Blog - Page 531 of 709 - CIA Live

ગુજરાતની 26 લોકસભા અને વિધાનસભાની 4 બેઠકોની પેટાચૂંટણી માટે સવારે 7 વાગ્યાથી શરૂ થયેલી મતદાન પ્રક્રિયા એકંદરે શાંતિપૂર્ણ માહોલમાં પૂર્ણ થઈ ગઈ હતી.

રાજ્યમાં અંદાજે 62.36 ટકા જેટલું સરેરાશ મતદાન થયું હતું જેમાં સૌથી વધુ વલસાડમાં 74.09 ટકા જેટલું અને સુરેન્દ્રનગર બેઠકમાં સૌથી ઓછું 54.66 ટકા મતદાન થયું હતું. રાજ્યમાં 4.51 કરોડ મતદારો માટે ઊભા કરવામાં આવેલા 51,851 મતદાન કેન્દ્રો પર મતદાન યોજાયું હતું.

રાજ્યની તમામ બેઠકો પર 6 વાગ્યા સુધીમાં સરેરાશ 62.36 ટકા મતદાન થયું છે. જોકે 6 વાગ્યા પહેલા કતારમાં ઉભેલા મતદારોને મતદાન કરાવવામાં આવી રહ્યું હોવાથી ચૂંટણી પંચ દ્વારા આવતીકાલે સત્તાવાર રીતે મતદાનના આંકડા જાહેર કરવામાં આવશે.

રાજ્યની 26 બેઠકોનું મતદાન જોઇએ તો,

કચ્છમાં 56.76,

બનાસકાંઠામાં 64.08,

પાટણમાં 61.23,

મહેસાણામાં 61.74,

સાબરકાંઠામાં 66.01,

ગાંધીનગરમાં 64.96,

અમદાવાદ ઇસ્ટમાં 59.48,

અમદાવાદ વેસ્ટમાં 57.77,

સુરેન્દ્રનગરમાં 54.66,

રાજકોટમાં 63.11,

પોરબંદરમાં 56.73,

જામનગરમાં 58.49,

જૂનાગઢમાં 58.63,

અમરેલીમાં 55.73,

ભાવનગરમાં 57.63,

આણંદમાં 66.23,

ખેડામાં 59.64,

પંચમહાલમાં 59.90,

દાહેદમાં 63.38,

વડોદરામાં 67.06,

છોટા ઉદેપુરમાં 67.67,

ભરૂચમાં 59.55,

બારડોલીમાં 70.23,

સુરતમાં 62.29,

નવસારીમાં 64.28 અને

વલસાડમાં 74.09 ટકા

જેટલું સરેરાશ મતદાન નોંધાયું હતું.

2014ની લોકસભાની ચૂંટણી

આ જ રીતે 2014ની લોકસભાની ચૂંટણીમાં સુરતમાં 63.87, નવસારીમાં 65.78, વલસાડમાં 74.09, બારડોલીમાં 74.72, ભરૂચમાં 74.54, દાહોદમાં 63.78, પંમમહાલમાં 58.84, વડોદરામાં 45.57, આણંદમાં 64.63, ખેડામાં 50.50, અમદાવાદ પૂર્વમાં 61.52, અમદાવાદ પશ્ર્ચિમમાં 62.87, ગાંધીનગરમાં 65.49, ભાવનગરમાં 57.27, અમરેલીમાં 54.21, જામનગરમાં 57.80, પોરબંદરમાં 52.59, જૂનાગઢમાં 63.16, કચ્છમાં 61,69, સુરેન્દ્રનગરમાં 56.50, મહેસાણામાં 66.63, પાટણમાં 58.36, બનાસકાંઠામાં 58.50, સાબરકાંઠામાં 67.30, છોટા ઉદેપુરમાં 71.15 અને રાજકોટમાં 63.59 ટકા મતદાન થયું હતું.

આજરોજ તા.23મી એપ્રિલ 2019ના રોજ ભારતમાં લોકસભા ચૂંટણીના ત્રીજા તબક્કામાં નીચે મુજબના વીઆઇપી નેતાઓનું ભાવિ ઇવીએમમાં સીલ થઇ જશે જે તા.23મી મે 2019ના રોજ ખુલશે.

