંકડો પાર કરી ગઇ છે. બડા સોચના, જ્યાદા સોચના, અચ્છે ઢંગ સે કરના વગેરે નીતિઓ સાથે સરકાર કામ કરી રહી છે. મોટી સંખ્યામાં પાસપોર્ટ સેવા કેન્દ્રો શરૂ કરાયા જેથી પાસપોર્ટ સરળતાથી અને ઝડપથી ઇશ્યુ કરી શકાય છે.
દેશમાં ફોક્સ એપ્રોચ અને મિશન મોડ પર કામ થઇ રહ્યું છે. દરેક સ્તરના પ્રોજેક્ટસ હાથ ધરવામાં આવી રહ્યા છે. સુરતમાં થયેલા પ્રોજેક્ટસ તેની નિશાની છે. ગરીબોના આવાસો ગરીબ પરિવારોને સમૃદ્ધ બનાવશે. શહેરોમાં રહેવાવાળા ગરીબ પરીવારો માટે કેન્દ્ર સરકારે 13 લાખ મકાનો બનાવ્યા, 37 લાખ નવા મકાનો બની રહ્યા છે. 70 લાખ નવા આવાસો બનાવવા માટે જુદા જુદા શહેરોના પ્રોજેક્ટસને સરકારે મંજૂરી આપી દીધી છે. ગ્રામીણ વિસ્તારોમાં 1.30 કરોડ આવાસો બની ચૂક્યા છે, ગરીબો આ ઘરોમાં રહેવા માંડ્યા છે. ગ્રામીણ વિસ્તારના ઘરોની સવા કરોડની સંખ્યા પરથી જાણી શકાય છે કે કોંગ્રેસી સરકારે ફક્ત 25 લાખ ઘરો બનાવ્યા હતા, બેઘર, ગરીબોને પાકા મકાનો મળે તે માટે કેન્દ્ર સરકારે સાડા ચાર વર્ષમાં સવા કરોડથી વધુ મકાનો બનાવીને તેમને સમર્પિત કરી દેવાયા છે. મારી સરકારમાં દેશમાં પહેલી વખત મધ્યમવર્ગીય પરિવારો માટે આવાસોની નવી કેટેગરી બનાવી, તેમના ધિરાણમાં રાહત આપવાની યોજના અમલમાં મૂકી. મધ્યમવર્ગીય પરિવાર રૂ.20 લાખની આવાસ લોન લે છે તે તેને તેના વ્યાજમાં ઘટાડો કરી આપવામાં આવશે. જ્યારે એ પરિવાર લોન પૂરી કરશે ત્યારે વ્યાજમાં રૂ.6 લાખની મોટી બચત થશે. હિન્દુસ્તાનમાં આવી લાભકારી યોજના અન્ય કોઇ સરકારે આપી નથી, ફક્ત મારી સરકારે આપી છે.
કેટલાક લોકો નોટબંધીનો ફાયદો પૂછે છે, તેમને સવાલ એવા લોકોને પૂછવો જોઇએ, જેમને નોટબંધી પછી સસ્તા મકાનો મળ્યા. મોટા મોટા બિલ્ડરો કેટલો ફાયદો ઉઠાવ્યો એ સુરતવાળા જાણે છે, નોટબંધી પછી મકાનો સસ્તા થયા તેનો શ્રેય કેમ કોઇ આપતું નથી. રેરા કાયદાથી લોકોના નાણાંનો વ્યય થતો અટક્યો. સરકારમાં ઇચ્છા શક્તિ હોય તો શું ન થાય. પહેલા જે એલ.ઇ.ડી. બલ્બ રૂ.350માં મળતો હતો એ જ બલ્બ આજે રૂ.40-50માં મળે છે. આટલો મોટો ફર્ક કેવી રીતે પડ્યો. કેન્દ્ર સરકારે 32 કરોડ એલ.ઇ.ડી. બલ્બ સસ્તા ભાવે વેચ્યા. પરિવારોને એલ.ઇ.ડી. બલ્બથી રૂ.16,500 કરોડની વીજબિલ બચત થઇ છે.
