ઇન્ટરનેશનલ Archives - Page 25 of 51 - CIA Live

ડેઈલી મેલના અહેવાલ પ્રમાણે ઈટાલીમાં પ્રોફેશન અને અમેચ્યોર એમ તમામ પ્રકારની ફૂટબોલ મેચો બંધ કરવામાં આવી શકે છે. આ ઉપરાંત અત્યંત જરૂરી હોય તેવી મુસાફરીને જ મંજૂરી આપવામાં આવી શકે છે. જો, દેશમાં સ્થાનિક કેસમાં વધારો જોવા મળશે તો સરકાર હજી વધારે પ્રતિબંધો લાગુ કરી શકે છે.

યુરોપમાં ફરીથી કોરોના વાયરસનો કહેર જોવા મળી રહ્યો છે. ઈટાલીમાં કોરોના વાયરસના કેસમાં આવેલા ઉછાળાના કારણે હવે દેશમાં રાત્રે 10 વાગ્યાનો કર્ફ્યુ લાદવામાં આવી શકે છે. આ ઉપરાંત તમામ હાઈસ્કૂલ બંધ કરવામાં આવી શકે છે. શુક્રવારે ઈટાલીમાં સૌથી વધારે કોરોનાના કેસ નોંધાયા હતા. ઈટાલીમાં એક જ દિવસમાં 10,000થી વધુ લોકોને કોવિડ-19નો ચેપ લાગ્યો છે જેના કારણે સરકાર દ્વારા કર્ફ્યુ લાદવા અંગે વિચારણા કરવામાં આવી રહી છે. રવિવારે સત્તાવાળાઓએ બેઠક કરી હતી અને કોરોનાને ફેલાતો અટકાવવા માટે કયા પગલા લેવા જોઈએ તે અંગે ચર્ચા કરવામાં આવી હતી. જેમાં કેફે, સિનેમાઘરો અને રેસ્ટોરન્ટ્સ બંધ કરવા ઉપરાંત લોકડાઉન લગાવવા અંગે પણ ચર્ચા કરવામાં આવી હતી.

બ્લૅક હૉલને લગતી શોધો માટે ત્રણ વિજ્ઞાનીઓને આ વર્ષે ભૌતિકશાસ્ત્રનો નોબેલ પુરસ્કાર આપવામાં આવ્યો હતો. રોયલ સ્વીડિશ ઍકેડેમી ઑફ સાયન્સિઝે જણાવ્યું હતું કે આ વર્ષનો ભૌતિકશાસ્ત્રનો નોબેલ પુરસ્કાર રોજર પેનરોઝ, રિનહાર્ડ ગેન્ઝેલ અને એન્ડ્રિયા ઘીઝને આપવામાં આવશે. રોજર પેનરોઝને અડધું ઇનામ મળશે અને બાકીનું ૫૦ ટકા ઇનામ રિનહાર્ડ ગેન્ઝેલ અને એન્ડ્રિયા ઘીઝને સંયુક્ત રીતે આપવામાં આવશે. બ્લૅક હોલ એ સાપેક્ષતાના સામાન્ય સિદ્ધાંતનું સીધું પરિણામ છે એ સાબિત કરવા બદલ બ્રિટનના રોજર પેનરોઝને ભૌતિકશાસ્ત્રનું નોબેલ ઇનામ આપવામાં આવશે.

અમેરિકાના હાર્વી જે. ઑલ્ટર તથા ચાર્લ્સ એમ. રાઇસ અને બ્રિટનના વિજ્ઞાની માઇકલ હાઉટનને હૅપટાઇટિસ-સી વાઇરસ શોધવા બદલ નોબેલ પારિતોષિકથી નવાજવામાં આવ્યા છે. આ પુરસ્કાર મેડિસિન/ફિઝિયોલૉજી વિભાગમાં છે.

નોબેલ કમિટીના વડા થૉમસ પર્લમૅને સ્ટૉકહૉમમાં પારિતોષિક વિજેતાઓના નામની જાહેરાત કરી હતી.

