ઇન્ટરનેશનલ Archives - Page 22 of 52 - CIA Live

કોરોના વાઇરસને કારણે લોકો 30 જૂન સુધી વિદેશ પ્રવાસ નહીં કરી શકે. સિવિલ એવિએશન ડિરેક્ટોરેટ જનરલ (ડીજીસીએ) એ હાલમાં જે પ્રતિબંધ લાગુ છે તેને એક મહિના માટે લંબાવ્યો છે. ગયા વર્ષથી, વિદેશી ફ્લાઇટ્સના આગમન અને દેશમાંથી વિદેશી ફ્લાઇટ્સના પ્રસ્થાન પર પ્રતિબંધ છે. રોગચાળાને કારણે આ નિર્ણય લેવામાં આવ્યો છે.

જો કે ડીજીસીએએ સ્પષ્ટ કર્યું છે કે આ નિર્ણય તમામ આંતરરાષ્ટ્રીય કાર્ગો ફ્લાઇટ્સ પર લાગુ થશે નહીં. ઉપરાંત, ડીસીજીઆઈએ જે ફ્લાઇટની છૂટ આપી હશે તેની પર પણ આ નવી જાહેરાતનો અમલ નહીં થાય.  ડીજીસીએએ તેના નવા આદેશમાં જણાવ્યું છે કે, “26-06-22020ના હુકમમાં આંશિક સુધારો કરીને, અધિકારીએ તથા ​​આંતરરાષ્ટ્રીય મુસાફરો સેવાઓ સંદર્ભે ઉપરોક્ત વિષય પર જાહેર કરેલા પરિપત્રની માન્યતા આપી છે. આમ તે સર્ક્યુલર હવે 30મી જૂનની મધરાત સુધી લંબાઇ ગયું છે

ડીજીસીએએ જણાવ્યું છે કે કેસના આધારે અધિકારી દ્વારા નક્કી કરાયેલા રૂટ્સ પર આંતરરાષ્ટ્રીય ફ્લાઇટને મંજૂરી આપવામાં આવી શકે છે.  કોરોના વાઇરસના બીજા વેવને કારમે કારણે દેશમાં ખૂબ વિનાશ થયો છે. જો કે, છેલ્લા કેટલાક દિવસોથી કેસ ઘટી રહ્યા છે. કોરોનાના નવા કેસિઝ આજે બહાર આવ્યા છે જે છેલ્લા 44 દિવસમાં સૌથી ઓછા છે. આજે દેશમાં 1.86 લાખ નવા કેસ મળી આવ્યા છે. હાલમાં સક્રિય કેસની સંખ્યા 23,43,152 છે. છેલ્લા 24 કલાકમાં, રોગચાળાને કારણે 3660 લોકોનાં મોત નીપજ્યાં.

 ડીજીસીએ દ્વારા તાજેતરમાં કોવિડને કારણે ચેતવણી આપી હતી  કે જો કોઇ મુસાફર Covid -19 ના પ્રોટોકોલનું પાલન નહીં કરતો હોય તો તેને સચેત કરવો પણ જો તેનો વહેવાર ન સુધરે તે નિયમોનું પાલન ન કરે તો તેને સુરક્ષા બળને સોંપી દેવો. જો જરૂર પડે તો આવા મુસાફર સામે કાયદેસરની કાર્યવાહી પણ થઇ શકે છે. સીઆઈએસએફ અને પોલીસ અધિકારીઓ જે હવાઇમથકોની સુરક્ષામાં તૈનાત છે તેમને પણ આદેશ આપવામાં આવ્યો હતો કે જો મુસાફરો ફેસ માસ્ક લગાવ્યા વગર હાજર થાય તો તેમને પ્રવેશ ન આપવો.

ઈઝરાયેલે રવિવારે તેની સામૂહિક રસીકરણ ડ્રાઇવને પગલે, માસ્કના નિયમને હળવો કરવામાં આવ્યો છે. કોરોનાવાયરસ પ્રતિબંધોને સરળ બનાવવાના આઉટડોર જગ્યાઓ પર માસ્ક પહેરવાના નિયમને  હટાવ્યો છે.આરોગ્ય મંત્રાલયે કહ્યું કે, હજી પણ ઈન્ડોર જાહેર જગ્યાઓ અને ભીડમાં માસ્ક પહેરવું જરૂરી છે. ઈઝરાયેલમાં 93 લાખની વસ્તી છે, જેમાંથી લગભગ 54 % લોકોને ફાઇઝર અથવા બાયોટેક રસીના બે શોટ આપવામાં આવ્યા છે.

