Uncategorized Archives - Page 9 of 14 - CIA Live

કૉંગ્રેસ પ્રમુખ રાહુલ ગાંધીએ ગુરુવારે અત્રે ચૂંટણી સભાને સંબોધતા જણાવ્યું હતું કે વડા પ્રધાન નરેન્દ્ર મોદી કે અન્ય કોઇ રાજકીય નેતા લોકોના માલિક નથી. હકીકતમાં તો લોકશાહીમાં લોકો જ રાજા છે. તેમણે તેમની પાર્ટીની સરકાર પાસેથી લોકોની અપેક્ષા પૂરી કરવાનું વચન પણ આપ્યું હતું.

રાહુલે મહાગઠબંધનને ‘પ્રજાના અવાજ’ તરીકે ઓળખાવ્યું હતું અને જણાવ્યું હતું કે તેઓ પોતાની વાત સંભળાવવા નહીં, પરંતુ લોકોની વાત સાંભળવા આવ્યા છે.

‘મન કી બાત’ એ વડા પ્રધાન મોદીનો માસિક રેડિયો પ્રોગ્રામ છે, જેમાં તેઓ જુદા જુદા વિષય પર તેમના વિચારો લોકો સમક્ષ રજૂ કરે છે. કૉંગ્રેસ પ્રમુખ રાહુલ સિમડેગામાં ચૂંટણી રેલીને સંબોધી રહ્યા હતા, જ્યાં છ મેના રોજ મતદાન થવાનું છે.

કૉંગ્રેસની ન્યાય યોજના અંગે બોલતા તેમણે જણાવ્યું હતું કે તેમની સરકાર સત્તા પર આવશે તો એક વર્ષની અંદર 5 કરોડ લોકોના બૅંક ખાતામાં સરકાર દ્વારા 72,000 રૂપિયા જમા કરવામાં આવશે.

રાહુલે વડા પ્રધાન મોદી પર પ્રહારો કરતા જણાવ્યું હતું કે તેમની સરકાર માત્ર 15-20 લોકો માટે કામ કરે છે. બે કરોડ રોજગાર ઊભા કરવાનું વચન મોદીએ પાળ્યું નથી. લોકોના ખાતામાં તેમણે 15 લાખ રૂપિયા જમા કરાવ્યા નથી. મોદી સરકારે કૃષિ લોન માફી પણ કરી નથી. જીએસટીના કારણે ગરીબોને ભારે હેરાન થવું પડ્યું હતું.

તેમણે લોકોને કૉંગ્રેસ અને મહાગઠબંધનના ઉમેદવાર કાલિચરણ મુંડાને મત આપવા અપીલ કરી હતી.

તેમણે ઝારખંડમાં મફત તબીબી સારવાર આપવાનું વચન આપ્યું હતું અને જણાવ્યું હતું કે જો કૉંગ્રેસ

સત્તા પર આવશે તો અહીં યુનિવર્સિટી અને ટૅક્નિકલ ઇન્સ્ટિટ્યૂશન્સ સ્થાપવામાં આવશે.

કથિત દ્વેષભાવવાળા પ્રવચનો કરીને તેમ જ ‘રાજકીય પ્રચાર’ માટે સશસ્ત્ર દળોના નામનો ઉપયોગ કરીને વડા પ્રધાન નરેન્દ્ર મોદી તથા ભાજપના વડા અમિત શાહે ચૂંટણી સંબંધિત આચારસંહિતાનો કહેવાતો ભંગ કર્યો હોવાની જે અરજી કૉંગ્રેસના એક સંસદસભ્યએ નોંધાવી છે એ સંબંધમાં સુપ્રીમ કોર્ટે મંગળવારે ચૂંટણી પંચનો પ્રતિભાવ માગ્યો હતો. ચીફ જસ્ટિસ રંજન ગોગોઈના વડપણ હેઠળની બેન્ચે જણાવ્યું હતું કે આસામના સિલ્ચર વિસ્તારના લોકસભાનાં કૉંગ્રેસી મેમ્બર સુસ્મિતા દેવે કરેલી આ અરજી પરની સુનાવણી

ગુરુવારે (આવતી કાલે) હાથ ધરાશે. દેવે અરજીમાં એવો પણ આક્ષેપ કર્યો છે કે મોદી તથા શાહ વિરુદ્ધની ફરિયાદો પર નિર્ણય લેવામાં ચૂંટણી પંચ નિષ્ક્રિય રહ્યું છે.