વિશ્ર્વ આરોગ્ય સંસ્થા (વર્લ્ડ હેલ્થ ઑર્ગેનાઇઝેશન-ડબ્લ્યૂએચઓ)ના અંદાજ પ્રમાણે વિશ્ર્વભરમાં પ્રતિવર્ષ હૅપટાઇટિસ (યકૃતમાં દાહ કે સોજો)ના સાત કરોડ કેસ બનતા હોય છે અને આ બીમારીથી ચાર લાખ જેટલા લોકોના મૃત્યુ નીપજતા હોય છે. આ ગંભીર બીમારી યકૃત તથા કૅન્સરની વધુ ગંભીર બીમારીને જન્મ આપતી હોય છે.

સોમવારે આ પુરસ્કારોની જાહેરાત વખતે નોબેલ કમિટી તરફથી બહાર પાડવામાં આવેલા નિવેદનમાં જણાવાયું હતું કે ‘ત્રણેય સંશોધકો અને વિજ્ઞાનીઓના આ કાર્યથી રક્ત-આધારિત હૅપટાઇટિસના મુખ્ય ોતનું વર્ણન કરવામાં ઘણી મદદ મળી છે. હૅપટાઇટિસ-એ અને હૅપટાઇટિસ-બી વાઇરસને લગતા સંશોધનો બાદ આવું

વર્ણન સંભવ નહોતું થયું, પરંતુ હવે હૅપટાઇટિસ-સી વાઇરસ શોધવા બદલ થઈ શક્યું છે. તેમના આ કાર્યને કારણે અત્યંત સંવેદનશીલ બ્લડ-ટેસ્ટ તથા દવા સંભવ બન્યા છે. આને કારણે લાખો લોકોના જાન બચી શકશે. આ નવી શોધને પરિણામે હવે પહેલી વાર હૅપટાઇટિસની બીમારીમાંથી દર્દી સાજો થઈ શકે એમ છે. વિશ્ર્વમાંથી હવે હૅપટાઇટિસ-સી વાઇરસ નાબૂદ થઈ

શકે એમ છે.’

નોબેલ પારિતોષિકના પ્રત્યેક વિજેતાને ગોલ્ડ મેડલની સાથે એક કરોડ સ્વિડીશ ક્રોનર (૧૧,૧૮,૦૦૦ ડૉલરથી પણ વધુ રકમ) મળે છે. નોબેલ પ્રાઇઝનો ઇતિહાસ ૧૨૪ વર્ષ જૂનો છે અને આ પુરસ્કારનું નામ સ્વિડનના આલ્ફ્રેડ નોબેલના નામ પરથી પડ્યું છે.

આ વર્ષે નોવેલ કોરોના વાઇરસની મહામારીને ધ્યાનમાં લેતાં આ વખતે ખાસ કરીને તબીબી ક્ષેત્રના આ પુરસ્કારનું મહત્ત્વ વધી ગયું છે.

અમેરિકાના રાષ્ટ્રપતિ ડોનલ્ડ ટ્રમ્પ અને તેમનાં પત્ની મેલાનિયાનો કોરોનાનો રિપોર્ટ પોઝિટિવ આવ્યો છે. શુક્રવારે સવારે ડોનલ્ડ ટ્રમ્પે પોતે આ અંગે માહિતી આપી હતી. ડોનલ્ડ ટ્રમ્પે કહ્યું હતું કે તેઓ અને ફર્સ્ટ લેડી અગામી થોડા દિવસો સુધી ક્વોરન્ટાઇન રહેશે.

અમેરિકન પ્રમુખ ડોનલ્ડ ટ્રમ્પના અંગત સલાહકાર કોરોના પોઝિટિવ આવ્યા છે. ત્યાર પછી ટ્રમ્પ અને તેમનાં પત્ની મેલાનિયા ટ્રમ્પે પોતાની જાતને ક્વોરન્ટાઇન કર્યાં છે. નોંધનીય છે કે ડોનલ્ડ ટ્રમ્પનાં અંગત સલાહકાર હોપ હિક્સનો કોરોના પોઝિટિવ રિપોર્ટ આવ્યો છે. કોરોનાનાં લક્ષણો દેખાયાં પછી હોપ હિક્સે પોતાનો ટેસ્ટ કરાવ્યો હતો. હોપ હિક્સ ડોનલ્ડ ટ્રમ્પ સાથે એરફોર્સ વનમાં નિયમિત મુસાફરી કરતાં હતાં. તાજેતરમાં જ હોપ હિક્સ તેમના સિનિયર અધિકારીઓ સાથે પ્રેસિડેન્ટ

