આધ્યાત્મિક Archives - Page 32 of 37 - CIA Live

શહેરથી ૪૫ કિ.મી. દૂર આવેલા યાત્રાધામ શક્તિપીઠ પાવાગઢમાં પહેલા નોરતે ગુજરાત, મહારાષ્ટ્ર સહિતના રાજ્યોમાંથી બે લાખ શ્રદ્ધાળુ ઊમટી પડ્યા હતા. આજે ભક્તોના દર્શન માટે વહેલી સવારે ૪ વાગે મંદિરના નિજ દ્વાર ખુલ્લા કરી દેવામાં આવ્યા હતાં. નવરાત્રિના પહેલા નોરતે હાલોલના માર્ગો ઉપરથી પાવાગઢ તળેટી ડુંગર તરફ લાખોની સંખ્યામાં ભક્તોની વણઝાર જોવા મળી હતી.

જય મહાકાળીના જયધોષથી સમગ્ર વાતાવરણ ગૂંજી ઉઠ્યું હતું. રોપ-વે ઉડન ખટોલાની સેવા માટે પરોઢે ત્રણ વાગે બુકિંગ શરૂ કરી ચાર વાગે રોપ-વે સેવા શરૂ કરાઇ હતી. પાવાગઢ ખાતે રાત્રિના ૧૧ કલાકે નિજ મંદિરના દ્વાર બંધ કરાશે. મંદિર જવાના પગથિયાં પાસે આવેલા બાવાબજારમાં ભારે ભીડ થતી હોઇ જ્યાં અગાઉ દોરડા બાંધી સંચાલન કરાતું હતું. ત્યાં લોખંડની રેલિંગ લગાવાઇ છે. સુરક્ષાના ભાગ રૂપે દુધિયા તળાવની ફરતે પણ રેલિંગ લગાવી થાંભલા ઊભા કરી લાઇટિંગની વ્યવસ્થા કરાઈ છે.

પોલીસ તંત્ર દ્વારા માંચી તેમ જ ડુંગર પર ક્ધટ્રોલરૂમ ઊભા કરાયા છે. આકસ્મિક ઘટના માટે માચી ખાતે ૧૦૮.ફાયર બ્રિગેડ સહિત મેડિકલની ટીમ સટેન્ડ બાય રાખવામાં આવી છે. સલામતીના ભાગરૂપે જિલ્લા પોલીસની એજન્સીઓ દ્વારા સઘન ચેકિંગ હાથ ધરવામાં આવ્યું હતું.

શારદીય નવરાત્રિમાં અનુષ્ઠાનનો પ્રારંભ કરતાં પૂર્વે ઘટ સ્થાપન, દીપસ્થાપન અને જ્વારારોપણ પણ કરવામાં આવતું હોય છે. એવું કહેવાય છે કે જે શ્રદ્ધાળુ નિયમપૂર્વક, સંયમપૂર્વક દેવી ઉપાસના કરે છે, તેને ઐશ્વર્ય, ઊર્જા અને આધ્યાત્મિક ઉન્નતિની પ્રાપ્તિ થાય છે.

(સુરતના અંબિકા નિકેતન મંદિર ખાતે તા.4 ઓક્ટોબર 2018ના રોજના માતાજીના દર્શન)

આ વર્ષે વિક્રમ સંવત-૨૦૭૪માં તા.૧૦ ઓક્ટોબરથી શારદીય નવરાત્રિનો પ્રારંભ થશે. એવું પણ કહેવાય છે કે પિતૃપક્ષની પૂર્ણાહુતિ થતાં દેવી પક્ષનો પ્રારંભ થાય છે. કેમ કે આસો મહિનાની પ્રતિપદાથી લઈને નવ દિવસ, દસમા દિવસે વિજયા દશમી અને શરદ પૂર્ણિમાએ પણ દેવીની ઉપાસના કરવામાં આવે છે. આ નવરાત્રિને આસો નવરાત્રિ કે શરદ ઋતુમાં આવતી હોવાથી શારદીય નવરાત્રિ તરીકે પણ ઓળખવામાં આવે છે. જેને શક્તિ-સંચય માટેનું પર્વ પણ કહેવામાં આવે છે.