ન્યાયાધીશો એસ. કે. કૌલ તથા કે. એમ. જોસેફનો સમાવેશ ધરાવતી આ બેન્ચે એવી સ્પષ્ટતા પણ કરી હતી કે પિટિશનર (દેવ)ની રજૂઆત સંદર્ભમાં ચૂંટણી પંચ જરૂરી/યોગ્ય નિર્ણયો લેશે તો એ અમારા તરફથી આવકાર્ય ગણાશે.

સોમવારે એવા અહેવાલો હતા કે મોદી, અમિત શાહ તેમ જ કૉંગ્રેસના પ્રમુખ રાહુલ ગાંધી સહિતના વિવિધ નેતાઓ દ્વારા મોડેલ કોડ ઑફ ક્ધડક્ટ (એમસીસી)નો કથિત ભંગ કર્યો હોવાની ફરિયાદ પર મંગળવારે ચૂંટણી પંચના અધિકારીઓ ચર્ચા કરશે. બપોરની શરૂઆતમાં ગોગોઈના વડપણ હેઠળની બેન્ચે જણાવ્યું હતું કે દેવની અરજીને ન્યાયમૂર્તિઓ દીપક ગુપ્તા તથા સંજીવ ખન્નાની બેન્ચ 10 નંબરની કોર્ટમાં બપોરે 2.00 વાગ્યે સાંભળશે. જોકે, પછીથી ગુપ્તા-ખન્નાની બેન્ચે કહ્યું હતું કે ‘અમે આ કિસ્સા સંબંધમાં નવેસરથી નોંધાયેલી પિટિશનને નહીં સાંભળીએ અને એની સુનાવણી યોગ્ય બેન્ચ દ્વારા જ યોજાશે.’

પરિણામે, આ અરજી ફરી ચીફ જસ્ટિસ ગોગોઈના વડપણ હેઠળની બેન્ચે હાથ ધરી હતી અને એણે ચૂંટણી પંચ પાસે પ્રતિભાવ માગતી નોટિસ બહાર પાડી હતી. આ પિટિશન પરની હવે પછીની સુનાવણી ગુરુવારે સવારે 10.30 વાગ્યે હાથ ધરાશે.’

પહેલી એપ્રિલે મહારાષ્ટ્રના વર્ધામાં મોદીએ પ્રવચનમાં ‘ભગવા આતંકવાદી’ના મુદ્દાને કથિતપણે ઉપસ્થિત કર્યો એ મુદ્દાને દેવે પિટિશનમાં આચારસંહિતાના ભંગ તરીકે ઓળખાવ્યો છે. અન્ય એક રૅલીમાં મોદીએ રાહુલ ગાંધી કેરળના વાયનાડમાંથી ચૂંટણી લડી રહ્યા હોવાનો મુદ્દો ઉપસ્થિત કર્યો હતો એ સંબંધમાં પણ દેવની પિટિશનમાં ફરિયાદ કરાઈ છે. એવો પણ આક્ષેપ છે કે મોદીએ 23મી એપ્રિલે (મતદાનના દિવસે જ) ગુજરાતમાં એક રૅલીને સંબોધીને આચારસંહિતાનો ખુલ્લેઆમ ભંગ કર્યો હતો.

એક એવો આક્ષેપ કરાયો છે કે ભાજપના નેતાઓ છેલ્લા ચાર અઠવાડિયાથી આચારસંહિતાનો ભંગ કરી રહ્યા છે અને ચૂંટણી પંચે કૉંગ્રેસ પક્ષની 40 જેટલી ફરિયાદો પર કોઈ નિર્ણયો નથી લીધા.

ગુજરાતના રાજકારણની પારાશીશી કહેવાતા ઉત્તર ગુજરાતની ચારે બેઠકો પર ૧૭મી લોકસભા માટે થયેલા મતદાનમાં ભરેલા નારિયેળ જેવી સ્થિતિ છે. આ વખતે ગત ચૂંટણી કરતાં થયેલા વધુ મતદાનથી ખુદ રાજકીય પક્ષો ગણતરીને લઇ અવઢવમાં મુકાયા છે. ગઇ વખતે નરેન્દ્ર મોદી વડા પ્રધાન પદના ઉમેદવાર હતા એટલે ઉત્તર ગુજરાતમાં મોદીલહેર જોવા મળી હતી, પરંતુ આ વખતે ન તો કોઈ લહેર છે કે ન તો કોઇ આંદોલનની અસર. એટલે જ રાજકીય પંડિતો પણ કોને ફાયદો અને કોને નુકસાન થશે તે ખોંખારીને કહી શકતા નથી પણ હાલમાં રાજકીય આલમમાં પાટણને બાદ કરતાં બાકીની ત્રણ બેઠકો ભાજપ પાસે અકબંધ રહેશે તેવી પણ ચર્ચાઓ ચાલી રહી છે.

