अपनी तरह के स्कुलो की तुलना में सब से कम फीस लेकर छात्रो को क्वालिटी टीचींग मुहैया करा रहे सूरत के अग्रवाल विधा विहार स्कुल के छात्रो ने CBSE के बारवीं कक्षा के घोषित हूए नतिजो में बहेतरीन प्रदर्शन कीया है.
अग्रवाल विद्या विहार मेनेजमेन्ट के प्रेसिडेन्ट श्री श्यामसुंदर अग्रवाल जी, वाईस प्रेसिडेन्ट श्री अर्जुनदासजी अग्रवाल, सेक्रेटरी श्री सुभाषजी पटोडीया, डायरेक्टर श्री हिमंत शर्मा, एडमिनिस्ट्रेटर श्री मनिष परमार, प्रिन्सीपल श्रीमती छवि रवि, वाइस प्रिन्सीपल श्री विक्रांत जीने आज स्कुल में टॉप करने वाले छात्रो को सन्मानित करते हूए कहा है की अग्रवाल विद्या विहार पूरे परिवार की तरफ से उत्तरोत्तर प्रगति करे ऐसी प्रार्थना.
ईन छात्रोने टॉप किया
पटेल ध्यान ने 96.2 प्रतिशत मार्कर्स के साथ सायन्स स्ट्रीम में पूरे स्कुल में टॉप किया
तनिष्का अग्रवाल ने 98.4 प्रतिशत मार्कर्स हांसल कर कामर्स में पूरे स्कुल में टॉप किया
शिवानी देसाई ने 96.6 प्रतिशत मार्कर्स हांसल कर ह्युमेनिटीझ में पूरे स्कुल में टॉप किया
ऐसा रहा अग्रवाल विधा विहार स्कुल का आवरऑल परीणाम
अग्रवाल विधा विहार स्कुल के बारवीं कक्षा के आवरऑल रीझल्ट के बारें में बताया गया की स्कुल के विज्ञान संकाय में कक्षा औसत 88.06 प्रतिशत, वाणिज्य संकाय में 84.40 प्रतिशत तथा कला संकाय में 82.78 प्रतिशत रही. 46 विद्यार्थी विज्ञान संकाय, 158 विद्यार्थी वाणिज्य संकाय और 35 विद्यार्थी ह्युमेनिटीझ संकायमां सफल हूए है.
अग्रवाल विधा विहार पूरे स्कुल की और से मेनेजमेन्ट ने सफल होने वाले सभी छात्रो को जीवन में स्थित प्रगति और स्वास्थ्य लाभ मिले ऐसी शुभकामनाए दी.
અસ્સલ સુરતી અને પોતાના મુદ્દા પર ચોક્કસ હોય છે આશિષ ગુજરાતી. આજે તા.31મી જુલાઇ 2021ની સાંજે પાંચ કલાકે સધર્ન ગુજરાત ચેમ્બર ઓફ કોમર્સના આગામી વર્ષના પ્રેસિડેન્ટ તરીકે ચાર્જ લઇ રહ્યા છે. આશિષ ગુજરાતીને ટેક્ષટાઇલ તથા અન્ય ઉદ્યોગો સાથે સંકળાયેલા લોકો અગર તો સુરતી મોઢ વણિક સમાજના લોકો ઓળખતા હશે પરંતુ, હવે તેઓ સર્ધન ગુજરાત ચેમ્બર ઓફ કોમર્સ જેવી સંસ્થાના પ્રેસિડેન્ટ બન્યા છે ત્યારે ઉદ્યોગ, ધંધા રોજગાર સાથે સંકળાયેલા તમામ લોકો તેમના વિશે જાણે તે જરૂરી છે.
આશિષ ગુજરાતીની અત્યાર સુધીની ઓળખની વાત કરીએ તો વીવીંગ ઇન્ડસ્ટ્રીઝ અને ઓવર ઓલ ટેક્ષટાઇલ ઇન્ડસ્ટ્રીઝમાં ટેકનિકલી સાઉન્ડ પર્સનાલિટી ગણાય. હાલમાં ટેક્ષટાઇલ ઇન્ડસ્ટ્રીઝમાં ટેક્નોલોજી અપગ્રેડેશન ચાલી રહ્યું છે આ ઇન્ડસ્ટ્રીને આ સ્ટેજ પર લાવવામાં આશિષ ગુજરાતીનું પણ કંઇ કેટલુંય યોગદાન લેખાવી શકાય.
