ભુતપૂર્વ ચેમ્બર પ્રમુખ પરેશ પટેલની ZRUCCમાં નિમણુંક 

સધર્ન ગુજરાત ચેમ્બર ઓફ કોમર્સના ભૂતપૂર્વ પ્રમુખ અને વીર નર્મદ દક્ષિણ ગુજરાત યુનિવર્સીટીના પૂર્વ સિન્ડિકેટ – સેનેટ સભ્ય રહી ચૂકેલા ઉદ્યોગકાર પરેશ પટેલની ઝેડઆરયુસીસી ( Zonal Railway Users’ Consultative Committee ) મેમ્બર તરીકે નિમણૂક કરવામાં આવી છે, સાંસદ સી.આર.પાટીલની ભલામણથી તેમને ઝોનલ રેલવે કમિટીમાં સ્થાન આપવામાં આવ્યું છે.

અગાઉ પરેશ પટેલ સધર્ન ગુજરાત ચેમ્બર ઓફ કોમર્સના પ્રમુખ હતા ત્યારે તેઓ ડિવિઝનલ રેલવે યુઝર્સ કન્સલટેટિવ કમિટીના (ડીઆરયુસી)  મેમ્બર રહી ચુક્યા છે ત્યારે તેઓ દ્વારા સુરત સહિત દક્ષિણ ગુજરાતના રેલવે મુસાફરોને પડતી સમસ્યાના ઉકેલ માટે સતત રેલવે વિભાગમાં રજુઆતો કરવામાં આવીહતી. પરેશ પટેલ વર્ષ 2011માં ચૂંટણી જીતીને ચેમ્બર ઉપપ્રમુખ બન્યા હતા, અને 2012માં પ્રમુખ બન્યા હતા, ત્યારબાદ વર્ષ 2012થી 2017 દરમિયાન વીએનએસજીયુમાં સિન્ડિકેટ અને સેનેટ સભ્ય તરીકે સેવા આપી હતી.