ધો.12 સાયન્સનું પરીણામ જાહેર પણ હવે શું ? ગાઇડન્સ માટે જોતા રહો CIA Live news portal
જયેશ બ્રહ્મભટ્ટ 98253 44944
સમગ્ર દેશમાં ધો.12 સાયન્સનું સૌથી પહેલું પરીણામ જાહેર કરવાનું શ્રેય ગુજરાત માધ્યમિક અને ઉચ્ચતર માધ્યમિક શિક્ષણ બોર્ડના શિરે જાય છે. બોર્ડનું પરીણામ વહેલું જાહેર કર્યા પછી હવે શું એ અંગે કોઇ જ ગાઇડન્સ કે સત્તાવાર માહિતી સરકાર તરફથી કે વિવિધ પ્રવેશ સમિતિઓ તરફથી કરવામાં આવી નથી. પરીણામે વાલીઓ અને વિદ્યાર્થીઓ બન્ને મૂંઝવણભરી સ્થિતિમાં મૂકાય ગયા છે.
આવી સ્થિતિમાં શિક્ષણ સવર્દા, સૂરત જે કારકિર્દી ઘડતર ક્ષેત્રમાં છેલ્લા વીસ વર્ષથી સક્રીય છે એ અને સી.આઇ.એ. લાઇવ ન્યુઝ પોર્ટલ દ્વારા ગાઇડન્સ શ્રેણી શરૂ કરવામાં આવી છે. પરીણામ જાહેર થયા બાદ અનેક વિદ્યાર્થીઓ અને વાલીઓના મનમાં અનેક સવાલો ઉપસ્થિત થઇ રહ્યા છે. જે અંગે સી.આઇ.એ. લાઇવ ન્યુઝ વેબ પર તબક્કાવાર રીતે ગાઇડન્સ રજૂ કરવામાં આવશે.
અહીં ધો.12 સાયન્સ બાયોલોજી ગ્રુપના વિદ્યાર્થીઓ માટે મેડીકલ, ડેન્ટલ, આયુર્વેદિક, હોમિયોપેતી વગેરેમાં ધો.12 બોર્ડમાં કેટલા માર્કસ જોઇએ અને નીટમાં કેટલા માર્કસ જોઇએ તેની સઘળી વિગતો આપવામાં આવી છે.
નોંધ આ માહિતી 2019ના પ્રવેશ નિયમોને આધારીત છે. દર વર્ષે ગુજરાત સરકારની એડમિશન કમિટી નવું નોટીફિકેશન જારી કરે છે. જેમાં નીતિ નિયમો, ધારાધોરણોમાં ફેરબદલીને અવકાશ છે. અહીં માહિતી એક અછડતા ઉલ્લેખ માટે છે. વાલીઓ અને વિદ્યાર્થીઓને રફ આઇડ્યા મળે તે માટે રજૂ કરવામાં આવી છે. સત્તાવાર માહિતી માટે વાલીઓ અને વિદ્યાર્થીઓએ એડમિશન કમિટીની વેબસાઇટ જોતા રહેવું.
ધો.12 મેથ્સ ગ્રુપ બાદ ગુજરાતની એન્જિનિયરિંગ કોલેજોમાં પ્રવેશ માટેની લઘુત્તમ લાયકાત
NEET-JEE મૉક ટેસ્ટમાં 95 પ્લસ ધરાવતા વિદ્યાર્થીઓ ગુજરાત બોર્ડમાં A-1 લાવી શક્યા નથી
જયેશ બ્રહ્મભટ્ટ 98253 44944
પ્રતિષ્ઠિત કોલેજોમાં પ્રવેશ માટેની એન્ટ્રન્સ ટેસ્ટએ ગુજરાતમાં સ્કુલ એજ્યુકેશનમાં મોટો દાટ વાળ્યો હોવાની અનુભૂતિ આજે જાહેર થયેલો ધો.12 સાયન્સના પરીણામ પરથી થાય છે. વિદ્યાર્થીઓએ સ્કુલ એજ્યુકેશનને સાઇડ ટ્રેક પર મૂકીને જેઇઇ, નીટ, ગુજકેટ વગેરે તરફ આંધળી દોટ મૂકી હોવાનું સ્પષ્ટ પણે ફલિત થઇ રહ્યું છે. સ્કુલના શિક્ષણના ભોગે વિદ્યાર્થીઓ હવે ધંધાદારી કોચિંગ ક્લાસીસોના રવાડે ચઢીને નીટ, જેઇઇ, ગુજકેટ, નાટા વગેરે જેવી પરીક્ષાની તૈયારીઓમાં ધો.11-12ના વર્ષો સમર્પિત કરી રહ્યા છે. ગુજરાતમાં સ્કુલ એજ્યુકેશનના ભોગે હવે પ્રાઇવેટ કોચિંગ ક્લાસીસો કરોડો રૂપિયાની કમાણી કરી રહ્યા છે. ગુજરાત બોર્ડના સત્તાધીશોએ પણ આજે જેવું પરીણામ આપ્યું એવા પરીણામો આપીને પ્રાઇવેટ ઇન્સ્ટિટ્યુશનની ગતિવિધિઓ અટકાવવાના બદલે આંખ આડા કાન કર્યા છે.
