રોટરેક્ટ ક્લબ ઓફ સુરત ઈસ્ટના કેમ્પ 6.0 માં 827 યુનિટ બ્લડ એકત્રિત

રોટરેક્ટ ક્લબ ઓફ સુરત ઈસ્ટ દ્વારા રક્તદાન મહાદાન 6.0 નું આયોજન કરી 827 રક્ત બોટલો એકત્ર કર્યાની સાથે રક્તદાતાઓને અવનવી ગિફ્ટો આપી સન્માન કરાયું

રોટરેક્ટ ક્લબ ઓફ સુરત ઈસ્ટ દ્વારા વર્લ્ડ રોટરેકટ વીક ની ઉજવણી અંતર્ગત પ્રોજેક્ટ “રક્તદાન મહાદાન 6.0” ના આયોજન દ્વારા ઘણી મોટી સંખ્યા માં યુવાનોએ પોતાના રક્ત નું દાન કરી કોરોનામાં મૃત્યુ પામેલા લોકોને સાચા અર્થમાં શ્રદ્ધાંજલિ અર્પણ કરાઈ. આ સેવાયજ્ઞમાં લોક સમર્પણ બ્લડ બેન્ક, સરદાર બ્લડ બેન્ક તેમજ સ્મિમેર બ્લડ બેન્ક ની ટીમ ના સહયોગથી તાપી ડિપ્લોમાં કોલેજ કેમ્પસ, કાપોદ્રા ખાતે યુવાનોએ રક્ત બુંદ તરીકે આહુતી આપી 827 બોટલો રક્ત એકત્ર કરાઈ.

આ રક્તદાન મહાદાન ૬.૦ માં સુરત મહાનગર પાલિકાના ડેપ્યુટી મેયર શ્રી દિનેશભાઇ જોધાણી, વિરોધ પક્ષના નેતા શ્રી ધર્મેશભાઈ ભંડેરી, કાપોદ્રા પોલીસ સ્ટેશન ના P.I મે.કે. ઉર્જર સાહેબ, કાનજીભાઈ ભાલાળા, SGCCI ના પ્રમુખ શ્રી દિનેશભાઇ નાવડીયા, સાહિત્યકાર શ્રી ઘનશ્યામ લાખાણી તેમજ અન્ય કેટલીક સંસ્થાઓ મહેમાન શ્રીઓ એ રક્ત બુંદ તરીકે આહુતી આપી સહકાર આપ્યો હતો. જેનુ સંપુર્ણ આયોજન ક્લબ પ્રેસિડેન્ટ રો. પ્રતીક વસોયા, ક્લબ સેક્રેટરી રો. વિપુલ બલર ના નેતૃત્વ હેઠળ ક્લબ ટીમ ની સાથે રહી પ્રોજેક્ટ ચેરમેન રો. મિલન ગોયાણી, રો. ભાવિકા ધામેલિયા, રો. ભદ્રેશ સિસોદિયા અને રો. કેવલ તેજાણી દ્વારા કરવામાં આવ્યું.