ઇન્ટરનેશનલ Archives - Page 25 of 52 - CIA Live

દુનિયાભરમાં કોરોના વાયરસની આતુરતાથી રાહ જોઈ રહેલા કરોડો લોકો માટે હરખાવાનો સમય આવ્યો છે.બ્રિટને ફાઇઝર-બાયોટેકની કોરોના વેક્સિનના ઉપયોગને મંજૂરી આપી છે જે સાથે આવું કરનાર બ્રિટન દુનિયાનો પહેલો દેશ બન્યો છે. ફાઇઝર-બાયોટેકની કોરોના વેક્સિનનો આવતા સપ્તાહથી બ્રિટનમાં ઉપયોગ શરૂ કરી દેવાશે. બ્રિટિશ સરકારે બ્રિટિશ નિયામક, મેડિસિન એન્ડ હેલ્થ પ્રોડક્ટ્સ રેગ્યુલેટરી એજન્સીની ભલામણો સ્વીકારતાં વેક્સિનને મંજૂરી આપી છે. રેગ્યુલેટરી એજન્સીના મતે ફાઇઝરની વેક્સિન કોરોના પીડિતો માટે સુરક્ષિત છે.
બ્રિટનના સ્વાસ્થ્ય મંત્રી મૈટ હૈનકેકે ટ્વિટ કરી માહિતી આપી કે રેગ્યુલેટરી એજન્સીએ ઔપચારિક રીતે કોવિડ 19 માટે ફાઇઝર-બાયોટેકની વેક્સિનને માન્ય કરી છે. રેગ્યુલેટરી દેશમાં રસીકરણ માટે તૈયાર છે. તેમણે કહ્યું કે કોરોના વેક્સિનની ચિકિત્સકીય મંજૂરી આપનાર બ્રિટન દુનિયાનો પહેલો દેશ છે.

ફાઇઝરે પ્રતિભાવમાં જણાવ્યું કે બ્રિટનનો આ નિર્ણય કોરોના સામેની લડાઈમાં ઐતિહાસિક પગલું છે. અમે દુનિયાના અન્ય દેશો પાસે પણ આવી જ અપેક્ષા રાખીએ છીએ અને ઉચ્ચ ગુણવત્તાવાળી વેક્સિન ઉપલબ્ધ કરાવવા પર અમારું ફોકસ છે.

ભારત ૨૦૦૪-૨૦૧૫ દરમિયાન નવા પ્રત્યક્ષ વિદેશી રોકાણ (ફોરેન ડાઇરેક્ટ ઇન્વેસ્ટમેન્ટ -એફડીઆઇ) આધારિત પ્રોજેક્ટ માટે ચોથો સૌથી મોટો દેશ બન્યો છે. ભારત ૨૦૦૪થી ૨૦૧૫ વચ્ચે નવા સીધા વિદેશી રોકાણ યોજનાઓને આકર્ષિત કરનારો ચોથો મુખ્ય દેશ બની

ગયો છે. આ દરમિયાન અન્ય દેશોમાં મર્જર અને અધિગ્રહણ કરવામાં પણ ભારત આઠમા સ્થાને રહ્યું છે. ફ્યુચર ઓફ રિજનલ કો-ઓપરેશન ઈન ઇન્ડિયા એન્ડ પેસિફિક શીર્ષકવાળું એક રિસર્ચ પેપર ગઈકાલે જારી કરવામાં આવ્યું હતું.એશિયન ડેવલપમેન્ટ બેન્કની વેબસાઈટ પર ઉપલબ્ધ આ રિપોર્ટ અનુસાર ૨૦૦૪-૨૦૧૫ વચ્ચે ભારતને ૮૦૦૪ એકદમ નવા એફડીઆઇ પ્રોજેક્ટ મળ્યા છે. બીજી તરફ મર્જર અને અધિગ્રહણની સંખ્યા પણ ૪૯૧૮ જેટલી છે. રિપોર્ટમાં કહેવામાં આવ્યું છે કે આ સમયગાળામાં નવી એફડીઆઈ યોજનાઓ પ્રાપ્ત કરવામાં અમેરિકા ટોચના ક્રમે રહ્યું છે.