સૂત્રોના જણાવ્યા અનુસાર ગુજરાતના રાજકારણમાં પહેલા ઉત્તર ગુજરાતનો મહેસાણા જિલ્લો દેશના વડા પ્રધાનની જન્મ ભૂમિને લઈ અને ત્યાર બાદ હાર્દિક પટેલના અનામત આંદોલનને લઈને દેશભરમાં તેના પડઘા પડ્યા હતા. અહીં ઉત્તર ગુજરાતની ચાર બેઠકોમાં સાબરકાઠાં, બનાસકાંઠા, પાટણ અને મહેસાણા લોકસભા બેઠકનો સમાવેશ થાય છે.

ગરમી કે અન્ય કારણોસર આ ચૂંટણીમાં ઉત્તર ગુજરાતની ૩૩,૪૪,૮૮૦ લાખ મહિલા મતદારો પૈકી ૨૦૪૭૪૧૨ લાખ મહિલાઓ મતદાન માટે ઘરની બહાર જ નીકળી નથી એટલે કે ૬૧.૨૧ ટકા મહિલા મતદાન નોંધાયું હતું. સૌથી ઓછું મહિલા મતદાન પાટણ બેઠક પર ૫૮.૬૭ ટકા, એટલે કે, કુલ. ૮૬૮૩૮૪ લાખ મહિલા મતદારોમાંથી ૩૫૮૮૩૫ લાખ મહિલાઓએ મતદાન કર્યુ હતું. તે પછી બનાસકાંઠામાં ૫૯.૮૩ ટકા નોંધાયું હતું એટલે કે કુલ ૮૦૬૫૪૮ લાખ મહિલા મતદારોમાંથી ૩૨૩૯૨૦ લાખ મહિલા મતદારોએ મતદાન કર્યુ હતું.

જ્યારે સાબરકાંઠામાં કુલ ૮૭૫૭૧૩ લાખ મહિલા મતદારોમાંથી કુલ ૩૧૨૮૯૪ લાખ મહિલા મતદારોએ અને મહેસાણામાં કુલ. ૭૯૪૨૩૪ લાખ મહિલા મતદારોમાંથી કુલ, ૩૦૨૦૧૮ લાખ મહિલા મતદારોએ મતદાન કર્યુ હતું એટલે કે, સૌથી વધુ મહિલા મતદાન ૬૪.૨૯ ટકા સાબરકાંઠા અને ૬૧.૯૭ ટકા મહેસાણા બેઠક પર થયું હતું. ઉલ્લેખનીય છે કે, ઉત્તર ગુજરાતમાં ૩૬.૦૧ લાખ પૈકી ૨૪.૫૩ લાખ પુરુષોએ મતદાન કર્યું હતું, જેની ટકાવારી ૬૮.૧૪ ટકા થાય છે. આમ ઉત્તર ગુજરાતની કુલ ૩૩૪૪૮૮૦ મહિલા મતદારોમાંથી માત્ર ૧૨૯૭૪૬૮ લાખ મહિલા મતદારોએ મતદાન કર્યુ હતું. જે પુરુષોની સરખામણીએ મહિલા મતદાન સાત ટકા જેટલું ઓછું થયું હતું.