શહેરના એક અગ્રણી સ્કુલના આચાર્ય સાથે વાત થઇ ત્યારે તેમણે સાહજિક રીતે કહ્યું કે આજના પરીણામ પરથી લાગે છે કે વિદ્યાર્થીઓએ ફક્ત પ્રવેશ લક્ષી અભ્યાસ કરવો છે. પ્રવેશ પરીક્ષાઓની તૈયારી પર વધુ ભાર આપીને સ્કુલ એજ્યુકેશનથી વિમુખ થઇ રહ્યા છે.
સ્કુલ એજ્યુકેશન માટે ગુજરાત બોર્ડે ઉપાયો કરવા પડશે
સ્કુલ એજ્યુકેશન પરત્વે વિદ્યાર્થીઓ વિમુખ થઇ રહ્યા છે. ધો.11 સાયન્સમાં આવે એટલે નીટ, જેઇઇ, નાટા, ગુજકેટ વગેરે પરીક્ષાઓની તૈયારીઓમાં સ્કુલ પ્રત્યે જ વિમુખ થઇ જાય છે. ઘણાં એ વિદ્યાર્થીઓ આજના પરીણામમાં મળ્યા છે જેમના મુખ્ય વિષયોમાં 95 પ્લસ માર્કસ છે જ્યારે ઇંગ્લિશ અને કમ્પ્યુટર જેવા વિષયોમાં 70 માર્કસ લાવ્યા છે. વાલીઓ અને વિદ્યાર્થીઓને એ વાતની ખબર પડી ગઇ છે કે શાળાકીય શિક્ષણનું મહત્વ નથી. મેડીકલમાં પ્રવેશ માટે બોર્ડમાં ફક્ત 50 ટકા જ લાવવાના છે બાકી સઘળું પરીણામ નીટના સ્કોર પર જ આધારિત છે એટલે બાયોલોજીના વિદ્યાર્થીઓ તો સ્કુલનું 20 ટકા ભણતા હોય છે જ્યારે બાકીનું 80 ટકા ભણતર ફક્તને ફક્ત નીટ આધારિત બની ચૂક્યું છે.
એવી જ રીતે એન્જિનિયરિંગમાં પણ વિદ્યાર્થીઓ સ્કુલના એજ્યુકેશનના ભોગે જેઇઇ, નીટ, બિટ્સ, આઇસર, નાઇસર વગેરે જેવી ટેસ્ટના ટ્યુશન પર નિર્ભર રહેતા હોય છે. એવું નથી કે ફક્તને ફક્ત ટોપર્સ આ પ્રમાણે વર્તે છે. તેમની પાછળ એવરેજ માર્કસ ધરાવતા હોય એવા વિદ્યાર્થીઓ પણ ટોપર્સનું જ આંધળું અનુકરણ કરી રહ્યા છે.
