જૂન 2021 સુધીમાં 9 ટીમ વચ્ચે 27 સિરિઝમાં 71 ટેસ્ટ મેચ રમાશે

એક ઓગસ્ટથી ઇંગ્લેન્ડ અને ઓસ્ટ્રેલિયા વચ્ચે ઐતિહાસિક એશિઝ સિરિઝનો પ્રારંભ થશે. આ સાથે જ આઇસીસીની વર્લ્ડ ચેમ્પિયનશિપની પણ શરૂઆત થશે. દ્રિપક્ષી ટેસ્ટ શ્રેણીની આ ચેમ્પિયનશિપથી નવી દીશા મળશે. આઇસીસી ટેસ્ટ ચેમ્પિયનશિપની આ પહેલી એડિશન જૂન 2021 સુધી ચાલશે. જેનો ફાઇનલ ક્રિકેટના મક્કા લોર્ડસ પર જૂન 2021માં રમાશે.

આઇસીસી ક્રમાંકની ટોચની 9 ટીમ ટેસ્ટ ચેમ્પિયનશીપનો હિસ્સો હશે. આ ટીમોમાં ભારત, ઇંગ્લેન્ડ, પાકિસ્તાન, શ્રીલંકા, વેસ્ટ ઇન્ડિઝ, બંગલાદેશ, ન્યુઝીલેન્ડ, દ. આફ્રિકા અને ઓસ્ટ્રેલિયા હશે. જે દેશ અફઘાનિસ્તાન અને આયરલેન્ડ વિરૂધ્ધ ટેસ્ટ મેચ રમશે. તે ટેસ્ટ ચેમ્પિયનશિપનો હિસ્સો ગણાશે નહીં. તમામ 9 ટીમને 6 ટીમ સામે રમવાનું રહેશે. જેમાં ત્રણ હોમ અને ત્રણ વિદેશી સિરિઝ હશે. એક સિરિઝમાં ઓછામાં બે અને વધુમાં વધુ પ ટેસ્ટ મેચ હશે.
આ મેચ સામાન્ય દ્રિપક્ષી ટેસ્ટ શ્રેણી જેવા જ હશે, પણ હવે દરેક મેચનું મહત્વ વધી જશે.

મેચ ડે-નાઇટમાં પણ રમાઇ શકે છે. જે બન્ને દેશના બોર્ડની સહમતિ પર નિર્ભર રહેશે. આ પહેલી ટેસ્ટ ચેમ્પિયનશિપ દરમિયાન 27 સિરિઝ અને 71 ટેસ્ટ મેચ રમાશે. લીગ સ્ટેજ પર ટોચ પર રહેનારી બે ટીમ વચ્ચે જૂન 2021માં લોર્ડસ પર ફાઇનલ રમાશે. આ પછી એપ્રિલ 2023થી બીજી ટેસ્ટ ચેમ્પિયનશિપ શરૂ થશે.

દરેક સિરિઝમાં કુલ 120 પોઇન્ટ હશે

દરેક સિરિઝમાં કુલ 120 પોઇન્ટ હશે. જે શ્રેણીના દરેક મેચના પરિણામ આધારે મળશે. પ ટેસ્ટની શ્રેણીમાં દરેક મેચ દીઠ 24 પોઇન્ટ મળી શકે છે. જો બે મેચની શ્રેણી હશે તો એક મેચ જીતાવ પર 60 પોઇન્ટ મળશે. ડ્રો થવા પર બન્ને ટીમને 20-20 પોઇન્ટ મળશે. ત્રણ ટેસ્ટની શ્રેણીમાં મેચ જીતવા પર 40 અને ડ્રો માટે 13.3 અંક મળશે. ચાર મેચની શ્રેણીમાં જીત માટે 30 અને ડ્રો માટે 10-10 અંક ફાળવવામાં આવશે. જયારે પાંચ મેચની શ્રેણી વખતે એક મેચની જીત પર 24 અને ડ્રો માટે 8-8 પોઇન્ટ મળશે. ટાઇની સ્થિતિમાં બન્ને ટીમને ઉપરોકત શ્રેણી અનુસાર અનુક્રમે 30, 20, 1પ અને 12 પોઇન્ટ મળશે. એક શ્રેણી કેટલી પણ મોટી હોય, પણ 120 પોઇન્ટથી વધુ મળશે નહીં. તેવું ફોર્મેટ આઇસીસી ગોઠવ્યું છે.
ભારતીય ટીમ ટેસ્ટ ચેમ્પિયનશીપનો પ્રારંભ વેસ્ટ ઇન્ડિઝ વિરૂધ્ધની બે ટેસ્ટની શ્રેણી રમીને કરશે. આ પછી દ. આફ્રિકા સામે ત્રણ અને બંગલાદેશ સામે બે ટેસ્ટની શ્રેણી ઘરઆંગણે રમશે. જે આ વર્ષે રમાશે. આ પછી 2020માં બે ટેસ્ટ રમવા ભારતીય ટીમ ન્યુઝીલેન્ડ જશે. 4 ટેસ્ટ ઓસ્ટ્રેલિયામાં રમશે. છેલ્લે ઘરઆંગણે ઇંગ્લેન્ડ વિરૂધ્ધ પ ટેસ્ટની શ્રેણી રમશે.

