ઇન્ટરનેશનલ Archives - Page 39 of 52 - CIA Live

2017માં બ્રાઝિલમાં 65602 હત્યા થઈ હતી. આરોહ્ય મંત્રાલયે આપેલી વિગત પ્રમાણે 65602 એટલે કે પ્રતિ કલાક સાતથી વધુ વ્યક્તિની હત્યા થઈ હતી. યુવાન, અશ્ર્વેત પુરુષોની મોટા પ્રમાણમાં હત્યા થઈ હતી. 4936 મહિલાઓની હત્યા થઈ હતી જેમાં બે તૃતીયાંશથી વધુ અશ્ર્વેત મહિલા હતી.

બોલિવિયા અને પેરુથી થતા ડ્રગ સ્મગલિંગના નિયંત્રણ માટે હરીફ ગેંગ વચ્ચેના સંઘર્ષમાં મોટા ભાગના યુવાનો માર્યા ગયા હતા. નિષ્ણાતો માને છે કે બ્રાઝિલના પ્રમુખ જૈર બોલ્સીનારે ગન કાયદા હળવા કર્યા છે. તે જોતા પરિસ્થિતિ હજુ વધુ વણસે તેવી સંભાવના છે.

ટ્રક ડ્રાઈવરો, રાજકારણીઓ, શિકારીઓ અને પત્રકારોને ગન ધરાવવાની પરમિટ મળશે. પ્રમુખ બોલસોનારેના ઓર્ડરને સુપ્રીમ કોર્ટમાં પડાકરવામાં આવ્યો છે. એક સંસ્થાના અહેવાલમાં જણાવવામાં આવ્યું છે કે એક દશક અગાઉ એક વર્ષમાં જેટલી હત્યા થઈ હતી તેની સરખામણીમાં હત્યાનો આંકડો 36.1 ટકા વધ્યો છે.

ચીને પોતાના નાગરિકોને અમેરિકાનો પ્રવાસ કરવા સામે મંગળવારે ચેતવણી આપી હતી.

ચીન અને અમેરિકા વચ્ચે વ્યાપારયુદ્ધ ઉગ્ર બન્યું છે ત્યારે બીજિંગે પોતાના નાગરિકોને અમેરિકામાં સતામણી થવાની અને તેઓની જાહેરમાં સલામતીને લગતી સમસ્યા ઊભી થવાની ચેતવણી આપી હતી. ચીને પોતાના વિદ્યાર્થીઓને અમેરિકા ભણવા જવા સામે પણ ચેતવણી આપી હતી.

ચીનના સાંસ્કૃતિક અને પર્યટન મંત્રાલયે પોતાના પર્યટકોને અમેરિકાના પ્રવાસે નહિ જવાની સલાહ આપી હોવાથી તેની માઠી અસર અમેરિકાના પર્યટન ઉદ્યોગ પર થઇ શકે છે.

અમેરિકાની મુલાકાત લેનારા ચીની પર્યટકોની સંખ્યા ગયા વર્ષે ઘટીને છેલ્લાં 15 વર્ષમાંની સૌથી ઓછી થઇ હતી. ચીનના અંદાજે 45.8 લાખ વિદ્યાર્થી 1998 પછી વિદેશમાં ભણવા ગયા હતા અને તેમાંના 32.2 લાખ વિદ્યાર્થી સ્વદેશ પાછા ફર્યા હતા. ચીન અને અમેરિકા વચ્ચે હાલમાં મોટા પાયે વ્યાપારયુદ્ધ ચાલી રહ્યું છે અને એકબીજાના માલસામાનની આયાત પરની જકાતમાં વધારો કરી રહ્યા છે.

અમેરિકા ચીનને દ્વિપક્ષી વ્યાપારમાંની મોટી ખાધ ઘટાડવા કહી રહ્યું છે અને જો તેમ નહિ થાય તો ચીનથી આયાત કરાતા માલસામાન પરની જકાત વધારવા ચીમકી આપે છે. ચીનના વિદેશ મંત્રાલયના પ્રવક્તાએ જણાવ્યું હતું કે અમેરિકા સાથેના હાલના સંબંધ અને સંજોગને ધ્યાનમાં રાખીને આ પગલું ભરાયું છે.

વેનેઝુએલાની એક જેેલમાં શુક્રવારે ફાટી નીકળેલી હિંસામાં 29 કેદીનાં મોત થયાં હતાં અને 19 પોલીસ ઘાયલ થયા હતા.

અકારીગુઆ ટાઉનના પોલીસ સ્ટેશનની જેલના કેદીઓએ મોટે પાયે ભાગવાનો પ્રયાસ કર્યો હતો અને એમને પોલીસ સ્પેશિયલ ફોર્સિસે રોકવાનો પ્રયત્ન કર્યો, ત્યારે 29 કેદીનાં મોત થયાં હતાં

કેદીઓએ પોલીસ અધિકારીઓ પર ગોળીબાર કર્યો હતો અને ત્રણ ગ્રેનેડ ફેંક્યા હતા. આ દરમિયાન 19 પોલીસ ઘાયલ થયા હતા.

કેદીઓના હક માટે લડતી એનજીઓના સૂત્રોએ જણાવ્યું હતું કે ગુરુવારે કેદીઓએ કેટલાક વિઝિટર્સનું અપહરણ કર્યું હતું અને પોલીસે જ્યારે એને છોડાવવાનો પ્રયત્ન કર્યો ત્યારે જેલમાં હિંસા ફાટી નીકળી હતી.

