CIA ALERT
   

Blog - Page 292 of 708 - CIA Live

Bring to the table win-win survival strategies to ensure proactive domination. At the end of the day, going forward, a new normal that has evolved from generation.
October 30, 2020
Civil-Bribe.jpg
AlertSliderક્રાઇમગુજરાત

Ahmedabad : સોલા સિવિલ હોસ્પિટલના 2 RMO 8 લાખની લાંચ લેતા પકડાયા

1min7100

રાજ્યની સરકારી હોસ્પિટલોમાં ચાલી રહેલા ભ્રષ્ટ વહિવટને ઉજાગર કરતી બનેલી ઘટનામાં ગઇ તા.29મી ઓક્ટોબર 2020ને ગુરુવારે અમદાવાદમાં બે સરકારી તબીબો રૂ.8 લાખની લાંચના કેસમાં આબાદ ઝડપાઇ ગયા છે.

અમદાવાદની સોલા સિવિલ હોસ્પિટલના બે ડોક્ટરો હોસ્પિટલના કેટરિંગ કોન્ટ્રાક્ટરનું બિલ ક્લીયર કરાવી આપવાના બદલામાં રૂપિયા માગ્યા હતા. કેટરિંગ કોન્ટ્રાક્ટરના બાકી રહેલા 1 કરોડ પેમેન્ટને છૂટું કરાવી આપનાના બદલામાં લાંચ માગી હતી.

Sola Civil in-charge RMO, administrative officer caught taking Rs 8L bribe

સોલા હોસ્પિટલના ઈન્ચાર્જ આરએમઓ ઉપેન્દ્ર પટેલ બીજા આરએમઓ ડૉ.શૈલેષ પટેલ એસીબીના સકંજામાં આવી ગયા છે. બન્ને આરોપીને એસીબીએ ડિટેઈન કર્યા છે. સિવિલના બે મોટા ડોક્ટર ઝડપાતા ખળભળાટ મચી જવા પામ્યો છે.

કોન્ટ્રાક્ટર દ્વારા કેન્ટિન ફેસિલિટી બાબતે રજૂ કરેલ 1.18 કરોડ રૂપિયાના બીલ મંજૂર કરવા માટે પ્રથમ 30% લેખે લાંચની માંગણી કરેલ રકઝકના અંતે 16% લેખે 16 લાખ રૂપિયાની લાંચની માંગણી કરેલી હતી. જેમાં ફરીયાદી પાસેથી અગાઉ બે તબક્કે રૂપિયા 10 લાખ લઈ લીધેલ તથા બાકીના 6 લાખ રૂપિયા અને સાથે ફરીયાદીના ભાઇની કેન્ટિનનું ટેન્ડર ત્રણ વર્ષ માટે મંજૂર કરવા બીજા 2 લાખ રૂપિયાની લાંચ માંગેલ એમ મળી કુલ 8 લાખ રૂપિયા લાંચની માંગણી કરી હતી.

October 30, 2020
france.jpg
ઇન્ટરનેશનલ

France : નાઇસ શહેરમાં ચપ્પુ મારી ત્રણની હત્યા

1min5220

નાઇસના મેયર ક્રિસ્ટિયન એટ્રોસી પ્રમાણે, આરોપીની ધરપકડ કરી લેવામાં આવી છે. જોકે, કેટલાક મીડિયા રિપોર્ટ્સમાં દાવો કરવામાં આવ્યો છે કે હુમલાખોર આતંકવાદીનો સહયોગી છે.

ફ્રાન્સમાં આતંકવાદી હુમલો: નાઇસ શહેરમાં ચપ્પુ મારી ત્રણની હત્યા
ફ્રાન્સમાં આતંકવાદી હુમલો: નાઇસ શહેરમાં ચપ્પુ મારી ત્રણની હત્યા

ફ્રાન્સ (France)માં 15 દિવસમાં બીજીવાર આતંકવાદી હુમલો (Terror Attack) થયો છે. એક માથાફરેલે ચપ્પુથી કેટલાક લોકો પર હુમલો કરી દીધો છે. ઘટનામાં બેના નિધન થયા છે. એક વ્યક્તિ ગંભીર રીતે ઇજાગ્રસ્ત છે. નાઇસના મેયર ક્રિસ્ટિયન એટ્રોસી પ્રમાણે, આરોપીની ધરપકડ કરી લેવામાં આવી છે. જોકે, કેટલાક મીડિયા રિપોર્ટ્સ (Media Reports)માં દાવો કરવામાં આવ્યો છે કે હુમલાખોર આતંકવાદીનો સહયોગી છે.

