ક્રાઇમ Archives - Page 34 of 38 - CIA Live

મહેન્દ્રગઢ જિલ્લાની 19 વર્ષની યુવતીનું અપહરણ કરી તેના પર સામૂહિક દુષ્કર્મ આચરવામાં આવ્યું હોવાની ગંભીર ફરીયાદ

હરિયાણાના મહેન્દ્રગઢ જિલ્લામાં અત્યંત ધૃણાસ્પધ ઘટના પોલીસ ચોપડે નોંધાઇ છે. હરીયાણાના મહેન્દ્રગઢ જિલ્લાની 19 વર્ષની યુવતીનું અપહરણ કરી તેના પર સામૂહિક દુષ્કર્મ આચરવામાં આવ્યું હતું. આ મામલે 12 લોકો પર સામૂહિક દુષ્કર્મનો આરોપ લાગ્યો છે. કહેવાઈ રહ્યું છે કે પીડીત યુવતી કોલેજમાં અભ્યાસ કરે છે અને CBSE ટોપર રહી ચૂકી છે. એટલું જ નહીં 19 વર્ષની આ યુવતીને તેની પ્રતિભા માટે રાષ્ટ્રપતિ પણ સન્માનિત કરી ચૂક્યા છે.

નોંધાયેલી ફરીયાદની વિગતો મુજબ કોસલીના એક ગામમાં કોચિંગ માટે ગયેલી રાષ્ટ્રપતિ પુરસ્કારથી સન્માનિત વિદ્યાર્થિનીનું તા.13મી સપ્ટેમ્બર 2018ના રોજ સવારે તેના જ ગામના ત્રણ યુવકોએ અપહરણ કર્યું, બાદમાં નશાકારક પદાર્થ ખવડાવીને દુષ્કર્મ આચર્યું. દુષ્કર્મન બાદ પીડિતાને કનીના નજીક ફેંકીને આરોપીઓ ફરાર થઈ ગયા.

પીડિત વિદ્યાર્થીની CBSEની ટોપર હોવાની સાથે સાથે સારી ખેલાડી પણ છે. મહિલા પોલીસ સ્ટેશને આ મામલે ઝીરો FIR નોંધીને તપાસ કનીના પોલીસ સ્ટેશનને સોંપી છે. આરોપીઓની શોધખોળ ચાલી રહી છે.

મળતી માહિતી મુજબ પીડીતા રેલવેની પરીક્ષાના કોચિંગ માટે કનીના ગઈ હતી. ત્યારે તેના જ ગામના પંકજ, મનીષ અને નિશુ નામના લોકોએ તેને અટકાવી અને કોચિંગ વિશે પૂછવા લાગ્યા. આ દરમિયાન મનીષે તેને પીવા માટે પાણી આપ્યું, પાણી પીધા બાદ પીડિતા બેહોશ થઈ ગઈ. આરોપ છે કે ત્રણેય યુવકો બાદમાં પીડિતાને એક ખેતરમાં લઈ ગયા અને સામૂહિક દુષ્કર્મ આચર્યું. સાંજે લઘબગ પાંચ વાગે પીડિતાને કનીના બસ સ્ટેન્ડ પર મૂકીને આરોપીઓ ફરાર થઈ ગયા.

પીડિતાએ આ મામલે પોતાના પિતાને જાણ કરી, બાદમાં પરિવારજનોએ ઘટનાસ્થળે પહોંચી પીડિતાને હોસ્પિટલમાં દાખલ કરી. અને બુધવારે રાત્રે જ મહિલા પોલીસ સ્ટેશનમાં ત્રણેય આરોપીઓ વિરુદ્ધ ફરિયાદ દાખલ કરાઈ. પોલીસે પીડિતાનું મેડિકલ કરાવ્યા બાદ આ કેસ કનીના પોલીસને સોંપ્યો છે.

દેશભરમાં સાઇબસ સિક્યુરિટીના સાવ નબળા નેટવર્કને લઇને રોજેરોજ એવા સાઇબર ક્રાઇમ્સ થઇ રહ્યા છે કે સમગ્ર વિશ્વમાં ભારત હાંસીપાત્ર બની રહ્યું છે. લબરમૂછીયા ચાઇનીઝ કે પાકિસ્તાની કે પછી કોઇપણ સાઇબર ક્રિમીનલ ભારત સરકારની કોઇપણ સાઇટ પર એટેક કરીને તેને હેક કરી નાંખે છે. હાલમાં જ ભારતની બે મહત્વની વેબસાઇટ્સ એક તો આધાર કાર્ડ અને બીજી યુનિયન પબ્લિક સર્વિસ કમિશન જેવી મહત્વની સંસ્થાની વેબસાઇટ્સ એક પછી એક દિવસે હેક થઇ જતા કેન્દ્ર સરકારના ઇન્ફર્મેશન ટેક્નોલોજી ડિપાર્ટમેન્ટની ધજ્જીયા ઉડી ગયા હતા.

