ભારતીય પર્યટકોની સંખ્યા વધવાના અંદાજને પગલે ઘણા દેશોએ છેલ્લા 8-10 મહિનામાં વિઝા અને પ્રવેશ પ્રક્રિયાના નિયમ હળવા કર્યા છે.

UAE ભારતીયોને ફ્રી ટ્રાન્ઝિટ વિઝા આપે છે

તાજેતરમાં UAEએ ભારતીયોને ફ્રી ટ્રાન્ઝિટ વિઝા આપવાનું શરૂ કર્યું છે. જેના ભાગરૂપે UAE થઈને અન્ય દેશોમાં જતા ભારતીયો UAEમાં બે દિવસ ગાળી શકશે. વિઝાની મુદત 50 દિરહામ ચૂકવી વધુ 96 કલાક માટે વધારી શકાશે.

ઇઝરાયલે ભારતીયો માટે વિઝા ફી મે મહિનાના ₹1,700થી ઘટાડી ₹1,100 કરી

ઇઝરાયલે ભારતીય મુસાફરો માટેની વિઝા ફી મે મહિનાના ₹1,700થી ઘટાડી ₹1,100 કરી છે. જૂન 2018થી ઇઝરાયેલ સરકારે ભારતીયો માટે એક્સપ્રેસ વિઝાની પણ શરૂઆત કરી છે, જે બે વર્કિંગ ડેમાં ઉપલબ્ધ બનશે. ઉપરાંત, પર્યટન માટે ઇઝરાયલની મુલાકાત લેનારા ભારતીયોની B2 વિઝા કેટેગરીની એપ્લિકેશન ફીમાં ઘટાડો કરવામાં આવ્યો છે.

ઇઝરાયલ જેવા દેશમાં ગયા વર્ષે સૌથી વધુ 60,000 ભારતીય પર્યટકો આવ્યા હતા. ઇઝરાયલના ટૂરિઝમ મંત્રાલયના ડિરેક્ટર હસન મદાહે જણાવ્યું હતું કે, “જાન્યુઆરીથી એપ્રિલના ગાળામાં ભારતીય પર્યટકોના આગમનમાં અગાઉના વર્ષના સમાન ગાળાની તુલનામાં 27 ટકા વધારો (લગભગ 19,000 મુસાફરો) નોંધાયો છે, જે 2018 સુધીમાં અમારા 1 લાખ પર્યટકોના લક્ષ્યાંકની નજીક પહોંચવામાં મદદ કરશે.”

જાપાને ભારતીય નાગરિકો માટે વિઝાના નિયમ હળવા કર્યા છે. જેમાં પહેલી જાન્યુઆરીથી ટૂંકા ગાળાના પ્રવાસ માટે મલ્ટિપલ એન્ટ્રી વિઝાની જોગવાઈ છે.

ચાલુ મહિને ઓમાને ભારતીય પર્યટકોને આકર્ષવા ‘વિઝા ઓન અરાઇવલ’નો પ્રારંભ કર્યો છે.

એન્ટ્રી વિઝા ધરાવતા અથવા અમેરિકા, ઓસ્ટ્રેલિયા, બ્રિટન, જાપાન અને શેન્જેન દેશોમાં રહેતા લોકોને ઓમાનમાં પ્રવેશવા આ સુવિધા મળશે. આ છ દેશોનો વિઝા ધરાવતી વ્યક્તિના જીવનસાથી અથવા બાળકો તેમની સાથે હશે તો તેમને પણ ‘વિઝા ઓન અરાઇવલ’ની સુવિધા મળશે.

UN વર્લ્ડ ટૂરિઝમ ઓર્ગેનાઇઝેશનના અંદાજ પ્રમાણે 2020 સુધીમાં વિદેશી પર્યટકોમાં ભારતીયોની સંખ્યા 5 કરોડ હશે, જે 2017માં 2 કરોડ હતી. 17 એપ્રિલથી 31 ડિસેમ્બર 2018 સુધીમાં ભારતના નાગરિકોને ખાસ સુવિધા આપવામાં આવી છે. જેમ કે, એર અસ્તાના અથવા કઝાખસ્તાનની કોઈ પણ એરલાઇનમાં મુસાફરી કરનારા તેમજ અસ્તાના અને/અથવા અલ્માતીના આંતરરાષ્ટ્રીય એરપોર્ટ્સ દ્વારા અન્ય દેશની મુલાકાત લેતા અથવા અન્ય દેશમાંથી વાયા અસ્તાના અને/અથવા અલ્માતી પરત ફરતા ભારતીય નાગરિકોને 72 કલાકનો ટ્રાન્ઝિટ-ફ્રી વિઝા મળી રહ્યો છે. 72 કલાકનો આ ટ્રાન્ઝિટ વિઝા વ્યક્તિગત પેસેન્જર્સ અને ટૂર ગ્રૂપ્સને લાગુ પડશે.