થોડાંક દિવસ પહેલા ફ્રાન્સમાં પેગંબર સાહેબનું કાર્ટૂન ક્લાસમાં બતાવનારા એક હિસ્ટ્રી ટીચરની હત્યા કરી દેવામાં આવી હતી. ત્યાર બાદ ફ્રાન્સ સરકાર ઇસ્લામિક સંગઠનો વિરુદ્ધ કડક કાર્યવાહી કરી રહી છે. વિશ્વના અનેક દેશોમાં ફ્રાન્સની ટીકા કરવામાં આવી રહી છે અને આ વિરુદ્ધ પ્રદર્શન પણ થઈ રહ્યા છે.

મીડિયા રિપોર્ટ્સ પ્રમાણે, નાઇસ શહેરમાં ચપ્પુથી હુમલાની ઘટના ગુરુવારે થઈ। એક માણસે નોટ્રે ડેમ બેસિલિયા વિસ્તારમાં કેટલાક લોકો પર એકાએક ચપ્પુથી હુમલો કરી દીધો. આ વિસ્તાર શહેરની વચ્ચે છે. મેયર ક્રિસ્ટિયને આને સ્પષ્ટ રીતે આતંકી ઘટના જણાવી છે. ગૃહમંત્રીએ ગેરાલ્ડ લોકોને કહ્યું કે તે હાલ, આ વિસ્તારમાં જવાનું ટાળે.

October 30, 2020
corona-gujarat.jpg
AlertSliderગુજરાતડેવલપમેન્ટ

Gujarat : કોરોના રિકવરી @ 90 %

1min5130

રાજ્યમાં કોરોનાના સંક્રમણના આઠ મહિના પછી ચેપગ્રસ્ત દર્દીઓના સાજા થવાનો દર ઉત્તરોત્તર વધીને આજે ૯૦ ટકાને પાર થયો છે. જોકે, કોરોના પોઝિટિવ દર્દીઓની સંખ્યામાં વધુ ૯૮૭ કેસનો ઉમેરો થયો છે જ્યારે સારવાર હેઠળના ચાર દર્દીઓના મૃત્યુ થયા છે. આમ, રાજ્યમાં અત્યાર સુધીમાં કુલ કેસની સંખ્યા ૧,૭૧,૦૪૦ સુધી પહોંચી છે એમાંથી છેલ્લા ચોવીસ કલાકમાં વધુ ૧૦૮૩ દર્દી ડિસ્ચાર્જ થતાં કુલ સાજા થનારની સંખ્યા ૧,૫૪,૦૭૮ થઇ છે એટલે કે ૯૦.૦૮ ટકા દર્દીઓ કોરોનાને મ્હાત આપીને સાજા થઇ રહ્યા છે. અલબત્ત, મૃત્યુ આંક ૩૭૦૮ સુધી પહોંચ્યો છે જે ૨.૧ ટકા જેટલો થવા જાય છે.

છેલ્લા ચોવીસ કલાકમાં સૌથી વધારે કેસ સુરતમાંથી ૨૨૩ કેસ નોંધાયા છે એમાં મહાનગરમાંથી ૧૬૨ કેસ આવ્યા છે જ્યારે ગ્રામ્ય અને શહેરના એક એક દર્દીના કોરોનાથી મૃત્યુ થયાનું જાહેર કરાયું છે. અમદાવાદ શહેરમાંથી ગુરુવાર સાંજ સુધીમાં નવા ૧૫૯ કેસ નોંધાયા છે જ્યારે ગ્રામ્યના ૧૨ કેસ છે. શહેરમાંથી એક દર્દીનું મૃત્યુ થયું છે. એક સપ્તાહમાં વધઘટ પછી વડોદરમાં એકાએક કેસ વધીને ૭૯ સુધી પહોંચ્યા છે જ્યારે ગ્રામ્યના નવા ૩૮ કેસ ઉમેરાયા છે. રાજકોટમાં રફતાર ધીમી પડી હોય તેમ નવા ૫૭ કેસ અને ગ્રામ્યના ૩૯ કેસ નવા નોંધાયા છે. જામનગર શહેરમાંથી ૧૮ કેસ અને ગ્રામ્યના ૧૦ મળી ૨૮ કેસ નોંધાયા છે. બીજી તરફ ગાંધીનગરમાંથી કુલ ૩૪ કેસ નોંધાયા છે એમાં શહેરના ૧૭ કેસ સાથે એક દર્દીના મૃત્યુનો સમાવેશ થાય છે.

