બ્લોગ Archives - Page 3 of 10 - CIA Live

• વાક્બારશ (વાઘબારસ) રમા એકાદશી (કેળા)- આશ્ર્વિન વદ- ૧૧:  સોમવાર, તા. ૧-૧૧-૨૦૨૧
• ધનતેરસ- આશ્ર્વિન વદ-૧૨: મંગળવાર, તા. ૨-૧૧-૨૦૨૧
• કાળી ચૌદસ- આશ્ર્વિન વદ-૧૩: બુધવાર, તા. ૩-૧૧-૨૦૨૧
• દિવાળી, નરક ચતુર્દશી, મહાવીર નિર્વાણ દિન  (જૈન)- આશ્ર્વિન વદ-૩૦: ગુરુવાર,  તા. ૪-૧૧-૨૦૨૧
• બેસતું વર્ષ, વિક્રમ સંવત ૨૦૭૮, જૈન વીર સંવત ૨૫૪૮ પ્રારંભ- કાર્તિક સુદ-૧: શુક્રવાર, તા. ૫-૧૧-૨૦૨૧
• ભાઈબીજ- કાર્તિક સુદ-૨: શનિવાર, તા. ૬-૧૧-૨૦૨૧
• લાભપાંચમ, જૈન જ્ઞાન પાંચમ- કાર્તિક સુદ-૫: મંગળવાર, તા. ૯-૧૧-૨૦૨૧———

ચોપડા લાવવા, ગાદી બિછાવવી લક્ષ્મીપૂજન (મહાલક્ષ્મીપૂજન)

ધનતેરસ, ધન્વંતરિ પૂજનઆશ્ર્વિન વદ- ૧૨: મંગળવાર, તા. ૨-૧૧-૨૦૨૧ ગુરુદ્વાદશી, ભોમપ્રદોષ, યમદીપદાન, બુધ માર્ગી થઈને તુલામાં ક. ૦૯-૫૧, પ્રદોષકાળ વ્યાપીની તેરસ હોવાથી આજ રોજ ધનપૂજન કરવું. ધન્વંતરિ ભગવાનનું પૂજન, સુવર્ણ – રજત સિક્કા, આભૂષણ – રત્નો આદિ ધનનું પૂજન કરવું. શ્રી યંત્ર – લક્ષ્મીયંત્ર, સ્વ. હરિહર પંડિત મહેસાણાવાળા સંશોધિત રિદ્ધિ સિદ્ધિ દાયક શ્રી ગણેશયંત્ર આદિની સ્થાપના પૂજા, ઈષ્ટદેવના  મંત્રાદિ અનુષ્ઠાનનું માહાત્મ્ય છે. 

મુહૂર્ત સમય આ પ્રમાણે છે:

• (૧) સવારે ક. ૦૯-૩૧ થી ક. ૧૦-૫૭ (ચલ)
• (૨) સવારે ક. ૧૦-૫૭ થી  ક. ૧૨-૨૨ (લાભ)
• (૩) સવારે ક.૧૨-૨૨ થી ક. ૧૩-૪૮ (અમૃત)
• (૪) બપોરે ક. ૧૫-૧૩ થી ક. ૧૬-૩૮ (શુભ)
• (૫) સાંજે ક. ૧૯-૩૮થી ક. ૨૧-૧૩ (લાભ)
• (૬) રાત્રે ક. ૨૨-૪૭થી ક. ૨૪-૨૨ (શુભ)
• (૭) મધ્યરાત્રે ક. ૨૪-૨૨ થી ક. ૨૫-૫૭  (તા.૩) (અમૃત)
• (૮) મધ્યરાત્રિ પછી ક. ૨૫-૫૭ થી ક. ૨૭-૩૧  
• (તા.૩) (ચલ)ધનતેરસ પર્વના સ્થિર લગ્નો:(૧) સવારે ક. ૦૭-૪૮ થી  ક. ૧૦-૦૩ (વૃશ્ર્ચિક)(૨)  બપોરે ક. ૧૩-૫૮થી  ક. ૧૫-૩૫ (કુંભ)(૩)  સાંજે ક. ૧૮-૫૩  થી  રાત્રે  ક. ૨૦-૫૩ (વૃષભ)(૪) મધ્યરાત્રે ક. ૨૫-૨૨  થી ક. ૨૭-૪૧ (તા. ૩) (સિંહ) (૫) પ્રદોષયુક્ત ધનતેરસના યોગમાં (મુંબઈ સૂર્યાસ્ત  ક. ૧૮-૦૪) સમયે પવિત્ર ગોરજ સમયમાં———–
• કાળી ચૌદશ – (મહાકાલી-મહારાત્રિ)આશ્ર્વિન વદ-૧૩, બુધવાર, તા. ૩-૧૧-૨૦૨૧શિવરાત્રિ, ઉલ્કાદર્શન, દીપદાન, કુલધર્મ, ભદ્રા સવારે ક. ૦૯-૦૨ થી રાત્રે ક. ૧૯-૩૫. ઈષ્ટ દેવતાનું પૂજન, મંત્રજાપ, અનુષ્ઠાન, કાળી ચૌદશની પૂજા પરંપરા અનુસાર યોગ્ય મુહૂર્તમાં કરવી. મહાકાલી માતાની પૂજા, હનુમાનજીની પૂજા, પીપળાનું પૂજન.           ———-
• દિવાળી  મહાપર્વ-૨૦૭૭શ્રી શારદા પૂજન (ચોપડા), (મહાસરસ્વતી) પૂજન આશ્ર્વિન વદ-૩૦, ગુરુવાર, તા. ૪-૧૧-૨૦૨૧(ચિત્રા નક્ષત્ર સવારે ક. ૦૭-૪૧ સુધી, પછી સ્વાતિ ક. ૨૯-૦૬ સુધી), પછી વિશાખા, ચંદ્ર તુલા રાશિમાં. નરક ચતુર્દશી, ચંદ્રોદય ક. ૦૫-૪૯. દર્શ અમાસ, અભ્યંગ સ્નાન, અન્વાધાન, મહાવીર નિર્વાણ દિન (જૈન). ઉલ્કાદર્શન, કેદારગૌરી વ્રત. (દક્ષિણ ભારત). લક્ષ્મી વ ઈન્દ્ર પૂજા.દીપોત્સવી પર્વ મહાલક્ષ્મી, મહાકાલી, મહાસરસ્વતીની પૂજા દ્વારા આવનારા વર્ષના વધામણાં લેવાનો પવિત્ર અવસર છે.  કંપનીના, વ્યક્તિગત હિસાબનાં ચોપડા તથા ઉપયોગી વાંચનના પુસ્તકો, એકાઉન્ટિંગ માટે વપરાતા કોમ્પ્યુટરનું પૂજન તથા સ્ટેશનરીનું પૂજન, ધનપૂજન આજના દિવાળીના પવિત્ર પર્વમાં, શાસ્ત્રોક્ત વિધિથી બ્રાહ્મણ દ્વારા અવશ્ય કરવું. પ્રદોષકાળ અને નિષિધકાળ વ્યાપિની અમાસ હોવાથી  ચોપડાપૂજન કરવું.
• ચોપડા પૂજનનાં મુહૂર્તો આ પ્રમાણે છે:
• (૧) સવારે ક. ૦૬-૪૧   થી  ક. ૦૮-૦૭ (શુભ)
• (૨) સવારે ક. ૧૦-૫૭  થી  ક. ૧૨-૨૨ (ચલ)
• (૩) બપોરે ક. ૧૨-૨૨  થી  ક. ૧૩-૪૮ (લાભ)
• (૪) બપોરે ક. ૧૩-૪૭  થી  ક. ૧૫-૦૩ (અમૃત)
• (૫) સાંજે ક. ૧૬-૩૮  થી ક. ૧૮-૦૩ (શુભ)