ઘણા દેશો ઇ-વિઝા જેવી સરળ પ્રક્રિયા દ્વારા ભારતીય મુસાફરોને આકર્ષવાનો પ્રયાસ કરી રહ્યા છે. તેમને ભારતના ટ્રાવેલ માર્કેટમાં વૃદ્ધિની વિપુલ સંભાવના જણાય છે. ભારતીયો વિદેશ પર્યટનના ખર્ચમાં અવ્વલ છે, જે તેમને આકર્ષવા માટેનું સૌથી મોટું કારણ છે.

જો કે સુષ્મા સ્વરાજે કહ્યું કે માનસરોવરમાં ડૂબકી લગાવવા માટે નિર્ધારિત સ્થળ પર જવું જોઇએ

ચીનાઓએ માનસરોવરમાં પવિત્ર સ્નાન ન કરવા દીધું હોવાની ફરિયાદ કેટલાક શ્રદ્ધાળુઓએ કરી હતી.

ગયા વર્ષે દોકલામ વિવાદ બાદ બીજિંગે નાથુ-લા પાસ રસ્તે કૈલાસ માનસરોવર યાત્રા બંધ કરી હતી અને વિદેશ પ્રધાન સુષમા સ્વરાજે એ રસ્તો ફરી ખોલાયો હોવાની જાહેરાત કર્યાના વીસ દિવસ બાદ ઉપરોક્ત ફરિયાદ મળી હતી.

ચાલુ માસે જ શાંઘાઇ કોર્પ ઓર્ગેનાઇઝેશનની વિદેશ પ્રધાનોની બેઠકમાં બાદ સુષમાએ જણાવ્યું હતું કે ‘મેં ચીનના વિદેશ મંત્રાલયને જણાવ્યું હતું કે જ્યાં સુધી લોકોથી લોકો સુધીના સંબંધો ન સુધરે ત્યાર સુધી સરકાર સાથે સરકારના સંબંધો ન સુધરી શકે. જ્યારે નાથુ-લા પાસનો રસ્તો બંધ કરાયો ત્યારે એ લોકો માટે આઘાતજનક બાબત હતી. મને જણાવતા આનંદ થાય છે કે હવે યાત્રા માટે એ રસ્તો ખોલી દેવાયો છે. સુષમાએ વધુમાં ઉમેર્યું હતું કે કૈલાસ માનસરોવરની યાત્રા માટે અમે લિપુલેખ પાસ રસ્તે ૬૦ યાત્રાળુઓના ૧૮ બેચ અને ૫૦ યાત્રીઓના દસ બેચ નાથુ-લા પાસવાળા રસ્તે મોકલીશું. આ વર્ષે અંદાજે ૧૫૮૦ શ્રદ્ધાળુઓ કૈલાસ માનસરોવરની યાત્રા કરશે.

કૅનેડાના ઑન્ટારિયો પ્રાન્તમાં બે અજાણી વ્યક્તિ દ્વારા કરવામાં આવેલા શક્તિશાળી વિસ્ફોટમાં ઓછામાં ઓછી ૧૫ વ્યક્તિ ઘાયલ થઈ હોવાનું પોલીસે શુક્રવારે કહ્યું હતું.

ઘાયલોમાંથી ત્રણની હાલત ગંભીર હોવાનું તેમણે કહ્યું હતું.

મોઢુ ઢાંકીને આવેલી બે શંકાસ્પદ વ્યક્તિ ગુરુવારે રાત્રે અહીંની બૉમ્બે ભેલ રૅસ્ટોરાં પર બૉમ્બ ફેંકી ફરાર થી ગઈ હોવાનું પોલીસે કહ્યું હતું.