ભાવનગર જિલ્લામાંથી કુલ ૧૮ કેસ અને જૂનાગઢમાંથી કુલ ૨૩ કેસ ઉમેરાયા છે. રાજ્યના અન્ય જિલ્લાઓમાં જોઇએ તો મહેસાણા જિલ્લામાંથી નવા ૩૩ કેસ, બનાસકાંઠા જિલ્લામાંથી ૨૮, નર્મદા ૨૭, કચ્છ અને પાટણમાંથી ૨૧-૨૧ કેસ ઉમેરાયા છે. જ્યારે સાબરકાંઠામાંથી ૨૦, સુરેન્દ્રનગરમાંથી ૧૮ કેસ નોંધાયા છે. અમરેલી અને ગીર સોમનાથ જિલ્લામાંથી ૧૫-૧૫ કેસ, પંચમહાલમાંથી ૧૩ કેસ નવા નોંધાયા છે. 

ખેડા અને મોરબી જિલ્લામાંથી ૧૨-૧૨ કેસ, અરવલ્લીમાંથી ૧૧, આણંદ ૯, ભરૂચ ૭, દેવભૂમિ દ્વારકા અને છોટાઉદેપુરમાંથી ૪-૪ કેસ, દાહોદ, તાપી, નવસારીમાંથી ૩-૩ કેસ, બોટાદ, મહીસાગર અને પોરબંદરમાંથી ૨-૨ કેસ નવા ઉમેરાયા છે. છેલ્લા ચોવીસ કલાકમાં રાજ્યમાં પોઝિટિવ કેસ શોધવા માટે નવા ૫૨,૯૮૯ ટેસ્ટ કરાયા હતા એનો કુલ આંક ૫૯,૫૦,૬૧૬ સુધી પહોંચ્યો છે જ્યારે હાલ એક્ટિવ કેસ ૧૩,૨૫૪ છે એમાંથી ૬૧ દર્દી વેન્ટીલેટર ઉપર છે જ્યારે ૧૩૧૯૩ સ્ટેબલ છે.

October 29, 2020
neetresults-1280x1168.jpg
AlertSliderગુજરાત

ગુજરાતમાં MBBS, ડેન્ટલ, આયુર્વેદિક અને હોમિયોપેથી કોલેજમાં પ્રવેશ માટે 2 નવેમ્બરથી ઓનલાઇન એપ્લિકેશન

1min16060

ગુજરાતમાં આવેલી મેડીકલ, ડેન્ટલ, હોમિયોપેથી, આયુર્વેદિક કોલેજના પહેલા વર્ષમાં પ્રવેશ માટે ઓનલાઇન રજિસ્ટ્રેશન કરાવવાનું રહેશે. ઓનલાઇન રજિસ્ટ્રેશન માટે જરૂરી પીન નંબર રૂ.200 ઓનલાઇન પેમેન્ટ થકી મેળવવાનો રહેશે.

ઓનલાઇન રજિસ્ટ્રેશન માટે જરૂરી પીન નંબર મેડીકલ એડમિશન કમિટીની વેબસાઇટ પરથી મેળવી શકાશે.

http://medadmgujarat.org/

MBBS, ડેન્ટલ, હોમિયોપેથી, આયુર્વેદિકમાં પ્રવેશ કાર્યવાહીની સરળ સમજ
October 29, 2020
cia_society-1280x880.jpg
My Worldસૌરાષ્ટ્ર

પૂર્વ મુખ્યમંત્રી કેશુભાઇનું ઋુણ ક્યારે નહીં ચૂકવી શકાય : કાનજીભાઇ ભાલાળા : પ્રમુખ – સૌરાષ્ટ્ર પટેલ સમાજ

1min5480

ગુજરાતમાં બિનકોંગ્રેસી સરકાર અને ભાજપા સરકારના પહેલા મુખ્યમંત્રી, સૌરાષ્ટ્રના કિસાન નેતા શ્રી કેશુભાઇ પટેલના નિધન પર અત્યંત ઘેરો શોક વ્યક્ત કરતા સુરતના શ્રી સૌરાષ્ટ્ર પટેલ સમાજ વતી પ્રમુખ શ્રી કાનજીભાઇ ભાલાળાએ એક પ્રેસ વિજ્ઞપ્તિમાં જણાવ્યું હતું કે ગુજરાતના વિકાસમાં જેમનો સિંહફાળો રહ્યો છે એ કેશુબાપાની વસમી વિદાયથી સૌરાષ્ટ્ર પટેલ ઘેરા શોકની લાગણી વ્યક્ત કરે છે.