ધી સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રીનાં લાઈફ મેમ્બર તરીકે જોડાઈને છેલ્લાં ૧૬ વર્ષથી તેઓ સક્રીય કાર્યકર તરીકે સેવા આપી છે. છેલ્લાં ૧૦ વર્ષથી મેનેજિંગ કમિટીનાં સભ્ય રહી અસંખ્ય પ્રવૃત્તિઓમાં અતિ-મહત્વનું યોગદાન આપ્યું છે. વર્ષ ૨૦૨૦-૨૦૨૧નાં તેઓ ચેમ્બરનાં ઉપ-પ્રમુખ તરીકે ચૂંટાયા હતાં અને વર્ષ દરમ્યાન પ્રસંશનીય કામગીરી કરી હતી. CiALive
આશિષ ગુજરાતી, બેંગલોરથી મિકેનિકલ એન્જિનિયરની ડિગ્રી પ્રાપ્ત કરીને સુરતના ટેકસટાઈલ ઉદ્યોગમાં જોડાયા હતાં. તેઓ ટેકસટાઈલ ઉદ્યોગના ઊંડા અભ્યાસુ છે તેમજ વર્ષોથી સુરતનાં ટેકસટાઈલ ઉદ્યોગનાં પ્રાણપ્રશ્નો અને સમસ્યાઓના નિરાકરણ અર્થે રાજ્ય અને કેન્દ્ર સરકારમાં વિવિધ સ્તરે વખતોવખત રજૂઆતો કરી ધાર્યા પરિણામો મેળવી ઉદ્યોગને લાભાન્વિત કર્યો છે. પોતાના દીર્ધ અનુભવ અને અનોખા વિઝન થકી તેમણે ઉદ્યોગમાં ભારે લોકપ્રિયતા સાથે આગવું સ્થાન પ્રાપ્ત કર્યું છે.
ધી સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રીના લાઈફ મેમ્બર તરીકે જોડાઈને છેલ્લાં ૧૬ વર્ષથી તેઓ સક્રીય કાર્યકર તરીકે સેવા આપી રહયા છે. છેલ્લાં ૧૦ વર્ષથી મેનેજિંગ કમિટીનાં સભ્ય રહી અસંખ્ય પ્રવૃત્તિઓમાં અતિ–મહત્વનું યોગદાન આપ્યું છે. વર્ષ ર૦ર૦–ર૦ર૧ના તેઓ ચેમ્બરના ઉપ–પ્રમુખ તરીકે ચૂંટાયા હતાં અને વર્ષ દરમ્યાન પ્રસંશનીય કામગીરી કરી હતી.
આશિષ ગુજરાતી માટે ક્રિકેટ માત્ર શોખ નહીં જૂનુન છે. બાળપણથી યુવાવસ્થા દરમ્યાન ક્રિકેટમાં ખૂબજ સક્રિય ખેલાડી રહયાં છે અને આજે પણ આ શોખ યથાવત છે. આ ઉપરાંત તેઓ એડવેન્ચર સ્પોર્ટસ, રીવર રાફટીંગમાં ખૂબજ રસ ધરાવે છે. તેઓ મનાલી જેવા સ્થળોએ ૧૫ ક્.મિી. દૂર ટ્રેકીંગનાં શિડયુલ્સ પણ લીધા છે. તેઓને પેરાગ્લાઈડીંગનો ખૂબ શોખ છે અને આજે પણ વર્ષ દરમ્યાન બે ત્રણ વખત પેરાગ્લાઈડીંગ તેમજ ટ્રેકીંગ કરતાં હોય છે. આ ઉપરાંત તેમને સંગીતમાં ખાસ કરીને ભારતીય શાસ્ત્રીય સંગીત, સેમી ક્લાસીકલ, વેસ્ટર્ન સંગીત તેમજ સુગમ સંગીતનો ખૂબજ શોખ છે.
પાંડેસરા વીવર્સ કો.ઓ. સોસાયટીના પ્રમુખ છે
છેલ્લાં ૧ર વર્ષથી કાર્યરત પાંડેસરા વિવર્સ કો–ઓપ. સોસાયટીના તેઓ પ્રમુખ છે. તેમની આગેવાનીમાં યાર્ન બેંકની સ્થાપના પછી સંસ્થાએ પ્રગતિ સાધી નવી ઉંચાઈ પ્રાપ્ત કરી વિવર્સ આલમની ખૂબ સેવા કરી છે. તેમણે જીએફઆરઆરસી, ફીઆસ્વી અને ફોગવા જેવા જાણીતા એસોસીએશનો સાથે રહીને સ્થાનિક કાપડ ઉદ્યોગનાં વિકાસ માટે પ્રસંશનીય કામગીરી કરી છે.
સરકાર સમક્ષ અનેક મુદ્દાઓ પર મુદ્દાસર, ડેટા સાથે અસરકારક રજૂઆતો કરી ચૂક્યા છે
‘ટફ’ સબસિડી, જીએસટી, મેગા પાવરલૂમ ક્લસ્ટર, આઈટીસી રીફંડ, એન્ટી ડમ્પીંગ ડયૂટી, ‘નેશનલ ટેકસટાઈલ પોલિસી ડ્રાફટ’, ‘ટેકસટાઈલ એકસલન્સ સેન્ટર’, ટેકનીકલ ટેકસટાઈલથી લઈને ઉદ્યોગનાં અનેક નાનાં મોટા પ્રશ્નોનાં નિરાકરણ માટે વિવિધ સરકારી વિભાગો, ગુજરાત સરકાર, ટેકસટાઈલ કમિશ્નર, હાઈકોર્ટ તથા કેન્દ્ર સરકારનાં મંત્રાલયો સુધી અસરકારક રજૂઆતો કરીને અનેક વખત સફળતા મેળવીને ઉદ્યોગની વિકાસલક્ષી કામગીરી કરી છે. હાલમાં ચેમ્બર ખાતે આધુનિક ટેકસટાઈલ એજ્યુકેશન સેન્ટરની શરૂઆતથી લઈને અનેક બૌદ્ધિક ચર્ચાઓ, વેબિનાર અને કાર્યશાળાઓ તેમનાં દીર્ધ અનુભવ અને દુરંદેશી દૃષ્ટિકોણની દેન છે.