દેશમાં સાઈબર સિક્યોરિટીને લઈ સવાલો ઉઠી રહ્યા છે. હેકર્સે એક જ દિવસે બે મોટી સાઈટ્સ હેક કરી છે. હેકસ્સે યુપીએસની વેબસાઈટ સોમવારે રાત્રે હેક કરી. તો બીજા દિવસે આધારની વેબસાઈટ પણ હેક થઈ.

વેબસાઈટ http://www.upsc.gov.in/ના હોમપેજ પર એક કાર્ટૂન ડોરેમોનનો ફોટો મૂકવામાં આવ્યો હતો, જેના પર લખાયું હતું ‘ડોરેમોન !!! ફોન ઉપાડો’ આ પેજના નીચનેના ભાગમાં I.M. STEWPEED લખાયેલું હતું સાથે જ બેકગ્રાઉન્ડમાં આ કાર્ટૂન સિરીયનું ટાઈટલ ટ્રેક વાગી રહ્યું હતું. તો બીજી તરફ આધારની વેબસાઈટ પણ હેક થઈ હોવાનું સામે આવ્યું છે.

2500 રૂપિયાના સોફ્ટવેરથી તૈયાર થઈ શકે નવું આધાર કાર્ડ

આધાર કાર્ડની સુરક્ષાને લઈ દેશભરમાં લાંબા સમયથી વિવાદ ચાલી રહ્યો છે. કેટલાક દિવસો પહેલા UIDAIએ કહ્યું હતું કે આધાર કાર્ટ માટે ફેસ રેકગ્નાઈઝેશન ટેક્નોલોજી પર કામ ચાલી રહ્યું છે. જો કે એ પહેલા સામે આવ્યું છે કે આધાર કાર્ડનું સોફ્ટવેર હેક કરાયું છે.

વ્હોટ્સ એપ પર વેચાઈ રહ્યું છે સોફ્ટવેર

હફિંગ્ટન પોસ્ટ ડોટ.ઈનના રિપોર્ટમાં દાવો કરાયો છે કે આધાર કાર્ડનું સોફ્ટવેર હેક કરાયું છે અને ભારતના લગભગ 1 અરબ લોકોની ખાનગી માહિતી ગમે ત્યારે લીક થઈ શકે છે. રિપોર્ટ મુજબ આધાર કાર્ડના સોફ્ટવેરમાં લૂપ હોલ છે, જેના મદદથી સોફ્ટવેર દ્વારા દુનિયાના કોઈ પણ ખૂણે બેઠલો વ્યક્તિ કોઈ પણ નામે આધારકાર્ડ બનાવી સકે છે.

આ સોફ્ટવેર 2500 રૂપિયામાં વ્હોટ્સએપ પર વેચાઈ રહ્યું છે. સાથે જ યુટ્યુબ પર કેટલાક વીડિયો પણ છે, જેના એક કોડ દ્વારા કોઈ પણ આધારકાર્ડ સાથે છેડછાડ થઈ શકે છે. અને નવું આધાર કાર્ડ બની શકે છે.

દુષ્કર્મ કેસના આરોપી ડો. પ્રફુલ્લ દોશીને સુરત પોલીસે રવિવારે તા.10મી સપ્ટેમ્બર 2018ના રોજ અત્રેની સ્થાનિક કોર્ટના જ્ડ્જ શ્રીના નિવાસે રજૂ કરીને 5 દિવસના રિમાન્ડ મંજૂર કર્યા હતા, પણ કોર્ટે માત્ર 1 જ દિવસના રિમાન્ડ મંજૂર કર્યા હતા. રવિવારની રજા હોવાને કારણે જજના બંગલે સુનાવણી હાથ ધરવામાં આવી હતી.

