જાપાન પોતાની ભૌગોલિક પરિસ્થિતિને કારણે ભૂકંપ અને વાવાઝોડા જેવી મુસીબતોનો સામનો કરતું આવ્યું છે. આવી જ એક કુદરતી આફત જાપાનના પશ્ર્ચિમી ભાગ પર ત્રાટકી છે. સમુદ્રમાં આવેલા ‘જેબી’ નામના આ ચક્રવાતી તોફાને જાપાનને ફરી એકવાર મુસીબતમાં મૂક્યું છે. આમાં છ જણનાં મોત થયા છે અને સંખ્યાબંધને ઇજા થઈ છે. આ તોફાનમાં હવાની ઝડપ લગભગ 162 કિલોમીટર પ્રતિ કલાકની નોંધાઇ છે, જેના લીધે દરિયામાં મોટી લહેરો ઊઠી હતી. અનુમાન છે કે હવાની ઝડપમાં હજુ વધારો થશે. આજુબાજુના વિસ્તારોમાં પણ ભારે વરસાદ અને ભૂસ્ખલનની ચેતવણી અપાઇ છે.

જાપાનના ઈતિહાસમાં છેલ્લા પચીસ વર્ષમાં ત્રાટકનારું આ સૌથી વધુ શક્તિશાળી વાવાઝોડું છે. પશ્ર્ચિમ જાપાનમાં વાવાઝોડાના તોફાની પવનને લીધે ઘણાંને ઇજા થઈ હતી. આ ઉપરાંત ક્યોટો સ્ટેશનમાં ઘણાં કાચ તૂટી ગયા હતા. 11.9 લાખ લોકોને સ્થળાંતર કરવાની સૂચના અપાઇ છે.

જાપાનના ક્ધસાઇ એરપોર્ટમાં પાણી ભરાઈ જતા હવાઇ સેવાઓ રદ કરવામાં આવી છે. સમગ્ર દેશમાં લગભગ 600થી વધારે ફલાઇટ્સને રદ કરવામાં આવી હતી. ઓસાકા અને હિરોશિમા વચ્ચેની લોકલ હાઇસ્પીડ ટ્રેન સેવાઓને હાલમાં બંધ કરી દેવાઇ હતી. ઓસાકાના પ્રવાસી સ્થળ યુનિવર્સલ સ્ટુડિયોના થીમ પાર્કને બંધ રાખવામાં આવ્યો હતો.

જાપાનની રાજધાની ટોકયોમાં પણ ભારે વરસાદી આગાહી કરવામાં આવી છે. ‘જેબી’ નામનું આ ચક્રવાત આ સિઝનનું 21મું તોફાન છે, જે જાપાન સાથે ટકરાઇ રહ્યું છે. કોરિયાઇ ભાષામાં જેબી ચક્રવાતનો મતલબ ‘ગળી જવું’ એવો થાય છે. આશંકા છે કે પશ્ર્ચિમી જાપાન સાથે ટકરાયા પછી આ તોફાન વધારે ભયાનક સ્વરૂપ લેશે. હાલમાં આ તોફાન હોનશૂ આઇલેન્ડ તરફ વધી રહ્યું છે. જે પછી તેને નબળું પડવાની સંભાવનાઓ છે. જાપાન સરકારે રાજધાની ટોકયોમાં જેબી તેથી સૌથી મજબૂત સ્થિતિમાં ટકરાવાની ચેતવણી આપી હતી. ટોકયોમાં હાલ ભારે વરસાદ અને ઝડપી પવન ફૂંકાવાના અહેવાલ મળ્યા છે.

જાપાનમાં દર વર્ષે ઘણા તોફાનો આવે છે. વિતેલા મહિનાઓમાં જાપાનમાં આવેલા પૂરમાં 200થી વધારે લોકોના મોત થયા હતા. હાલમાં સરકારે 1500 શિબિરો લગાવી છે. સુરક્ષાનાં કારણોથી શાળાઓમાં રજા જાહેર કરવામાં આવી છે.

વર્ષ ૨૦૧૮માં ૧૫ લાખ ભારતીય થાઈલૅન્ડના પ્રવાસે આવશે એવી તેમની અપેક્ષા હોવાનું થાઈલૅન્ડના એક ટોચના અધિકારીએ તા.3 સપ્ટેમ્બર 2018ના રોજ જણાવ્યું હતું. ડિરેક્ટર ઑફ ટૂરિઝમ ઑથોરિટી ઑફ થાઈલૅન્ડ, મુંબઈ, ચોલાડા સિદ્ધિવર્ણએ કહ્યું હતું કે જાન્યુઆરીથી જુલાઈ ૨૦૧૮ દરમિયાન થાઈલૅન્ડની મુલાકાતે આવેલા ભારતીયોની સંખ્યાનો આંક ૯.૧૯ લાખ હતો.