cialive@yahoo.com

આજે તા.24મી નવેમ્બર 2020ના રોજ ભારતીય સમય પ્રમાણે બપોરે સાડાત્રણ વાગ્યાના અરસામાં ઇન્ટરનેશનલ ડિજિટલ કરન્સી માર્કેટમાં બીટકોઇનનો ભાવ 19 હજાર યુએસ ડોલર્સ એટલે ભારતીય ચલણ અનુસાર 14 લાખ 5 હજાર 620 રૂપિયાની સપાટીને આંબી ગયો હતો. બીટકોઇનનો ભાવ 19 હજાર ડોલર્સની સપાટીએ ત્રણ વર્ષ બાદ પહોંચ્યો છે અને આ લખાઇ રહ્યું છે ત્યારે બપોરે 4 કલાકે એ 20 હજાર ડોલર્સ એટલે કે ઓલટાઇમ હાઇની નજીક પહોંચીને ટ્રેડ કરી રહ્યો હોવાનું જણાયું હતું.

નવેમ્બર 2020 ચાલુ મહિનામાં જ બીટકોઇન ક્રિપ્ટોકરન્સીના ભાવમાં 40 ટકાનો ઉછાળો થયો નોંધાયો છે. બીટકોઇનએ ક્રિપ્ટો કરન્સીના માર્કેટમાં ફરીથી સનસનાટી મચાવી છે. 19000 યુએસ ડોલર્સની સપાટી કૂદાવતા જ સમગ્ર વિશ્વના આંતર રાષ્ટ્રીય બજારોમાં ભારે વેચાવાલી જોવાઇ હતી આમ છતાં બીટકોઇનનો દર ગગડ્યો ન હતો.

Bitcoin hit $19,000 on Tuesday for the first time in nearly three years, homing in on its all-time high of just under $20,000.

The world’s most popular cryptocurrency was last up 3.2% at $18,958. Bitcoin has gained nearly 40% in November alone and is up around 160% this year.

Fuelling its gains have been demand for risk-on assets amid unprecedented fiscal and monetary stimulus, hunger for assets perceived as resistant to inflation, and expectations that cryptocurrencies would win mainstream acceptance.

અમેરિકામાં ‘હેટ ક્રાઇમ’થી પ્રેરિત હત્યાની સંખ્યામાં દાયકાથી વધુ સમયમાં અત્યંત વધારો થયો હોવાની વાત એફબીઆઇએ નોંધી હતી. એફબીઆઇએ ૧૯૯૦થી ‘હેટ ક્રાઇમ’ અર્થાત નફરતની ભાવનાથી આચરવામાં આવેલી હત્યાઓની માહિતી ભેગી કરવી શરૂ કરી હતી.

એફબીઆઇના રિપોર્ટ પ્રમાણે ૨૦૧૯માં ૫૧ હત્યા ઇર્ષા કે દ્વેષની ભાવનાથી કરવામાં આવી હતી અને એમાં ઑગસ્ટમાં ટેક્સાસની સરહદે આવેલા એલ પાસો શહેરની વૉલમાર્ટમાં મેક્સિકનોને લક્ષ્ય બનાવીને કરવામાં આવેલા ગોળીબારમાં થયેલા ૨૨ વ્યક્તિના મોતનો સમાવેશ થાય છે. આ ગોળીબારમાં સામેલ આરોપી પર ચોક્કસ જાતીના લોકોને અમેરિકા છોડવા માટે ડરાવવાનો આરોપ દાખલ કરાયો હતો. આ ગોળીબારમાં બે ડઝન વ્યક્તિ ઘાયલ પણ થઇ હતી. ગયા વર્ષે અમેરિકામાં ૭૩૧૪ ‘હેટ ક્રાઇમ’ નોંધાયા હતા અને એના આગલા વર્ષે ૭૧૨૦ ‘હેટ ક્રાઇમ’ નોંધાયા હતા. કોઇ વ્યક્તિની જાતિ, ધર્મ, રંગ કે સેક્સ માટેની પસંદગીના આધાર વિરુદ્ધ આચરવામાં આવેલા ગુનાઓને એફબીઆઇ દ્વારા આ કેટેગરીમાં નોંધવામાં આવે છે.

