રમત જગત Archives - Page 40 of 45 - CIA Live

દિલ્હી કેપિટલ્સ અને સનરાઇઝર્સ હૈદરાબાદ વચ્ચેની રોમાંચક મેચમાં હૈદરાબાદના મોહમ્મદ નબીએ વિજય છગ્ગો ફટકારીને ટીમને 5 વિકેટે જીતાડી હતી.

હૈદરાબાદે ટોસ જીતીને બોલિંગ લીધી
ઇન્ડિયન પ્રીમિયર લીગ 2019ની 16મી મેચમાં સનરાઇઝર્સ હૈદરાબાદના સુકાની ભુવનેશ્વર કુમારે દિલ્હીના ફિરોઝશાહ કોટલા સ્ટેડિયમ ખાતે ટોસ જીતીને બોલિંગ લીધી છે. હૈદરાબાદે પોતાની ટીમમાં કોઈ ફેરફાર કર્યો નથી. જયારે દિલ્હીની ટીમમાં 3 ફેરફાર છે. ઇશાંત શર્મા, અક્ષર પટેલ અને રાહુલ તેવટિયા આજે હનુમા વિહારી, હર્ષલ પટેલ અને આવેશ ખાનની જગ્યાએ રમી રહ્યા છે. દિલ્હી તરફથી આ મેચમાં સુકાની શ્રેયસ અય્યરને બાદ કરતા કોઇ ખાસ રમ્યું ન હતું. સુકાની શ્રેયસે 41 બોલમાં 3 ચોગ્ગા અને 1 છગ્ગાની મદદથી 43 રન કર્યા હતા. તો અક્ષર પટેલે થોડા આક્રમક શોટ લગાવ્યા હતા. તેણે 13 બોલમાં 1 ચોગ્ગા અને 2 છગ્ગાની મદદથી અણનમ 23 રન કર્યા હતા. આમ પુરી ટીમ 20 ઓવરમાં 8 વિકેટે 129 રન જ કરી શકી હતી. હૈદરાબાદ તરફથી ભુવનેશ્વર, મોહમ્મદ નબી અને સિદ્ધાર્થ કૌલે 2-2 વિકેટો ઝડપી હતી.

આઇપીએલમાં ગુરૂવારે રમાયેલી દિલ્હી કેપિટલ્સ અને સનરાઇઝર્સ હૈદરાબાદ વચ્ચેની રોમાંચક મેચમાં હૈદરાબાદના મોહમ્મદ નબીએ વિજય છગ્ગો ફટકારીને ટીમને 5 વિકેટે જીતાડી હતી. હૈદરાબાદે ટુર્નામેન્ટમાં આ ત્રીજી જીત મેળવી હતી. હૈદરાબાદના વિકેટ કીપર ઓપનર જોની બેરસ્ટો ફરી શાનદાર ઇનીંગ રમી હતી અને ટીમને આક્રમક શરૂઆત કરાવતા 28 બોલમાં 48 રન ફટકાર્યા હતા. તે મેન ઓફ ધ મેચ બન્યો હતો. દિલ્હી માટે રાહુલ તેવટિયા, અક્ષર પટેલ, સંદીપ લામીછાને, કગીસૉ રબાડા અને ઇશાંત શર્માએ 1-1 વિકેટ ઝડપી હતી.

હૈદરાબાદેની શરૂઆત આક્રમક રહી
દિલ્હી કેપિટલ્સે આપેલા 130 રનના લક્ષ્યાંકનો પીછો કરતા સનરાઇઝર્સ હૈદરાબાદે આક્રમક શરૂઆત કરી હતી. ઓપનર જોની બેરસ્ટોએ 28 બોલમાં 9 ચોગ્ગા અને 1 છગ્ગાની મદદથી 48 રન કર્યા હતા. જોકે તે 2 રન માટે અડધી સદી ચુક્યો હતો. તેને બાદ કરતા ટીમમાં કોઇ ખેલાડી મોટી ઇનીંગ રમી શક્યું ન હતું. જોકે મોહમ્મદ નબીએ થોડી આક્રમક ઇનીંગ રમી હતી. તેણે 9 બોલમાં 2 ચોગ્ગા અને 1 વિજયી છગ્ગો ફટકારી અણનમ રહ્યો હતો.