લોકશાહીને મજબૂત રાખવા માટે એક-એક મત કીમતી ગણાતો હોય છે, ત્યારે એવા પણ મતદાતાઓ છે જે કામધંધાને લઈને અન્ય સ્થળે સ્થાળાંતર કરી ગયા હોય છે છતાં પોતાની ફરજ સમજીને ખાસ મત આપવા માટે આવતા હોય છે. આજે મુંબઈમાં લોકસભાની છ બેઠક માટે મતદાન યોજાઈ રહ્યું છે ત્યારે બોરીવલીથી સુરત સ્થાયી થઈ ગયેલો દેસાઈ પરિવાર ખાસ વોટ આપવા માટે મુંબઈ આવ્યો છે. બોરીવલીમાં શિંપોલી રહેતા જગદીશભાઈ દેસાઈનો પરિવાર ત્રણ વર્ષ અગાઉ સુરત સ્થાયી ગઈ ગયો છે. પરિવારના મોભી એવા જગદીશભાઈના કહેવા મુજબ તેમનો દીકરો નીરવ ખાનગી કંપનીમાં નોકરી કરે છે, તો તેની પત્ની દીપલ સ્કૂલમાં શિક્ષિકા છે. ચૂંટણીમાં એક-એક મત કીમતી ગણાતો હોય છે અને મતદાન કરવું આપણી પવિત્ર ફરજ છે તેથી અમે ખાસ મત આપવા માટે સુરતથી મુંબઈ આવ્યા છીએ. અમારા પરિવારના સભ્ય બોરીવલીમાં રહે છે તેથી અમે બે દિવસ પહેલા જ બોરીવલી આવી ગયા હતા.

કૉંગ્રેસના પ્રમુખ રાહુલ ગાંધીએ શનિવારે વડા પ્રધાન નરેન્દ્ર મોદીની આકરી ટીકા કરતા જણાવ્યું હતું કે છેલ્લાં 70 વર્ષ (કૉંગ્રેસના શાસનકાળના) દરમિયાન કોઇએ નૉટબંધી અને ‘ગબ્બર સિંહ ટૅક્સ’ (વસ્તુ અને સેવા કર – જીએસટી) જેવી મૂર્ખામી કોઇએ નહોતી કરી. તેમણે જણાવ્યું હતું કે નરેન્દ્ર મોદી સરકારી નોકરીમાં ખાલી પડેલી 22 લાખ જગ્યા ભરવા નથી માગતા, પરંતુ જો અમારો પક્ષ કેન્દ્રમાં સત્તા પર આવશે તો અમે એક જ વર્ષમાં આ 22 લાખ સરકારી નોકરી આપીશું અને પંચાયતોમાં 10 લાખ નોકરી આપીશું.

કૉંગ્રેસના પ્રમુખે જાહેરસભાને સંબોધતા સવાલ કર્યો હતો કે અનિલ અંબાણી, નીરવ મોદી, વિજય માલ્યા, લલિત મોદી જેલમાં છે કે જેલની બહાર? તેમણે જણાવ્યું હતું કે ચોકીદાર (નરેન્દ્ર મોદી)એ રાયબરેલી અને અમેઠીમાં કારખાના અને રોજગારીની ‘ચોરી’ કરી છે (એટલે કે છીનવી લીધા છે). રાહુલ ગાંધીએ જણાવ્યું હતું કે જો રાયબરેલીનો ખેડૂત રૂપિયા 20,000નું કરજ પાછું ચૂકવી ન શકે તો તેણે જેલમાં જવું પડે છે. જો અમારી સરકાર સત્તા પર આવશે તો આવું થવા નહિ દે. તેમણે જણાવ્યું હતું કે મોદીએ ભ્રષ્ટાચાર અને કાળાં નાણાં નાબૂદ કરવાના બહાના હેઠળ લોકોને મૂર્ખ બનાવ્યા હતા અને નૉટબંધી કરીને સામાન્ય જનતાને લાંબી કતારમાં ઊભી રહેવાની ફરજ પાડી હતી.

લોકસભા ચૂંટણીના ચોથા તબક્કાનું મતદાન 29મી એપ્રિલના રોજ છે, જેમાં મુંબઈની છ સહિત મહારાષ્ટ્રની 17 બેઠકનો સમાવેશ થાય છે. મતદાનના બે દિવસ પહેલા વડા પ્રધાન નરેન્દ્ર મોદીએ દેશના મિડલ ક્લાસને નમન કરી ખાસ કરીને મુંબઈના સૌથી મોટા મતદાર વર્ગને સંબોધિત કર્યો હતો. મુંબઈના મતદારોમાં સૌથી મોટી સંખ્યા મિડલ ક્લાસની છે ત્યારે નરેન્દ્ર મોદીએ તેમને રિઝવવાની પૂરી કોશિશ કરી હતી.