વર્લ્ડ કપના અદ્ભુત થ્રિલરમાં ન્યૂ ઝીલૅન્ડ છેવટે હાર્યું: ટાઈ-ટાઈ ફિનીશ: બ્રિટિશ ટીમને ૨૮ કરોડ રૂપિયા

વન-ડે વર્લ્ડ કપમાં અભૂતપૂર્વ ફાઇનલ રમાઈ હતી બે વખત ટાઇ થવાને પગલે પરિણામ આવ્યું હતું જેમાં ન્યૂ ઝીલૅન્ડ સામે યજમાન ઇંગ્લૅન્ડ પહેલીવાર વિજેતા જાહેર થયું હતું. મુખ્ય મૅચ ટાઇ થયા પછી સુપર ઓવર થઈ હતી અને એ સુપર ઓવર પણ ટાઇ થઈ હતી જેને પગલે ઇંગ્લૅન્ડે વધુ બાઉન્ડરી ફટકારી હોવાથી વિજેતા થયું હતું.

મુખ્ય મૅચ ૨૪૧-૨૪૧ રનના સ્કોર પર લેવલ થઈ હોવાથી આ મુકાબલો ટાઇમાં પરિણમ્યો હતો. એકંદરે, બન્ને ટીમો બધી રીતે મુખ્ય મુકાબલામાં બરાબરીમાં રહી હતી અને છેવટે

વન-ડે વર્લ્ડ કપના ઇતિહાસમાં આ અભૂતપૂર્વ ટાઇ હતી. દિલધડક મુખ્ય મુકાબલામાં ઇંગ્લૅન્ડ ઑલઆઉટ થયું હતું, પરંતુ એણે ન્યૂ ઝીલૅન્ડ જેટલા જ ૨૪૧ રન બનાવ્યા હોવાથી મૅચ બરાબરીમાં રહેતાં ટાઇ જાહેર થઈ હતી. એ વખતે બેન સ્ટૉક્સ (૮૪ અણનમ, ૯૮ બૉલ, બે સિક્સર, પાંચ ફોર) નૉટઆઉટ રહ્યો હતો.

મૅચ છેક છેલ્લે સુધી બધાના શ્ર્વાસ અધ્ધર કરી મૂકે એવી હતી. અનેક ઉતાર-ચઢાવ પછી મુકાબલો છેવટે ટાઇમાં પરિણમ્યો હતો અને સુપર-ઓવરથી પરિણામ લાવવાનું નક્કી થયું હતું. સુપર ઓવરમાં બન્ને ટીમના ૧૫-૧૫ રન થયા હતા, પણ બ્રિટિશરોની વધુ ફોરને લીધે એને વિજેતા જાહેર કરાયું હતું.

ઇંગ્લૅન્ડની ટીમે મુખ્ય મૅચમાં ઓવરથ્રોમાં જે ફોર મેળવી એ ટર્નિંગ પૉઇન્ટ સાબિત થઈ હતી.