શ્રી સૌરાષ્ટ્ર પટેલ સમાજ – સુરતના પ્રેસિડેન્ટ શ્રી કાનજીભાઇ ભાલાળાએ વધુમાં આ મુજબ જણાવ્યું હતું.

પ્રેસનોટ- શ્રી સૌરાષ્ટ્ર પટેલ સેવા સમાજ, સુરત.

October 29, 2020
kesubhai.jpg
AlertSliderઇન્ડીયન પોલિટીક્સગુજરાતવાયરલસૌરાષ્ટ્ર

ગુજરાતના માજી મુખ્યમંત્રી કેશુભાઈ પટેલનું 92 વર્ષની વયે નિધન

1min5930

ગુજરાતના માજી મુખ્યમંત્રી અને સૌરાષ્ટ્રના ખેડૂત નેતા, ભાજપાના વરિષ્ઠ નેતા તેમજ ગુજરાતમાં ભાજપના પહેલા સીએમ બનવાનું શ્રેય જેના ફાળે છે એ કેશુભાઈ પટેલે આજે તા.29મી ઓક્ટોબર 2020ના રોજ અંતિમ શ્વાસ લીધા હતા. 92 વર્ષની વયે તેમનું નિધન થતાં ભાજપ સમેત સમગ્ર સૌરાષ્ટ્રમાં શોક પ્રસરી ગયો છે. તબિયત નાદુરસ્ત થતાં શ્રી કેશુબાપાને સ્ટર્લિંગ હોસ્પિટલમાં લાવવામાં આવ્યા હતા. તેમના અવસાનની હોસ્પિટલ દ્વારા પણ પુષ્ટિ કરવામાં આવી છે.

PM Modi

કેશુબાપાના પુત્ર ભરત પટેલના જણાવ્યા અનુસાર, કોરોનામાંથી રિવકર થયા બાદ કેશુભાઈનું સ્વાસ્થ્ય કથળી રહ્યું હતું. તેમને ઓક્સિજન લેવામાં તકલીફ પડી રહી હતી. જેથી તેમને હોસ્પિટલમાં ખસેડવામાં આવ્યા હતા.

CM વિજય રૂપાણીએ કેશુભાઈ પટેલના અવસાન અંગે શોકની લાગણી વ્યક્ત કરતા તેમને ગુજરાતમાં જનસંઘથી લઈને ભાજપ સુધી વટવૃક્ષ ઉભું કરનારા અને રાજકીય ક્ષેત્રે મહત્વપૂર્ણ પ્રદાન કરનારા સમર્પિત નેતૃત્વકર્તા ગણાવ્યા હતા.

રુપાણીએ જણાવ્યું હતું કે, કેશુભાઈ પટેલે પોતાનું સમગ્ર જીવન રાષ્ટ્રને અર્પણ કર્યું હતું, એટલું જ નહિ ખેડૂત પુત્ર તરીકે પણ તેમણે ખેડૂત હિત સહિત અનેક લોક સેવા કાર્યોથી ભાજપને અપ્રતિમ લોક ચાહના અપાવી. તેમના અવસાનથી આપણને સૌને મોટી ખોટ પડી છે અને આ ખોટ આપણને સદાય સાલશે.

કેશુબાપા જનસંઘના વખતથી ભાજપ સાથે જોડાયેલા હતા. ગુજરાતમાં તેઓ ભાજપના પહેલા મુખ્યમંત્રી પણ હતા. જોકે, 14 માર્ચે સીએમ બનેલા કેશુભાઈને સરકાર સામે બળવો થતાં 21 ઓક્ટોબર 1995માં રાજીનામું આપવું પડ્યું હતું.

1998માં કેશુભાઈ ફરી પૂર્ણ બહુમતી સાથે સીએમ બન્યા હતા. જોકે, આ વખતે પણ તેઓ પોતાની ટર્મ પૂરી નહોતા કરી શક્યા. 26 જાન્યુઆરી 2001ના રોજ રાજ્યમાં આવેલા ગોઝારા ભૂકંપમાં સરકારની કામગીરી સામે અનેક સવાલો ઉભા થતાં આખરે તેમને 6 ઓક્ટોબર 2001ના રોજ રાજીનામું આપવું પડ્યું હતું.