મુંબઈગરાઓના વખાણ કરતા તેમણે જણાવ્યું હતું કે અહીંના લોકો દેશની હવા કઈ તરફ ચાલી રહે છે તે કળી જાય છે અને તેથી તેમણે કોને દેશ સોંપવો તે સારી રીતે ખબર છે. દેશની તમામ આર્થિક યોજનાઓની સફળતા માટે ટેક્સ આપનારા તમામ લોકોનો આભાર માની મોદીએ કરદાતાઓની નોંધ લીધી હતી. પોતાની લાક્ષણિક છટામાં ‘કસ કાય મુંબઈ’ થી શરૂઆત કરી હતી અને શિવસેના પક્ષપ્રમુખ ઉદ્ધવ ઠાકરેનો વારાણસી આવવા માટે આભાર પણ માન્યો હતો.

સર્જિકલ સ્ટ્રાઈકની વાત કરતાં કરતાં તેમણે જણાવ્યું હતું કે ‘મી શિવરાયાંચા માવળા આહે’. જે ભારત પર આંખ ઉઠાવશે તેને ઘરમાં જઈને મારશું. એક સમયે ચૂંટણી સમયે કૉ્ંરગ્રેસે આઈપીએલ મેચ સુરક્ષાના કારણોસર બંધ કરવા જણાવાયું હતું ત્યારે હાલમાં દેશમાં લોકસભાની ચૂંટણી ચાલી રહી છે, વિવિધ તહેવારો મનાવાઈ રહ્યા છે અને આઈપીએલની મેચ પણ ચાલી રહી છે. તેમણે જણાવ્યું હતું કે જેટલા લોકો વડા પ્રધાનની રેસમાં ઊભા છે, તેમાં આતંકવાદને ખતમ કરવાની હિંમત નથી.

તેમણે મુંબઈમાં ચાલી રહેલી તમામ માળખાની યોજનાઓ વિશે વાત કરી હતી અને મુંબઈના લોકોની સુવિધાઓને કેન્દ્ર તેમ જ રાજ્ય સરકાર પ્રાધાન્ય આપી રહી છે. તેમણે માછીમાર, ડબ્બાવાલા, ટેક્સીવાળા, પોલીસકર્મી, સફાઈકર્મી વગેરેનો આભાર માન્યો હતો કે તેમણે આ શહેરને ક્યારેય ધીમું પડવા દીધું નથી. સાધ્વી પ્રજ્ઞાએ નવેમ્બર 2008 હુમલાના શહીદ હેમંત કરકરે વિશે વિવાદાસ્પદ નિવેદન આપ્યું હતું ત્યારે મોદીએ મુંબઈ પોલીસ અને સુરક્ષાકર્મીઓની પ્રશંસા કરતા જણાવ્યું હતું કે જો પોલીસ આટલી સતર્ક ન હોત તો શહેરે આના કરતા પણ વધારે ખુવારી સહન કરવી પડી હોત.

કૉંગ્રેસને આડે હાથ લેતા તેમણે જમાવ્યું હતું કે આતંકવાદી હુમલો થાય ત્યારે માત્ર મુખ્ય પ્રધાન અને ગૃહ પ્રધાન બદલવાની સંસ્કૃતિ અમે બદલી છે અને ત્રાસવાદનો ખાતમો બોલાવી રહ્યા છીએ.

કૉંગ્રેસને ઝાટકતા તેમણે જણાવ્યું હતું કે 2014માં તેઓ સૌથી ઓછી 44 બેઠક જીત્યા હતા, 2019માં તેઓ સૌથી ઓછી બેઠક પર લડી રહ્યા છે. કૉંગ્રેસ 44માંથી 40 પર પહોંચશે તેમ પણ તેમણે જણાવ્યું હતું. આ સાથે ભારત માટે આવનારા પાંચ વર્ષ એક અવસર સમાન છે અને સમગ્ર વિશ્ર્વ ભારત તરફ જોઈ રહ્યું છે ત્યારે દેશને એક મજબૂત અને સ્થિર સરકારની જરૂર છે અને તે એનડીએ જ આપી શકે છે.

તેમણે જણાવ્યું હતું કે ર્કૉંગ્રેસ 21મી સદીના મતદાર અને તેની અપેક્ષાને સમજવામાં નિષ્ફળ રહી છે અને માત્ર એક પરિવારની રાજકીય કારકિર્દી સંભાળવામાં આવી રહી છે. 2014માં મોંઘવારી ચૂંટણીનો મુદ્દો હતો, ત્યારે આજે વિપક્ષ પણ મોંઘવારીની વાત કરતો નથી કારણ કે દેશમાં પહેલીવાર મોંઘવારી સૌથી ઓછી છે અને વિકાસદર સૌથી વધારે છે. કૉંગ્રેસના મેનિફેસ્ટોમાં મિડલ ક્લાસ ક્યાંય નથી, તેમ પણ તેમણે જણાવ્યું હતું.