• (૬) સાંજે  ક. ૧૮-૦૩  થી  ક. ૧૯-૩૮ (અમૃત)
• (૭) રાત્રેે ક. ૧૯-૩૮  થી  ક. ૨૧-૧૩ (ચલ)
• (૮) મધ્ય રાત્રે ક. ૨૪-૨૨ થી   ક. ૨૫-૫૭ (લાભ)
• (૯) પરોઢિયે ક. ૨૭-૩૨  થી   ક. ૨૯-૦૭  (તા. ૩)(શુભ)
• (૧૦) પરોઢ્યિે ક.૨૯-૦૭ થી ક.૩૦.૪૧ (તા.૩)        (અમૃત)
• (૧૧) પ્રદોષકાળ  રાત્રે  ક. ૧૮-૫૬    થી  ક.   ૧૯-૦૮
• (૧૨) નિશિથકાળ મધ્યરાત્રે ક. ૨૩-૫૮  થી  ક.૨૪-૪૮————
• દિવાળી પર્વના સ્થિર લગ્નો:
• (૧) સવારે ક. ૦૭-૪૦થી ક. ૦૯-૫૫ (વૃશ્ર્ચિક)
• (૨) બપોરે ક. ૧૩-૫૧ થી  બપોરે ક. ૧૫-૨૮ (કુંભ)
• (૩)સાંજે ક. ૧૮-૪૫ થી રાત્રે ક. ૨૦-૪૫ (વૃષભ)
• (૪) મધ્યરાત્રિ પછી ક. ૨૫-૧૪ થી ક. ૨૭-૨૩ (તા. ૫) (સિંહ)
• (૫) વૃષભ સ્થિર લગ્ન, સ્થિર કુંભ નવમાંશ  સાંજેે ક. ૧૮-૫૭ થી ક. ૧૯-૦૯
• (૬) વૃષભ સ્થિર લગ્ન વૃષભ સ્થિર નવમાંશ    રાત્રેે ક. ૧૯-૩૬ થી ક. ૧૯-૪૯
• (૭) વૃષભ સ્થિર લગ્ન સિંહ સ્થિર નવમાંશ રાત્રે ક. ૨૦-૧૬ થી ક. ૨૦-૨૦
• (૮) સિંહ લગ્ન, વૃષભ સ્થિર નવમાંશ મધ્યરાત્રિ પછી ક. ૨૫-૨૮ થી ક. ૨૫-૪૩. (તા. ૫મી)
• (૯) સિંહ લગ્ન, સિંહ સ્થિર નવમાંશ મધ્યરાત્રિ પછી  ક. ૨૬-૧૧ થી ક. ૨૬-૨૫. (તા. ૫મી)
• (૧૦) સિંહ લગ્ન વૃશ્ર્ચિક સ્થિર નવમાંશ મધ્યરાત્રિ પછી ક. ૨૬-૫૪ થી ક. ૨૭-૦૮ (તા. ૫મી)
• નૂતન વર્ષાભિનંદન શુક્રવાર, તા. ૫-૧૧-૨૦૨૧, નૂતન વર્ષારંભવિ. સંવત ૨૦૭૮, ‘પ્રમાદી’ નામ સંવત્સર, મહાવીર જૈન સંવત્સર ૨૫૪૮. દિવાળી પડવો, બલિપ્રતિપદા, ગોવર્ધન પૂજા, ગૌક્રિડા, અન્નકૂટ, કાર્તિક શુક્લાદિ, અભ્યંગ સ્નાન, વિંછુડો પ્રારંભ ક. ૨૧-૦૩. નક્ષત્ર વિશાખા ક. ૨૬-૨૨ સુધી, પછી અનુરાધા, ચંદ્ર તુલામાં ક. ૨૧-૦૩ સુધી, પછી વૃશ્ર્ચિકમાં.મિતિ નાખવી – કાંટો બાંધવો – નવા વર્ષનો વેપાર પ્રારંભ કરવોમુહૂર્ત:(૧)  સવારે ક. ૦૬-૪૨ થી ક. ૦૮-૦૭ (ચલ)(૨) સવારે ક. ૦૮-૦૭ થી ક. ૦૯-૩૨ (લાભ)(૩) સવારે ક. ૦૯-૩૨ થી ક. ૧૦-૫૭ (અમૃત)(૪) બપોરે ક. ૧૨-૨૨ થી  ક. ૧૩-૪૭ (શુભ)————–
• લાભ પાંચમ-જૈન જ્ઞાન પાંચમકાર્તિક સુદ-૫, સંવત ૨૦૭૭, મંગળવાર, તા. ૯-૧૧-૨૦૨૧સૌભાગ્ય પાંચમ, પાંડવ પંચમી, કુલાચાર પ્રમાણે આજ રોજ પવિત્ર પર્વયોગમાં મિતિ નાખવી, કાંટો બાંધી નવા વર્ષનો વેપાર પ્રારંભી શકાય છે.(૧) સવારે ક. ૦૯-૩૩   થી  ક. ૧૦-૫૭ (ચલ)(૨) સવારે ક. ૧૦-૫૭   થી  ક. ૧૨-૨૨ (લાભ)(૩) બપોરે ક. ૧૨-૨૨  થી   ક. ૧૩-૪૭   (અમૃત)(૪) બપોરે ક. ૧૫-૧૩   થી  સાંજે ક. ૧૬-૩૭ (શુભ)