નવરાત્રિ દરમિયાન માતાજીના નવ-નવ અલગ-અલગ સ્વરૂપોની ઉપાસના પણ કરવામાં આવતી હોય છે. પ્રથમ દિવસે શૈલપુત્રી, બીજા દિવસે બ્રહ્મચારિણી, ત્રીજા દિવસે ચંદ્રઘંટા દેવી, ચોથા દિવસે કૂષ્માંડા દેવી, પાંચમા દિવસે સ્કંદમાતા, છઠ્ઠા દિવસે કાત્યાયિની દેવી, સાતમા દિવસે કાલરાત્રિ, આઠમા દિવસે મહાગૌરી અને નવમા દિવસે સિદ્ધિદાત્રી દેવીની ઉપાસના કરવામાં આવે છે.

• પ્રથમ દિવસે શૈલપુત્રી,
• બીજા દિવસે બ્રહ્મચારિણી,
• ત્રીજા દિવસે ચંદ્રઘંટા દેવી,
• ચોથા દિવસે કૂષ્માંડા દેવી,
• પાંચમા દિવસે સ્કંદમાતા,
• છઠ્ઠા દિવસે કાત્યાયિની દેવી,
• સાતમા દિવસે કાલરાત્રિ,
• આઠમા દિવસે મહાગૌરી અને
• નવમા દિવસે સિદ્ધિદાત્રી દેવી

શારદીય નવરાત્રિમાં અનુષ્ઠાનનો પ્રારંભ કરતાં પૂર્વે ઘટ સ્થાપન, દીપસ્થાપન અને જ્વારારોપણ પણ કરવામાં આવતું હોય છે. એવું કહેવાય છે કે જે શ્રદ્ધાળુ નિયમપૂર્વક, સંયમપૂર્વક દેવી ઉપાસના કરે છે, તેને ઐશ્વર્ય, ઊર્જા અને આધ્યાત્મિક ઉન્નતિની પ્રાપ્તિ થાય છે.

બંગાળી પરિવારો દુર્ગા પૂજા પણ કરશે

આ નવરાત્રિ દરમિયાન ભક્તો શક્તિપીઠ અંબાજી, બહુચરાજી, પાવાગઢ, ચોટીલા, સુરતમાં અંબિકાનિકેતન, અડાજણમાં શક્તિ નિકેતન સહિતનાં દેવી સ્થાનોએ જઈને માતાજીની ઉપાસના કરે છે. સાથે જ ગુજરાત-સુરતમાં વસતા બંગાળી પરિવારો પણ દુર્ગા પૂજા મહોત્સવનું આયોજન કરતાં હોય છે. સાથોસાથ સાંસ્કૃતિક કાર્યક્રમોનું પણ આયોજન કરતાં હોય છે.

શક્તિપીઠ અંબાજીમાં બુધવાર તા.19મી સપ્ટેમ્બર 2018થી ભાદરવી પૂનમના મેળાનો પ્રારંભ થઇ ગયો હતો. આ મેળો 19મી સપ્ટેમ્બરથી 25મી સપ્ટેમ્બર સુધી સાત દિવસ ચાલશે. મેળામાં લોકો શાંતિથી અને કોઈ વિઘ્ન વગર મા અંબાના દર્શન કરી શકે તે માટે સાત દિવસ માટે દર્શન અને આરતીનાં સમયમાં ફેરફાર કરાયો હતો.અને સુરક્ષાને લઇને વહીવટી તંત્રએ ભક્તાને મેળામાં કોઇ અગવડતા ન પડે તેવી વ્યવસ્થા કરવામાં આવી હતી.

