CAA : ફેક ન્યૂઝ, હિંસા અટકાવવાની રાજયોને ગૃહ મંત્રાલયના નિર્દેશ

કેન્દ્રીય ગૃહ મંત્રાલયે સોમવારે બધા જ રાજ્યો અને કેન્દ્રશાસિત પ્રદેશોને લોકોના જીવ અને સંપત્તિની રક્ષા માટે હિંસા અને બોગસ સમાચાર રોકવાની સલાહ આપતો શ્ર્વેતપત્ર જાહેર કર્યો હતો.

શ્ર્વેતપત્રમાં ગૃહ મંત્રાલયે બધા જ રાજ્યો અને કેન્દ્રશાસિત પ્રદેશોને સોશિયલ મીડિયા અને અન્યત્ર લોકોને ભડકાવે એવા બોગસ સમાચાર ફેલાતા રોકવાની અને એ માટે યોગ્ય પગલાં લેવાની સલાહ આપી છે.

દેશના કેટલાક ભાગોમાં નાગરિકત્વના મામલે ફાટી નીકળેલી હિંસા અને સંપત્તિને કરવામાં આવેલા નુકસાનને ધ્યાનમાં લઇને આ ઍડવાઇઝરી જાહેર કરી હોવાની વાત ગૃહ મંત્રાલયે જણાવી હતી. કાયદો અને વ્યવસ્થા તથા સમાજમાં શાંતિ જળવાઇ રહે એ માટે બધા જ રાજ્યો તથા કેન્દ્રશાસિત પ્રદેશોને સતર્કતાની દૃષ્ટિએ યોગ્ય પગલાં લેવાની વિનંતી પણ કરવામાં આવી છે.