સામર્થ્યવાનને જ સફળતા સાંપડે છે એવા શબ્દો સાથે સુરતમાં નાનપુરા-ટીમલીયાવાડ શ્રી સાઇ કોર્પોરેશનએ સુરત અને નવસારી સંસદીય મત વિસ્તારમાં વિક્રમી સરસાઇ સાથે ચૂંટાયેલા સાંસદો સર્વશ્રી સી.આર. પાટીલ અને શ્રીમતી દર્શના જરદોષનું જાહેર અભિવાદન કર્યું હતું.
સામર્થ્યવાનને જ સફળતા સાંપડે, સાંસદોને શ્રીસાઇ કોર્પોરેશને સન્માન્યા
આ પ્રસંગે શ્રી સાઇ કોર્પોરેશનના ફાઉન્ડર અશોકભાઇ રાંદેરીયાએ જણાવ્યું હતું કે સાઇ કોર્પોરેશન છેલ્લા ત્રણ દાયકાથી વધુ સમયથી સુરતમાં એન.જી.ઓ. (નોન ગવર્ન્મેન્ટ ઓર્ગેનાઇઝેશન) તરીકે કાર્યરત છે. સમાન વયજૂથના સેંકડો યુવકો શ્રી સાઇ કોર્પોરેશનમાં સક્રીય છે. શ્રી સાઇ કોર્પોરેશન ગ્રુપમાં સુરતના જુદા જુદા ક્ષેત્રના વ્યવસાયિકો, ધંધાર્થીઓ, નોકરીયાત સક્રીય રીતે જોડાયેલા છે. આ એવું ગ્રુપ છે જેમાં સુરત ઉપરાંત ભારત અને વિશ્વના જુદા જુદા દેશોમાં રહેતા મિત્રમંડળ પણ સંકળાયેલા છે.
સૈનિક પરિવારો માટે સહાય, બ્લડ ડોનેશન કેમ્પસ, મેડીકલ રિલીફ વગેરે પ્રકારના કાર્યક્રમો આપી ચૂકેલા શ્રી સાઇ કોર્પોરેશનના મેમ્બર્સે શનિવાર, તા.8મી જુનના રોજ સાંજે ટીમલીયાવાડ એલ.આઇ.સી. ક્વાર્ટસ પાસે સુરત અને નવસારીના બન્ને સાંસદોનો જાહેર અભિવાદન સમારોહને સફળતાપૂર્વક પાર પાડ્યો હતો.
કાર્યક્રમની અનેક વિશેષતાઓ પૈકી ઉડીને આંખે વળગે એવી વિશેષતા એ હતી કે શ્રી સાઇ કોર્પોરેશન સાથે સંકળાયેલા તમામ સભ્યો, મિત્રો ટીમ ઇન્ડીયાની વર્લ્ડ કપ સ્કવોર્ડના ટી-શર્ટના ડ્રેસ કોડમાં સજ્જ હતા.
દ્વિહેતુક કાર્યક્રમ હતો
સંસ્થાના ફાઉન્ડર શ્રી અશોક રાંદેરીયાએ કહ્યું કે કાર્યક્રમ દ્વી-હેતુક હતો, એક હેતુ વિક્રમી સરસાઇથી ચૂંટાયેલા બન્ને સાંસદો શ્રી દર્શનાબેન તેમજ શ્રી સી.આર. પાટીલનું જાહેર અભિવાદનનો હતો જ્યારે બીજો હેતુ હાલ લંડનમાં વર્લ્ડકપ ક્રિકેટ રમી રહેલી ટીમ ઇન્ડિયાનો જુસ્સો વધારવા માટેનો હતો. ટીમ ઇન્ડિયા હાલ લંડનમાં સારુ પરર્ફોમન્સ કરી રહી છે. અમારો સંદેશો ટીમ ઇન્ડિયા સુધી પહોંચે કે ન પહોંચે પરંતુ, અમને ગર્વ છે કે ટીમ ઇન્ડિયા વિશ્વસ્તરે સતત સારુ પરફોર્મન્સ આપીને ભારતનું નામ રોશન કરી રહી છે.
સુરતના સાંસદ શ્રીમતી દર્શનાબેન જરદોષનું જાહેર અભિવાદન કરતા સુરતના શ્રી સાઇ કોર્પોરેશનના ફાઉન્ડર ચેરમેન શ્રી અશોકભાઇ રાંદેરીયા તેમજ સ્થાનિક યુવા ભાજપ આગેવાન શ્રી રાજેશભાઇ સેલર
નવસારીના સાંસદ સુરતના રહેવાસી શ્રી સી.આર. પાટીલનું જાહેર અભિવાદન કરતા સુરતના શ્રી સાઇ કોર્પોરેશનના ફાઉન્ડર ચેરમેન શ્રી અશોકભાઇ રાંદેરીયા તેમજ સ્થાનિક યુવા ભાજપ આગેવાન શ્રી રાજેશભાઇ સેલર
જાહેર અભિવાદનના પ્રતિસાદમાં શ્રી સી.આર. પાટીલએ શ્રી સાઇ કોર્પોરેશન અને શ્રી અશોકભાઇ રાંદેરીયા તેમજ તેમના ગ્રુપની પ્રવૃત્તિઓને બિરદાવી હતી. સાઇ કોર્પોરેશન જેવી સંસ્થાઓ સંગઠનાત્મક કામગીરીથી સમાજને એકસૂત્રતામાં બાંધે છે. પોતાના જાહેર અભિવાદન બદલ શ્રી સી.આર. પાટીલ તેમજ શ્રીમતી દર્શનાબેન જરદોષે સમગ્ર સાઇ કોર્પોરેશન ગ્રુપનો આભાર માન્યો હતો.
આ પ્રકારે શ્રી સાઇ કોર્પોરેશનના તમામ મેમ્બર્સ ડ્રેસ કોડ, ટીમ ઇન્ડિયાના ટી શર્ટમાં સજ્જ થઇને કાર્યક્રમમાં સહભાગી થયા હતા
