સુરત અગ્નિકાંડની સાઇડ ઇફેક્ટ, ફાયર સેફ્ટીના ડુપ્લિકેટ સાધનો ધૂમ વેચાઇ રહ્યા છે
સુરત અગ્નિકાંડ બાદ રાજ્ય સરકાર અને ફાયરબ્રિગેડ હરકતમાં આવતા રાજ્યમાં ફાયરસેફ્ટીના સાધનો ખરીદવા ખાનગી ટયૂશન સંસ્થાના માલિકો, ઑફિસોવાળા, શાળા સંચાલકો માટે પડાપડી કરી રહ્યાં છે. તો બીજી તરફ ફાયરસેફ્ટીના સાધનોનું વેચાણ કરતા ડિસ્ટ્રિબ્યુટર્સ બમણા ભાવે સાધનોનું વેચાણ કરી રહ્યાં છે. જેમાં ઓરિજનલ સાધનો સાથે ડુપ્લિકેટ ફાયરસેફ્ટીનો માલ વેચી બમણોે ફાયદો કરી રહ્યા છે. સરકાર દ્વારા કોઈ પગલાં ન ભરાતા ડિસ્ટ્રિબ્યુટર્સ પણ ફાયદો ઊઠાવી રહ્યાં છે.
સુરત અગ્નિકાંડ બાદ રાજ્ય સરકાર અને મહાનગરપાલિકા દ્વારા બહુમાળી ઈમારતો, સ્કૂલ, હોટલ, રેસ્ટોરન્ટ અને હૉસ્પિટલમાં ફાયરસેફ્ટીના નિયમોને લઈને કોઈપણ બાંધછોડ નહીં કરવામાં આવે તેવા કડક આદેશ આપવામાં આવ્યા છે. જેથી વિવિધ સંસ્થાના સંચાલકો ફાયરસેફ્ટીના સાધનો ખરીદવા માટે પડાપડી કરી રહ્યાં છે.
ફાયર સેફ્ટીના સાધનોના વેચાણમાં વધારો થતા તેના ભાવમાં પણ વધારો જોવા મળી રહ્યો છે. હોર્સ પાઈપ, મીટર, વાલ્વ સહિત સાધનોની માગ સૌથી વધુ ગુજરાતના મુખ્ય શહેરોમાં બહુમાળી ઈમારતોમાં ફાયરસેફ્ટીની સુવિધા પૂરતી નથી અને જે ચાલું છે તેમાંથી કેટલાક કામ નથી કરતા. સરકાર, મહાનગરપાલિકા અને ફાયર બ્રિગેડના કડક આદેશથી સંચાલકો ફાયરસેફ્ટીના નવા સાધનો ખરીદી રહ્યાં છે. જેમાં એક્સટિંગ્વિશર, હોર્સ પાઈપ, મીટર, વાલ્વ, હેવી ડેનસિટી સહિતના સાધનોની ડિમાન્ડ સૌધી વધુ છે.
ફાયરના સાધનોનું વેચાણ કરતા વેપારીઓનો ધંધો બમણો થઈ જતાં બેફામ ભાવ લેવામાં આવે છે. સાથે સાથે ગ્રાહકોને ડિસ્ટ્રિબ્યુટર્સ ડુપ્લિકેટ માલ પણ પધરાવી દેતા હોવાનું જાણવા મળ્યું હતું. એક ઈક્વિપમેન્ટનો ભાવ જો 1500 હોય તો સંચાલકોને તંત્ર અને સરકારનો ડર બતાવી તેને ડબલ એટલે કે 3000માં વેચી રહ્યાં છે. સુરત તક્ષશિલા અગ્નિકાંડની કરુણાંતિકા માત્ર ગુજરાત જ નહીં, પરંતુ દેશભરના લોકોને હચમચાવી દીધા હતા. આ ઘટનામાં 22 વહાલસોયાએ પોતાનો જીવ ગુમાવ્યો હતો. ત્યારે રાજ્ય સરકાર અને મહાનગરપાલિકા દ્વારા બહુમાળી ઈમારતો, સ્કૂલ, હોટલ, રેસ્ટોરાં અને હૉસ્પિટલમાં ફાયરસેફ્ટીના નિયમોને લઈને કોઈપણ બાંધછોડ નહીં કરવામાં આવે તેવા કડક આદેશ આપવામાં આવ્યા હતા.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now