ડો. પ્રફુલ્લ દોશી શનિવારે તા.9મી સપ્ટેમ્બરની રાત્રે અઠવા પોલીસમાં હાજર થયા હતા, અઠવા પોલીસે જજ ડી.એમ. ચૌહાણના બંગલે ડો. પ્રફુલ્લ માટે 5 દિવસના રિમાન્ડની માગણી કરી હતી. પોલીસે ગ્રાઉન્ડ રજૂ કર્યા હતા કે ડો. પ્રફુલ્લ દોશીના પોટેન્શીયલ, મેડીકલ ટેસ્ટ કરાવવાના બાકી છે. 4 દિવસ કયાં ગયા હતા, કયા રહ્યા હતા અને કોણે સહકાર આપ્યો હતો તેની વિગત જાણવાની છે.આરોપીના ગુનાહીત ઇતિહાસની તપાસ કરવાની છે. આરોપી શિક્ષિત હોવાથી પોલીસ તપાસમાં સહકાર આપતા નથી.કોર્ટે બનેં પક્ષની દલીલ સાંભળ્યા પછી સોમવારે સાંજે 4 વાગ્યા સુધીના રિમાન્ડ મંજૂર કર્યા છે.

બિટકોઇન પ્રકરણમાં પકડાયેલ અને છેલ્લા બે માસથી વધુ સમયથી જેલમાં રહેલા અમરેલી એલસીબીના પાંચ પોલીસમેનને જામીન પર છોડવા હાઇકોર્ટે આદેશ કર્યો હતો.

સુરતના બિલ્ડરને ફસાવી દેવાની ધમકી આપીને બિટકોઇન પડાવી લેવાના આરોપસરના ગુનામાં અમરેલીના એસપી જગદીશ પટેલ અને એલસીબીના પીઆઇ અનંત પટેલ અને નવ કોન્સ્ટેબલની ધરપકડ કરવામાં આવી હતી. આ ગુનામાં પકડાયેલા અને છેલ્લા બે માસથી જેલમાં રહેલા અમરેલી એલસીબીના પોલીસમેન સંજય પદમાણી, જગદીશ ઝનકાંત, પ્રતાપ ડેર, સુરેશ ખુમાણ અને મયુર માંગરોળિયાએ જામીન પર છોડવા હાઇકોર્ટમાં અરજી કરી હતી. હાઇકોર્ટના ન્યાયમૂર્તિ ઢોલરિયાએ પાંચેયને જામીન પર છોડવા હુકમ કર્યો હતો. આ ગુનામાં ધારીના માજી ધારાસભ્ય નલિન કોટડિયા હજુ ફરાર છે.

Contact to give more details   98253 44944

સ્ત્રી રોગ અને મેટરનિટી હોમ ક્ષેત્રમાં અગ્રણી નામ ધરાવતા ડો. પ્રફુલ દોશી સામે દુષ્કર્મની પોલીસ ફરીયાદ થતાં તેઓ ભૂગર્ભમાં ઉતરી ગયા છે.

સુરતના નાનપુરામાં મી એન્ડ મમ્મી નામે પ્રસૃતિ ગૃહ તેમજ આઇ.વી.એફ. તેમજ અન્ય સ્ત્રી રોગની સારવાર માટે હોસ્પિટલ ચલાવતા ડો. પ્રફુલ દોશી અને ડો.મિત્સુ દોશી પોલીસ કાર્યવાહીથી બચવા માટે લાપતા થઇ જતા તેમનો બહોળો પેશન્ટ વર્ગ મુશ્કેલીમાં મૂકાઇ ગયો છે. અનેક ગર્ભવતી મહિલાઓના રૂટિન ચેકઅપ ખોરવાય જવા પામ્યા છે. અનેક મહિલા પેશન્ટસની એપોઇન્ટમેન્ટ કેન્સલ થઇ જવા પામી છે.

તબીબને સામાન્ય માણસો ભગવાન ગણે છે અને જ્યારે તબીબ પાસે સારવાર-ચિકિત્સા ચાલતી હોય ત્યારે દર્દીઓને તેમના પર અથાગ શ્રદ્ધા હોય છે. આવી સ્થિતિમાં ડો. પ્રફુલ દોશી સામે દુષ્કર્મની ગંભીર ફરીયાદ સામે આવતા તેમના બહોળા પેશન્ટ વર્ગમાં દ્વિધાભરી સ્થિતિ સર્જાવા પામી છે. ખાસ કરીને ગર્ભવતી મહિલાઓ જ્યારથી ગર્ભ ધારણ કરે ત્યારથી બાળકના જન્મ સુધી એક જ તબીબની સારવાર લેતી હોય છે આવી સ્થિતિમાં ડો. પ્રફુલ દોશી સામે ફરીયાદ થતા અનેક મહિલા પેશન્ટસની શ્રદ્ધા ડો. પ્રફુલ દોશી પરથી ડગી ગઇ છે. ડો. પ્રફુલ દોશીની સાથે તેમના પત્ની ડો.મિત્સુ દોશી પણ ભૂગર્ભમાં ઉતરી જતા કશુંક રંધાય રહ્યાની અનુભૂતિ થાય એ સ્વાભાવિક છે.