આ કામ કરવાની નેમ ધરાવે છે
સુરતમાં સ્ટાર્ટ–અપ ઇકો સિસ્ટમ પ્રબળ બનાવવા તથા દેશમાં ‘પ્રથમ ચેમ્બર લીડ સ્ટાર્ટ–અપ ઇન્કયુબેટર’ બનાવવાની મંજૂરી મેળવવા માટે તેઓ પ્રયાસ કરી રહયા છે. આ ઉપરાંત સુરતને આઇ.ટી. હબ બનાવવાની જે ઝૂંબેશ હાલ ચાલી રહી છે તેને વધુ મજબુત બનાવવાની દિશામાં આગળ વધી રહયા છે.
ભારત સરકાર દ્વારા દેશમાં સાત જેટલા મેગા ઇન્વેસ્ટમેન્ટ ટેકસટાઇલ્સ પાર્ક્સ (MITRA) સ્થાપવાનું નકકી કર્યું છે. એમાંથી એક પાર્ક સુરતને મળે તે માટે તેઓ સતત પ્રયત્નશીલ છે. તદુપરાંત પી.એલ.આઇ. સ્કીમની ગાઇડલાઇનમાં ટેકસટાઇલના સ્પેશ્યાલિટી યાર્ન, ટેકનીકલ ટેકસટાઇલના ફેબ્રિકનો સમાવેશ થાય તેના માટે તેઓ પ્રયત્નશીલ છે. ભારત સરકારના વસ્ત્ર મંત્રાલય દ્વારા નેશનલ ટેકનીકલ ટેકસટાઇલ મીશન અંતર્ગત રૂપિયા ૧૪૮૦ કરોડની ફાળવણીની જાહેરાત કરી છે ત્યારે એનો મહત્તમ લાભ દક્ષિણ ગુજરાતની ટેકસટાઇલ ઇન્ડસ્ટ્રીને મળે તે માટે પણ તેઓ પ્રયત્ન કરી રહયા છે.
દેશમાં ગયા માર્ચ ર૦ર૦થી શરૂ થયેલી કોરોના મહામારી દરમ્યાન કાપડ ઉદ્યોગ સહિતનાં અનેક નાના મોટા ઉદ્યોગ–ધંધાનાં કારીગરો અને જરૂરતમંદો માટે ફૂડ કીટ વિતરણ, માસ્ક વિતરણ, વેકિસનેશનથી લઈ અનેક પ્રકારની સેવાકીય પ્રવૃત્તિઓમાં તેમની ભૂમિકા સક્રિય અને સરાહનીય રહી છે. તેઓ ઈંગ્લેડ, યુરોપ, સ્વિત્ઝર્લેન્ડ, ચાઈના, ટર્કી, મલેશિયા અને સિંગાપોરની મુલાકાત પણ લઈ ચૂકયા છે.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડે આજે જાહેર કરેલા 2021ના ધો.12 સામાન્ય પ્રવાહના પરીણામો વાસ્તવિકતાની નજીક હોવાની પ્રતિતી એટલા માટે થઇ છે કે ધો.12 સાયન્સમાં અધધ એ-વન ગ્રેડ અપાયા હતા જ્યારે ધો.12 કોમર્સમાં દર વર્ષે જેટલા એ-વન ગ્રેડ અપાયા હતા તેટલી સરેરાશમાં જ અપાયા છે. ઉલ્ટાનું પરિસ્થિતિ એવી પણ સપાટી પર આવી છે કે ધો.12 સામાન્ય પ્રવાહો મળીને કુલ 4 લાખ 127 વિદ્યાર્થીઓના જાહેર થયેલા પાસ પરીણામમાં 2.38 લાખ વિદ્યાર્થીઓ તો એવા છે કે જે સી ગ્રેડ (થર્ડ ક્લાસ)માં પાસ થયા છે.
ગુજરાત બોર્ડના સામાન્ય પ્રવાહના ઇતિહાસમાં અગાઉ ક્યારેય નહીં બની હોય તેવી આ ઘટના આજે આકાર પામી છે. બોર્ડ દ્વારા જાહેર પરીક્ષા લેવાઇ શકી ન હતી. પરીણામે ધો.10ના 50 ટકા, ધો.11ના 25 ટકા અને ધો.12ના આંતરિક મૂલ્યાંકનના 25 ટકા મળીને શાળાઓ દ્વારા તૈયાર કરવામાં આવેલા પરીણામને આજે બોર્ડે જાહેર કર્યું હતું.