મુંબઈમાં મોદી અને ઠાકરે એક સાથે ઘણાં લાંબા સમય બાદ દેખાયા હતા. બીકેસી ખાતેનું મેદાન ખીચોખીચ ભરેલું હતું અને મોદીએ વિગતવાર ભાષણ આપી મુંબઈના યુતિના છ ઉમેદવારોને ચૂંટવાની અપીલ કરી હતી.

મહારાષ્ટ્રમાં 29મી તારીખે ચોથા અને છેલ્લા તબક્કાની ચૂંટણી છે ત્યારે તે પહેલા ભાજપ અને કૉંગ્રેસ પક્ષના નેતાઓ મતદારોને મનાવવાના તમામ પ્રયત્નો કરી રહ્યા છે. આજે મુંબઈમાં બાન્દ્રા-કુર્લા કૉમ્પ્લેક્સ (બીકેસી) ખાતે વડા પ્રધાન નરેન્દ્ર મોદી રેલીને સંબોધશે. કૉંગ્રેસ અધ્યક્ષ રાહુલ ગાંધી અહેમદનગરમાં સંગમનેર ખાતે સભાને સંબોધશે. ચોથા તબક્કામાં મુંબઈની છ બેઠક માટે પણ મતદાન થવાનું છે. ભાજપે શિવસેના સાથે જોડાણ કર્યું હોવાથી ત્રણ બેઠક પર ભાજપ અને ત્રણ બેઠક પર શિવસેના લડી રહી છે. 2014માં મુંબઈની તમામ બેઠક પર યુતિના ઉમેદવારો જીતીને આવ્યા હતા. આ વખતે પણ ઈશાન મુંબઈને બાદ કરતા તમામ વર્તમાન સાંસદોને ટિકિટ આપવામાં આવી છે. મુંબઈ માત્ર આર્થિક રાજધાની જ નહીં, એક આંતરરાષ્ટ્રીય શહેર તરીકે પ્રસ્થાપિત છે તેથી અહીંની બેઠકો જીતવી તમામ પક્ષ માટે મહત્ત્વની છે.

બીજી બાજુ રાહુલ ગાંધી અથવા પ્રિયંકા ગાંધી મુંબઈમાં રેલી યોજશે તેમ માનવામાં આવતું હતું, પરંતુ એમ બન્યું નથી. ગાંધી મહારાષ્ટ્રને ઓછું મહત્ત્વ આપી રહ્યા હોવાનું પણ માનવામાં આવે છે, પરંતુ કૉંગ્રેસના નેતાઓએ આ વાતનો ઈનકાર કરતા જણાવ્યું હતું કે તેમણે અને કૉંગ્રેસના દિગ્ગજ નેતાઓએ સભાઓ ગજવી છે. આ સાથે એનસીપી ચીફ શરદ પવાર મુંબઈમાં પણ સભાઓ લઈ રહ્યા છે. ગાંધીએ ચૂંટણીની તારીખ પહેલા મુંબઈમાં સભા સંબોધી હતી. મુંબઈમાં ગુજરાતી મતદારો પણ મોટા પ્રમાણમાં છે ત્યારે મોદીના ભાષણની અસર તેમના પર વધારે પડશે, તેમ માનવામાં આવે છે. 17 બેઠક માટે લગભગ 3.11 કરોડ મતદાર પોતાની ફરજ નિભાવશે. મુંબઈ, થાણે, પાલઘર, ભિવંડી અને પશ્ર્ચિમ મહારાષ્ટ્રના મોટા ભાગના વિસ્તારોમાં ચૂંટણી યોજાશે.

આજે બીકેસી ખાતે જનમેદની એકઠી કરવાની જવાબદારી મુંબઈના ભાજપ-શિવસેનાના નેતાઓ-પદાધિકારીઓ તેમ જ છ લોકસભા બેઠક પર ઊભેલા ઉમેદવારોને સોંપવામાં આવી છે. પક્ષના સૂત્રોનું માનીએ તો તમામ મતવિસ્તારોમાંથી 150 બસ મેદાન સુધી પહોંચાડવાની જવાબદારી આપવામાં આવી છે. 1000 જેટલી બસમાં માણસો મેદાન સુધી લઈ જવામાં આવે તેમ માનવામાં આવે છે .જોકે એક પદાધિકારીનું કહેવાનું હતું કે પક્ષ તરફથી આવી કોઈ સૂચના આપવામાં આવી નથી. આ રેલીમાં શિવસેના અને આરપીઆઈ પણ જોડાયા હોવાથી આપોઆપ જંગી રેલી સાબિત થશે. લોકોને વડા પ્રધાનને પ્રત્યક્ષ સાંભળવાની પણ ઈચ્છા હોય છે, આથી આમ જનતા પણ મોટી સંખ્યામાં ભાગ લેશે અને આ રેલી ખૂબ જ સફળ સાબિત થશે.

