બંગાળના ત્રણ ધારાસભ્યોએ મમતા દીદીના TMCને રામરામ કરી દીધા
મુકુલ રોયના પુત્ર શુભ્રાંશુ સહિત તૃણમૂલના નેતાઓ કેસરિયો ધારણ કરી ભાજપમાં જોડાયા : 50 કાઉન્સિલર પણ સામેલ
લોકસભા ચૂંટણીમાં પશ્ચિમ બંગાળમાં 18 બેઠક જીતીને સફળતા હાંસિલ કરનાર ભાજપે તૃણમૂલ કોંગ્રેસને વધુ એક ઝટકો આપ્યો છે.’ મુકુલ રોયના પુત્ર શુભ્રાંશુ રોય સહિત ત્રણ ધારાસભ્ય અને લગભગ પ0 નગરસેવક ભાજપમાં સામેલ થયા છે.
ભાજપના મહામંત્રી કૈલાસ વિજયવર્ગીય અને મુકુલ રોયની હાજરીમાં બીજપુરથી તૃલમૂલના ધારાસભ્ય અને લોકસભા ચૂંટણીના પરિણામો બાદ પક્ષવિરોધી પ્રવૃત્તિઓ બદલ તૃણમૂલે સસ્પેન્ડ કરેલા શુભ્રાંશુ રોય, તૃણમૂલના જ ધારાસભ્ય તુષારકાંતિ ભટ્ટાચાર્ય અને સીપીઆઈ(એમ)ના દેબેન્દ્ર રોય અનેક કાઉન્સિલરો સાથે કેસરિયા પક્ષમાં જોડાયા હતા.
ભાજપમાં સામેલ થયેલા કાઉન્સિલરો 24 પરગણા જિલ્લાના કંચરાપારા,હલિશહર અને નૈહાતી નગરપાલિકાના છે. હવે ભાટપારા નગરપાલિકા પર ભાજપનો કબ્જો થઈ જશે. આજે તૃણમૂલ કોંગ્રેસના અનેક નગરસેવકો દિલ્હી પહોંચ્યા હતા. કાઉન્સિલરોએ જણાવ્યું હતું કે અમે મમતા બેનર્જીથી નારાજ નથી પણ બંગાળમાં ભાજપની હાલની જીતથી પ્રભાવિત થઈને પક્ષમાં સામેલ થઈ રહ્યા છીએ. લોકો ભાજપને પસંદ કરી રહ્યા છે.
મુકુલ રોય છેલ્લા કેટલાક સમયથી ભાજપમાં છે અને તૃણમૂલને તોડવાનું કામ કરી રહ્યા છે. અગાઉ તેઓ તૃણમૂલ કોંગ્રેસમાં હતા ત્યારે અન્ય પક્ષના નેતાઓને તૃણમૂલમાં ખેંચવાનું કામ કરતા હતા હવે ભાજપમાં રહીને એવું કામ કરી રહ્યા છે. વર્તમાન તૃણમૂલ સાંસદ અનુપમ હાજરા અને સૈમિત્ર ખાનને પણ તેમણે ભાજપમાં સામેલ કર્યા હતા.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now