આ આંકડો ગયા વરસે આ જ સમયગાળામાં થાઈલૅન્ડની મુલાકાતે ગયેલા ભારતીયોની સંખ્યાના આંક કરતાં ૧૩.૨૪ ટકા વધુ હતો.  થાઈલૅન્ડની મુલાકાતે આવતા ભારતીયોની સંખ્યામાં વધારો થઈ રહ્યો છે અને બાકી બચેલા વર્ષમાં પણ એ સંખ્યામાં સતત વધારો જોવા મળશે એમ જણાવતાં તેમણે કહ્યું હતું કે અમને આશા છે કે આ વરસે થાઈલૅન્ડની મુલાકાતે આવતા ભારતીયોની સંખ્યાનો આંક ૧૫ લાખ પર પહોંચશે.

વર્ષ ૨૦૧૭માં થાઈલૅન્ડની મુલાકાતે જનારા ભારતીયોની સંખ્યાનો આંક ૧૨ લાખ હતો, એમ તેમણે કહ્યું હતું. બૅંગકોકની મુલાકાતે આવનારાં લોકોની સંખ્યામાં થયેલા વધારા અંગેનું કારણ પૂછવામાં આવતાં તેમણે કહ્યું હતું કે ભારતીય મુલાકાતીઓ માટે અમે વધુ સેવા અને સુવિધાઓ ઉપલબ્ધ કરાવી હતી.  મહિલાઓ તેમ જ પરિવાર સાથે આવતા લોકોને આપવા માટે અમારી પાસે વધુ સારી સેવા અને સુવિધા છે, એમ તેમણે કહ્યું હતું. ડૉલર સામે રૂપિયો નબળો પડી રહ્યો હોવાની પ્રવાસીઓની સંખ્યા પર અસર પડશે એવા સવાલનો જવાબ તેમણે નકારમાં આપ્યો હતો.

વર્ષ ૨૦૨૦ સુધીમાં થાઈલૅન્ડની મુલાકાતે આવતા ભારતીયોની સંખ્યાનો આંક ૨૦ લાખને પાર કરી જશે એવી આશા તેેમણે વ્યક્ત કરી હતી.

લંડનમાં યોજાયેલી ચેસ કૉમ્પિટિશનમાં અનોખો નજારો સર્જાયો હતો

ચેસની રમત રમાતી હોય ત્યારે બન્ને તરફના પ્લેયર્સ ખૂબ ગંભીર વદને ચેસ-બોર્ડ તરફ તાકી રહેતા હોય છે. જોકે શનિવારે લંડનમાં યોજાયેલી ચેસ કૉમ્પિટિશનમાં અનોખો નજારો સર્જાયો હતો. ચેસની સ્પર્ધા અન્ડરવૉટર રમાઈ રહી હતી. ચેસ-બોર્ડ પાણીની અંદર નીચે મૂકેલું હતું. પ્લેયરે પાણીની અંદર જઈને એક જ શ્વાસમાં મૂવ રમીને પાછા ઉપર આવવાનું હતું. મતલબ કે તમને એક ચાલ રમવા માટે માત્ર એટલો જ સમય મળે જેટલો સમય તમે શ્વાસ રોકી શકતા હો. જેવો એક પ્લેયર ચાલ ચાલીને ઉપર આવે એટલે તરત જ બીજા પ્લેયરે પાણીમાં ડૂબકી મારવાની. આ રસપ્રદ નિયમોને કારણે ચેસની ધીમી ગેમમાં પણ ઝડપ આવી ગઈ હતી.

ચીનને મોટો ઝટકોઃ મલેશિયા નહીં આપે સાથ, 22 અરબ ડોલરની યોજના રદ

ચીના પ્રવાસ પર આવેલા મલેશિયાના પીએમ મહાતીર મમુહમ્મદે કહ્યું કે ચીન સમર્થિત ત્રણ યોજનાઓ રદ કરી દેવાશે. આ યોજનાઓનો કુલ ખર્ચ 22 અરબ ડૉલર (લગભગ દોઢ લાખ કરોડ રૂપિયા) છે. મહાતીરે કહ્યું કે તેમની સરકાર દેશની ખખડી ગયેલી અર્થવ્યવસ્થાને પાટે ચડાવવા માટે આ પગલું ભરી રહી છે.

આ યોજનાઓમાંથી એક ECRL (ઈસ્ટ કોસ્ટ રેલ લિંક) પણ છે. જે અંતર્ગત મલેશિયાની રાજધાની કુઆલાલામ્પુરથી થાઈલેન્ડના દક્ષિણ ભાગને રેલવે નેટવર્ક દ્વારા જોવાનો હતો. બાકીની બે યોજનાઓ ગેસ પાઈપલાઈન અંગેની હતી.

મહાતીરે કહ્યું કે, ‘અમે ECRL યોજના પર આગળ વધવા નથી ઈચ્છતા. મેં ચીનના નેતાઓને આ માહિતી આપી દીધી છે. આ યોજનામાં ઘણો ખર્ચ છે. અમારો દેશ હાલ કોઈ દેવું ઝીરવી શકે તેમ નથી. અમને તેની જરૂરિયાત પણ નથી.’ મલેશિયા પર હાલ 250 અરબ ડૉલર (લગભગ 17.5 લાખ કરોડ રૂપિયા)નું દેવું છે. મહાતીર ઈચ્છે છે કે પહેલા જૂનું દેવુ ઉતારવામાં આવે.