પોલીસે બે શંકાસ્પદના સીસીટીવી ફૂટેજ જાહેર કર્યા હતા. ઘટનાના સમયે રૅસ્ટોરાંમાં કેટલા લોકો હાજર હતા તે જાણી શકાયું નહોતું. હુમલા પાછળના આશય અંગે પણ તપાસ કરવામાં આવી રહી હોવાનું પોલીસે કહ્યું હતું. જે શૉપિંગ પ્લાઝામાં વિસ્ફોટ કરવામાં આવ્યો હતો તેને સિલ કરી દેવામાં આવ્યું હોવાનું તેમણે કહ્યું હતું.

રૅસ્ટોરાંમાં બર્થ ડે પાર્ટી ચાલી રહી હતી. વિસ્ફોટને પગલે બારીઓનાં કાચ તૂટી ગયા હતા અને ચારે તરફ કાચના ટૂકડો વિખેરાયેલા પડેલા જોવા મળ્યા હોવા ઉપરાંત ઠેરઠેર લોહીના ખાબોચિયા જોવા મળ્યા હતા. રૅસ્ટોરાંનું લગભગ તમામ ફર્નિચર વિસ્ફોટમાં નાશ પામ્યું હતું. અનેક લોકો ચીસો પાડતા લોહી નિંગળતી હાલતમાં રૅસ્ટોરાંની બહાર નીકળતા જોવા મળ્યા હતા. અનેક લોકોનાં શરીર લોહીથી લથબથ હતા, એમ તેમણે કહ્યું હતું.

જોકે બૉમ્બવિસ્ફોટની આ ઘટના આતંકવાદી પ્રવૃત્તિ કે ધિક્કાર ગુનો હોવાના કોઈ સંકેત સાંપડ્યા ન હોવાનું સ્થાનિક પોલીસ વડાએ કહ્યું હતું. ગંભીર રીતે ઘાયલ થયેલી ત્રણે વ્યક્તિની હાલત હાલ સ્થિર હોવાનું તેમણે કહ્યું હતું. બ્રામ્પનના રહેવાસી ૩૫ વર્ષના પુરુષ, મિસિસૉગામાં રહેતી ૬૨ વર્ષની તેમ જ ૪૮ વર્ષની મહિલાને ટૉરન્ટો ટ્રોમા સેન્ટરમાં લઈ જવામાં આવ્યા હતા જ્યાં તેમની હાલત સ્થિર હોવાનું પોલીસે કહ્યું હતું.

૨૩થી ૬૯ વર્ષની વયજૂથના અન્ય ૨૩ ઘાયલોને સારવારાર્થે સ્તાનિક હૉસ્પિટલમાં દાખલ કરવામાં આવ્યા હોવાનું તેમણે કહ્યું હતું.

અંતરિયાળ વાયવ્ય દિશામાં ડેમોક્રેટીક રિપબ્લિક ઑફ કૉંગો (ડીઆરસી)માં એક નદીમાં થયેલા બોટ અકસ્માતમાં ૫૦ જણના મોત થયા હોવાનું અધિકારીઓએ જણાવ્યું હતું.

ત્શુપા પ્રાંતના વાઇસ ગવર્નર રિચાર્ડ બોયો લુકાના જણાવ્યા મુજબ આ અકસ્માત બુધવારે રાતે મોમ્બોયો નદીમાં થયો હતો. સ્થાનિક રહેવાસીઓના જણાવ્યા મુજબ અમને ગુરુવાર સુધીમાં ૪૯ મૃતદેહ મળ્યા હતા. એક લાપતા છે. આ બોટમાં પેસેન્જરો ઉપરાંત માલનો મોટો જથ્થો હતો.

બોટ મોન્કોટો શહેરથી માબાંદાકા (ઇક્વેટીયર પ્રાંત) જઇ રહી હતી. બોટ ડૂબવાનું કારણ જાણી શકાયું નથી. તેમ જ લાપતા પેસેન્જરની સંખ્યાની પણ હજી સુધી ખબર પડી નથી, એવું બોયોએ જણાવ્યું હતું. અલબત્ત, તેમણે એવું કહ્યું હતું કે આ બોટ રાતે ટ્રાવેલ કરતી હતી અને સરકારી સલામતી પગલાં સંદર્ભમાં કંઇક ગેરકાનૂની હતું અને
બોટમાં લાઇટો ન હતી.

ડીઆરસીની નદીઓમાં આ પ્રકારની ઘટનાઓ સામાન્ય છે. ખખડધજ બોટો, વધુ સંખ્યાથી પેસેન્જરો તથા માલ ભરવો, સલામતીના પગલાંનો સદંતર અભાવને કારણે અકસ્માતો સર્જાતા રહે છે.