આજકાલ રસોઈમાં પ્લાસ્ટિકનાં વાસણોનો પ્રયોગ વધ્યો હોવાને કારણે તેની વિપરીત અસર આરોગ્ય પર પડી રહી છે. ખાવાનું ખાવા અને બનાવવા માટે યોગ્ય વાસણોનો ઉપયોગ કરી તો જુઓ.

માટી ધરતી સાથે સીધી રીતે સંકળાયેલી છે. પૃથ્વીનો સંબંધ કફ, દોષ સાથે હોય છે. આ ઉપરાંત માટીમાં કુદરતી મિનરલ્સ (ખનિજ) હોવાને કારણે એમાં બનાવવામાં આવેલું ખાવાનું પોષણથી ભરપૂર હોય છે. માટીના વાસણમાં ખાવાનું ધીમે ધીમે બને છે એ કારણે તેમાં તૈયાર કરવામાં આવેલા ભોજનની પૌષ્ટિકતામાં ઘટાડો નથી થતો. 

દૂધ અને દૂધની બનાવટની વસ્તુઓ માટે માટીનું વાસણ ઉત્તમ મનાય છે

માટીના વાસણમાં બનાવેલું ભોજન ખાવાથી શરીરની રોગપ્રતિકારક શક્તિમાં વધારો થાય છે અને બીમારીઓ તમારી આસપાસ નથી ભટકતી. માટીના વાસણમાં તૈયાર કરવામાં આવતું ભોજન ધીમે ધીમે તૈયાર થતું હોવાને કારણે તેમાંનાં પોષક તત્ત્વો નાશ નથી પામતાં. 
માટીના ક્ષારીય ગુણોને કારણે માટલાના પાણીનું પીએચ સંતુલિત રહે છે. માટીના ઘડાના પાણીની તાસીર ઠંડી હોવા છતાં તેના કારણે શરીરમાં વાત નથી વધતો. ગરમીની મોસમમાં માટીના વાસણનું પાણી પીવાથી લૂથી બચી શકાય છે. માટીના ઘડાનું પાણી પીવાથી એસિડિટી નથી થતી. માટના વાસણ પાણીની અશુદ્ધિઓ પણ દૂર કરે છે. માટીની તાવડી પર બનેલી રોટલી ખાવાથી કબજિયાતની સમસ્યા દૂર થાય છે