હાલ તો મી એન્ડ મમ્મી હોસ્પિટલ ખાતે તેમના આસિસ્ટન્ટ ક્લાયન્ટ્સની દેખરેખ કરી રહ્યા છે પરંતુ, તેમના બહોળા પેશન્ટ વર્ગમાં દોશી દંપતિ પ્રત્યેની શ્રદ્ધા ડગી જવા પામી છે.

ડો. પ્રફુલ દોશી પર મંગળવાર તા.4 ઓગસ્ટ 2018ની મધરાતે એક પરણિતાએ દુષ્કર્મની ફરીયાદ નોંધાવી હતી. એ પછી ગઇકાલ બુધવાર તા.5 અને આજે તા.6 સપ્ટેમ્બર 2018ના રોજ ડો. પ્રફુલ દોશી અને ડો. મિત્સુ દોશી દંપતિનો કોઇ અતોપતો ન હતો. તેમનો સ્ટાફ એવું જણાવી રહ્યો છે કે તેઓ બહારગામ ગયા છે પરંતુ, હકીકતમાં ડો. પ્રફુલ દોશી પોલિસ કાર્યવાહીથી બચવા માટે અને કાયદાકીય રીતે આગળ વધવા માટે ભૂગર્ભમાં ઉતરી ગયેલા હોય એમ જણાય આવે છે.

Contact for more information  98253 44944

સુરત સમેત સમગ્ર દક્ષિણ ગુજરાતમાં જાણીતા ગાયનેક તબીબી વર્તુળ ગણાતા સુરતના મી એન્ડ મમ્મી હોસ્પિટલના ડો. પ્રફુલ દોશી સામે ગઇ મધરાત્રે પરણિતા સાથે દુષ્કર્મ કર્યાનો ગંભીર મામલો પ્રકાશમાં આવ્યો છે.

અઠવાલાઇન્સ પોલીસમાં એક પરણિતાએ નોંધાવેલી પોલીસ ફરીયાદ અનુસાર પરણિત મહિલા પુત્ર પ્રાપ્તિની ટ્રીટમેન્ટ માટે નાનપુરા ડક્કા ઓવારા નજીક આવેલી મી એન્ડ મમ્મી હોસ્પિટલમાં ડો. પ્રફુલ દોશી પાસે ગઇ હતી. જ્યાં ડો. પ્રફુલ દોશીએ તેની સાથે મરજી વિરુદ્ધ દુષ્કર્મ આચર્યું હોવાનું ફરીયાદમાં નોંધાવાયું છે. ડો. પ્રફુલ દોશીએ તેણીને જાનથી મારી નાંખવાની પણ ધમકી આપી હોવાનું ફરીયાદમાં જણાવાયું છે. પરણિતાએ પોલીસને જણાવ્યું કે મંગળવાર તા.4 સપ્ટેમ્બર 2018ના રોજ એ જ્યારે ડો. દોશીની હોસ્પિટલમાં ગઇ હતી ત્યારે પહેલા તેણીને ઇન્જેકશન આપવામાં આવ્યું હતું. એ પછી પરણિતાને ડો. પ્રફુલ દોશીની ચેમ્બરમાં લઇ જવાઇ હતી જ્યાં ડો.પ્રફુલ દોશીએ નર્સિંગ સ્ટાફને ચેમ્બરની બહાર કાઢી તેની સાથે દુષ્કર્મ આચર્યું હતું. પરણિતાની ફરીયાદને પગલે પોલીસે મધરાત્રે ડો. પ્રફુલ દોશી સામે ગુનો નોંધીને તપાસ હાથ ધરી હતી.

ઘટના અંગે અઠવાલાઇન્સ પોલીસ મથકે ફરીયાદ દાખલ કર્યા બાદ આજે તા.5મી સપ્ટેમ્બર 2018ના રોજ સવારથી જ ડો. પ્રફુલ દોશી ગાયબ જણાયા હતા. તેમનો મોબાઇલ ફોન પણ બંધ હતો અને તેઓ હોસ્પિટલ પર પણ ઉપલબ્ધ ન હતા. બપોરે સાડા બાર વાગ્યાના અરસામાં અઠવાલાઇન્સ પોલીસની ટીમ નાનપુરા ખાતે આવેલી મી એન્ડ મમ્મી હોસ્પિટલમાં તપાસ માટે ગઇ હતી જ્યાં સ્ટાફે પણ ડો. પ્રફુલ દોશી સવારથી હોસ્પિટલ આવ્યા ન હોવાનું જણાવ્યું હતું.