એ અગાઉ, જૉસ બટલર અને બેન સ્ટૉક્સ વચ્ચે પાંચમી વિકેટ માટે ૧૧૦ રનની બહુમૂલ્ય ભાગીદારી થઈ હતી. જોકે, સેમી ફાઇનલમાં છેલ્લે-છેલ્લે ભારતની જેવી હાલત હતી એવી ગઈ કાલે ઇંગ્લૅન્ડની હતી. ધોની છેલ્લી ક્ષણોમાં રનઆઉટ થયો હતો અને જાડેજા પાંચમી સિક્સર મારવા જતાં કૅચઆઉટ થયેલો એમ ગઈ કાલે જૉસ બટલર (૬૦ બૉલમાં ૫૯ રન) તથા તેના પછી ક્રિસ વૉક્સ (ચાર બૉલમાં બે રન) અને લિયામ પ્લન્કેટ (૧૦ બૉલમાં ૧૦ રન) ઊંચો શૉટ મારવાની લાલચમાં કૅચઆઉટ થયા હતા. બન્નેની વિકેટ લૉકી ફર્ગ્યુસને લીધી હતી.

એ પહેલાં, ન્યૂ ઝીલૅન્ડે ટૉસ જીતીને બૅટિંગ પસંદ કર્યા બાદ ૫૦ ઓવરમાં ૮ વિકેટના ભોગે ૨૪૧ રન બનાવ્યા હતા. એમાં એકમાત્ર હેન્રી નિકોલ્સ (૭૭ બૉલમાં પંચાવન રન)ની હાફ સેન્ચુરી હતી. એકંદરે, ઇંગ્લૅન્ડની અનેક ગુણો ધરાવતા બોલિંગ-આક્રમણ સામે કિવીઓનો બૅટિંગ-પર્ફોર્મન્સ સાધારણ હતો. ઇંગ્લૅન્ડના પેસ બોલર ક્રિસ વૉક્સ (૯ ઓવરમાં ૩૭ રનમાં ત્રણ વિકેટ)ના પ્રારંભિક અફલાતૂન સ્પેલ બાદ હેન્રી અને કૅપ્ટન કેન વિલિયમસન (૫૩ બૉલમાં ૩૦ રન) વચ્ચે બીજી વિકેટ માટે ૭૪ રનની ભાગીદારી થઈ હતી. લૉર્ડ્સમાં બોલરોને વધુ ફાયદો કરાવતી પિચ પર ઇંગ્લિશ પેસ બોલર જોફરા આર્ચર (૧૦ ઓવરમાં ૪૨ રનમાં એક વિકેટ)ની પણ બોલિંગ અસરકારક હતી.

જોકે, બ્રિટિશ બોલરોમાંથી લિઆમ પ્લન્કેટ (૧૦ ઓવરમાં ૪૨ રનમાં ત્રણ વિકેટ) કિવીઓ માટે સૌથી વધુ ઘાતક રહ્યો હતો.

કિવી બૅટ્સમેનોનો રનરેટ ઇનિંગ્સમાં મોટા ભાગે ૪.૫૦થી નીચે રહ્યો હતો. અન્ય બૅટ્સમેનોમાં ગપ્ટિલે ૧૯, રૉસ ટેલરે ૧૫, ટૉમ લેથમે ૪૭, જેમ્સ નીશૅમે ૧૯, કૉલિન ગ્રેન્ડમે ૧૬, મિચલ સૅન્ટનરે અણનમ પાંચ, મૅટ હેન્રીએ ચાર અને ટ્રેન્ટ બૉલ્ટે અણનમ એક રનનું યોગદાન આપ્યું હતું. બ્રિટનના અન્ય બોલરોમાંથી માર્ક વૂડે એક વિકેટ લીધી હતી, જ્યારે આદિલ રશીદે ૩૯ રન આપીને બૅટ્સમેનોને કાબૂમાં રાખ્યા હતા.

આજે આઇસીસી વર્લ્ડ કપ ક્રિકેટની પહેલી સેમિફાઇનલ માન્ચેસ્ટર ખાતે યોજાઇ રહી છે. અહીં બે ટીમો નહીં બલ્કે ત્રણ ટીમો વચ્ચે ખરાખરીનો જંગ ખેલાશે. જોવાનું એ રહે છે કે ત્રણ પૈકી ભારત જીતે છે, ન્યુઝીલેન્ડ જીતે છે કે વરસાદ જીતે છે એના પર તમામ ચાહકોની નજર રહેલી છે. પ્રથમદર્શી નજરે એવું મનાય છે કે આજનો દિવસ ભારત કે ન્યુઝીલેન્ડને વરસાદ નહીં ફાવવે દે, માન્ચેસ્ટરમાં આજે 50 ટકા વરસાદ પડે તેવી સંભાવના દર્શાવવામાં આવી છે અને આજનો આખો દિવસ ખોરવાય જાય તેવી આગાહી પણ કરવામાં આવી છે.

