ઇન્ટરનેશનલ Archives - Page 17 of 51 - CIA Live

ઓસ્ટ્રેલિયાએ કોરોનાને કારણે લાદેલા  પ્રવાસ પ્રતિબંધો ૧લી ડિસેમ્બરથી હળવા કરવાની જાહેરાત કરી છે. 

હવે કોવિડ-૧૯થી બચવા માટેની રસીના બંને ડોઝ લેનાર અને અધિકૃત વીઝા ધરાવતી વ્યક્તિઓ ૧લી ડિસેમ્બરથી ઓસ્ટ્રેલિયામાં પ્રવેશ કરી શકશે. આ નિર્ણયથી ભારતનાં હજારો વિદ્યાર્થીઓ ત્યાં ભણવા માટે પાછા જઇ શકશે. 

ઓસ્ટ્રેલિયાએ કરેલી જાહેરાત પ્રમાણે ફૂલ્લી વૅક્સિનેટેડ (રસીનાં બંને ડોઝ લીધેલી) વ્યક્તિએ પ્રવેશ વખતે રસીકરણનો પુરાવો અને ત્યાં જવા નીકળવાનાં ત્રણ દિવસની અંદર પીસીઆર નેગેટિવ ટૅસ્ટ રિપોર્ટ દેખાડવા પડશે. 

આ સિવાય, ત્યાં પહોંચ્યા બાદ ત્યાંના ક્વોરન્ટાઇનનાં નિયમોનું પાલન કરવાનું 
રહેશે.    

વડાપ્રધાન નરેન્દ્ર મોદીએ મંગળવારે તા.2 નવેમ્બર 2021 જલવાયુ પરિવર્તન પર સંયુક્ત રાષ્ટ્ર સંમેલનમાં માઈક્રોસોફ્ટના સહ સંસ્થાપક અને પરમાર્થ કાર્યો માટે જાણીતા બિલ ગેટ્સ સાથે મુલાકાત કરી હતી. 

મોદી અને અમેરિકાના અરબપતિ ઉદ્યોગપતિની બેઠક ગેટ્સ દ્વારા નાના દ્વીપીય દેશોના ઢાંસાના વિકાસની પહેલ રેજિલિએન્ટ આઈલેન્ડ્સ સ્ટેટ્સ (આઈઆરઆઈએસ) શરૂ થયા બાદ થઈ છે. બિલ ગેટ્સનું ફાઉન્ડેશન મહામારી સામે લડવા માટે ઘણું લાભદાયક રહ્યું છે. 

1-11-21 સોમવારે બિલ ગેટ્સે કહ્યું હતું કે આ વર્ષે સંયુક્ત રાષ્ટ્ર જલવાયુ સંમેલનમાં મુખ્યરુપે નવીનતા પર ધ્યાન કેન્દ્ર કરવામાં આવશે. આ સાથે જ તેમણે આગળની રાહ સારી જવાનો વિશ્વાસ વ્યક્ત કર્યો હતો. 

બિલ ગેટ્સે ટ્વિટ કરી કહ્યું કે ` સીઓપી-26 માં દુનિયાને એક સાથે લાવી વિકાસની ગતિને ઝડપી બનાવી શકાય છે અને સ્વચ્છ ઊર્જાની સ્વીકાર્યતા પર ભાર મુકી શકાય છે.`

નોંધનીય છે કે આ પહેલા વડાપ્રધાન નરેન્દ્ર મોદીએ મંગળવારે ગ્લાસગો સમિટમાં નેપાલના વડાપ્રધાન શેર બહાદુર દેઉબા સાથે મુલાકાત કરી હતી. વડાપ્રધાન મોદીએ પોતાની નેપાલી સમકક્ષ શેર બહાદુર દેઉબા સાથે મુલાકાત કરી ઘનિષ્ઠ દ્વિપક્ષીય સંબંધોને વધારે મજબૂત કરવા, જલવાયુ પરિવર્તન, કોવિડ-19 સામે લડત અને મહામારીથી બચવાના ઉપાયો પર ચર્ચા કરી હતી. જૂલાઈમાં દેઉબાના નેપાલના વડાપ્રધાન બન્યા બાદ પીએમ મોદી સાથે આ તેમની પહેલી મુલાકાત છે.  

ભારતમાં પ્રવેશી રહેલા આંતરરાષ્ટ્રીય પ્રવાસીઓ માટેની સરકારે બુધવારે જાહેર કરેલી માર્ગદર્શિકા પ્રમાણે ૨૫ ઑક્ટોબરથી, વિશ્ર્વ સ્વાસ્થ્ય સંસ્થા (હુ)એ મંજૂર કરેલી કોવિડ-૧૯ની રસી માટે જે દેશો સાથે સહમતિ સધાઇ છે, તેવા દેશમાંથી આવતા અને રસી લીધેલા પ્રવાસીઓને હવાઇમથક છોડવાની પરવાનગી આપવામાં આવશે અને એમણે હૉમ ક્વોરેન્ટાઇન થવાની કે જરૂર નથી. 

જોકે, એમણે કોવિડ-૧૯ માટેનું આરટી-પીસીઆર નેગેટિવ સર્ટિફિકેટ બતાવવું પડશે. 
જો આંશિક રીતે રસી લીધી હોય અથવા તો રસી લીધી જ ન હોય એવા પ્રવાસીએ આવ્યા બાદ કોવિડ-૧૯ ટેસ્ટ માટેના સેમ્પલ્સ આપવા પડશે અને ત્યાર બાદ જ એમને હવાઇમથક છોડવાની પરવાનગી અપાશે, સાત દિવસ સુધી હૉમ ક્વોરેન્ટાઇન રહેવું પડશે, ભારતમાં આવ્યાના આઠમા દિવસે ફરીથી ટૅસ્ટ કરાવવા પડશે અને જો રિપોર્ટ નેગેટિવ આવે તો ત્યાર બાદના સાત દિવસ સુધી એમણે જાતે પોતાના સ્વાસ્થ્ય પર નજર રાખવાની રહેશે. 

કેન્દ્રના સ્વાસ્થ્ય મંત્રાલયે જણાવ્યું હતું કે આંતરરાષ્ટ્રીય આગમન મામલે ૧૭ ફેબ્રુઆરી ૨૦૨૧ કે ત્યાર બાદ જાહેર કરાયેલી અન્ય કોઇપણ માર્ગદર્શિકામાં આ સુધારો ઉમેરવાનો રહેશે. 
વૈશ્ર્વિકસ્તરે વધેલા રસીકરણના કાર્યક્રમ અને રોગચાળાના બદલાયેલી સ્થિતિને ધ્યાનમાં લઇને ભારતની આંતરરાષ્ટ્રીય આગમન બાબતની માર્ગદર્શિકામાં સુધારો કરાયો હોવાની વાત મંત્રાલયે કહી હતી.