બોલ માડી અંબે…જય જય અંબેનો નાદ

અંબાજીમાં મેળો શરૂ થતાની સાથે જ અંબાજીના બજારોમાં ભીડના દ્રશ્યો જોવા મળી રહ્યા હતા. ચારેબાજુ બોલ માડી અંબે…જય જય અંબેનો નાદ સાંભળવા મળ્યો હતો. સાત દિવસ ચાલનારા મેળામાં તેમ જ મા અંબાના દર્શન કરવા માટે મોટી સંખ્યામાં ભક્તો અંબાજી પહોંચી રહ્યા હતાં. આ વખતના અંબાજીના મેળામાં માઇ ભક્તોને અગવડતા ન પડે તે માટે મંદિરમાં દર્શન અને આરતીના સમયમાં ફેરફાર કરવામાં આવ્યો હતો.

સવારની આરતી જે સામાન્ય દિવસમાં સવારે 7 કલાકે થતી હતી તે મેળા દરમિયાન સવારે 6:15 વાગ્યાથી 6:45 વાગ્યા સુધી થશે. સવારે 6:45થી 11:30 સુધી દર્શનનો લાભ મેળવી શકાશે. બપોરે 12:30 વાગ્યાથી સાંજે 5:00 વાગ્યા સુધી લોકો દર્શનનો લાભ લઈ શકશે. સાંજની આરતી 7:00થી 7:30 સુધી યોજાશે. જ્યારે ભાવિકો સાંજે 7:30 વાગ્યાથી રાત્રે 1:30 વાગ્યા સુધી દર્શનનો લાભ લઈ શકશે. મહામેળામાં ગત વર્ષે 26.73 લાખ માઇ ભક્તોએ મા અંબાના દરબારમાં માથું ટેકવીને ધન્યતા અનુભવી હતી.

ગત વર્ષની સરખામણીએ આ વખતે 28 લાખથી વધુ યાત્રાળુઓ ભાદરવી પૂનમના મહામેળા વખતે અંબાજી આવે તેમ મનાઇ રહ્યું છે. અંબાજી ખાતે મંદિર આ વખતે પરિસરને આકર્ષક રોશનીથી શણગારવામાં આવ્યું હતું. મહામેળા દરમિયાન કોઇ અનિચ્છનીય બનાવ બને નહીં માટે અંબાજીના વિવિધ માર્ગોના 22 વિભાગ પાડીને 609 પોઇન્ટ્સ મુકાયા છે તેમ જ 150 રૂટ પર પેટ્રોલિંગની વ્યવસ્થા કરાઇ છે. અંબાજીમાં 27 વોચ ટાવર, 7 ક્ધટ્રોલરૂમ, ઘોડેસવાર, પેટ્રોલિંગ-ડોગ સ્ક્વોડ, બોમ્બ ડિસ્પોઝેબલ સ્ક્વોડ તહેનાત કરવામાં આવી છે. આ ઉપરાંત ઠેકઠેકાણે સીસીટીવી કેમેરા પણ મૂકવામાં આવ્યા છે.

મહામેળાનું જીવંત પ્રસારણ અંબાજીમાં 24 કલાકમાં કોઇ પણ સ્થાનેથી નિહાળી શકાય માટે અંબાજીના વિવિધ વિસ્તારોમાં 12 એલઇડી, 30 ટેલિવિઝન સેટ મૂકાયા છે. જેના દ્વારા યાત્રાળુઓ આરતી સહિતના વિવિધ ધાર્મિક કાર્યક્રમોનું જીવંત પ્રસારણ નીહાળી શકશે. વિવિધ પગપાળા સંઘોનું આગમન થઇ ચૂક્યું છે. સ્વાઇન ફ્લૂ ધીરે-ધીરે માથું ઊંચકી રહ્યો હોઇ. જેના પગલે પગપાળા સંઘના કેમ્પ તેમ જ અંબાજીમાં પણ સ્વચ્છતાની પૂરી તકેદારી રાખવામાં આવી રહી છે.

You Can Find us on Google Play Store