મોટા ભાગની સ્કુલો ડે બોર્ડીંગ ટાઇપની બની ચૂકી છે
ધો.11-12 સાયન્સની ઉચ્ચતર માધ્યમિક શાળાઓ પર નજર કરીએ તો છેલ્લા ત્રણેક વર્ષમાં મોટા ભાગની સાયન્સની સ્કુલો ડે બોર્ડીંગ ટાઇપ બની ચૂકી છે. ધંધાદારી કોચિંગ ક્લાસીસોવાળાની દાદાગીરી એટલી વધી ગઇ હતી કે તેઓ પોતાના ક્લાસીસોમાં પ્રવેશ આપતા પૂર્વે એવી શરત રાખે છે કે અમારા ક્લાસીસમાં તો જ પ્રવેશ મળે જો વિદ્યાર્થી તેમના દ્વારા દર્શિત સ્કુલમાં પ્રવેશ નોંધણી કરાવે. આમ, પ્રાઇવેટ ધંધાદારી, બજારુ કોચિંગ ક્લાસીસોવાળાની દાદાગીરી તોડવા માટે સ્કુલોએ પોતાના કેમ્પસમાં જ જેઇઇ, નીટ, ગુજકેટ, બિટ્સ વગેરે જેવી પરીક્ષાઓની તૈયારીઓ કરાવવાની ફરજ પડી અને એટલે જ સ્કુલો હવે પાળી પ્રથાથી મટીને ડે બોર્ડીંગ ટાઇપની બની ચૂકી છે.
અંગ્રેજી મિડીયમમાં ફક્ત 2 જ એ-વન ગ્રેડ
ઇંગ્લીશ મિડીયમ સ્કુલોની સંખ્યા રાજ્યમાં ખાસી એવી છે. 27000થી વધુ વિદ્યાર્થીઓ ઇંગ્લિશ મિડીયમમાંથી ધો.11-12 સાયન્સ અભ્યાસ કરી રહ્યા છે. આવી સ્થિતિમાં આજના પરીણામની વાત કરીએ તો ઇંગ્લિશ મિડીયમની સ્કુલોમાંથી ફક્ત 2 વિદ્યાર્થીઓ જ એ-વન ગ્રેડમાં પરીણામ લાવી શક્યા છે.
ટાઇટ રિઝલ્ટ : ફિઝિક્સ અને કેમેસ્ટ્રીમાં 28-28 ટકા નાપાસ : A-1 ની સંખ્યા 254થી ઘટીને ફક્ત 44 એમાં સૂરતના જ 19
જયેશ બ્રહ્મભટ્ટ 98253 44944
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડે આજે ધો.12 સાયન્સનું પરીણામ જાહેર કર્યું હતું. પરીણામના પ્રાથમિક એનાલિસીસ પરથી જ એ વાતની પ્રતીતિ થાય છે કે આ વખતનું પરીણામ 2019 અને અગાઉના વર્ષોના પરીણામ કરતા ટાઇટ પરીણામ છે. બોર્ડે બધા મોરચે ઉદારતાવાદી અભિગમ ત્યજી દીધો હોવાનું પરીણામ પરથી જણાય આવે છે.
આજના પરીણામમાં સૌથી વધુ વિદ્યાર્થીઓ મુખ્ય વિષયો ફિઝિક્સ અને કેમેસ્ટ્રીમાં નાપાસ થયા હોવાનું જણાય આવે છે. બન્ને વિષયોમાં 28-28 ટકા નાપાસ થયા છે. ફિઝિક્સમાં કુલ 116643 વિદ્યાર્થીઓ પૈકી 116405 પરીક્ષામાં બેઠા હતા. જેમાંથી 84290 વિદ્યાર્થીઓ જ પાસ થઇ શક્યા છે. ફિઝિક્સનું પરીણામ 72.41 ટકા આવ્યું છે. એવી જ રીતે કેમેસ્ટ્રી વિષયમાં 116643 નોંધાયેલા પૈકી 116392એ પરીક્ષા આપી હતી. જેમાંથી 84,246 પાસ થયા છે. કેમેસ્ટ્રીનું પરીણામ 72.38 ટકા આવ્યું છે.
એ વન રેન્કની સંખ્યા 254 થી ઘટીને આ વર્ષે 44
સમગ્ર રાજ્યમાં એ-વન રેન્કીંગમાં પણ મોટા પાયે ધોવાણ જોવા મળ્યું છે. 2019માં રાજ્યમાં કુલ 254 વિદ્યાર્થીઓ એ-વન કેટેગરીમાં પરીણામ મેળવી શક્યા હતા. આ વખતે આ સંખ્યા ઘટીને ફક્ત 44 થઇ છે. સૂરતમાં એ-વનની સંખ્યા સૌથી વધુ 19 ની થઇ છે. રાજકોટમાં એ-વનની સંખ્યા 07 અને મોરબીમાં એ-વન પરીણામ ધરાવતા વિદ્યાર્થીઓની સંખ્યા 03ની છે. એ સિવાય બાકીના જિલ્લાઓમાં એકલ દોકલ વિદ્યાર્થીઓ એ-વન રેન્ક હાંસલ કરી શક્યા છે.