આયુર્વેદમાં તાંબાને અગ્નિતત્ત્વ સાથે સંકળાયેલું દર્શાવવામાં આવ્યું છે, જે શરીરના મૅટાબોલિઝમ (ચયાપચયની ક્રિયા)ને તંદુરસ્ત રાખવાનું કામ કરે છે. તાંબાના વાસણમાં રાખેલું પાણી પીવાથી પાચનશક્તિ સારી રહે છે. આંતરડા પણ યોગ્ય રીતે કામ કરે છે. તાંબાનાં વાસણોનો ઉપયોગ કરવાથી રક્તકણોની માત્રા પણ વધે છે. સ્થૂળ શરીર ધરાવતા લોકો પણ જો તાંબાનાં વાસણોનો ઉપયોગ કરે તો તેમને અનેક લાભ થશે. તાંબાના વાસણમાં બનેલું ભોજન આરોગવાથી શરીરમાંથી ચરબી ઓછી થાય છે. ત્વચા માટે પણ તે લાભકારક છે. 

તાંબાનાં વાસણોનો સૌથી વિશેષ ગુણ એ છે કે તે શરીરમાં યુરિક એસિડનું પ્રમાણ ઘટાડે છે અને સાંધાના દરદમાં પણ રાહત પહોંચાડે છે. જેમને બ્લડપ્રેશરની સમસ્યા છે તેમણે સવારે ઊઠીને તાંબાના વાસણમાં રાખેલું પાણી પીવું જોઈએ. શરીર પર તેની ખૂબ જ સારી અસર થાય છે. તાંબામાં શરીર પરના સોજા દૂર રાખવાના પણ ગુણ હોય છે અને એટલે જ તે આર્થ્રાઈટિસ કે સાંધાના દુખાવામાં આરામ પહોંચાડે છે. તાંબાના વાસણને ચોખા રાંધવા માટે સૌથી સારું માનવામાં આવે છે. તાંબાને સૂરજ અને આગ સાથે સંકળાયેલું માનવામાં આવે છે. તાંબું શરીરમાં અગ્નિતત્ત્વ વધારે છે. ચયાપચયની ક્રિયા ઝડપી બનાવે છે. 

પ્રાચીન સમયથી લોખંડની કડાઈ અને ચાકુનો ઘરમાં ઉપયોગ થતો આવ્યો છે. લોખંડના વાસણનો ઉપયોગ કરવાથી શરીરની તાકાત વધે છે. તે ઊર્જા આપે છે. વાસણોના સ્વરૂપે લોખંડનો ઉપયોગ કરવાથી શરીરમાં લોહતત્ત્વની પૂર્તિ થતી રહે છે અને તેને કારણે એનિમિયા જેવી બીમારી દૂર રહે છે. ગર્ભવતી યુવતીઓ માટે પણ લોખંડના વાસણમાં બનાવેલું ભોજન લાભકારક હોય છે. 

લોખંડનાં વાસણોની એક ખાસિયત એ પણ છે કે તે કમળા જેવી બીમારીને દૂર રાખે છે. ત્વચા સંબંધિત સમસ્યામાં પણ લોખંડનાં વાસણોનો ઉપયોગ કરવાથી રાહત મળે છે. આ વાસણોનો ઉપયોગ કરવાથી પાચનતંત્રને લગતી સમસ્યાઓ પણ દૂર થાય છે. 

ચાંદીમાં શીતળતા પ્રદાન કરવાના ગુણ હોય છે. ચાંદી શરીરમાં પિત્તનો પ્રભાવ ઓછો કરે છે. જે લોકોની ત્વચા સંવેદનશીલ હોય છે તેમને ચાંદીનાં વાસણોનો ઉપયોગ કરવાથી લાભ થઈ શકે છે. ચાંદીને મસ્તિષ્ક માટે સારી માનવામાં આવે છે. ચાંદીના ઉપયોગથી સ્વભાવનું ચીડિયાપણું ઓછું થાય છે.