October 29, 2020
cia_society-1280x880.jpg
My World

તમારી ટ્રીટમેન્ટ કરતા ડોક્ટરને ગરબા રમતા કે નવરાત્રી આઉટફીટમાં ક્યારેય જોયા છે ?જોવાનું ચૂક્તા નહીં Suratના Doctorsનો ગરબા ઉત્સવ એ પણ તમારા મોબાઇલ પર

2min8170

જયેશ બ્રહ્મભટ્ટ 98253 44944

કોરોનાની દવા નહીં હોવા છતાં જે લોકોએ સૌથી વધુ જીંદગીઓ બચાવી છે એવા ફ્રન્ટલાઇન કોરોના વોરીયર્સ એટલે કે ડોક્ટર્સ. સુરતના ડોક્ટર્સ કોરોના સામેના અવિરત જંગમાંથી થોડો સમય કાઢીને નવરાત્રીનું આયોજન કરી રહ્યા છે.

આપણે તબીબોને હંમેશા ધીરગંભીર, વ્યસ્ત અને કેઝ્યુઅલ વેયર્સમાં જ જોયા છે. શું તમે તમારી મેડીકલ ટ્રીટમેન્ટ કરતા તબીબોને ક્યારેય ગરબા રમતા જોયા છે, શું તમે ક્યારેય તમારા ડોક્ટરને નવરાત્રીના ટ્રેડિશનલ ડ્રેસમાં જોયા છે. ગરબા રમતા આપણા ડોક્ટરને જોવા એ પણ લહાવો છે, સુરતના જુદા જુદા તબીબોના મંડળો એક થયા છે અને તેમણે નવરાત્રીનું આયોજન કર્યું છે અને એ પણ વર્ચ્યુઅલ પ્લેટફોર્મ પર એટલે કે ઝુમ અને સોશ્યલ મિડીયા પર.

સુરતના તબીબોએ આ રીતે કર્યું છે નવરાત્રીનું વર્ચ્યુઅલ પ્લેટફોર્મ પર આયોજન

આઇ.એમ.એ. સુરતના પ્રેસિડેન્ટ ડો. હિરલ શાહ, સેક્રેટરી ડો. રોનક નાગોરીયા અને ડો. હેતલ યાજ્ઞિકે સી.આઇ.એ. લાઇવ સાથે વાતચીતમાં જણાવ્યું હતું કે સુરતના ડોક્ટર્સની નવરાત્રી ઈવેન્ટમાં બધા પાર્ટિસિપન્ટ્સ (તબીબો અને તેમના પરિવારજનો) પોતાના ઘરે ગરબા રમતા, રાસ રમતા કે નવરાત્રી રિલેટેડ અન્ય કોઇપણ એકશન, સ્ટાઇલ, ડ્રેસિંગ વગેરે તેમજ માતાજીની આરતીની વિડીયોગ્રાફી કરીને એ ડોક્ટર્સના એડમિન ગ્રુપમાં submit કરશે. ડોક્ટર્સ નવરાત્રીના આયોજકો બધા વિડીયો અને compile કરશે અને તેમાં ડો. મુકુલ ચોક્સીની રસપ્રદ કોમેન્ટ્રી સાથે ઝુમ એપ્લિકેસન પર દોઢથી બે કલાક માટે લાઈવ કરવામાં આવશે. અને આ ઇવેન્ટ આશરે ૪૦૦ થી ૫૦૦ ડોક્ટર જુમ એપ્લિકેશન પર નિહાળશે. દરેક પાર્ટિસિપન્ટ્સ ડોક્ટર્સ ફેમિલી મેમ્બરને ટોકન ગિફ્ટ આપવામાં આવશે અને વિજેતાઓને પણ પ્રાઇઝ આપવામાં આવશે. જોવા વાળા ડોક્ટર પણ ટ્રેડિશનલ ડ્રેસમાં આ ઇવેન્ટ ને નિહાળશે.