ગુજરાતમાં તા.16મી મે ને શનિવારના દિવસ દરમિયાન નવા કુલ 348 મળી આવ્યા છે. ગુજરાતમાં કોરોના વાયરસના કુલ દર્દીઓની સંખ્યા 10989 થઈ છે અને મૃત્યુઆંક પણ 625એ પહોંચ્યો હોવાની વિગતો શનિવારે મોડી સાંજે આરોગ્ય સચિવ જયંતિ રવિએ જારી કરી હતી.
આરોગ્ય વિભાગના અગ્રસચિવ જયંતિ રવિએ જણાવ્યુ હતું કે, છેલ્લા 24 કલાકમાં 348 નવા કેસ નોંધાયા છે. જેમાં અમદાવાદમાં સૌથી વધારે 264, વડોદરામાં 19, સુરતમાં 34, રાજકોટમાં 1, ભાવનગરમાં 4, ગાંધીનગરમાં 6, પાટણમાં 3, પંચમહાલમાં 1, મહેસાણા તેમજ દાહોદમાં 2-2, ખેડામાં 6, જુનાગઢમાં 1, સાબરકાંઠામાં 3 અને વલસાડમાં 2 કેસનો સમાવેશ થાય છે. જ્યારે છેલ્લા 24 કલાકમાં 19 દર્દીઓ કોરોના વાયરસના કારણે મોતને ભેટ્યા છે.
અગ્રસચિવ જયંતિ રવિના જણાવ્યાનુસાર, કુલ 10989 પોઝિટિવ દર્દીઓમાંથી 6010 લોકોની સ્થિતિ સ્ટેબલ છે જ્યારે 46 લોકો ક્રિટિકલ છે અને તેમને વેન્ટિલેટર પર રાખવામાં આવ્યા છે. જ્યારે વધુ 273 દર્દીઓને રજા આપતા કુલ 4308 દર્દીઓ કોરોના વાયરસ સામે લડત મેળવીને ઘરે પરત ફર્યા છે. જ્યારે અત્યાર સુધીમાં કોરોના વાયરસના 138407 લોકોની તપાસ કરવામાં આવી છે. હાલ રાજ્યમાં 290750 વ્યક્તિઓ હોમ ક્વોરન્ટીનમાં છે, જ્યારે 9098 સરકારી ફેસિલિટીમાં ક્વોરન્ટીન છે. જ્યારે 785 લોકો પ્રાઈવેટ ક્વોરન્ટીનમાં છે. જેથી રાજ્યભરમાં કુલ ક્વોરન્ટીન લોકોની સંખ્યા 300633એ પહોંચી છે.
ખેડૂતો તેમનો પાક આકર્ષક ભાવે વેચી શકે, કોઈ મુશ્કેલી વિના આંતરાજ્ય વેપાર અને ખેતીના ઉત્પાદનોના ઈ-ટ્રેડિંગ માટે ફ્રેમવર્ક તૈયાર કરવા એક કાયદો બનાવાશે: નિર્મલા સીતારમણ
53 કરોડ પશુઓના રસીકરણની યોજના અમે લઈને આવ્યા છીએ. તેમાં લગભગ 13,343 કરોડ રૂપિાય ખર્ચ થશે: નાણા મંત્રી
પીએમ મત્સ્ય સંપદા યોજનામાં 20,000 કરોડની જોગવાઈ કરવામાં આવી છે. તેમાં દરિયાઈ અને આંતરદેશીય મત્સ્ય પાલન માટે અને 9,000 કરોડ રૂપિયા ઈન્ફ્રાસ્ટ્રક્ચરના વિકાસમાં લગાવાશે: નાણા મંત્રી
માઈક્રો ફૂડ એન્ટરપ્રાઈઝ માટે 10,000 કરોડની સ્કીમ લાવવામાં આવી છે. બિહારમાં મખાનાના ક્લસ્ટર, કેરળમાં રાગી, કાશ્મીરમાં કેસર, આંધ્ર પ્રદેશમાં મરચું, યુપીમાં કેરી સાથે સંલગ્ન ક્લસ્ટર બનાવાઈ શકે છે: નાણા મંત્રી નિર્મલા સીતારમણ