ગુજરાત બોર્ડના કુલ 4 લાખ 127 વિદ્યાર્થીઓ પૈકી 60 ટકા વિદ્યાર્થીઓ સી ગ્રેડમાં પાસ થયા છે. 1,29,781 વિદ્યાર્થીઓ સી-વન ગ્રેડમાં અને 1,08,299 વિદ્યાર્થીઓ સી-ટુ ગ્રેડ મળીને કુલ 2,38,080 વિદ્યાર્થીઓને સી ગ્રેડમાં પરીણામ મળ્યું છે. શિક્ષણશાસ્ત્રીઓ કહે છે કે ધો.12 સાયન્સ કરતા ધો.12 કોમર્સનું પરીણામ તૈયાર કરવામાં શાળાઓએ વાસ્તવિક ચિત્ર રજૂ કર્યું છે.
ધી સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રીના વર્ષ ર૦ર૧–રર માટેના વરાયેલા પ્રમુખ આશિષ ગુજરાતી અને ઇલેકટ થયેલા ઉપપ્રમુખ હિમાંશુ બોડાવાલાના પદગ્રહણ માટેનો સમારંભ શનિવાર, તા. ૩૧ જુલાઇ ર૦ર૧ના રોજ સાંજે પઃ૦૦ કલાકે સરસાણા સ્થિત સુરત ઇન્ટરનેશનલ એકઝીબીશન એન્ડ કન્વેન્શન સેન્ટર ખાતે આવેલા પ્લેટીનમ હોલમાં યોજાનાર છે.
SGCCI President Ashish Gujarti
આ સમારંભમાં મુખ્ય મહેમાન તરીકે ભારત સરકારના રાજ્ય કક્ષાના કાપડ અને રેલ્વે મંત્રી દર્શના જરદોશ, ગુજરાત ભાજપના અધ્યક્ષ તેમજ સાંસદ સી.આર. પાટીલ અને ગુજરાત સરકારના આદિજાતિ વિકાસ, પ્રવાસન, વન તથા મહિલા અને બાળ કલ્યાણ મંત્રી ગણપતસિંહ વસાવા પધારશે. જ્યારે સુરતના મેયર હેમાલી બોઘાવાલા, ગુજરાત ચેમ્બર ઓફ કોમર્સ એન્ડ ઇન્ડસ્ટ્રીના પ્રમુખ નટુભાઇ પટેલ, સુરત મહાનગરપાલિકાની સ્થાયી સમિતિના અધ્યક્ષ પરેશ પટેલ અને ટેકસટાઇલ કમિશનર રૂપ રાશી અતિથિ વિશેષ તરીકે સ્થાન શોભાવશે.
ભારતીય સમય પ્રમાણે આજે સવારે 6 વાગ્યે શરું થયેલી પૂલ એની ભારત આર્જેન્ટીના વચ્ચેની પુરુષ હોકી મેચમાં ભારતીય ટીમે ઉત્કૃષ્ટ પ્રદર્શન કરતા ડિફેન્ડિંગ ચેમ્પિયન આર્જેન્ટિનાને 3-1થી હરાવ્યું. આર્જેન્ટિનાની ટીમ ભારતીય ટીમના શાનદાર પ્રદર્શન આગળ પોતાને લાચાર અનુભવી રહી હતી.
ભારતીય પુરુષ હોકી ટીમ (Indian Hockey Team)એ ઓલમ્પિકની ક્વાર્ટર ફાઇનલમાં સ્થાન મેળવી લીધું છે. ટીમે પોતાની ચોથી મેચમાં 2016 રિયો ઓલમ્પિકની ગોલ્ડ મેડલિસ્ટ આર્જેન્ટિના (India Beat Argentina)ની ટીમને 3-1થી મ્હાત આપી.
ટીમની આ ચાર મેચોમાંથી ત્રીજી જીત છે. ટીમને ન્યૂઝીલેન્ડ, સ્પેન અને આર્જેર્ન્ટિનાની વિરુદ્ધ જીત મળી છે. ભારતને માત્ર ઓસ્ટ્રેલિયાથી હાર મળી. ટીમ ગ્રુપ-એની પોતાની અંતિમ મેચમાં 30 જુલાઈએ મેજબાન જાપાન સામે ટકરાશે.
ભારત તરફથી વરુણકુમાર, વિવેક સાગર પ્રસાદ અને હરમનપ્રીત સિંહે ગોલ કર્યો. ભારતીય ટીમની આ ઓલિમ્પિકમાં આ ત્રીજી જીત છે. આ અગાઉ ટીમ ઈન્ડિયાએ સ્પેન અને ન્યૂઝીલેન્ડને હરાવ્યા હતા. ભારતે છેલ્લે 43મી મિનિટે ગોલ કરીને બરાબરીના મેચમાં સરસાઈ મેળવી હતી. ટીમે ખૂબ જ શાનદાર રીતે રેફરલ લીધા હતા. જેનો ફાયદો ટીમને મળ્યો હતો. વરુણ કુમારે ખૂબ જ સફળતાપૂર્વક ગોલ કર્યો હતો. આર્જેન્ટિના તરફથી મેચની 47મી મિનિટમાં એક ગોલ થયો હતો. જે Maico Casella એ પેનલ્ટી કોર્નરમાં ગોલ કર્યો હતો. જ્યારે ભારત તરફથી પહેલો ગોલ વરુણકુમારે કર્યો હતો જે પેનલ્ટી કોર્નર દ્વારા થયો હતો.
