CIA ALERT
05. May 2024

EVM VVPT સ્લીપ મેચિંગની સંખ્યા વધારવા 21 વિપક્ષી નેતાઓની રીવ્યૂ અરજી સુપ્રીમ કોર્ટે ફગાવી

Share On :
Print Friendly, PDF & Email

ઈવીએમ સાથે વીવીપેટ સ્લિપ મેચિંગની સંખ્યા વધારીને પ0 ટકા કરવા ઈચ્છતી 21 વિપક્ષ પાર્ટીની રીવ્યૂ અરજી સુપ્રીમ કોર્ટે મંગળવારે ફગાવી દીધી હતી. સુપ્રીમ કોર્ટે 8 એપ્રિલે એક ઓર્ડર દ્વારા ચૂંટણી પંચને જણાવ્યું હતું કે ઈવીએમ સાથે વીવીપેટ સ્લિપ મેચિંગનું પ્રમાણ એસેમ્બલી દીઠ એક બુથથી વધારીને પાંચ કરવું. આ ઓર્ડર સામે 21 વિપક્ષી નેતાઓએ સુપ્રીમ કોર્ટમાં રીવ્યૂ અરજી કરી હતી. ચીફ જસ્ટિસ રંજન ગોગોઈના વડપણ હેઠળની બેન્ચે રીવ્યૂ અરજી નકારી કાઢતાં કહ્યું હતું કે 8 એપ્રિલના ઓર્ડરમાં કોઈ ફેરફાર થશે નહીં.

દરમિયાન આંધ્ર પ્રદેશના મુખ્ય પ્રધાન ચન્દ્રાબાબુ નાયડુની અધ્યક્ષતામાં 22 પક્ષના પ્રતિનિધિએ મંગળવારે ચૂંટણી પંચ સમક્ષ વિનંતી કરી હતી કે જો કોઇપણ પાંચ વિવિપેટ મશીનમાં ખરાબી નીકળે તો ચૂંટણીપંચે બધા મશીનો ચેક કરવા જોઇએ.

પચાસ ટકા ઇવીએમ અને વીવીપેટ મશીનોની ચકાસણી કરવાની વિરોધ પક્ષની અરજી સુપ્રીમ કોર્ટે ફગાવ્યાના તુરંત બાદ વિરોધ પક્ષનું પ્રતિનિધિ મંડળ ચૂંટણી પંચને મળવા ગયું હતું.

મતદારોનો વિશ્ર્વાસ, પારદર્શિતા વધારવા અને સંસ્થાની મતગણતરીની પ્રક્રિયા સક્ષમ બનાવવા માટે વીવીપેટ સ્લીપની ઇવીએમ મશીન સાથે ગણતરી વધારવાની માગણી પણ એમણે કરી હતી.

સુપ્રીમ કોર્ટે ચૂંટણી પંચને દરેક મતદાર સંઘમાં કોઇપણ પાંચ વીવીપેટ મશીનની સ્લીપને ઇવીએમ સાથે સરખાવવાનો આદેશ આપ્યો હતો.

આન્ધ્ર પ્રદેશના મુખ્ય પ્રધાન ચંદ્રાબાબુ નાયડુની આગેવાનીમાં ર1 વિપક્ષી નેતાઓએ સુપ્રીમ કોર્ટમાં અરજી કરી હતી. અરજકર્તા તરફથી સિનિયર એડવોકેટ એ એમ સિંઘવીએ બેન્ચમાં દલીલ કરી હતી કે ઈવીએમ સાથે વીવીપેટ સ્લિપની ગણતરી દરેક એસેમ્બલીમાં વધારીને પ0 ટકા કરવી જોઈએ. તેને કોર્ટે તુરંત નકારી કાઢ્યા બાદ રપ ટકાની માગણી કરી હતી. હાલ કોર્ટ 2 ટકાની મંજૂરી આપેલી છે જે પૂરતી નથી એમ વિપક્ષએ જણાવ્યું હતું. ચૂંટણી પંચે કહ્યું હતું કે ચૂંટણીનો તબક્કો ચાલુ થઈ ગયો છે અને ઈવીએમ સાથે વીવીપેટ સ્લિપ મેચિંગનું પ્રમાણ વધારવાની તૈયારીમાં ચૂંટણીનું પરિણામ વિલંબમાં આવી શકે.

Share On :

આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944


You Can Find us on Google Play store too : Download Now

Share On :
Print Friendly, PDF & Email

Share On :