ઓરિસ્સાના મુખ્યમંત્રી અને બીજુ જનતા દળના અધ્યક્ષ નવીન પટનાયકે લોકસભા ચૂંટણી પહેલા એક મોટું એલાન કર્યું છે. એક રેલી દરમિયાન સીએમ પટનાયકે કહ્યું હતું કે, આગામી લોકસભા ચૂંટણીમાં તેમની પાર્ટી મહિલા ઉમેદવારોને ટિકિટની વહેચણીમાં 33 ટકા અનામત આપશે. આ અગાઉ પણ નવીન પટ્ટનાયક સંસદ અને વિધાનસભામાં મહિલાઓને અનામતની તરફેણ કરી ચૂક્યા છે.’ આ સાથે જ બીજેડી ટિકિટ વહેચણીમાં મહિલા અનામત આપનારો દેશનો પહેલો પક્ષ બન્યો છે.

પટ્ટનાયક કેન્દ્રપાડામાં એક ચૂંટણી રેલી સંબોધિત કરી રહ્યા હતા. આ દરમિયાન તેમણે એલાન કર્ટ્ટું હતું કે, બીજુ જનતા દળ લોકસભા ચૂંટણીની ટિકિટ વહેચણીમાં મહિલાઓને 33 ટકા અનામત આપશે. વિધાનસભા અને સંસદમાં પણ મહિલાઓનું નેતૃત્વ વધારવા માટે નવીન પટ્ટનાયકે અગાઉ અપીલ કરી હતી. જેમાં કહેવામાં આવ્યું હતું કે,’ મહિલાઓ સશક્ત છે અને રાષ્ટ્રના નિર્માણમાં પોતાનું યોગદાન આપી રહી છે તેવો સંદેશ દેશ સુધી પહોંચવો જોઈએ અને આ માટે સંસદ અને વિધાનસભામાં મહિલાઓનું નેતૃત્વ વધે તેવી જરૂરિયાત છે.