ડિબેટ માટે ક્લીવલેન્ડ ગયાં હતાં. વ્હાઈટ હાઉસે એક નિવેદનમાં કહ્યું છે કે પ્રમુખ ટ્રમ્પ પોતાના અને અમેરિકન લોકો માટે કામ કરતા દરેક જણનાં સ્વાસ્થ્ય અને સુરક્ષાને લઈને ખૂબ ગંભીર છે.

બીજી પ્રેસિડેન્શિયલ ડિબેટ ૧૫મી ઓક્ટોબરે યોજાવાની છે. એટલે કે માત્ર ૧૩ દિવસ બાકી છે. ક્વોરન્ટાઇન પીરિયડ ૧૪ દિવસનો હોય છે. ત્યારપછી ટેસ્ટ પણ કરવામાં આવશે. એટલા માટે આ વાતની શક્યતા ઘણી ઓછી છે કે ટ્રમ્પ બીજી ડિબેટમાં ભાગ લઈ શકે.

ટ્રમ્પ બે વખત જ સાર્વજનિક રીતે માસ્ક પહેરીને જોવા મળ્યા હતા. ૧૨મી જુલાઈએ તેઓ વોશિંગ્ટનના વોલ્ટર રીડ મિલેટ્રી હોસ્પિટલની મુલાકાતે ગયા હતા. ત્યારે તેમણે વાદળી રંગનું માસ્ક પહેર્યું હતું.

ગત અઠવાડિયે ટ્રમ્પ સુપ્રીમ કોર્ટના સ્વર્ગસ્થ જસ્ટિસ ગિન્સબર્ગને શ્રદ્ધાંજલિ આપવા માટે ગયા હતા. મેલાનિયા પણ સાથે હતી. ત્યારે બન્નેએ માસ્ક પહેર્યું હતું.

ખાનગી સેક્ટરમાં કામ કર્યા પછી આ વર્ષે હોપ હિક્સ વ્હાઈટ હાઉસ પરત આવ્યાં હતાં. અમેરિકન પ્રમુખે તેમને પોતાનાં અંગત સલાહકાર બનાવ્યાં હતાં. આ પહેલાં તેઓ વ્હાઈટ હાઉસમાં કમ્યુનિકેશન મેનેજમેન્ટનું કામ કરતાં હતાં. ટ્રમ્પના ૨૦૧૬માં પ્રમુખે કેમ્પેઇનમાં હોપ હિક્સ પ્રવક્તા હતાં.

અમેરિકામાં જ્યારે કોરોનાના ૨.૭૭ લાખ કેસ નોંધાયા છે અને ૭૪૦૦થી વધારે લોકોએ જીવ ગુમાવ્યો હતો ત્યારે માસ્ક પહેરવા અને ન પહેરવા અંગે ચર્ચા છેડાઈ હતી. અમેરિકાના સ્વાસ્થ્ય વિભાગના સેન્ટર ફોર ડિઝીઝ કંટ્રોલ(સીડીસી)એ લોકોને કહ્યું કે ઘરની બહાર નીકળતી વેળાએ માસ્ક જરૂર પહેરો, પરંતુ ડોનલ્ડ ટ્રમ્પે કહ્યું હતું કે તેઓ માસ્ક નહીં પહેરે. ટ્રમ્પે વ્હાઈટ હાઉસમાં કોરોના વાઈરસ અંગે પુછાયેલા પ્રશ્ર્નના જવાબમાં કહ્યું હતું કે માસ્કને લઈને સીડીસીએ માત્ર સૂચન કર્યું છે. આ દરેક માટે સ્વૈચ્છિક છે. તમે આવું કરી પણ શકો છો અને ન પણ કરી શકો. હું આવું નહીં કરું.