આપણે સૌ (બિનતબીબ) ફેસબુક પર તબીબોના ગરબાને લાઇવ માણી શકીશું

સુરતના ડોક્ટર્સની આખી ઇવેન્ટનું facebook લાઈવ પણ કરવામાં આવશે. જેની લિંક અહીં પ્રસ્તુત છે.

https://www.facebook.com/indianmedicalassociationsurat

કોરોના ના કપરા કાળમાં આવી રીતે ઇ નવરાત્રિનું પ્રથમવાર આયોજન કરીને IMA (Indian Medical Association) સુરત એ એક ઉચ્ચ કોટિનું ઉદાહરણ આપ્યું છે. સમાજમાં જાગૃતતા લાવી ને કોઈ બીજી વ્યક્તિ સંક્રમિત ન થાય અને નવરાત્રી ની મજા પણ લઈ શકે તેવી દિશા બતાવી છે એમ મીડિયા કોઓર્ડીનેટર ડોક્ટર હેતલ કુમાર યાગ્નિક એ જણાવ્યું હતું. સુરતવાસીઓને આ ઇવેન્ટ ને facebook લાઈવ પર જોવા માટે IMA સુરત આમંત્રિત કરે છે.

જુદા જુદા તબીબી સંગઠનો સંયુક્ત રીતે નવરાત્રી ઉજવી રહ્યા છે

  • SMCA
  • IMA
  • APS
  • SPACT
  • SOGS
  • WDW IMA

આ તબીબો સમગ્ર ઇવેન્ટનું સંકલન કરી રહ્યા છે

  • ડો. અનિતા શાહ
  • ડો. સેજલ નાયક
  • ડો.મિનલ જરીવાલા
  • ડો.ફાલ્ગુની જરીવાલા
  • ડો. સોનલ ચાવડા
  • ડો. દિપાલી સોલંકી

ડોક્ટર્સ નવરાત્રીને આમણે તન, મન, ધનથી સપોર્ટ કર્યો છે

  • ડો. હિતેશ ચિત્રોડા (ન્યુરો એન્ડ સ્પાઇન સર્જન) અને
  • ડો. આલાપ મહેતા (એચ.આઇ.વી. એન્ડ ઇન્ફેક્શિયસ ડિસીઝ સ્પેશ્યાલિસ્ટ
October 28, 2020
CIA_Live_Logo_New2.jpg
AlertSliderગુજરાતશિક્ષણ સર્વદા

પડ્યા પર પાટું : સ્કુલોએ RTE પ્રવેશની 10 હજાર ફીમાં 25% રાહત સરકારને આપવી પડશે?

1min8830

જયેશ બ્રહ્મભટ્ટ 98253 44944

રાજ્યના શિક્ષણ વિભાગથી ખાસ્સા નારાજ ગુજરાતના ખાનગી સ્કુલોના સંચાલકોની સ્થિતિ પડ્યા પર પાટું જેવી થાય તેમ છે. આમેય રાઇટ ટુ એજ્યુકેશન એક્ટ સામે શાળા સંચાલકો મૂંગા મોઢે 25 ટકા બેઠકો પર બાળકોને સમાવી રહ્યા છે, હવે એ બાળકોના અભ્યાસની વાર્ષિક રૂ.10 હજાર ફીમાં પણ ચાલુ વર્ષે સરકારના નિયમ મુજબ 25 ટકા રાહત શાળાઓએ સરકારને આપવી પડે તેવી સ્થિતિ સર્જાવા તરફ છે.

સુરેન્દ્રનગરની જિલ્લા શિક્ષણ સમિતિએ તાજેતરમાં જારી કરેલા એક પરિપત્રમાં આ મતલબનો એક મુદ્દો ઉપસ્થિત કર્યો છે જેમાં ચાલુ વર્ષે કોવીડ-19ની સ્થિતિમાં શાળાઓ પ્રત્યક્ષ રીતે બંધ હોઇ, વાલીઓની માગણી અનુસાર ગુજરાત સરકારે શાળાઓને 25 ટકા ફી માફી આપવા જણાવ્યું છે. વાલીઓને ભલે સરકારની 25 ટકા ફી માફી નથી જોઇતી પરંતુ, સરકાર એટલે કે સુરેન્દ્રનગરની જિલ્લા શિક્ષણ સમિતિના પરિપત્ર અનુસાર ત્યાંની સ્કુલોએ આર.ટી.ઇ.માં પ્રવેશાર્થી બાળકોની ચૂકવવાની થતી રૂ.10 હજારની વાર્ષિક ફીમાં 25 ટકા રાહત આપીને માગણું તૈયાર કરવું પડે એમ છે. આમ, આ રેલો જે સમગ્ર ગુજરાતમાં વિસ્તરશે તો શાળા સંચાલકોની સ્થિતિ વધુ કફોડી બને તેમ છે.