ઈઝરાયેલમાં શિક્ષકોને સૂચના આપવામાં આવી છે કે, વર્ગખંડોને વેન્ટિલેટીંગ કરવાનું ચાલુ રાખવું અને સ્કૂલમાં સામાજિક અંતર જાળવવું પડશે. બાળકો માટે સ્પોર્ટ્સ , ડાન્સ, ડ્રામા જેવી વધારાની-અભ્યાસક્રમની પ્રવૃત્તિઓ હાલ પૂરતી ઓછી કરવી પડશે. આરોગ્ય મંત્રાલયે કહ્યું કે, તેને ઈઝરાઇલમાં નવા ભારતીય વેરિએન્ટના 07 કેસો મળી આવ્યા છે, આ કેસ પર રિસર્ચ કરવામાં આવી રહ્યું છે.

વડા પ્રધાન બેન્જામિન નેતન્યાહુએ જણાવ્યું હતું કે, “જ્યારે કોરોનાવાયરસમાંથીબહાર આવવાની વાત આવે છે ત્યારે અમે અત્યારે વિશ્વનું નેતૃત્વ કરી રહ્યા છીએ. પરંતુ, આપણને હજુ પણ કોરોનાવાયરસથી છૂટકારો મળ્યો નથી, મનાવી લહેર પાછી આવી શકે છે એટલે સતર્ક રહેવું જરૂરી છે.”

તાઇવાનના પૂર્વ વિસ્તારમાં ભેખડો ધસી પડવાની એક ઘટનામાં ચાલતી મુસાફ ટ્રેન પાટા પરથી ઉતરી જતા ગમખ્વાર હોનારત સર્જાઇ હતી, આ હોનારતમાં મળેલા પ્રાથમિક અહેવાલો મુજબ 36 ટ્રેન મુસાફરોના મોત નિપજ્યા હોવાનું જાણવા મળ્યું છે. વીસથી વધુ લોકો ઘાયલ થયા હોવાના સમાચાર મળ્યા છે. આ ટ્રેનમાં 350 મુસાફરો હતા. પર્વતમાંથી બનાવાયેલી ટનલમાંથી બહાર આવી રહેલી ટ્રેન પર ભેખડ ધસી પડી હતી, જે બાદ ટ્રેન પાટા પરથી નીચે ઉતરકા દુર્ઘટના સર્જાઈ હતી.

ટ્રેનનો મોટાભાગનો હિસ્સો હજી પણ ટનલમાં અટવાઈ જવાથી બહાર નીકળવાનો પ્રયાસ કરી રહેલા મુસાફરોને સલામત સ્થળે પહોંચવા માટે દરવાજા, બારી અને છત ઉપર ચઢવાની ફરજ પડી છે. આ અકસ્માત સરકારી રજાના દિવસે તોરોકો જ્યોર્જ સિનિક વિસ્તાર પાસે શુક્રવારે સવારે નવ વાગ્યાની આસપાસ થયો હતો. હુઆલિયન કાઉન્ટી બચાવ વિભાગના જણાવ્યા અનુસાર ટ્રેન ટનલમાંથી બહાર નીકળતાંની સાથે જ ચટ્ટાન પડી હતી, જેના કારણે પાંચ કોચને સૌથી વધુ નુકસાન પહોંચ્યું હતું.

સેન્ટ્રલ ન્યૂઝ એજન્સીની સત્તાવાર વેબસાઇટ પર ઘટનાસ્થળે લોકોએ પોસ્ટ કરેલા ફોટા અને ટીવી ફૂટેજમાં લોકો ટનલના પ્રવેશદ્વારની બહાર ટ્રેનના ડબ્બાના ખુલ્લા ગેટ પર ચઢતા જોવા મળી રહ્યા છે. એક ડબ્બાનો અંદરનો ભાગ સંપૂર્ણ રીતે ઉખડીને બાજૂની સીટ પર આવી પડ્યો છે. આ અકસ્માત ચાર દિવસીય ટોમ્બ સ્વિપિંગ મહોત્સવના પહેલા દિવસે થયો હતો.