2019ના આઇપીએલ પાવરપ્લેમાં સનરાઇઝર્સનું પ્રદર્શન:

54/0 vs KKR, કોલકાતા

69/0 vs RR, હૈદરાબાદ

59/0 vs RCB,હૈદરાબાદ

62/0 vs DC, દિલ્હી

આઇપીએલમાં ખેલાડીઓ જેમનો જીતનો રેકોર્ડ 100% છે:

7* – મોહમ્મદ નાબી (SRH, 2017-2019)

6 – પાલાની અમરનાથ (CSK, 2008)

આઇપીએલમાં 12મી સીઝનમાં આજે ફિરોઝશાહ કોટલા મેદાન પર રમાયેલી દિલ્હી કેપિટલ્સ અને ચેન્નઇ સુપર કિંગ્સ વચ્ચેની રોમાંચક મેચમાં ચેન્નઇ ટીમે બાજી મારી લીધી હતી અને ટુર્નામેન્ટમાં પોતાની સતત બીજી મેચમાં જીત મેળવી હતી. દિલ્હીએ આપેલા 148 રનના લક્ષ્યાંક સામે ચેન્નઇએ 19.4 ઓવરમાં 4 વિકેટના ભોગે પાર પાડ્યો હતો. ચેન્નઇ તરફથી વોટસને સૌથી વધુ 44 રન અને ધોનીએ અણનમ 32 રન કર્યા હતા.

દિલ્હીએ આપેલા 148 રનના લક્ષ્યાંકનો પીછો કરતા ચેન્નાઇ સુપર કિંગ્સે 19.4 ઓવરના અંતે 4 વિકેટ ગુમાવીને 150 રન કર્યા હતા. ચેન્નઇ તરફથી સેન વોટ્સન (44) અને ધોનીએ અણનમ (32) રન બનાવ્યા હતા. શેન વોટ્સન અમિત મિશ્રાની બોલિંગમાં સ્ટમ્પ થયો હતો. તેણે 26 બોલમાં 44 રન કર્યા હતા.ત્યારબાદ સુરેશ રૈના પણ 30 રન બનાવી આઉટ થયો હતો. દિલ્હી તરફથી પોતાની આ સીઝનમાં પહેલી મેચ રમી રહેલ અમિત મિશ્રાએ 2 વિકેટ ઝડપી હતી. તો ઇશાંત શર્મા અને રબાડાએ 1-1 વિકેટ ઝડપી હતી.

ટોસ જીતી પહેલા બેટીંગ કરવા મેદાન પર ઉતરેલી દિલ્હી ટીમની શરૂઆત સારી રહી હતી. દિલ્હીના સુકાની પૃથ્વી શો અને ધવને ટીમને સારી શરૂઆત અપાવી હતી. પૃથ્વીએ 16 બોલમાં 24 રન કર્યા હતા. તો ધવને 47 બોલમાં 7 ચોગ્ગાની મદદથી 51 રનની ઇનીંગ રમી હતી. જોકે પૃથ્વી શો મોટી ઇનીંગ રમવામાં સફળ રહ્યો ન હતો અને 24 રનના સ્કોર પર આઉટ થયો હતો. ધવન પણ 51 રનના વ્યક્તિગત સ્કોર પર આઉટ થતાં દિલ્હી ટીમની સ્થિતી નબળી પડી હતી. ત્યાર બાદ કોઇ પણ બેટ્સમેન કોઇ ખાસ પ્રદર્શન કરી શક્યું ન હતું. આમ પુરી ટીમ 20 ઓવરમાં 6 વિકેટના ભોગે માત્ર 147 રન જ કરી શકી હતી. ચેન્નઇ તરફથી બ્રાવોએ 3 વિકેટ ઝડપી હતી. આ બંને ટીમો ટૂર્નામેન્ટમાં પોતાના પહેલી મેચમાં જીત મેળવી ચૂકી છે. દિલ્હીએ મુંબઇ અને ચેન્નઇએ બેંગ્લોરને હરાવીને 2-2 પોઇન્ટ્સ મેળવ્યા છે. જો કે નેટ રનરેટના આધાર પર દિલ્હી પોઇન્ટ ટેબલ પહેલા અને ચેન્નઇ બીજા નંબર પર છે. દિલ્હીનો નેટ રનરેટ +1.850 અને ચેન્નઇનો +0.519 છે.