ત્રીજી જીતની સાથે ભારતીય હોકી ટીમ ગ્રુપ-એમાં 9 પોઇન્ટની સાથે બીજા નંબર પર છે. ઓસ્ટ્રેલિયાએ તમામ 4 મેચ જીતી છે અને 12 પોઇન્ટની સાથે ટીમ ટોપ પર છે. સ્પેન, ન્યૂઝીલેન્ડ અને આર્જેન્ટિનાને ત્રણેય ટીમ 4-4 મેચ બાદ 4-4 પોઇન્ટ છે. પરંતુ ગોલ સરેરાશના આધાર પર સ્પેન ત્રીજા નંબરે, ન્યૂઝીલેન્ડ ચોથા અને આર્જેન્ટિનાની ટીમ પાંચમા સ્થાન પર છે. મેજબાન જાપાનના 4 મેચમાં 1 પોઇન્ટ છે. ટીમે હજુ સુધી કોઈ મેચ જીતી નથી.
બીજી તરફ સિંધુ પણ ગેમમાં ક્વાર્ટર ફાઇનલમાં પહોંચી ગઈ છે અને તેણે હજુ સુધી એક પણ ગેમ હારી નથી. સિંધુએ પહેલી ગેમ 21-15થી જીતી હતી જ્યારે બીજી ગેમ તેણે 21-13થી જીત છે. આ સાથે સિંધુ મેડલની વધુ નજીક આવી છે. પીવી સિંધુએ મુકાબલામાં મિયા બ્લિચફેલ્ટની વિરુદ્ધ સારી શરૂઆત કરી. પહેલી ગેમમાં તે એક સમયે 11-6થી આગળ હતી. ત્યારબાદ સ્કોર 13-11 થઈ ગયો. બાદમાં 16-12 સ્કોર પર ડેનમાર્કની મિયા બ્લિચફેલટે વાપસી કરી અને સ્કોર 16-15 થઈ ગયો. જોકે ત્યારબાદ સિંધુએ વાપસી કરી અને પહેલી ગેમ 21-15થી જીતી લીધી. આ ગેમ 22 મિનિટ સુધી ચાલી. આ ગેમની સરેરાશ રૈલી 14 શોટની રહી. સિંધુને ઓલમ્પિકમાં છઠ્ઠો રેન્ક મળી ગયો છે.
વીર નર્મદ દક્ષિણ ગુજરાત યુનિવર્સિટી કેમ્પસમાં ચાલતા આર્કિટેક્ચરના અભ્યાસક્રમો માટે કાઉન્સિલ ઓફ આર્કિટેક્ચર નું ઇન્સ્પેક્શન થાય એ અનિવાર્ય પ્રક્રિયા છે. પરંતુ 2019 પછીના વર્ષથી કાઉન્સિલ ઓફ આર્કિટેક્ચર તરફથી વીર નર્મદ યુનિવર્સિટીમાં ઇન્સ્પેકશન થઈ શક્યું ન હતું. ચાલુ વર્ષે પણ ઇન્સ્પેક્શનના અભાવે આર્કિટેક્ચર અભ્યાસક્રમમાં પ્રવેશ કાર્યવાહી જોખમાય તેવી સ્થિતિ ઉદ્ભવી હતી. જેને લઇને વીર નર્મદ દક્ષિણ ગુજરાત યુનિવર્સિટીના કુલપતિ ડૉ. કે.એન. ચાવડાએ સાંસદશ્રી સી.આર.પાટીલને રજૂઆત કરીને નવી દિલ્હી ખાતે આર્કિટેક્ચર કાઉન્સિલમાં દરમિયાનગીરી કરવા માટે વિનંતી કરી હતી. સાંસદ શ્રી સી.આર.પાટીલએ નવી દિલ્હી ખાતે કાઉન્સિલ ઓફ આર્કિટેક્ચરના અધિકારીઓ સાથે વીર નર્મદ દક્ષિણ ગુજરાત યુનિવર્સિટીના આર્કિટેક્ચર ડિપાર્ટમેન્ટના ઇન્સ્પેક્શન અંગે ચર્ચા-વિચારણા કરીને સત્વરે વિદ્યાર્થીઓના હિતમાં કાઉન્સિલ ઓફ આર્કિટેક્ચરનું ઇન્સ્પેક્શન મળે એ માટે રજૂઆતો કરી હતી. જેની ફળશ્રુતિ રૂપે આજે વીર નર્મદ દક્ષિણ ગુજરાત યુનિવર્સિટીને કાઉન્સિલ ઓફ આર્કિટેક્ચર ના ઈન્સ્પેક્શન નું શેડ્યૂલ મળી ચૂક્યું છે. અને જેના કારણે ચાલુ વર્ષે થનારા આર્કિટેક્ચર અભ્યાસક્રમોની પ્રવેશ પ્રક્રિયામાં યુનિવર્સિટી સંચાલિત અભ્યાસક્રમો ને માન્યતા મળી શકશે.