નિષ્ણાતોના મતે આવા ગુનાઓમાં વધારો નોંધાઇ રહ્યો છે અને ન્યાય વિભાગ દ્વારા આવા ગુનાઓના ખટલાઓ પર કામ ચલાવવા માટે પ્રાથમિકતા આપવામાં આવે છે.

રિપોર્ટ પ્રમાણે ધર્મને આધારે નોંધાયેલા ગુનાઓમાં ૭ ટકાનો વધારો થયો હતો અને ગયા વર્ષે ૯૫૩ યહૂદી અથવા યહૂદી સંસ્થાઓ પર હુમલા થયા હતા. એના આગલા વર્ષે આ સંખ્યા ૮૩૫ની હતી.

આફ્રિકન-અમેરિકનો સામે ગુનાની સંખ્યા આ અગાઉના વર્ષના ૧૯૪૩થી ગયા વર્ષે સહેજ ઘટીને ૧૯૩૦ નોંધાઇ હતી.

આ આકડા પોલીસ વિભાગ દ્વારા સ્વેચ્છાએ જાહેર કરાયેલા હોવાથી એની સંખ્યા ખરેખર થયેલા ગુનાઓની સંખ્યા કરતા ઓછી હોવાનો શક નિષ્ણાતોએ જાહેર કર્યો હતો.

અમેરિકાના રાષ્ટ્રપ્રમુખની ચૂંટણીમાં હવે ડેમોક્રેટ ઉમેદવાર જો બાઇડન પોતાની જીતને લઈ ઘણા આશ્વસ્ત જોવા મળી રહ્યા છે. જો બાઇડને ટ્વીટમાં લખ્યું કે, પ્રક્રિયા અને એક-બીજા પર વિશ્વાસ કાયમ રાખો. એક સાથે, આપણે તેને જીતીશું. નોંધનીય છે કે હવે જો બાઇડન જીતની ખૂબ જ નજીક પહોંચી ગયા છે. તેમને અત્યાર સુધી 264 ઇલેક્ટોરલ વોટ મળી ચૂક્યા છે. તેઓ હવે જીતથી માત્ર 6 વોટથી દૂર છે.

જ્યારે ટ્રમ્પ માટે ચઢાણ કઠિન જોવા મળી રહ્યું છે. ડોનાલ્ડ ટ્રમ્પ નોર્થ કેરોલિના અને જ્યોર્જિયામાં પાતળા માર્જિનથી બાઈડેનથી આગળ ચાલી રહ્યા છે જ્યારે બીજીતરફ તેમને આકરી ટક્કર આપી રહેલા ડેમોક્રેટ ઉમેદવાર જો બાઈડેન નેવાડા, મિશિગન અને વિન્સકોન્સિનમાં જીત મેળવી ચૂક્યા છે. ઉલ્લેખનીય છે કે અમેરિકાના આ પાંચ રાજ્યો નક્કી કરશે કે યુએસ રાષ્ટ્રપ્રમુખની રેસમાં કોણ વિજેતા બનશે. જેમાં હાલની સ્થિતિ જોતા બાઈડેન ‘વિન વિન’ સિચ્યુએશનમાં છે. બાઈડેન 264 ઈલેક્ટોરલ મત મેળવી ચૂક્યા છે. જ્યારે ટ્રમ્પ 214 મત મેળવી શક્યા છે. બાઈડન હવે મેજિક ફિગર 270થી ફક્ત છ મતથી દૂર છે.

અમેરિકામાં રાષ્ટ્રપ્રમુખ ચૂંટણીમાં મતગણતરી હજુ ચાલી રહી છે. ડોનાલ્ડ ટ્રમ્પ અને જો બાઈડનમાંથી કોઈને પણ સ્પષ્ટ બહુમતી નથી મળી. ફ્લોરિડા અને લોવામાં લીડ મેળવનાર ટ્રમ્પને બાઈડન ત્રણ સ્ટેટ્સ વિસ્કોન્સિન, મિશિગન અને પેનસિલ્વેનિયામાં જોરદાર ટક્કર આપી રહ્યાં છે. આ રાજ્યોના પરિણામ જ ચૂંટણીમાં નિર્ણાયક સાબિત થઈ શકે છે. જેમાં બાઈડન વિસ્કોન્સિનમાં જીતી ગયા છે. વાસ્તવમાં, બાઈડેન હવે ટ્રમ્પ અને બહુમતીની વચ્ચે ઊભા રહી ગયા છે.

