ICC વર્લ્ડ કપ જીતનારી ટીમને મળશે ₹ ૨૮ કરોડ
કુલ ૭૦.૨૭ કરોડ રૂપિયાના ઇનામો: રનર્સ-અપ ટીમને મળશે ₹ ૧૪ કરોડ
આગામી ૩૦મી મેએ ઈંગ્લૅન્ડમાં શરૂ થનારા આઈ. સી. સી. વર્લ્ડ કપની વિજેતા ટીમને ૪૦ લાખ અમેરિકન ડૉલર (૨૮ કરોડ રૂપિયા)નો રોકડ અવૉર્ડ મળશે, જે સ્પર્ધાના ઈતિહાસમાં સૌથી વધુ ઈનામની રકમ છે.
દસ ટીમના હિસ્સા સાથેની આ સ્પર્ધાના વિજેતાને ટ્રોફી પણ ભેટ કરાશે જે માટે ઐતિહાસિક લોર્ડ્સના ગ્રાઉન્ડ પર ૧૬મી જુલાઈએ ફાઈનલ મેચ રમાનાર છે, એમ આઈ. સી. સી. તરફથી બહાર પાડવામાં આવેલ નિવેદનમાં કહેવામાં આવ્યું હતું.
સ્પર્ધામાં કુલ એક કરોડ અમેરિકન ડૉલરના ઈનામ અપાનાર છે જેમાંથી રનર્સ-અપ ટીમના ફાળે ૨૦ લાખ ડૉલર (૧૪ કરોડ રૂપિયા)આવશે તથા સેમી-ફાઈનલ રાઉન્ડમાં હારી જનારી ટીમોને પ્રત્યેકને ૮૦૦,૦૦૦ (૫.૬૨ કરોડ રૂપિયા) ડૉલર મળશે.
૪૬ દિવસના કાર્યક્રમની આ સ્પર્ધાનો ઈંગ્લેન્ડમાં ૩૦મી મેથી પ્રારંભ થનાર છે અને તેની મેચો જુદા જુદા ૧૧ સ્થળે ભાગ લેનારી બધી ટીમ વચ્ચે રાઉન્ડ-રોબિન પદ્ધતિએ રમાશે.
દરેક લીગ મેચમાં વિજય માટે પણ ઈનામ રાખવામાં
આવ્યા છે.
આઈ. સી. સી. વર્લ્ડ કપ-૨૦૧૯ના ઈનામ
વિજેતા ટીમ (૧): ૪,૦૦૦,૦૦૦ અમેરિકન ડૉલર.
રનર્સ-અપ ટીમ (૧): ૨,૦૦૦,૦૦૦ અમેરિકન ડૉલર.
સેમી-ફાઈનલમાં હારી જનાર ટીમ (૨): ૮૦૦,૦૦૦ અમેરિકન ડૉલર.
દરેક લીગ મેચની વિજેતા ટીમ (૪૫): પ્રત્યેકને ૪૦,૦૦૦ અમેરિકન ડૉલર.
લીગ તબક્કાથી આગળ વધનાર ટીમ (૬): પ્રત્યેક્ને ૧૦૦,૦૦૦ અમેરિકન ડૉલર.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now