દિલ્હી કેપિટલ ટીમ માટે આઇપીએલ-2019ના ફાઇનલ પ્રવેશની રાહ ભલે મુશ્કેલ બની ગઇ હોય પણ અનેક બાધાએ પાર કરી અહીં સુધી પહોંચેલી આ ટીમ બુધવારે સનરાઇઝર્સ હૈદરાબાદ સામે એલિમિનેટર મેચ જીતી ખુદને સાબિત કરવા માંગશે. આ મેચમાં હાર સહન કરનાર ટીમ આઇપીએલની બહાર થઇ જશે. જ્યારે જીતનાર ટીમે મુંબઇ-ચેન્નાઇ વચ્ચેના મેચની પરાજિત ટીમ સામે રમવાનું રહેશે.
આઇપીએલની 12મી સિઝનમાં નવા નામ અને ટીમમાં અનેક બદલાવ કરી મેદાને પડનાર દિલ્હીની ટીમ મજબૂત ટીમો પૈકિની એક છે. પોઇન્ટ ટેબલ પર મુંબઇ અને ચેન્નાઇ સાથે એકસમાન 18 પોઇન્ટ દિલ્હીના રહયા હતા, પણ નબળા રન રેટને લીધે તે ત્રીજા સ્થાને રહી છે. આથી તેને હૈદરાબાદ સામે કરો યા મરો એલિમિનેટર મેચ રમવો પડી રહયો છે. દિલ્હીની ટીમ આ પહેલા કયારે પણ આઇપીએલના ફાઇનલમાં પહોંચી નથી. બીજી તરફ સનરાઇઝર્સ હૈદરાબાદની ટીમ માત્ર 12 પોઇન્ટ સાથે કિસ્મતથી પ્લેઓફમાં પહોંચી છે.’
દિલ્હીની મુખ્ય તાકાત તેનો ઝડપી બોલર કાગિસો રબાડા હતો, પણ તે વિશ્વ કપની તૈયારી માટે આફ્રિકા પરત ફરી ચૂકયો છે. તેની ખોટ દિલ્હીને પડશે. તો સનરાઇઝર્સને વોર્નર અને બેયરસ્ટોની ખોટ પડી રહી છે. દિલ્હી તરફથી અનુભવી શિખર ધવન 4પ0 રન કરી ચૂકયો છે, પણ યુવા પૃથ્વી શોની નિષ્ફળતા ટીમ માટે ચિંતાનું કારણ બન્યું છે. સુકાની શ્રેયષ અય્યર અને રીષભ પંત મોકો ચૂકવા માંગશે નહીં.
આ સામે હૈદરાબાદ સામે રાશિદખાન, ભુવનેશ્વર અને ખલિલના રૂપમાં સારા બોલર છે. સુકાની કેન વિલિયમ્સને પાછલા મેચમાં અર્ધસદી કરીને ફોર્મમાં વાપસી કરી છે. સનરાઇઝર્સને કિવિ ઓપનર માર્ટિન ગુપ્ટિલ પાસેથી આતશી ઇનિંગની આશા રહેશે. મેચ બુધવારે સાંજે 7-30થી શરૂ થશે.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now