કોંગ્રેસના રાષ્ટ્રીય અધ્યક્ષ રાહુલ ગાંધી

કોંગ્રેસ અધ્યક્ષ રાહુલ ગાંધી અમેઠીથી ચૂંટણી લડી રહ્યા છે. તેઓ 2004થી જ અમેઠી લોકસભાનું પ્રતિનિધિત્વ કરતા આવ્યા છે. તેઓ અમેઠીની સાથે કેરલની વાયનાડ બેઠક પરથી પણ ચૂંટણી લડી રહ્યા છે. જ્યાં સુધી અમેઠીની વાત છે તો આ કોંગ્રેસનો ગઢ છે અને પારંપારિક બેઠક છે. વર્ષ 1980માં સંજય ગાંધી, 1981 થી 1991 સુધી રાજીવ ગાંધી, 1999 થી 2004 સુધી સોનિયા ગાંધી અને બાદમાં રાહુલ ગાંધી જીતતા આવ્યા છે.

ભાજપાના રાષ્ટ્રીય અધ્યક્ષ અમિત શાહ

ભાજપની રણનીતિ ઘડવામાં ચાણક્યની ભૂમિકા નિભાવનારા અમિત શાહ વડાપ્રધાન મોદીથી નજીક માનવામાં આવે છે. તેઓ નરેન્દ્ર મોદીની નજીકના માનવામાં આવે છે. 2014માં તેમને ભાજપના અધ્યક્ષ બનાવવામાં આવ્યા હતા. હજી સુધી તેઓ એકપણ ચૂંટણી નથી હાર્યા. તેઓ આ વખતે ભાજપના દિગ્ગજ નેતા એલ. કે. અડવાણીની બેઠક ગાંધીનગરથી ચૂંટણી લડી રહ્યા છે.

ઉત્તર પ્રદેશના માજી મુખ્યમંત્રી મુલાયમ સિંહ યાદવ
મુલાયમ સિંહ યાદવ ત્રણ વાર ઉત્તર પ્રદેશના મુખ્યમંત્રી રહી ચુક્યા છે, જ્યારે તેમની પાર્ટીએ ત્યાં ચાર વાર સરકાર બનાવી છે. 1992માં તેમણે સમાજવાદી પાર્ટીનો પાયો નાખ્યો હતો. તેઓ હાલ પાર્ટીના સંરક્ષક છે અને મૈનપુરીથી ચૂંટણી લડી રહ્યા છે.

કોંગ્રેસના નેતા શશિ થરૂર

થરૂર 2009થી કેરળના થિરૂવનંતપુરમથી લોકસભાના સાંસદ છે. તેઓ કેન્દ્રમાં મહત્વના પદ પર રહી ચુક્યા છે. રાજનીતિમાં આવતા પહેલા તેઓ સંયુક્ત રાષ્ટ્રમાં કાર્યરત હતા. થરૂર રાજનીતિજ્ઞ હોવાની સાથે લેખક પણ છે.

ભાજપાના નેતા અને રાહુલ ગાંધીના પિતરાઇ વરૂણ ગાંધી

ફિરોઝ ગાંધીના પુત્ર વરૂણ ગાંધી પીલીભીતથી સાંસદ છે. આ સિવાય તેઓ ભાજપની રાષ્ટ્રીય કાર્યકારિણીના સભ્ય અને પાર્ટીના ઈતિહાસના સૌથી યુવા રાષ્ટ્રીય મહાસચિવ છે. તેઓ પોતાના બેબાક બોલ માટે જાણીતા છે.

કાશ્મીરના માજી મુખ્યમંત્રી મહેબૂબા મુફ્તી

મહેબૂબા મુફ્તી જમ્મૂ કશ્મીરના 13માં અને રાજ્યના પહેલા મહિલા મુખ્યમંત્રી છે. તેમણે ભાજપના સમર્થનથી સરકાર બનાવી હતી. જો કે બાદમાં મતભેદોના કારણે ભાજપે સમર્થન પાછું લઈ લીધું હતું.

બિહારના નેતા શરદ યાદવ

JDUના પૂર્વ રાષ્ટ્રીય અધ્યક્ષ રહી ચુકેલા શરદ યાદવ પણ લોકસભા ચૂંટણી માટે રેસમાં છે. અને ત્રીજા ચરણમાં તેમના ભવિષ્યનો પણ નિર્ણય થશે.

ભાજપાના રાષ્ટ્રીય પ્રવક્તા સંબિત પાત્રા

વ્યવસાયે સર્જન એવા સંબિત પાત્રા ભાજપના પ્રવક્તા છે. તેમણે MS કર્યું છે. પાત્રા ભાજપની કેન્દ્રીય સમિતિમાં ઓરિસ્સાનું પ્રતિનિધિત્વ કરે છે.