સુરેન્દ્રનગર જિલ્લા શિક્ષણ સમિતિએ પરિપત્ર કર્યો છે. જેમાં આરટીઈ સંદર્ભની તમામ માહિતી ખાનગી શાળાઓ પાસેથી માગવામાં આવી છે. આ પરિપત્રમાં એક મુદ્દામાં જણાવ્યું છે કે ‘ગત વર્ષે ફી નિયમન સમિતિ દ્વારા મંજૂર કરવામાં આવેલી ફીના વાર્ષિક 75 ટકા લેખે બે સત્રમાં ચૂકવવાની થતી હોય તે મજુબ શાળા ફી અંગેની માહિતી તૈયાર કરવાની રહેશે’.આ મુદ્દાનું અર્થઘટન સરકારે આરટીઈ હેઠળ ખાનગી શાળાને ચુકવવાની થતી ટયુશન ફીમાં 25 ટકા રાહત લીધી હોવાનું થઈ રહ્યું છે.

અગ્રણી શાળા સંચાલકો કહે છે સરકારની ક્લેરિટી જરૂરી

સુરતના અગ્રણી પ્રાઇવેટ સ્કુલના ટ્રસ્ટી કહે છે કે આ મુદ્દો હજુ સુરેન્દ્રનગર જિલ્લા શિક્ષણ સમિતિ ખાતે ઉપસ્થિત થયો છે. પરંતુ, આ મુદ્દો ઘણો સંવેદનશીલ છે અને રાજ્ય સરકારે આ વિષયમાં સ્પષ્ટતા કરવી જોઇએ. આમેય શાળા સંચાલકોની આર્થિક સ્થિતિ ડામાડોળ થઇ ચૂકી છે ત્યારે જો સરકાર તરફથી 25 ટકા ફી કાપી લેવામાં આવશે તો વધુ ફટકો શાળા સંચાલકોએ સહન કરવો પડશે.

ખાનગી શાળા સંચાલક મહામંડળના પ્રમુખ ભરતભાઇ ગાજીપરાએ કહ્યું કે..

મહામંડળના પ્રમુખ ભરતભાઈ ગાજીપરાએ આ અંગે મિડીયા કર્મીઓને જણાવ્યું હતું કે આ પરિપત્ર મુજબ સરકારને પણ વાલીઓની જેમ રપ ટકા રાહત જોઈએ છે. અમને દર વર્ષે આરટીઈના વિદ્યાર્થીની ટોકન દરે માત્ર 10 હજાર રૂપિયા ફી ચુકવવામાં આવે છે. તેમાં પણ આ વર્ષે 25 ટકા ફી કાપીને આપવાનો પરિપત્ર થયો છે. જે અમને ખુબ અન્યાયકર્તા છે. આ મામલે ન્યાય નહીં મળે તો કોર્ટમાં જવાની તૈયારી મહામંડળે દર્શાવી છે.

October 28, 2020
voting.jpg
AlertSliderઇન્ડીયન પોલિટીક્સઇન્ડીયા

કોરોના કાળમાં ભારતમાં પહેલી વખત મતદાન : બિહારની 71 બેઠકો માટે ચાલી રહ્યું છે વોટિંગ

1min7630
Bihar Vidhan Sabha Chunav 2020 Live Updates Ist phase of Voting

ગત માર્ચ 2020માં કોરોના લૉકડાઉન બાદ ભારતમાં સૌથી પહેલી વખત ડાયરેક્ટ વોટિંગ યોજાઇ રહ્યું છે. બિહાર વિધાનસભાની ચૂંટણીના પ્રથમ તબક્કામાં આજે તા.28મી ઓક્ટોબરે સવારે 7ના ટકોરે બિહારની કુલ 71 વિધાનસભા બેઠકો પર શાંતિપૂર્ણ રીતે વોટિંગ શરૂ થયું હોવાના અહેવાલો મળ્યા છે. બપોરે 12 વાગ્યા સુધીમાં મંદ ગતિએ ઠીકઠીક મતદાન નોંધાયું હતું.

પ્રથમ તબક્કાના મતદાનમાં 1066 ઉમેદવારોનું ભાવિ બે કરોડ કરતાં વધુ મતદારો પૈકી સાંજે 6 વાગ્યા સુધીમાં જેટલા મતદારો મતદાન કરશે એ ઇવીએમમાં સીલ થઇ જશે.

