IIID શૉકેસ ઇન્ફિનિટી-18ના ભાગરૂપે વૃક્ષારોપણ

આઇઆઇઆઇડી શોકેસ ઇન્ફિનિટી-18 એ ગુજરાતનું સૌથી મોટું પ્રદર્શન અને ડિઝાઇન કોન્કલવ છે જેનું આયોજન ઇન્ડિયન ઇન્સ્ટિટ્યૂટ ઓફ આર્કિટેક્ટ્સ (આઇઆઇએ) દ્વારા 21-22-23 ડિસેમ્બરના રોજ એસઆઇઇસીસી સરસાણા ખાતે કરવામાં આવી રહ્યું છે.

આઇઆઇઆઇડી શોકેસ એ એક બ્રાન્ડ છે જેની માલિકી આઇઆઇઆઇડી પોતે છે અને તેણે મુંબઇ, ઇન્દોર, ભોપાલ અને હૈદારબાદ ખાતે સફળતાપૂર્વક ટ્રેડ ફેર (વેપાર મેળા)નું આયોજન કર્યું છે. આ પ્રતિષ્ઠિત ઇન્વેટનું આયોજન કરનાર સુરત ગુજરાતનું પ્રથમ શહેર બનશે.

ઇન્ફિનિટી-18 એ એક એક્સક્લુઝિવ ટ્રેડ ફેર છે જે ગુજરાતના તમામ ડિઝાઇનરો માટે બજારમાં નવીનત્તિમ ઉત્પાદનો અને વલણોને જોવા અને સમજવા માટે એક સાથે એક સામાન્ય પ્લેટફોર્મ ઉપલબ્ધ કરાવે છે.

ઇન્ફિનિટી એ સુરતમાં સારી ડિઝાઇન અંતે જાગૃતિ ફેલાવવા માટે આઇઆઇઆઇડી અને આઇઆઇએ દ્વારા કરાયેલો એક પ્રયાસ છે. તેથી આ મેગા ઇવેન્ટના ભાગરૂપે વીએનએસજીયુના જીસીપીઆઇએ કેમ્પસ ખાતે 30મી સપ્ટેમ્બર, 2018 રવિનારના રોજ સવારમાં એક વૃક્ષારોપણ કાર્યક્રમનું આયોજન કરવામાં આવ્યું હતું. આ કાર્યક્રમમાં સુરતના આશરે 150 જેટલાં નાગરિકો, આર્કિટેક્ટ્સ, ઇન્ટિરિયર ડિઝાઇનર્સ, ઇન્ફિનિટીના એક્ઝિબિટર્સ અને વિદ્યાર્થીઓએ ભાગ લીધો હતો. વૃક્ષારોપણ ઉપરાંત કુદરતી રંગોનો ઉપયોગ કરીને બેનર બનાવવાની પ્રવૃતિ અને પોસ્ટર મેકિંગની એક્ટિવિટીનું પણ આયોજન કરવામાં આવ્યું હતું. આ સમગ્ર ઇવેન્ટમાં પ્લાસ્ટિકનો સહેજ પણ ઉપયોગ કરાયો ન હતો. અહીંયા સુધી કે ભોજનમાં સ્વાસ્થ્યવર્ધક સલાડ, નારિયેળનું પાણી અને મકાઇ સામેલ હતી. પરંપરાગત ‘કુલ્હીડ’માં ચા અને કોફી પિરસવામાં આવી હતી અને બાળકોને માટલાનું પાણી આપવામાં આવ્યું હતું. બાળકોને વૃક્ષોના વાવેતર અને પર્યાવરણની રક્ષા કરવાના મહત્વ અંગે માહિતગાર કરવામાં આવ્યા હતા.

વૃક્ષો પૃથ્વી ઉપર જીવનનો સ્ત્રોત છે તેથી સમગ્ર ઇન્વેન્ટ આઇઆઇએ અને આઇઆઇઆઇડીની મહિલા સદસ્યો દ્વારા સંચાલિત કરવામાં આવી હતી. બધું મળીને આ એક અત્યંત સફળ ઘટના બની રહી હતી.

-x-x-x-x-