શિવસેનાના સાંસદો મરાઠીમાં શપથ લેશે

શિવસેનાના સાંસદો મરાઠીમાં શપથ લેશે, તેમ પક્ષના નેતાએ જણાવ્યું હતું. રાજ્યમાંથી કુલ ૧૮ શિવસેનાના સાંસદ ચૂંટાઈ આવ્યા હતા. કલ્યાણના સાંસદ શ્રીકાંત શિંદેએ જણાવ્યું હતું કે અમે મરાઠીનું રક્ષણ કરવા અને તેને આગળ વધારવા માટે છીએ. ૧૭મી લોકસભાની ચૂંટણી તાજેતરમાં પૂરી થઈ છે અને પહેલું સંસદીય સત્ર ૬ઠ્ઠી જૂનથી ૧૫મી જૂન દરમિયાન આયોજિત કરવામાં આવશે. ૩૦મી મેના રોજ વડા પ્રધાન નરેન્દ્ર મોદી સહિત પ્રધાનમંડળ અને સાંસદો શપથ લેશે.