ભરૂચના વાગરા તાલુકાના ઓચ્છાણ ગામના છીતુ વસાવા નામના એક વ્યક્તિનું મતદાન કર્યા બાદ મતદાન કેન્દ્રની બહાર નીકળતા આકસ્મિત કારણોસર રસ્તામાં ઢળી પડતાં મોત નીપજ્યું હતુું બચુ ભૂરિયા નામનો યુવાન મતદાન કરવા માટે લાઇનમાં ઊભો ત્યારે અચાનક ચક્કર આવતા પડી જતા બૂથ પરના પીસાઈડીગ ઑફિસરે તાત્કાલિક 108 બોલાવી સારવાર અર્થે સરકારી આરોગ્ય કેન્દ્રમાં લઈ જતાં તેમનું સારવાર દરમિયાન મોત નીપજ્યુ હતુ. ઘટનાને પગલે સમગ્ર ગામમાં શોકનું મોજુ ફરી વળ્યુ હતું.

ગુજરાતમાં મંગળવારે લોકસભાની ચૂંટણીનું મતદાન હોઈ લોકોએ મતદાન પર્વમાં ઉત્સુકતાથી મતદાન કરવા સવારથી જ શહેર, જિલ્લા અને ગામડાઓમાં મતદાન કેન્દ્રોમાં લાંબી લાઇનો લગાવી દીધી હતી. રાજ્યમાં હવામાન ખાતાએ તા.25મી એપ્રિલ સુધીમાં હિટવેવની આગાહી કરી હોઈ લોકો અગમચેતીના ભાગરૂપે સવારથી મતદાન કેન્દ્રો પર ધસારો વધી ગયો હતો. રાજકીય પક્ષો દ્વારા મતદારો માટે ઠંડક મેળવવા છાશ વિતરણ કેન્દ્ર પણ શરૂ કરવામાં આવ્યા હતા. ત્યારે અનેક જિલ્લામાં લોકોને ગરમીના કારણે લાઇનોમાં ચક્કરના બનાવો બન્યા હતા. જ્યારે છીતુ ભાઇલાલ વસાવા આજે સવારે 11 વાગ્યે ગામમાં જ આવેલા મતદાન મથકમાં મતદાન કરવા માટે ગયા હતા.

મતદાન કર્યાં બાદ તેઓ બહાર નીકળતી વખતે અચાનક જ તેઓ રસ્તામાં ઢળી પડ્યા હતા. સ્થાનિક લોકોએ તુરંત જ 108 એમ્બ્યુલન્સને બોલાવવામાં આવી હતી. 108 એમ્બ્યુલન્સ આવતા જ તેમની સારવાર શરૂ કરવામાં આવી હતી. જોકે ડોક્ટરે તેમને મૃત જાહેર કર્યાં હતા. બીજા એક બનાવમાં દાહોદ નજીકના મુવાલિયા ગામે તળાવ ફળિયામાં રહેતા બચુ ટીટા ભૂરિયા નામે યુવાનનું મતદાન કરવા માટે લાઇનમાં ઊભા હતા. તે સમયે ચક્કર આવતા તેઓ પડી ગયા હતા. જેથી 108 બોલાવી સરકારી આરોગ્ય કેન્દ્રમાં લઈ જવાયા હતા.

ગુજરાતમાં દર વર્ષે ચૂંટણીની પૂરી તૈયારીઓ અને સબ સલામતની તંત્રની વાતો વચ્ચે હજુ પણ ઇવીએમ ખોટકાયાં સમસ્યા યથાવત્ રહી છે. લોકસભાની ચૂંટણીમાં વહેલી સવારથી ભારે મતદારમાં ગરમીની હિટવેવની આગાહીને લઈને લોકોએ વહેલી સવારથી મતદાન કેન્દ્રો પર લાઈનો લાવી હતી. ત્યારે રાજ્યના અનેક મતદાન કેન્દ્રો પર લોકોને નાની-મોટી મુશ્કેલીઓનો સામનો કરવા પડ્યો હતો.

