Slider Archives - Page 379 of 492 - CIA Live

મધ્ય પ્રદેશના મુખ્ય પ્રધાન કમલનાથના ભૂતપૂર્વ ઓફિસર ઓન સ્પેશિયલ ડ્યુટી (ઓએસડી) પ્રવીણ કક્કડના વિજયનગર સ્થિત નિવાસસ્થાન અને અન્ય સ્થળે આવકવેરાના અધિકારીએ દરોડા પાડ્યા હતા. જપ્ત થયેલ ડોક્યુમેન્ટની તપાસ ચાલુ થઈ છે.

મધ્ય પ્રદેશમાં કૉંગ્રેસની સરકાર ગત વર્ષે સ્થપાય હતી ત્યારે મુખ્ય પ્રધાન કમલનાથના ઓએસડી તરીકે પ્રવીણ કક્કડની નિમણૂક થઈ હતી. અગાઉ તેઓ યુપીએ સરકારના પ્રધાન કાંતિલાલ ભૂરિયાના ઓએસડી રહી ચૂક્યા હતા. આ પરિવાર હૉસ્પિટાલિટી સહિત વિભિન્ન ઉદ્યોગ સાથે સંકળાયેલો છે. કમલનાથ સાથે સંકળાયેલા અન્ય લોકોના મધ્ય પ્રદેશ, દિલ્હીના ૫૦ સ્થળે રવિવારે વહેલી સવારે આઈટી ખાતાએ તપાસ હાથ ધરી હતી. આ બધા સામે કરચોરીનો આક્ષેપ છે. આઈટીના ૨૦૦ અધિકારીઓએ મળસ્કે ૩ વાગ્યે તપાસ શરૂ કરી હતી. બિનહિસાબી રોકડ મળી આવી હતી.

ચૂંટણી દરમ્યાન હવાલા મનીની હેરફેરની શંકાથી દરોડા પડાયા હતા. ઈન્દોર, ભોપાલ અને દિલ્હીના સ્થળે દરોડા પડ્યા છે. પ્રવીણ કક્કડ ઉપરાંત ભૂતપૂર્વ સલાહકાર રાજેન્દ્ર મિગલાની, રાતુલ પુરીની કંપનીમાં તપાસ કરાઈ છે.

કક્કડ અને મિગલાનીએ લોકસભાની ચૂંટણી જાહેરાત પહેલાં રાજીનામું આપ્યું હતું. કોલકતા સ્થિત બિઝનેસમેન પારસમલ લોઢાને ત્યાં દરોડા પડાયા હતા. રૂ. ૩૬૦૦૦ કરોડના ઓગસ્ટા વેસ્ટલેન્ડ હેલિકોપ્ટર ખરીદીમાં સંડોવણીની શંકાથી ઈડીએ ગત અઠવાડિયે રાતુલ પુરીની પૂછપરછ કરી હતી.

કમલનાથના ખાનગી સચિવના ઘરેથી કરોડો રૂપિયાનું કાળું નાણું મળી આવ્યું છે તે વિશે ભાજપના મહામંત્રી કૈલાસ વિજયવર્ગીએ કહ્યું હતું કે આ વાતથી સ્પષ્ટ થાય છે કે જેઓ ચોરો છે તે વોચમેન સામે ફરિયાદ કરી રહ્યા છે.

કૉંગ્રેસે આઈટી દરોડાને રાજકીય બદલાની ભાવના હોવાનું જણાવ્યું હતું. જોકે બિનહિસાબી નાણું મળી આવ્યું છે તે નકારી શકાય નહીં.

ગુજરાતની 26 લોકસભાની ચૂંટણી આગામી તા. 23મી એપ્રિલે યોજાનારી ચૂંટણીની કામગીરી માટે 3.50 લાખ કર્મચારીઓ નિશ્ર્ચિત થતા જ પ્રથમ તબક્કાની તાલિમ ગુરૂવારે પૂર્ણ થતા હવે તા.14મી એપ્રિલ સુધીમાં બીજા તબક્કાની તાલિમ પૂરી થશે તથા ત્રીજી અને આખરી તાલીમ મતદાનના આગલા દિવસે અપાશે.

ચૂંટણી સાથે સાથે નોડેલ અધિકારીએ ફરજ દરમિયાન આરોપી અને લોકોની રોકડ જપ્ત કર્યા હતા. અને આચારસંહિતા ભંગની 68 જેટલી ફરિયાદ નોંધાઈ હતી. સૂત્રોના જણાવ્યા અનુસાર રાજ્યના અનેક જિલ્લાઓના કર્મચારીઓની ચૂંટણી કામગીરીમાં રોકાઈ જતા જિલ્લાભરની કચેરીઓમાં અન્ય કામગીરી પર માઠી અસરો વર્તાઈ રહી છે.