ગુજરાતના નાયબ મુખ્યમંત્રી નીતિન પટેલે ગુજરાતમાં RTPCR ટેસ્ટના દરમાં ઘટાડો કરવાની જાહેરાત કરતા વધુમાં જણાવ્યું હતું કે, ખાનગી લેબમાં આ ટેસ્ટનો ચાર્જ હવેથી 400 રુપિયા રહેશે. હાલ RTPCR ટેસ્ટના ખાનગી લેબ દ્વારા 700 રુપિયા વસૂલવામાં આવે છે, જેમાં ગુજરાત સરકારે 300 રુપિયાનો ઘટાડો જાહેર કર્યો છે.
જો દર્દી હોસ્પિટલમાં હોય કે દર્દીના ઘરેથી સેમ્પલ કલેક્ટ કરવાનું હોય તો તેનો ચાર્જ 900 રુપિયાથી ઘટાડીને 550 રુપિયા નક્કી કરવામાં આવ્યો હોવાનું તેમણે જણાવ્યું હતું. સરકારી હોસ્પિટલોમાં આ ટેસ્ટ નિશુલ્ક ઉપલબ્ધ છે.
એરપોર્ટ પર RTPCR ટેસ્ટ ચાર્જ 2700 રૂપિયા
વિદેશથી આવતા કે જતા કોઈપણ પેસેન્જર જો એરપોર્ટ પર ટેસ્ટ કરાવવા માગતા હોય તો તેમને તેના માટે 2700 રુપિયા ચૂકવવાના રહેશે. કોરોનાના આરંભ વખતે આ ટેસ્ટના 4500 રુપિયા લેવામાં આવતા હતા.
નાયબ મુખ્યમંત્રી નીતિન પટેલે જણાવ્યું હતું કે, કોરોનાનું નિદાન કરવા માટે સિટી સ્કેન પણ ખૂબ જ મહત્વનો ભાગ ભજવે છે. અત્યારસુધી સિટી સ્કેન માટે 3,000 રુપિયા વસૂલવામાં આવતા હતા, જેમાં 500 રુપિયાનો ઘટાડો કરીને 2500 રુપિયાનો દર નક્કી કરવામાં આવ્યો છે. જે પણ સરકારી હોસ્પિટલમાં આ મશીન ઉપલબ્ધ છે, ત્યાં નિ:શુલ્ક સિટી સ્કેન કરી આપવામાં આવશે.
17 જિલ્લામાં નવા સિટીસ્કેન મશીનો ખરીદાશે
અલગ-અલગ જિલ્લા કક્ષાની સરકારી હોસ્પિટલો માટે નવા 17 સિટી સ્કેન મશીન વસાવવામાં આવશે તેમ પણ નીતિન પટેલે જણાવ્યું હતું. જેમાં આણંદ, બોટાદ, ડાંગ, છોટા ઉદેપુર, ભરુચ, ગોધરા, જામખંભાળિયા, લુણાવાડા, મહેસાણા, રાજપીપપળા, સુરેન્દ્રનગર, નવસારી, સુરેન્દ્રનગર, વેરાવળ, વ્યારા, પેટલાદની સબ ડિસ્ટ્રિક્ટ હોસ્પિટલ, રાજકોટની હોસ્પિટલ અને વડોદરાની જમનાબાઈ હોસ્પિટલમાં સિટી સ્કેન મશીન વસાવાશે. જેના માટે 82.50 કરોડ રુપિયા ફાળવવામાં આવ્યા છે. આ ઉપરાંત, સોલા, ગાંધીનગર અને ગોત્રી મેડિકલ કોલેજમાં MRI મશીનની ખરીદી માટે પણ મંજૂરી અપાઈ છે.
રાઇટુ એજ્યુકેશન એક્ટ અન્વયે સુરત શહેરની પ્રાથમિક શાળાઓના પહેલા ધોરણમાં ગરીબ બાળકો માટે રિઝર્વ રાખવામાં આવેલી કુલ 25 ટકા બેઠકો પર આજરોજ તા.27મી જુલાઇએ અંદાજે 7956 ગરીબ બાળકોને પ્રવેશ આપવામાં આવ્યો છે.
રાજ્ય સરકારે જાહેર કર્યું છે કે રાઇટ ટુ એજ્યુકેશન અન્વયે પહેલા ધોરણમાં ઓનલાઇન એડમિશન સ્લીપ લઇને આવનાર વાલીઓના વિદ્યાર્થીઓને પ્રાઇવેટ સ્કુલોએ પહેલા ધોરણમાં બિલકુલ ફ્રીમાં પ્રવેશ આપવો જ પડશે.