આ ફંડ એગ્રિકલ્ચરલ સ્ટાર્ટઅપ્સ માટે માળખાગત સમસ્યાને ઉકેલવામાં મદદ કરશે: નાણા મંત્રી
ખેતી આધારિત આધારભૂત માળખું બનાવવા માટે 1 લાખ કરોડની યોજના લાવવામાં આવી છે: નિર્મલા સીતારમણ
લોકડાઉન દરમિયાન 5000 કરોડની વધારાની લિક્વિડિટીનો લાભ ખેડૂતોને થયો છે: નાણા મંત્રી
લોકડાઉન દરમિયાન પીએમ કિસાન ફંડમાં 18,700 કરોડ ટ્રાન્સફર કરવામાં આવ્યા છે: નાણા મંત્રી નિર્મલા સીતારમણ
સૂરતથી સૌરાષ્ટ્ર પહોંચેલા કે કોટાથી ગુજરાત પરત ફરેલા વિદ્યાર્થીઓ માટે આવકારદાયક સગવડ
જયેશ બ્રહ્મભટ્ટ 98253 44944
કોવીડ-19ના સંક્રમણને કારણે ભારતમાં ઉદભવેલી પરિસ્થિતિને પગલે દેશમાં શૈક્ષણિક શિડ્યુલ ખોરવાય ગયું છે. મેડીકલ અને એન્જિનિયરિંગની પ્રવેશ પરીક્ષાઓ હવે જુલાઇમાં લેવામાં આવનાર છે. પરીક્ષા કેન્દ્રો પણ હોટસ્પોટ કે કન્ટેમેન્ટ ઝોનમાં આવે તેવી સ્થિતિ છે.
કોટા કે અન્ય વિસ્તારોમાં અભ્યાસ કરતા વિદ્યાર્થીઓ વતન પરત ફર્યા છે
મેડીકલ અને ડેન્ટલમાં પ્રવેશ મેળવવા માટે વિદ્યાર્થીઓ ધો.11-12 રાજસ્થાનના કોટા, મહારાષ્ટ્રના લોની કે અન્ય રેસિડેન્સીયલ સ્કુલોમાં અભ્યાસ કરવા પોતાના વતનથી દૂર, નિવાસસ્થાનથી બીજા શહેરોમાં અભ્યાસ કરે છે. અને આવા વિદ્યાર્થીઓએ નીટ રજિસ્ટ્રેશન વખતે એ જ વિસ્તારના પરીક્ષા કેન્દ્રને પસંદ કર્યા હતા. હવે કોવીડ-19 અને લૉકડાઉનની સ્થિતિ બાદ હજારો વિદ્યાર્થીઓ પોતાના વતન પહોંચી ગયા છે. અને જુલાઇ 26મી સુધીમાં દેશમાં આંતરીક પરીવહનને મંજૂરી મળે તેવી શક્યતા હાલ દેખાતી નથી. પરીણામે નીટ 2020ના પરીક્ષા કેન્દ્રમાં ફેરફાર કરવાની છૂટ આપવામાં આવી છે.
નીટ 2020 માટે રજિસ્ટ્રેશન કરાવનારા વિદ્યાર્થીઓ તા.31મી મે 2020 સુધી પોતાના પરીક્ષા કેન્દ્ર એટલે કે શહેર, નગરને બદલી શકશે.
સૂરત અને સૌરાષ્ટ્રના પરીક્ષાર્થીઓ કેન્દ્રો બદલે તેવી શક્યતા
સૂરત શહેરમાંથી પણ હજારો પરીવારો વતન સૌરાષ્ટ્ર પહોંચ્યા છે. આ પરીવારો પણ દોઢ મહિના પહેલા સૂરત પરત ફરી શકે તેમ નથી. આવી સ્થિતિમાં અગાઉ સૂરત રહીને નીટનો અભ્યાસ કરનારા હજારો વિદ્યાર્થીઓ હવે સૌરાષ્ટ્ર વતનમાં પહોંચી ગયા હોઇ, તેઓ પણ નીટના પરીક્ષા શહેરમાં ફેરફાર કરી શકે તેમ છે.