અપહરણ કરાયેલ વ્યક્તિઓનું શું થયું, એ જાણવા નહોતું મળ્યું. આવા અટક કેન્દ્રોમાં અવારનવાર હિંસા થતી જ રહે છે. અહીં કેદીને વધુમાં વધુ 48 કલાક સુધી જ રાખવાનો હોય છે. આ જેલની ક્ષમતા ફકત 60 કેદીની છે, પણ અહીં 500 કેદીને રાખવામાં આવ્યાં હતાં. દેશમાં આવી 8000 કેદીને રાખી શકાય એટલી ક્ષમતાવાળી 500 જેલ છે, પણ એમાં 55,000 કેદીને પૂરવામાં આવ્યાં છે.

તાઇવાને શુક્રવારે સજાતીય લગ્નને કાયદેસર ગણવાનું નક્કી કર્યું હતું અને તે આવો નિર્ણય લેનારો એશિયાનો સૌપ્રથમ દેશ બન્યો હતો.

તાઇવાનના સાંસદોએ ઠરાવો પસાર કરીને સજાતીય લોકોને લગ્ન માટે પરવાનગી આપી હતી અને તેઓને લગ્નની નોંધણી સરકારી એજન્સીઓમાં કરાવવા મંજૂરી આપી હતી. તાઇવાનના સજાતીય સંબંધ ધરાવતા લોકોનો આ મોટો વિજય ગણાય છે અને તેની સીધી કે આડકતરી અસર એશિયાના અન્ય દેશો પર પણ પડી શકે છે. તાઇપેઇમાં ભારે વરસાદ પડતો હોવા છતાં સજાતીય સંબંધ ધરાવતા લોકો મોટી સંખ્યામાં તાઇવાનની સંસદની બહાર ભેગા થયા હતા. તાઇવાન એલાયન્સ ટૂ પ્રમૉટ સિવિલ પાર્ટનરશિપ રાઇટ્સે જણાવ્યું હતું કે દેશની સંસદમાં સંબંધિત ઠરાવો પસાર થતાં સજાતીય સંબંધ ધરાવતા લોકો પોતાના લગ્નની ૨૪મી મેથી સરકાર પાસે નોંધણી કરાવી શકશે.

અગાઉ, તાઇવાનની સર્વોચ્ચ અદાલતે આપેલા ચુકાદામાં જણાવ્યું હતું કે સજાતીય સંબંધ ધરાવતી વ્યક્તિઓને લગ્ન કરવા નહિ દઇને તેઓના બંધારણીય અધિકારનો ભંગ કરાય છે. અમે સરકારને આવા લગ્નને માન્યતા આપવા ૨૦૧૯ની ૨૪મી મે સુધીનો સમય આપીએ છીએ.

સજાતીય સંબંધ ધરાવતી વ્યક્તિઓના અધિકાર માટે ઝુંબેશ ચલાવી રહેલા સંગઠનોએ જણાવ્યું હતું કે અમારા સજાતીય લગ્નને મળેલી માન્યતા મહત્ત્વની છે અને અમે હવે આવા દંપતીઓના બાળકો દત્તક લેવાના હક અને સરોગસીના મુદ્દે કાયદેસર લડતને આગળ વધારીશું.

તાઇવાનમાં એશિયાની સૌથી મોટી ગૅ પ્રાઇડ પરેડ યોજાય છે અને તે સામાજિક પ્રગતિવાળો દેશ ગણાય છે.

અલાસ્કામાં ક્રૂઝ શિપના પ્રવાસીઓને સાઈટસીઈંગ માટે લઈને જઈ રહેલા બે ફ્લૉટપ્લેન આકાશમાં ટકરાયા બાદ પાંચ વ્યક્તિનાં મોત થયાં હોવા ઉપરાંત એક વ્યક્તિ ગુમ હોવાનું અધિકારીઓએ સોમવારે કહ્યું હતું.

14 પ્રવાસીઓને લઈને જઈ રહેલાં બે વિમાન જંગલોથી ઘેરાયેલા દક્ષિણ અલાસ્કાના ક્રૂઝ માર્ગ પર આવેલા લોકપ્રિય પ્રવાસન સ્થળ કૅટચિકન નજીક આકાશમાં ટકરાયા બાદ તાકીદે બચાવ અને રાહત કામગીરી હાથ ધરવામાં આવી હોવાનું તેમણે કહ્યું હતું.

આ દુર્ઘટનામાં ચાર પ્રવાસી અને એક પાઈલટનું મોત નીપજ્યું હતું એમ રૉયલ પ્રિન્સેસ શિપ દ્વારા બહાર પાડવામાં આવેલા નિવેદનમાં જણાવવામાં આવ્યું હતું.

ઘટનાને પગલે હચમચી ગયેલી સ્થાનિક ઍરલાઈન્સે (જેનું એક વિમાન આ દુર્ઘટનાનો હિસ્સો હતું) તમામ ફ્લાઈટ રદ કરી દીધી હોવાનું સમાચાર ચેનલના અહેવાલમાં જણાવવામાં આવ્યું હતું.

સર્ચ અને બચાવ કામગીરી માટે હૅલિકૉપ્ટર અને બૉટની સેવા લેવામાં આવી રહી હોવાનું તેમણે કહ્યું હતું.