રાઇટ એજ્યુકેશન એક્ટ અન્વયે ગરીબ વર્ગના બાળકોને કહેવાતી હાઇફાઇ, સેન્ટ્રલ બોર્ડની, ઉંચી ફી ધરાવતી કોઇપણ પ્રાઇવેટ પ્રાઇમરી સ્કુલના પહેલા ધોરણમાં પ્રવેશ મળી શકે છે, પણ શરત એક જ છે કે એ પ્રાઇવેટ પ્રાઇમરી સ્કુલ વાલી-વિદ્યાર્થીના રહેઠાણથી એકથી પાંચ કિલોમીટરની ત્રિજ્યામાં આવતી હોવી જોઇએ.
રાજ્ય સરકારે જાહેર કર્યું છે કે રાઇટ ટુ એજ્યુકેશન એક્ટ અન્વયે જાહેર કરાયેલી પહેલી એડમિશન યાદી અન્વયે જેમને પ્રવેશ ફાળવવામાં આવ્યો છે તે વિદ્યાર્થીઓના વાલીઓએ તેમને ફાળવેલી સ્કુલે જઇને જરૂરી તમામ ડોક્યુમેન્ટ્સ સબમિટ કરાવીને પ્રવેશ મેળવી લેવાનો રહેશે. પ્રવેશ મેળવવા માટેની અંતિમ તારીખ 4 ઓગસ્ટ રાખવામાં આવી છે.
ગુજરાત માઇનિંગ ડેવલપમેન્ટ કોર્પોરેશન( જીએમડીસી)ના મેનેજિંગ ડિરેક્ટર રૂપવંત સિંહે તા.26 જુલાઇ 2021ના રોજ સુરતમાં સાઉથ ગુજરાત ટેક્સટાઇલ પ્રોસેસર્સ એસોસિયેશનના હોદ્દેદારો સાથે બેઠક યોજી હતી.
બેઠકમાં એસજીટીપીએ દ્વારા ચોમાસામાં દક્ષિણ ગુજરાતની જીએમડીસીની લિગ્નાઇટની ખાણો બંધ રહેતી હોવાથી સુરતના પ્રોસેસિંગ હાઉસો કાર્યરત રહી શકે તે માટે ભાવનગર સાઇટથી લિગ્નાઇટ દરીયાઇ માર્ગે લાવી શકાય કે કેમ તે અંગે ચર્ચા ચર્યા છેડી હતી.
એસજીટીપીએના પ્રમુખ જીતેન્દ્ર વખારિયાએ જણાવ્યું હતું કે પ્રત્યેક ચોમાસાની સીઝનમાં ડાઇંગ પ્રોસેસિંગ એકમોને લિગ્નાઇટની સમસ્યા નડે છે. આજે તે સંદર્ભે જીએમડીસીના એમડીને રજૂઆત કરતા તેમણે ચોમાસામાં ઇન્ડસ્ટ્રિયલ કોલસો મળી રહે તેવુ આયોયજન કરવા ખાતરી આપી છે. ચોમાસામાં આયાતી કોલસો મોંઘો પડે છે. એવી સ્થિતિમાં દરિયાઇ માર્ગે ભાવનગરથી બાર્જમાં અથવા ફેરી સર્વિસમાં કોલસાના કન્ટેનર લાવી શકાય તેમ છે અને દરિયાઈ માર્ગે ભાવનગરથી મગદલ્લા પોર્ટ પર કોલસો લાવવામાં આવે તો ટ્રાન્સપોર્ટેશન ખર્ચમાં પણ 50 ટકા રાહત થઇ શકે છે.
ભાવનગરનો કોલસો રાજપારડી માઇન્સની ક્વોલિટી જેવો જ હોય છે. બેઠકમાં એસજીટીપીએના આગેવાનો કમલ વિજય તુલસ્યાન, પ્રમોદ ચૌધરી, બિનય અગ્રવાલ સહિતના આગેવાનોએ લિગ્નાઇટની ડિલિવરી ઓર્ડર માટે અન્ય બેંકોમાં પેમેન્ટ ચુકવણી માટે આગ્રહ કરવામાં આવે છે. તેને બદલે ઉદ્યોગકારો જીએમડીસીના ખાતામાં આરટીજીએસ અથવા એનઇએફટી દ્વારા ચુકવણી કરે તેવી વ્યવસ્થા કરવા પણ રજૂઆત કરાઇ હતી.
નાના અને મધ્યમ હરોળના યુનિટોને લાર્જ યુનિટમાં ગણી ઉંચો ચાર્જ વસુલવામાં આવે છે તેના માટે નીતિ નક્કી થવી જોઇએ. સાથેજ ઘણી વાર લિગ્નાઇટ હલ્કી ગુણવત્તાનું હોવાથી એમિશન ટ્રેડિંગ સ્કીમમાં જોડાયેલા અને પર્યાવરણની જાળવણી કરવા માંગતા યુનિટોને કાર્બન ટ્રેડિંગમાં મુશ્કેલી નડે છે અને પેનલ્ટીનો ભોગ બનવુ પડે છે.