સૌરાષ્ટ્ર-કચ્છની આઠ લોકસભા બેઠકો અને વિધાનસભાની ત્રણ બેઠકો માટે જંગ જામશે. આ માટે ચુસ્ત પોલીસ બંદોબસ્ત ગોઠવી દેવાયો છે. તેમ જ ચૂંટણી કામગીરી સાથે સંકળાયેલા કર્મચારીઓને પણ ઇવીએમ અને મતદાનની સામગ્રી સાથે જે તે બૂથ પર રવાના કરી દેવામાં આવ્યા છે.

રાજકોટ બેઠક ઉપર ભાજપના મોહન કુંડારિયા, કૉંગ્રેસના લલિત કગથરા સહિત 10 ઉમેદવારો વચ્ચે ચૂંટણી જંગ જામશે.

જ્યારે અમરેલી બેઠક ઉપર ભાજપના સાંસદ અને ઉમેદવાર નારણ કાછડિયા અને સામા પક્ષે વિધાનસભા વિરોધ પક્ષના નેતા અને અમરેલીના ધારાસભ્ય પરેશ ધાનાણી સહિત 1ર ઉમેદવારો ચૂંટણી લડી રહ્યા છે.

સુરેન્દ્રનગર બેઠક ઉપર ભાજપના ડૉ. મહેન્દ્ર મુંજપરા અને કૉંગ્રેસના સોમા પટેલ સહિત 31 ઉમેદવારો વચ્ચે ચૂંટણી જંગ જામશે.

જામનગર જિલ્લામાં ભાજપના સાંસદ અને ઉમેદવાર પૂનમ માડમ અને સામા પક્ષે કૉંગ્રેસના મૂળુ કંડોરિયા સહિત ર6 ઉમેદવારો મેદાનમાં છે.

પોરબંદર બેઠક ભાજપના ઉમેદવાર રમેશ ધડુક અને ઉપલેટા ધોરાજીના કૉંગ્રેસના ધારાસભ્ય લલિત વસોયા સહિત 17 ઉમેદવારો વચ્ચે ચૂંટણી જંગ જામ્યો છે.

કચ્છમાં પણ ભાજપના ઉમેદવાર વિનોદ ચાવડા અને કૉંગ્રેસના નરેશ મહેશ્ર્વરી સહિત 10 ઉમેદવારોએ ચૂંટણીમાં ઝંપલાવ્યું છે.

જૂનાગઢ જિલ્લાના ભાજપ દ્વારા સાંસદ રાજેશ ચુડાસમાને ફરીથી ટિકિટ આપવામાં આવી છે તો સામે પક્ષે કૉંગ્રેસ તરફથી પૂંજા વંશને ટિકિટ આપવામાં આવી છે અને સોરઠમાં 1ર ઉમેદવારો મેદાનમાં છે.

ભાવનગર બેઠક ઉપર પણ ભાજપ દ્વારા સાંસદ ભારતી શિયાળને રિપીટ કરવામાં આવ્યા છે તો સામે પક્ષે કૉંગ્રેસ તરફથી મનહર પટેલને ટિકિટ આપવામાં આવી છે. ગોહિલવાડમાં 10 ઉમેદવારો વચ્ચે જંગ જામ્યો છે.

આવી રીતે રાજકોટ સહિત સૌરાષ્ટ્ર-કચ્છની 8 બેઠકો માટે 130 ઉમેદવારો મેદાનમાં છે જેમાં ભાજપ-કૉંગ્રેસ વચ્ચે મુખ્ય જંગ જામશે.

લોકસભાની ચૂંટણીની સાથો સાથ સૌરાષ્ટ્રના ત્રણ વિધાનસભા બેઠકની પેટાચૂંટણી યોજાશે જેમાં જૂનાગઢ જિલ્લાના માણાવદરમાં ભાજપના જવાહર ચાવડા અને કૉંગ્રેસના અરવિંદ લાડાણી વચ્ચે ચૂંટણી જંગ જામશે. જામનગર ગ્રામ્ય બેઠક ઉપર ભાજપ તરફથી રાઘવજી પટેલ અને કૉંગ્રેસમાંથી જયંતી સભાયા વચ્ચે ચૂંટણી જંગ જામશે.