NEET 2020 application form correction & exam city change date extended again
The National Testing Agency (NTA) has yet again extended tha last date to make corrections in their particulars and centre cities in the NEET UG online application forms. As per the official notice released by NTA, the facility for correction in the particulars including choice of centre cities in the online application form will be available up to May 31, 2020.
Applicants can visit the official website of NTA NEET — ntaneet.nic.in — to make corrections in their particulars.
It should be noted that the correction in the particulars in the NEET online application forms will be accepted up to 05.00 pm and submission of fee up to 11.50 pm on May 31, 2020.
Candidates can pay the requisite (additional) fee (if applicable), through Credit/ Debit Card/ Net Banking/ UPI and PAYTM. It is to be noted that in case, additional fee payment is required depending on the changes made in the form, the final updates will be reflected after the payment.
The notification also reads “NTA will make efforts to allot the city of examination to the candidates in order of choices now opted by them in their Application Form, subject to the availability of capacity in the desired city. However, due to administrative reasons, a different city may be allotted and the decision of the NTA regarding allotment of the centre will be final.”
મહારાષ્ટ્રમાં મુંબઇ મેટ્રોપૉલિટન રીજન, પુણે, સોલાપુર, ઔરંગાબાદ અને માલેગાંવમાં લૉકડાઉન 31 મે સુધી લંબાવવામાં આવ્યો છે. આ વિસ્તારો કોરોનાને ધ્યાનમાં રાખીને હૉટસ્પૉટ જાહેર કરવામાં આવ્યા છે.
મહારાષ્ટ્ર સરકારે રાજધાની મુંબઇ સહિત બધાં હૉટસ્પૉટ વિસ્તારોમાં લૉકડાઉન (Lockdown 4.O in Maharashtra) લંબાવીને 31 મે સુધી કરવામાં આવ્યું છે. મુંબઇ મેટ્રોપૉલિટન રીજન, પુણે, સોલાપુર, ઔરંગાબાદ અને માલેગાંવમાં લૉકડાઉન વધારી દેવામાં આવ્યો છે. મહારાષ્ટ્રમાં કોરોના (Corona in Maharashtra)ને કારણે મૃત્યુ પામનારાની સંખ્યા એક હજાર પાર થઈ ગઈ છે.
ગુરુવારે જ મુખ્યમંત્રી ઉદ્ધવ ઠાકરેની અધ્યક્ષતા હેઠળ થયેલી કેબિનેટ બેઠક દરમિયાન આ સ્થળો પર પ્રતિબંધ વધારવાની શક્યતા પર ચક્ચા કરવામાં આવી હતી. મુંબઇ મેટ્રોપૉલિટન રીજન, પુણે, સોલાપુર, ઔરંગાબાદ અને માલેગાંવમાં લૉકડાઉન 31 મે સુધી વિસ્તારવામાં આવ્યું છે.
મુંબઇ મેટ્રોપૉલિટન રીજન, પુણે, સોલાપુર, ઔરંગાબાદ અને માલેગાંવમાં લૉકડાઉન વધારી દેવામાં આવ્યો છે
ગુજરાતમાં કોરોનાના પ્રવેશને બે પોણા ત્રણ મહિના વીતવા આવ્યા બાદ પણ હજુ કોરોના વાયરસ કાબૂ બહાર છે ત્યારે નવી ગાઇડ લાઇન મુજબ ટેસ્ટિંગનું પ્રમાણ ઘટાડવામાં આવી રહ્યું હોવાનું બહાર આવી રહ્યું છે. જ્યારે દર્દીઓને હોસ્પિટલોમાંથી ડીસ્ચાર્જ કરવાના રેશીયો વધી રહ્યો છે બીજી બાજુ નવા પોઝિટિવ કેસમાં કોઇ નોંધપાત્ર ઘટાડો જોવા મળતો નથી. બુધવારે છેલ્લા ૧૦ દિવસમાં થયેલા કોરોના ટેસ્ટિંગનો આંકડો સૌથી ઓછો હોવા છતાં ૨૪ કલાકમાં જ નવાં ૩૬૪ કેસ નોંધાતાં કોરોના સંક્રમિતોની સંખ્યા હવે ૧૦ હજારની આંકડા તરફ આગળ વધી રહી છે. જ્યારે વધુ ૨૯ લોકોના કોરોનાથી મોત થતા મોતનો આંકડો પણ સતત વધી રહ્યો છે.