રાજ્યમાં 26 લોકસભા બેઠકની ચૂંટણીમાં કુલ 3.50 લાખ કર્મચારીઓની સેવાનો ઉપયોગ થશે અને તેમને વિવિધ તબક્કે તાલીમ આપવામાં આવશે. ચૂંટણી તંત્ર સાથે નોડલ ઑફિસરે જણાવ્યું હતું કે, અત્યાર સુધીમાં પ્રોહિબિશન, તડીપાડ અને પાસા હેઠળ કુલ 34.718 ઉપરાંત સીઆરપીસીની વિવિધ કલમો હેઠળ કુલ 1,90,747 જેટલા અસામાજિક તત્ત્વોની અટકાયત કરવામાં આવી હતી. તેમ જ 56,925 પરવાનેદાર હથિયારો પૈકી 51,677 જેટલા હથિયારો જમા લેવામાં આવ્યા હતા. તા.1લી એપ્રિલ સુધીમાં રૂ.3.37 કરોડની રોકડ જપ્ત કરી હતી. જે પૈકી આઈટી વિભાગે રૂ.3.28 કરોડની અને ચૂંટણી તંત્રની ફલાઈગ સ્કવોર્ડ સ્ટેટિક સર્વેલન્સ ટીમે માત્ર રૂ.9 લાખની રોકડ પકડી હતી. અમદાવાદમાં સૌથી વધુ 167.34 લાખની, સુરતમાંથી રૂ.44.70 લાખની તથા વલસાડમાંથી રૂ.93.31 લાખની રોકડ જપ્ત કરવામાં આવી હતી. મુખ્યચૂંટણી અધિકારી ડૉ. મુરલી ક્રિષ્નાએ જણાવ્યું હતું કે, આચારસંહિતા ભંગની કુલ 68 ફરિયાદો પૈકી 2 કેસોની તપાસ ચાલુ છે. જ્યારે બાકીની તમામ ફરિયાદોનો નિકાલ કરવામાં આવ્યો હતો. આમ કડક ચૂંટણી આચારસંહિતાનો અમલ કરવા તમામ અધિકારીઓને સૂચન કર્યા હતા.

ઉત્તર પ્રદેશના મુખ્ય પ્રધાન યોગી આદિત્યનાથે ટ્વિટર પર કરેલી ટ્વીટ મામલે ઇન્ડિયન મુસ્લિમ લિગ (આઇયુએમએલ)એ ચૂંટણીપંચમાં ફરિયાદ કરી છે.

આઇયુએમએલના મહામંત્રી પી કે કુન્હાલિકુટ્ટીએ જણાવ્યું હતું કે યોગીની મુસ્લિમ લિગ વાઇરસ હોવાના નિવેદન મામલે એમણે ચૂંટણીપંચમાં ફરિયાદ નોંધાવી છે. એમને પોતાના રાષ્ટ્રપ્રેમ કે દેશભક્તિ બદલ યોગી સહિત કોઇ પાસેથી સર્ટિફિકેટ નથી જોઇતું. આઇયુએમએલ કેરળમાં માન્ય કરાયેલ પક્ષ છે અને ભારતના સંવિધાનના લોકશાહીના નિયમોને અનુસરવાનો ઇતિહાસ ધરાવે છે.

આદિત્યનાથનું વિધાન અત્યંત આપત્તિજનક અને ગેરકાયદે હોવાનું જણાવી એમણે વધુમાં જણાવ્યું હતું કે એમણે ચૂંટણી પંચને અમારા પક્ષની સેક્યુલર છબિ ખરડવા માગતા આવા તત્ત્વો કે સામે યોગ્ય પગલાં લેવાની માગણી કરી છે. યોગીએ પોતાના નિવેદનમાં જણાવ્યું હતું કે મુસ્લિમ લિગ વાઇરસ છે. જો કોઇ આ વાઇરસથી ગ્રસ્ત થાય તો એ બચી ન શકે અને આજે મુખ્ય વિરોધ પક્ષ કૉંગ્રેસ એનાથી ગ્રસ્ત છે. વિચાર કરો જો તેઓ જીતે તો શું થાય? આ વાઇરસ આખા દેશમાં પ્રસરી જશે.