મુદ્રા યોજના લાગૂ કરીને અમારી સરકારે 15 કરોડથી વધુ લોન બેંક ગેરેન્ટી વિના યુવાનોને પોતાનો રોજગાર શરૂ કરવા માટે અપાવી છે. 7 લાખ કરોડ રૂપિયાના ધિરાણની વ્યવસ્થા કરી આપવામાં આવી છે. 4.25 કરોડ યુવાનો એવા છે જેમણે પહેલી વખત ધંધા માટે ધિરાણ મેળવ્યું છે. આવું બધું પૂર્ણ બહુમતિની સરકારને કારણે થયું છે. ગરીબોને આવાસો ન તો મોદી, ન તો ભારત સરકાર પણ સુરતના લોકો આપી રહ્યા છે. મતદારોના એક વોટની તાકાત છે કે ગરીબને એક મત મળ્યો છે. જે પણ પરિવર્તન આપ જોઇ રહ્યા છો એ પરિવર્તન તમારા વોટની તાકાત છે. 30 વર્ષ ભારતમાં અસ્થિતરતાનો દૌર રહ્યો, ત્રિશંકુ પાર્લામેન્ટ, જોડતોડની રાજનીતિથી દેશ કેટલીક બાબતોમાં પછડાયો, છેલ્લા 4.5 વર્ષથી સ્થિરતાનું કારણ દેશના લોકોએ પરિપક્વતાથી મતદાન થયું. પૂર્ણ બહુમતવાળી સરકાર કડક અને મોટા નિર્ણયો લઇ શકાય એ તમે છેલ્લા 4 વર્ષમાં જોયું. પૂર્ણ બહુમતની સરકાર ના હોત કડક, કઠોર, મોટા નિર્ણય ન લઇ શકાયા હોત. પૂર્ણ બહુમત એટલે એક એક મતદાતા પોતાના મતની તાકાત જોઇને મતદાન કરે.
યાદ કરો અગાઉ સરકારો કેવી રીતે ચાલતી હતી. મને કહો આજે સુરત એરપોર્ટ પર 70-72 વિમાનો અવરજવર કરે છે, પણ ક્યારે આપણે ભૂલી શકીશું કે અહીંયા એરપોર્ટ માટે આંદોલન કરવું પડ્યું હતું, મેમોરેન્ડમ આપવા પડતા હતા. અનેક રજૂઆતો મારે મુખ્યમંત્રી તરીકે પણ કરવી પડતી હતી. સુરત એરપોર્ટ વિકાસ થયો એ અમે જોયું પણ અગાઉની સરકારોને કેમ ન દેખાયું. નવું ભારત બનાવવાના અમારા પ્રયાસોને કેટલાક લોકો મજાક ઉડાડી રહ્યા છે. બદલાતા ભારતને કેટલાક અદેખાઓ જોઇ શક્તા નથી. નવા ભારતની નવી ઉર્જાને વિકાસમાં લગાડવા માટે પ્રયત્નશીલ છું.
સચીન જીઆઇડીસીમાં આવેલા ઉદ્યોગોને પાણી વિતરણમાંથી કરોડ રૂપિયાની કમાણી થાય તેવી ગણતરી માંડીને બેઠેલા કેટલાક લોકો યેનકેન પ્રકારે સચીન જીઆઇડીસીમાં પાણીની બૂમો પાડીને પાણી વિતરણનું સમગ્ર કામ ખાનગી હાથોમાં સુપરત કરવા માટે ધમપછાડા કરી રહ્યા છે. હકીકતમાં સચીન જીઆઇડીસીના ઉદ્યોગોને ખાનગી સપ્લાયર પાણી વિતરણ કરશે તો હાલના સિંચાઇ વિભાગના દરથી અનેક ગણું મોંઘુ પાણી મળશે અને તો જ કરોડોની કમાણી શક્ય બનશે. આ સમગ્ર કારસામાં સિંચાઇ વિભાગના કેટલાક અધિકારીઓ પણ ભૂંડી ભૂમિકા ભજવી રહ્યા છે. હકીકતમાં પાણીનો કોઇ મેજર પ્રોબ્લેમ હજુ સુધી જોવા મળી રહ્યો નથી પરંતુ, ઇશ્યુને મોટો દર્શાવીને મામલો પાણી સપ્લાયના ખાનગીકરણ સુધી લઇ જવાની પેરવી કરવામાં આવી રહી છે.