રાજ્યમાં અનેક જિલ્લાઓ સહિત દક્ષિણ ગુજરાતની ચાર બેઠકો એવી અમદાવાદ, સુરત, વલસાડ, નવસારી, બનાસકાંઠા, સુરેન્દ્રનગર, મહેસાણા, પાટણ અને બારડોલીમાં મતદાન બૂથ પર ઈવીએમ ખરાબ થવાની ઘટનાઓ પણ સામે આવી રહી હતી. જેના કારણે લોકોને લાંબી લાઇનોમાં કલાકો સુધી ઊભા રહેવાનો વારો આવતા ભારે દેકારો થતા બૂથ ચૂંટણી ઈનચાર્જે તાકિદે ઈવીએમ ટેક્નિકલ સ્ટાફને જાણ કરી સ્થળ પર બોલાવી ખામીઓને તાકિદે દૂર કરીને અટકી ગયેલા મતદાન કેન્દ્રો પર ફરી મતદાન શરૂ કરાવ્યું હતું. જેના કારણે લોકોને લાંબો સમય લાઇનોમાં ઊભા રહેવાનો વારો આવ્યો હતો.

ગુજરાતમાં વહેલી સવારથી લોકોએ ઉત્સુકતાપૂર્વક મતદાન કરવા મતદાન કેન્દ્રો પર લાઇને ગલાવી દીધી હતી ત્યારે રાજ્યના અનેક જિલ્લાઓમાં ટેક્નિકલ ખામીને લઈને ઈવીએમ મશીનો બંધ થઈ જતાં મહિલો, વૃદ્ધો, દિવ્યાગોને લાંબી લાઇનોમાં મોડા સુધી ઊભા રહેવું પડ્યું હતું. જેમાં સુરતના નવીવ ઘેલા સ્કૂલ ખાતે એક ઈવીએમ ખરાબ થઈ ગયું હતું. જોકે, તાત્કાલિક રિપેર કરી દેવામાં આવ્યું હતું. જ્યારે વલસાડમાં ડીએમડીજી સ્કૂલના 135 નંબરના બૂથ ઉપર ઈવીએમ બગડ્યું હતું.

ચૂંટણીના સ્ટાફે તાત્કાલિક ઝોનલ અધિકારીને જાણ કરતા તાત્કાલિક નવું યુનિટ નાખવામાં આવ્યું હતું. બગડેલા યુનિટના ક્ધટ્રોલ યુનિટના વાયરમાં ખામી આવી હતી. નવસારીમાં ચોર્યાસી વિધાનસભામાં આવેલા મોરા-2ના બૂથ નંબર 28માં ઇવીએમમાં ટેક્નિકલ ખામી સર્જાઈ હતી. જેથી 15 મિનિટ જેટલો ટાઇમ મતદાનની પ્રક્રિયા થંભી ગઈ હતી. જેમાં ધારાસભ્ય જંખના પટેલે પણ 15 મિનિટ સુધી ઊભા રહેવું પડ્યું હતું. જ્યારે બારડોલી તાલુકાના માણેકપોર ગામે બુથ નંબર 1માં ઈવીએમ ખરાબ થયું હતું.

જોકે, સ્ટેન્ડબાય રાખેલ ઈવીએમ પણ બંધ નીકળતા મતદાન અટક્યું હતું. તાપી જિલ્લામાં વ્યારામાં ચાર અને ડોલવણમાં એક ઈવીએમ ખરાબ થયું હતું. હાજર ચૂંટણી અધિકારીએ તાકિદે ઈવીએમ ટેક્નિશ્યને સ્થળ પર બોલાવી ઈવીએમમાં થયેલી ખામીઓ દૂર કરવી દેતા મતદાન કેન્દ્રો ફરી ચાલુ થઈ ગયા હતા. રાજ્યમાં સાબરકાઠા, જામનગર, ભાવનગર, કચ્છ જિલ્લા સહિત અનેક જગ્યાએ ઈવીએમ ખોટવાયા હોવાની ફરિયાદો મળી રહી હતી. ચૂંટણી અધિકારીઓ તરફથી ખોટવાયેલા ઈવીએમને તાત્કાલિક બદલી દેવાની કામગીરી કરવામાં આવી રહી હતી.