Bihar Assembly Election 2020 Voting Live Updates: Bihar Vidhan Sabha Election/Chunav, Voting Percentage, Exit Poll Results, Latest News

આજે કુલ 54 બેઠકો પર એનડીએ અને મહાગઠબંધનના ઉમેદવારો વચ્ચે સીધો જંગ છે જ્યારે બાકીની 17 બેઠક પર ત્રિકોણીય મુકાબલો યોજાઇ રહ્યો છે.

આજે પહેલા તબક્કાના મતદાન બાદ બીજા બે તબક્કા સાથે બિહાર વિધાનસભા ચૂંટણી ૩ તબક્કામાં પૂર્ણ થશે.

પ્રથમ તબક્કાની બેઠકોમાં તેજસ્વી યાદવના નેતૃત્વ હેઠળના મહાગઠબંધન તરફથી RJD 42, કોંગ્રેસ 21 અને સીપીઆઇ માલેના 8 ઉમેદવાર મેદાનમાં છે જ્યારે નીતીશકુમારની આગેવાની હેઠળના એનડીએ ગઠબંધન તરફથી JDUના 35, ભાજપના 29, હિંદુસ્તાન અવામ મોરચાના 6 અને વીઆઇપીના એક ઉમેદવાર ચૂંટણી લડી રહ્યા છે.

October 27, 2020
ipl2020.jpg
AlertSliderઇન્ડીયારમત જગત

IPL 2020 : 10 મેચ બાકી : ચોથી ટીમ કઇ હશે? શક્યતાઓ કેટલી વાંચો અહીં

1min5220

આઇ.પી.એલ. માં જાણો ચોથી ટીમ કઇ હશે

મુંબઇ ઇન્ડીયન્સ, દિલ્હી કેપિટલ્સ અને રોયલ ચેલેન્જર્સ બેંગ્લોર આ ત્રણ ટીમ ટોપ થ્રી ટીમ બને એવી શક્યતા 95 ટકા છે.

આ ત્રણ ટીમો જ આઇ.પી.એલ. 2020માં મેક્સિમમ 20 પોઇન્ટ સુધી પહોંચી શકે તેવી સ્થિતિમાં છે. આ ત્રણ પૈકી જો કોઇ એક ટીમ મેક્સિમમ 20 પોઇન્ટ સુધી પહોંચશે તો બાકીની બન્ને ટીમ 20 પોઇન્ટ સુધી પહોંચી શકશે નહીં.

આ ત્રણ સિવાય કોલકાતા નાઇટ રાઇડર્સ અને કિંગ્સ ઇલેવન પંજાબ વચ્ચે ચોથા પ્લેસ માટે કોમ્પિટીશન જોવા મળે તેવા સંજોગો છે.

આઇ.પી.એલ.માં હવે 10 મેચ બાકી છે અને આ 10 મેચના પરીણામો કુલ 1024 રીતે આઇ.પી.એલ.ને પ્લેઓફમાં સ્પર્શી શકે તેમ છે.

હાલના તબક્કે 8 પૈકી ચેન્નઇ સુપર કિંગ્સ એવી ટીમ છે જેના પ્લેઓફ રાઉન્ડમાં જવાના કોઇ જ ચાન્સિસ નથી.

રાજસ્થાનની શક્યતાઓ

રાજસ્થાન રોયલ્સની હવે 2 મેચ બાકી છે. આ બન્ને મેચો રાજસ્થાન રોયલ જીતે એ પછી પણ પ્લેઓફ માટે તેની શક્યતાઓ ફક્ત 3 ટકા છે.

સનરાઇઝર્સ હૈદરાબાદની શક્યતાઓ

સનરાઇઝર્સ હૈદરાબાદની હજુ 3 મેચ બાકી છે. આ ત્રણેય મેચો હૈદરાબાદ જીતે આમ છતાં પણ તેના પ્લેઓફમાં જવાના ચાન્સિસ જો અને તો પર રહેશે. ફક્ત 7 ટકા પોસિબ્લિટી છે કે હવે પછીની ત્રણેય મેચો જીત્યા પછી પણ હૈદરાબાદ આઇ.પી.એલ. પ્લે ઓફમાં ચોથી ટીમ બની શકે.

ઉપરોક્ત કારણો અને શક્યતાઓને જોતા કોલકાતા નાઇટ રાઇડર્સ અને કિંગ્સ ઇલેવન પંજાબ બે ટીમો વચ્ચે ચોથા ક્રમના સેમિફાઇનલિસ્ટમાં સ્થાન પામવા ભારે રસાકસી જોવા મળે તેમ છે.

Newer Posts

Older Posts