વુમન હેલ્થ એન્ડ હાઇજીન પ્રોજેક્ટ માટે વેટરન્સ ઇન્ડિયા વુમન Surat વિંગ તરફથી

સાયન્સ સેન્ટર, ઇન્ડોર સ્ટેડીયમ, નર્મદ લાઇબ્રેરી અને કિલ્લામાં સેનેટરી પેડ વેન્ડિંગ મશીન્સ મૂકાયા

“વુમન હેલ્થ એન્ડ હાઇજીન પ્રોજેક્ટ” : વેટરન્સ ઇન્ડિયા વુમન વિંગ સુરત તરફથી શુક્રવાર ૨૦ સપ્ટેમ્બર ૨૦૧૯ના રોજ સુરત શહેર વોર્ડ નંબર – ૨૦ના મ્યુનિસિપલ કોર્પોરેટર રૂપલ શાહના સહયોગથી કુલ પાંચ સેનેટરી પેડ વેન્ડિંગ મશીનનું લોકાર્પણ કરવામાં આવ્યું છે. શહેરની મહિલાઓ માટે આપવામાં આવેલા પાંચ સેનેટરી પેડ વેન્ડિંગ મશીન્સ પૈકી 2 મશીન સાયન્સ સેન્ટરમાં, 1 સુરતના ઐતિહાસિક કિલ્લામાં, 1 નર્મદ લાઈબ્રેરી અને એક ઇન્ડોર સ્ટેડીયમ ખાતે મુકવામાં આવ્યા હોવાનું કોર્પોરેટર રૂપલબેન શાહે સી.આઇ.એ.ને જણાવ્યું હતું.

વધુમાં રૂપલબેને જણાવ્યું હતું કે આ ઉમદા કાર્ય માટે અમે વેટરન્સ ઇન્ડિયા વુમન્સ વિંગના આભારી છીએ અને ભવિષ્યમાં પણ તેઓ આ પ્રકારે મદદરૂપ થાય એવી આશા છે.

આ પાંચ સેનેટરી પેડ વેન્ડિંગ મશીન માટેનો સહયોગ નેશનલ સેક્રેટરી ગીતા શ્રોફ અને વાઈસ પ્રેસીડન્ટ ભાવના મુકાતીવાલાના પ્રયાસથી શહેરની પ્રતિષ્ઠિત પ્રાઈમ બેંકના સૌજન્યથી આપવામાં આવ્યા છે.

બધા વેન્ડિંગ મશીન વેટરન્સ ઇન્ડિયા વુમન વિંગ સુરતનાં પ્રેસીડન્ટ લીના જીગ્નેશ દેસાઈનાં નેજા હેઠળ મુકવામાં આવ્યાં હતા. આ પ્રસંગે સેક્રેટરી હર્ષાબેન સોલંકી અને વાઈસ પ્રેસીડન્ટ ધ્રુવી કાપડિયા ઉપસ્થિત રહ્યા હતા.

આ કાર્ય માટે વેટરન્સ ઇન્ડિયા વુમન વિંગ સુરત તરફથી કોર્પોરેટર રૂપલ શાહ અને સાયન્સ સેન્ટરનાં ચીફ કયુરેટર ભામિની મહીડા તેમજ પ્રાઈમ બેંક અને તેઓના ચેરમન અને વ્યસ્થાપક કમીટી અને કર્મચારી ગણનાં સંપૂર્ણ સહયોગ બદલ આભાર વ્યક્ત કરવામાં આવ્યો હતો.

જાહેર સ્થળોએ આ પ્રકારના વેન્ડિંગ મશીન્સ વધુ મૂકાશે

મ્યુનિસિપલ કોર્પોરેટર રૂપલબેને જણાવ્યું કે વુમન્સ હેલ્થ એન્ડ હાઇજિનની આ યોજના સુરતમાં અમે આગળ ધપાવીશું. જ્યાં મહિલાઓની વધુ અવરજવર હશે એવા સ્થળો પર આગામી દિવસોમાં વધુ 20-25 સેનેટરી પેડ વેન્ડિંગ મશીન્સ મૂકવામાં આવશે.