આ મૅચ બંને ટીમ માટે એટલા માટે પણ મહત્ત્વની હશે કેમ કે આજની મૅચમાં વિજય મેળવનારી ટીમ 14મી જુલાઈએ રમાનારી વર્લ્ડ કપની ફાઈનલમાં પ્રવેશશે.

આજની મૅચમાં જો ભારતનો વિજય થશે તો તેને ત્રીજીવાર વર્લ્ડ ચૅમ્પિયન બનવાની તક મળશે અને જો ન્યૂ ઝીલૅન્ડની ટીમ વિજય મેળવશે તો તે પ્રથમ જ વખત વર્લ્ડ ચૅમ્પિયન બનવાની દિશામાં વધુ એક ડગલું માંડશે અને કદાચ વર્લ્ડ ચૅમ્પિયન બનવાનું તેનું સપનું સાકાર થશે.

ટુર્નામેન્ટમાં અત્યાર સુધીમાં બંને ટીમે કરેલા પ્રદર્શનને જોતાં આજની મૅચ માટે ભારતીય ટીમને ફૅવરિટ ટીમ તરીકે જોવામાં આવી રહી છે કેમ કે બૅંટિંગ અને બૉલિંગ એમ બંને ક્ષેત્ર ભારતની ટીમ ન્યૂ ઝીલૅન્ડની ટીમ કરતા બળૂકી જણાઈ રહી છે.

ભારતે ટુર્નામેન્ટની અત્યાર સુધી રમાયેલી નવ મૅચમાંથી સાત મૅચમાં વિજય મેળવ્યો છે અને ન્યૂ ઝીલૅન્ડ સામેની એક મૅચ ધોવાઈ ગઈ હોવાને કારણે 15 પૉઈન્ટ સાથે પૉઈન્ટ ટેબલમાં ટોચનું સ્થાન મેળવ્યું છે તો ન્યૂ ઝીલૅન્ડની ટીમે નવ મૅચમાંથી પાંચ મૅચમાં વિજય મેળવી 11 પૉઈન્ટ સાથે પૉઈન્ટ ટેબલમાં ચોથું સ્થાન મેળવ્યું છે.

આજની મૅચ પ્રેક્ષકો અને પ્રશંસકો માટે રોમાંચક, મનોરંજક અને ઉત્તેજનાસભર બની રહે તેવી પૂરેપૂરી શક્યતા છે.

ક્રિકેટ વર્લ્ડકપ 2019ની અંતિમ લીગની અંતિમ મેચમાં દક્ષિણ આફ્રીકા અને ઓસ્ટ્રેલિયાની 10 રનથી હરાવ્યું છે. આ મેચના પરિણામ બાદ સેમિફાઈનલમાં કઈ ટીમો આમને સામને આવશે તે નિશ્ચિત થઈ ગયું છે. ભારતીય ટીમ 15 અંકો સાથે ટોપ પર આવી ગઈ છે, એટલે કે ભારત હવે સેમિફાઈનલમાં ન્યુઝીલેન્ડ સામે રહશે. જ્યારે નંબર બે પર રહેલી ઓસ્ટ્રેલિયાની ટક્કર ત્રણ નંબર પર રહેલી ઈંગ્લેન્ડ સામે થશે.

આ પહેલા ભારતે અંતિમ લીગમાં શ્રીલંકાને સાત વિકેટથી હરાવીને પોઈન્ટ ટેબલમાં ટોપ પર પહોંચી ગયું. જ્યારે ઓસ્ટ્રેલિયાના કુલ પોઈન્ટ 14 છે. જ્યારે ઈંગ્લેન્ડના 12 પોઈન્ટ અને ન્યુઝીલેન્ડના કુલ 11 પોઈન્ટ થાય છે. હવે 9 જુલાઈએ ભારત અને ન્યુઝીલેન્ડ વચ્ચે પહેલી સેમિફાઈનલ મેચ રમાશે. આ મેચ મેન્ચેસ્ટરના ટ્રેફર્ડ મેદાન પર રમાવાની છે.

9 જુલાઈએ ભારત અને ન્યુઝીલેન્ડ

11 જુલાઈએ ઓસ્ટ્રેલિયા અને ઈંગ્લેન્ડ