ગુજરાતમાં છેલ્લા ૧૦ દિવસમાં થયેલ ટેસ્ટિંગ
૧૩મે સુધી કુલ ૧,૨૨,૨૯૭
૧૨મીએ ૩૦૬૬,
૧૧મીએ ૨૯૭૮,
૧૦મીએ ૩૮૪૩,
૯મીએ ૪૨૬૩,
૮મીએ ૪૮૩૫,
૭મીએ ૫૩૬૨,
૬ઠ્ઠીએ ૫૫૫૯,
૫મીએ ૪૯૮૪,
૪થી એ ૪૫૮૮ ટેસ્ટ કરવામાં આવ્યા હતા.
ગુજરાતમાં છેલ્લા ૧૦ દિવસમાં થયેલ ટેસ્ટિંગ પર નજર નાંખીયે તો, ૧૩મી મેના રોજ સૌથી ઓછા ૨૭૫૦ ટેસ્ટ થયા હતા જ્યારે ૧૨મીએ ૩૦૬૬, ૧૧મીએ ૨૯૭૮, ૧૦મીએ ૩૮૪૩, ૯મીએ ૪૨૬૩, ૮મીએ ૪૮૩૫, ૭મીએ ૫૩૬૨, ૬ઠ્ઠીએ ૫૫૫૯, ૫મીએ ૪૯૮૪, ૪થી એ ૪૫૮૮ ટેસ્ટ કરવામાં આવ્યા હતા જ્યારે ૧૩મે સુધી કુલ ૧,૨૨,૨૯૭ ટેસ્ટ થયા હતા. આમ ૧૩મી મે સુધીમાં રાજ્યમાં કોરના વાઈરસના કુલ ૯૨૬૮ પોઝિટિવ કેસ અત્યાર સુધીમાં નોંધાયા હતા. જેમાં અમદાવાદમાં ૨૯૨, સુરતમાં ૨૩, વડોદરામાં ૧૮, મહેસાણામાં ૮, દેવભૂમિ દ્વારકામાં ૭, ભાવનગર-જામનગરમાં ૩-૩, પાટણમાં ૨, પંચમહાલ, બનાસકાંઠા, ગીરસોમનાથ, ખેડા, અરવલ્લી, મહીસાગર, જૂનાગઢ, અમરેલી સહિતનાં જીલ્લામાં એક-એક કેસ કોરોના પોઝિટિવ દર્દીઓ નોંધાયા હતા.
ગુજરાત, મહારાષ્ટ્ર સહિતના દેશના કેટલાક રાજ્યમાં ચોમાસું ત્રણથી સાત દિવસ મોડું બેસવાની અને મુંબઈમાં ૧૦ કે ૧૧ જૂનથી વરસાદ પડવાનો શરૂ થવાની આગાહી કરાઈ છે.
મહારાષ્ટ્ર, ગુજરાત, મધ્ય પ્રદેશ, છત્તીસગઢ, તેલંગણા, આંધ્ર પ્રદેશ, ઓડિશા, ઝારખંડ, બિહાર અને ઉત્તર પ્રદેશના અમુક વિસ્તારોમાં ચોમાસું સામાન્ય કરતા ત્રણથી સાત દિવસ મોડું શરૂ થશે. દિલ્હીમાં ચોમાસું ૨૩થી ૨૭ જૂન દરમિયાન શરૂ થાય એવી શક્યતા છે.
એ જ પ્રમાણે મુંબઈ અને કોલકાતામાં ચોમાસું ૧૦ કે ૧૧ જૂને અને ચેન્નઈમાં ૧થી ૪ જૂન દરમિયાન શરૂ થાય એવી શક્યતા છે.
જોકે, ભારતના અંતરિયાળ વાયવ્ય વિસ્તારમાં ચોમાસું ૧૫ જુલાઈને બદલે થોડું વહેલું એટલે કે ૮ જુલાઈએ શરૂ થવાની શક્યતા છે. દક્ષિણ ભારતમાં ચોમાસું પૂરું થવાની નવી તારીખ ૧૫ ઑક્ટોબર હશે.
