કામરેજની વિદ્યામંગલ શાળાને પ્રેરણાદાયી શાળાનું પ્રતિષ્ઠાસભર બહુમાન
બે દાયકાની સફરના આરે આવીને ઉભેલી 2020માં જે 20 વર્ષ પૂર્ણ કરી રહી છે એ કડવા પાટીદાર કેળવણી મંડળ સંચાલિત કામરેજના ધોરણપારડી ખાતે આવેલી વિદ્યામંગલ નિવાસી શાળાને ગઇ તા.10મી સપ્ટેમ્બર 2019ના રોજ નવી દિલ્હીના ગુડગાંવ ખાતે યોજાયેલા ઇન્ડીયા સ્કુલ એવોર્ડસના દબદબાભર્યા સમારોહમાં ભારતની ટોપ ટ્વેન્ટી મોસ્ટ ઇન્સ્પીરેશનલ સ્કુલનો એવોર્ડ એનાયત કર્યો છે. સંસ્થાના યશસ્વી સુકાની શ્રી અરવિંદભાઇ પટેલ અને તેમની ટીમે જ્યારે આ એવોર્ડ સ્વીકાર્યો ત્યારે સંસ્થાની સ્થાપના પાછળ રહેલા ઉમદા હેતુઓ ચરિતાર્થ થયાની અનુભૂતિ કરી હતી. હજુ ગયા વર્ષે જ બેંગ્લોર ખાતે યોજાયેલા સમારોહમાં વિદ્યામંગલ નિવાસી શાળાને બેસ્ટ રેસિડેન્સીયલ સ્કુલનો એવોર્ડ મળી ચૂક્યો છે.
શાળા એવી હોય જે વિદ્યાર્થીઓને અભ્યાસ સમેત કંઇક નવું સંશોધનાત્મક, કંઇક નવું પ્રેરણાત્મક કંઇક ઉમદા કરવાની પ્રેરણા આપે. અભ્યાસ સાથે વિદ્યાર્થીને માનવ બનાવે, અભ્યાસ સાથે વિદ્યાર્થીનો સર્વાંગીણ વિકાસ સાધે. આ તમામ ગુણોમાં બિલકુલ પોતાની રીતે, પોતાની પદ્ધતિથી વિકાસના માર્ગે આગળ વધી રહેલી સુરત નજીકના કામરેજના ધોરણ પારડી સ્થિત કડવા પાટીદાર કેળવણી મંડળ સંચાલિત વિદ્યામંગલ નિવાસી શાળાની સિદ્ધિઓમાં વધુ એક મોરપીચ્છ ઉમેરાયું છે અને આ મોરપીચ્છ ઇન્ડીયા સ્કુલ એવોર્ડસમાં મળેલી શ્રેષ્ઠ પ્રેરણાદાયી શાળા તરીકેનું છે.
નફાખોરીથી બિલકુલ વિપરીત પોતાનામાંથી વધુ ઉમેરીને કુશળ સંચાલન કરી રહેલા કડવા પાટીદાર કેળવણી મંડળના મેનેજમેન્ટની સક્રીય ભૂમિકા, કુશળ નેતૃત્વ અને પ્રેરણાત્મક આશીર્વચનને કારણે વિદ્યામંગળ નિવાસી શાળા દિન દૌગૂની રાત ચૌગૂની પ્રગતિ સાધી રહી છે.
અમારા બાળકોની આવતીકાલને બહેતર બનાવવા માટે અમે આજે પુરુષાર્થ કરીએ છીએ : અરવિંદભાઇ પટેલ
સંસ્થાના સુકાની એવા શ્રી અરવિંદભાઇ પટેલ કહે છે કે અમારી સ્પર્ધા કોઇ સંસ્થા સાથે નથી, અમારી સ્પર્ધા અમારી સાથે જ છે. અમે ગઇકાલે જે હતા, તેનાથી આજે બહેતર બનવા મથીએ છીએ અને આજે જે છીએ તેનાથી આવતીકાલ અમારી બહેતર હશે, અમારા બાળકોની બહેતર આવતીકાલ માટે અમે આજે પ્રયાસો કરીએ છીએ।
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now