રાષ્ટ્રપ્રમુખ ચૂંટણીની પરિણામો આવવામાં થઈ રહેલા વિલંબ વચ્ચે ડોનાલ્ડ ટ્રમ્પ કેમ્પેને કોર્ટના દ્વાર ખખડાવ્યા છે. મતોની ગણતરી અટકાવવા માટે મિશિગનમાં તથા જ્યોર્જિયામાં પણ કેસ દાખલ કરાયો છે. ટ્રમ્પ સતત મતોની ગણતરીમાં ગરબડ હોવાનો આરોપ લગાવી રહ્યા છે. કાઉન્ટિંગ દરમિયાન જ તેમણે ટ્વીટ કરીને પેન્સિલ્વેનિયામાં પાંચ લાખ વોટ ગાયબ હોવાનો દાવો કર્યો હતો

કેન્દ્ર સરકારે ઇલેક્ટ્રોનિક, ટુરિસ્ટ અને મેડિકલ કૅટેગરી સિવાયના બધા વર્તમાન વિઝાને પૂર્વવત્ સ્થિતિમાં લાવવાનો ગુરુવારે નિર્ણય લીધો હતો. કોવિડ-૧૯ની મહામારીને કારણે રાષ્ટ્રવ્યાપી લૉકડાઉન લાગુ કરાયું એને પગલે લગભગ આઠ મહિના સુધી તમામ વિઝા પર સસ્પેન્શન લાગુ કરાયું હતું.

મિનિસ્ટ્રી ઑફ હોમ અફેર્સ (એમએચએ)એ એવી પણ જાહેરાત કરાઈ હતી કે તમામ ઓવરસીઝ સિટિઝન ઑફ ઇન્ડિયા (ઓસીઆઇ) અને પર્સન ઑફ ઇન્ડિયન

ઑરિજિન (પીઆઇઓ) કાર્ડધારકો તથા તમામ અન્ય વિદેશી નાગરિકોને (ટુરિસ્ટ વિઝા સિવાય) કોઈ પણ હેતુસર ભારતનો પ્રવાસ કરવાની પરવાનગી અપાશે. સરકારના આ નિર્ણયથી વિદેશી નાગરિકો ધંધા-વેપાર ઉપરાંત મિટિંગ-કૉન્ફરન્સ, રોજગાર, અભ્યાસ અને સંશોધન માટે ભારત આવી શકશે.

ગૃહ ખાતાએ નિવેદનમાં જણાવ્યું હતું કે ‘કોવિડ-૧૯ની મહામારીને લક્ષમાં રાખીને સરકારે ફેબ્રુઆરી, ૨૦૨૦થી વિદેશી મુસાફરોના ભારત આવવા તથા જવા પર નિયંત્રણ મૂકવા સહિતના શ્રેણીબદ્ધ પગલાં ભર્યા હતા. જોકે, હવે સરકારે વિઝા ફાળવવા સંદર્ભમાં ગ્રેડ પ્રમાણે છૂટછાટ મૂકી છે. જે પ્રકારના વિઝાની છૂટ અપાઈ છે એની કાયદેસરતા પૂરી થઈ ગઈ હશે તો ભારતીય મિશનમાંથી કે સંબંધિત વિભાગમાંથી નવેસરથી વિઝા મેળવી શકાશે.

તબીબી સારવાર માટે ભારત આવવા માગતા વિદેશી નાગરિકો મેડિકલ વિઝા માટે નવેસરથી અરજી કરી શકશે.

‘વંદે ભારત’ મિશન હેઠળ અમુક કૅટેગરીના ઓસીઆઇ તથા પીઆઇઓ કાર્ડધારકોની કૅટેગરી માટે ઍર ઇન્ડિયાની ફ્લાઇટ કાર્યરત્ છે.