જેમની દૃષ્ટિ નબળી પડી ગઈ છે તેમને ચાંદીના વાસણમાં ભોજન કરવાથી લાભ થાય છે. જે યુવતીઓને માસિક સંબંધિત સમસ્યા હોય છે તેમના માટે ચાંદીના વાસણમાં પાણી પીવું સારું રહે છે. ગુસ્સાવાળા સ્વભાવના લોકો માટે પણ ચાંદીના વાસણમાં પાણી પીવું સારું રહે છે. 
ચાંદીના વાસણમાં રાખેલું પાણી દરરોજ સવારે ખાલી પેટે પીવામાં આવે તો પેટને લગતી સમસ્યાઓ દૂર રહે છે. આ ધાતુ લિવર અને કિડની જેવાં શરીરનાં અન્ય અંગોને પણ ઠીક રાખે છે. એકંદરે આ ધાતુ શરીરને બીમારીથી દૂર રાખવામાં અસરકારક રહે છે. 

કાચનાં વાસણોને લઈને આયુર્વેદમાં કોઈ ખાસ જાણકારી ઉપલબ્ધ નથી, પરંતુ પ્લાસ્ટિકની સરખામણીએ કાચની બાટલી અને ગ્લાસને વધુ સુરક્ષિત માનવામાં આવે છે. 

ફળોનો રસ કાચના ગ્લાસમાં પીઓ
ઘરમાં પિત્તળની પરાંતનો ઉપયોગ ખૂબ થાય છે. પિત્તળનાં વાસણોમાં રાખેલું 
પાણી પીવાથી શરીરને તાકાત મળે છે. 
રોગ સામે લડવામાં પણ તે મદદ કરે છે. પિત્તળની થાળીમાં ભોજન કરવાથી અનેક લાભ થાય છે. 
આ વાસણોનો ઉપયોગ કરો છો તો તેની સાથે સંકળાયેલી અમુક ખાસ 
વાતોનું ધ્યાન રાખવું જરૂરી છે, નહીં તો શરીરને નુકસાન થઈ શકે છે 

* તાંબાના વાસણમાં દૂધ, દૂધની બનાવટની વસ્તુઓ તેમ જ ખાટી વસ્તુ ન રાખવી જોઈએ. 
* તાંબાનાં વાસણ વજનદાર અને ભેળસેળયુક્ત ન હોવાં જોઈએ. તાંબાનાં વાસણ કોઈ વિશ્ર્વાસુ દુકાનમાંથી જ ખરીદો. 
* તાંબાના ગ્લાસ કે વાસણ પર લોહચુંબક લગાડવામાં આવે અને જો તે ચીટકી જાય તો સમજી લેવું કે વાસણમાં ભેળસેળ છે. 
* જો તાંબાના ગ્લાસને લીંબુથી ધોવામાં આવે અને તેનો રંગ ગુલાબી થઈ જાય અને ચમકવા લાગે તો સમજી લેવું આ ગ્લાસ શુદ્ધ તાંબાનો બનેલો છે. 
* તાંબાના વાસણમાં ઓછામાં ઓછા આઠ કલાક રાખ્યા બાદ પાણી પીવાથી જ શરીરને વધુમાં વધુ લાભ થશે. 
* દિવસમાં બેથી ત્રણ વાર પણ તાંબાના વાસણમાં રાખેલું પાણી પીવામાં આવે તો તે પૂરતું છે. 
* ચાદીનાં વાસણોનો ભોજન માટે ઉપયોગ કરવો આજે શક્ય નથી જણાઈ રહ્યો એટલે વધુ સારું તો એ હશે કે ચાંદીના વાસણને બદલે શુદ્ધ ચાંદીનો સિક્કો કે ચમચી પાણીના પાત્રમાં રાખી મૂકો. તેનો થોડોક અંશ પણ પાણીની ગુણવત્તામાં સુધારો કરશે. 
* માટીના વાસણમાં ખાવાનું બનાવતી વખતે તેને ધીરે ધીરે ગરમ થવા દેવું. 
* જે લોકોને ભૂખ ઓછી લાગે છે તે જો પતરાળાની થાળીમાં ભોજન કરે તો તેમની ભૂખ વધશે. પેટમાં થતી બળતરાથી પણ છુટકારો મળશે.