દરમિયાન, હવામાન ખાતાના જણાવ્યાનુસાર વાયવ્ય ચોમાસું ૧૬ મે ની આસપાસ આંદામાન અને નિકોબાર ટાપુથી આગળ વધવાની શરૂઆત કરે તેવી શક્યતા છે.
બંગાળના ઈશાન અખાતમાં બુધવારે સવારે ઓછા દબાણનો પટ્ટો સર્જાયો હતો. ૧૫મી મે સુધીમાં તે બંગાળના દક્ષિણ અખાત પર કેન્દ્રીત થવાની અને ૧૬ મે એ વાવાઝોડાંમાં રૂપાંતરીત થાય તેવી શક્યતા છે.
તા.13મી મે એ બપોરે 4 કલાકે મિડીયા બ્રિફિંગમાં દેશના નાણામંત્રી નિર્મલા સિતારમણે કોરોના લૉકડાઉનની સ્થિતિ બાદ દેશમાં ધંધા-રોજગાર બેઠા થાય એ માટે વડાપ્રધાને જાહેર કરેલા સ્ટીમ્યુલસ પેકેજના પહેલા ચરણમાં નીચે મુજબની જાહેરાતો કરી હતી.
આ પેકેજમાં સૂક્ષ્મ, નાના અને મધ્યમ કદના ઉદ્યોગો માટે ઘણી મહત્વની જાહેરાત કરવામાં આવી છે. – MSME એમએસએમઈ ને ક્રેડિટ ફ્રી લોન આપવામાં આવશે. – MSME ને 3 લાખ કરોડ રૂપિયા સુધીની લોન ગેરંટી ફ્રી મળશે. – 45 લાખ MSMEને તેનાથી ફાયદો થશે. – જે લોન આફવામાં આવશે તેને ચાર વર્ષમાં ચૂકવવાની છે. આ 31 ઓક્ટોબર 2020 સુધી વેલિડ છે.
– સ્ટ્રેસ્ડ MSME માટે 20 હજાર કરોડ રૂપિયા સબ-ઓર્ડિનેટ ડેટ આપવામાં
આવશે. તેમાંથી 2 લાખ એમએસએમઈને ફાયદો થશે.
– સરકારે એમએસએમઈની વ્યાખ્યા બદલવાનો નિર્ણય
કર્યો છે.
– 18,000 કરોડ રૂપિયા ટેક્સ પેયર્સને આપીને તેમને પણ રાહત કરી આપી છે. 14 લાખ ટેક્સ પેયર્સને તેનો ફાયદો પણ મળ્યો છે. – પ્રથમ વખત જ્યારે રાહત પેકેજની જાહેરાત કરવામાં આવી હતી તેમાંથી 41 કરોડ એકાઉન્ટ્સમાં ડાયરેક્ટ બેનિફિટ ટ્રાન્સફર દ્વારા સીધી મદદ પહોંચાડવામાં આવી હતી.
– કોરોનાના કારણે લોકડાઉનની જાહેરાત કરવામાં આવી હતી ત્યારબાદ સરકારે 1.7 લાખ કરોડ રૂપિયાનું પેકેજ જાહેર કર્યું હતું. – આત્મનિર્ભર ભારતના પાંચ પિલર છે. ઈકોનોમી, ઈન્ફ્રાસ્ટ્રક્ચર, સિસ્ટમ, ડેમોગ્રાફી અને ડિમાન્ડ
એક 90 વર્ષ પરંપરા કે જે અપ્રતિમ છે નિષ્પક્ષ નિષ્પક્ષ દરરોજ, વહેલી તકે, એક ગતિશીલ સંપાદકીય ટીમ અને ડિસ્ટ્રીબ્યુટર અને બિઝનેસ એસોસિએટ્સનું એક શક્તિશાળી નેટવર્ક, દરરોજ નવ દાયકા જૂની પરંપરા આપે છે. એવી પરંપરા કે જે વિચારો, માહિતી અને સીધા પત્રકારત્વના એક વિશિષ્ટ સંશ્લેષણ છે. દરેક વાર્તામાં અપ્રતિમ અધિકૃતતા અને તટસ્થતાનો સમાવેશ થાય છે, વાચકોને સૌથી વધુ જાણકાર અને વિશ્લેષણાત્મક સમાચાર કવરેજ સાથે સમર્થન આપવું.