જીએમડીસી નવા રજિસ્ટ્રેશન માટેની અરજીઓનો ઝડપથી નિકાલ કરે: SGTPA
એસજીટીપીએના પ્રમુખ જીતેન્દ્ર વખારિયાએ જીએમડીસીના એમડી રૂપવંત સિંહને રજૂઆત કરી હતી કે નવા રજિસ્ટ્રેશન માટે અરજીઓના નિકાલમાં વિલંબ થાય છે, તેનો ઝડપી નિકાલ થવો જોઇએ. તે ઉપરાંત ખાણો માટેની લીઝનો કરાર સમયસર રિન્યુ કરવામાં આવે તો માલનો પુરવઠો જળવાઇ રહેશે. રૂપવંત સિંહે લિગ્નાઇટનો પ્રશ્ન ઝડપથી હલ કરવા એક કમિટિ બનાવવાની જાહેરાત કરી હતી. જેમાં જીએમડીસીના અધિકારીઓ અને પાંચ સભ્યોને શામેલ કરી પ્રત્યેક મહીને એક વાર બેઠક યોજી પ્રશ્નોનો ઉકેલની ખાતરી આપી હતી. બેઠકમાં જીએમડીસીના ચીફ જનરલ મેનેજર કુલશ્રેષ્ઠ પણ હાજર રહ્યા હતા.
કર્ણાટકમાં મુખ્યમંત્રીની બીજી ટર્મના બે વર્ષ પૂર્ણ થતાં જ આખરે યેદિયુરપ્પાએ રાજીનામું આપ્યાની જાહેરાત કરતાં જ ઘણા સમયથી ચાલી રહેલી તેમની વિદાયની અટકળો આખરે સાચી પડી છે. છેલ્લા બે દાયકાથી રાજ્યમાં ભાજપનો ચહેરો બની રહેલા યેદિયુરપ્પાને સ્થાને હવે કોને સીએમની ખુરશી સોંપવી તે ભાજપ માટે કોઈ ચેલેન્જથી કમ નહીં હોય. ઉલ્લેખનીય છે કે, તાજેતરમાં જ યેદિયુરપ્પાએ નવી દિલ્હીનો અચાનક પ્રવાસ કરીને પક્ષના ટોચના નેતાઓ સાથે મુલાકાત કરી હતી. તે સાથે જ હવે તેમની વિદાયનો સમય આવી ગયો છે તેવી જોરદાર ચર્ચા શરુ થઈ હતી.
ભાજપ માટે બીએસ યેદિયુરપ્પાનો વિકલ્પ શોધવો મુશ્કેલ સાબિત થઈ રહ્યો છે. યેદિયુરપ્પા પાસે 4 વર્ષ સુધી મુખ્યમંત્રી તરીકેનો કાર્યભાર સંભાળવાના અનુભવ સાથે પ્રભાવશાળી લિંગાયત સમુદાયનું સમર્થન પણ પ્રાપ્ત છે. એવામાં કર્ણાટકની કમાન કોને સોંપાશે તે અંગે અનેક અટકળો લગાવવામાં આવી રહ્યા છી. જે નામોની ચર્ચા ચાલી રહી છે તેને અફવા ગણાવવામાં આવી રહી છે. આમ છતાં કેટલાક નામો ચર્ચામાં તેના પર એક નજર કરી લઈએ..
કર્ણાટકના મુખ્યમંત્રી પદેથી બીએસ યેદિયુરપ્પાએ રાજીનામું આપી દીધું છે. તેણે સરકારના બે વર્ષ પૂર્ણ થવાના પ્રસંગે આ જાહેરાત કરી છે. તેમણે રાજીનામું આપ્યા બાદ રાજ્યપાલ બનવાની ઈચ્છા અંગે પૂછાયેલા સવાલના જવાબમાં કહ્યું કે, “મારો રાજ્ય છોડવાનો કોઈ પ્રશ્ન જ નથી. હું કર્ણાટકના લોકોના કલ્યાણ માટે કામ કરતો રહીશ.” તેણે રાજ્યના મુખ્યમંત્રી તરીકે કામગીરી કરી તે અંગે આનંદ વ્યક્ત કરતા એક ટ્વિટ પણ કર્યું હતું. હવે તેમના પછી રાજ્યમાં મુખ્યમંત્રીની ખુરશી કોના હાથમાં આવશે તેને લઈને કેટલાક નામો ચર્ચામાં તેના પર એક નજર કરી લઈએ..
એક 90 વર્ષ પરંપરા કે જે અપ્રતિમ છે નિષ્પક્ષ નિષ્પક્ષ દરરોજ, વહેલી તકે, એક ગતિશીલ સંપાદકીય ટીમ અને ડિસ્ટ્રીબ્યુટર અને બિઝનેસ એસોસિએટ્સનું એક શક્તિશાળી નેટવર્ક, દરરોજ નવ દાયકા જૂની પરંપરા આપે છે. એવી પરંપરા કે જે વિચારો, માહિતી અને સીધા પત્રકારત્વના એક વિશિષ્ટ સંશ્લેષણ છે. દરેક વાર્તામાં અપ્રતિમ અધિકૃતતા અને તટસ્થતાનો સમાવેશ થાય છે, વાચકોને સૌથી વધુ જાણકાર અને વિશ્લેષણાત્મક સમાચાર કવરેજ સાથે સમર્થન આપવું.
