Alert Archives - Page 334 of 521 - CIA Live

શ્રાવણ પર્યન્ત સોમનાથ મહાદેવ સોશિયલ મીડિયામાં પણ છવાયા હતા. શ્રાવણ દરમ્યાન વિશેષ શૃંગારના ફોટોગ્રાફ્સ-આરતીના ક્લીપિંગ્સ ફેસબુક, ટ્વિટર, ઇન્સ્ટાગ્રામ, હેગલ્લો એપ વિગેરે પર નિયમિત રીતે શ્રી સોમનાથ ટ્રસ્ટની સોશ્યલ ટીમ દ્વારા મૂકવામાં આવતા હતા.

આ વર્ષે ફેસબુકની વાત કરીએ તો વર્ષ-૨૦૧૮માં ૧.૪૦ (એક કરોડ ચાલીસ લાખ) દેશ-વિદેશના ભક્તોએ ડિજિટલ દર્શનનો લ્હાવો લીધો હતો, આ વર્ષે ૨૦૧૯માં ૪.૦૭ કરોડ રેકોર્ડબ્રેક શ્રદ્ધાળુઓએ દર્શન કરેલ છે.

ભક્તોના માનવ સમુદાયની વાત કરીએ તો

• અમેરિકા યુનાઇટેડ સ્ટેટમાં ૮૬,૦૦૨-
• નેપાળમાં ૭૭,૨૫૦-
• આરબ અમીરાતમાં ૫૪,૭૭૨-
• કેનેડામાં ૨૫,૭૯૪-
• સાઉદી અરેબિયામાં ૪૦,૮૪૦-
• ઓસ્ટ્રેલિયામાં ૧૯,૮૨૩-
• પાકિસ્તાનમાં ૧૩,૩૪૦.

કેપિટલ શહેરોમાંના ભક્તોની સંખ્યા જોઇએ તો

• દિલ્હીમાં ૧૦.૭૨ લાખ,
• અમદાવાદમાંથી ૬.૯૭ લાખ,
• મુંબઇના ૬.૫૩ લાખ,
• સુરતમાં ૬.૧૨ લાખ

ક્રમશ: ભક્તોએ જોડાઇ સોશ્યલ મીડિયામાં અવ્વલ ક્રમાંક પ્રાપ્ત કરાવ્યો હતો. ડિજિટલ સેવાના માધ્યમથી ટ્રસ્ટના સોશ્યલ મીડિયાના માધ્યમો દ્વારા શ્રાવણ માસ દરમ્યાન ૪૬ દેશોમાં ૪.૦૭ કરોડ ભક્તોએ ભગવાન સોમનાથના દર્શન કર્યા તેમજ શ્રાવણના વિશેષ શૃંગારના અભિનંદન પાઠવ્યા હતા.

ટ્વિટરની વાત કરીએ તો વર્ષ-૨૦૧૮માં ૪.૮૭ લાખ પ્રભાવિત (ઇમ્પ્રેસ) થયા હતા. જે વર્ષ-૨૦૧૯ માં ૨૨.૬૨ લાખ થયા છે. ઇન્સ્ટાગ્રામમાં વર્ષ-૨૦૧૮ માં ૩૦૦૦૦ ભક્તોએ શ્રાવણ દરમ્યાન દર્શન કરેલ જે વર્ષ-૨૦૧૯માં ૩૬.૬૬ લાખ થયા છે.

આ વર્ષનું અંગ્રેજી કેલેન્ડર વાંચશો તો જોવા મળશે કે સપ્ટેમ્બર 2019ના પાના પર 12મી અને 13મી તારીખ બન્ને ચૌદશનો ઉલ્લેખ છે. કેલેન્ડરવાળા ખોટા નથી. શાસ્ત્રોમાં પણ વિક્રમ સંવત કેલન્ડરમાં બે તિથીઓનો સંયોગ હોઇ, કેલેન્ડરમાં એ નિર્દેશિત કરાય છે.

હાલ ગણેશોત્સવ ચાલી રહ્યો છે અને તંત્રવાહકો વિસર્જન માટેની તડામાર તૈયારીઓ કરી રહ્યા છે. આવી સ્થિતિમાં ગણેશ વિસર્જન ક્યારે કરવું એ અંગે સુરતના અડાજણ, સ્ટારબજારની સામે આવેલા રામેશ્વર મહાદેવ મંદિરના પૂજારી શ્રી પ્રકાશભાઇ શુક્લએ સી.આઇ.એ. લાઇવ સાથે વાતચીતમાં જણાવ્યું કે કેલેન્ડરમાં 2 ચૌદશનો ઉલ્લેખ છે અને કેટલાક કેલેન્ડરમાં તો 13મીએ જ અનંત ચૌદશનો ઉલ્લેખ છે પરંતુ, ખરી અનંત ચૌદશ, ગણેશ વિસર્જન તા.12મી સપ્ટેમ્બર 2019ના રોજ કરવું.

વધુમાં ગણેશ ઉત્સવ સમિતિ સુરતના શ્રી અનિલભાઇ બિસ્કટવાલાએ પણ જણાવ્યું હતું કે કેલેન્ડરમાં બે ચૌદશનો ઉલ્લેખ છે, પરંતુ, ખરી ચૌદશ તા.12મી સપ્ટેમ્બર 2019ના રોજ માનવી અને સુરત શહેર જિલ્લામાં તમામ સ્થળો પર ગણપતિજીની પ્રતિમાઓનું વિસર્જન તા.12મી સપ્ટેમ્બર 2019ના રોજ કરવું.