Blog - Page 702 of 709

May 24, 2018

પાકિસ્તાનની પંજાબ પ્રાંતની સરકારે રાવલપિંડીના કૃષ્ણ મંદિરના જીર્ણોદ્ધાર માટે ૨ કરોડ રૂપિયા જારી કર્યા છે. સ્થાનિક મીડિયા પ્રમાણે, આ રકમ મંદિરમાં પૂજા પાઠ અને હિન્દુ તહેવારો માટે તેને અનુરૂપ બનાવવા માટે ફાળવવામાં આવી છે. પાકિસ્તાનના રાવલપિંડી અને ઈસ્લામાબાદમાં આ એક જ કૃષ્ણ મંદિર છે, જ્યાં નિયમિત પૂજા થાય છે. સવારે અને સાંજે બંને સમયે નિયમિત પૂજા થાય છે. તેમાં ૬ થી ૭ લોકો હોય છે.

પાકીસ્તાનના અગ્રણી ડોન અખબારના જણાવ્યા પ્રમાણે, ઈવેક્યૂઈ ટ્રસ્ટ પ્રોપર્ટી બોર્ડ (ઈટીપીબી)ના ડેપ્યુટી એડમિનિસ્ટ્રેટર મોહમ્મદ આસિફે જણાવ્યું હતું કે સરકારે પંજાબ એસેમ્બ્લીના સભ્યોની માગણી પછી ૨ કરોડ રૂપિયા ફાળવ્યા છે. તેમણે કહ્યું હતું કે ટૂંકમાં જ તેમાં કામ શરૂ થઈ જશે. તેના માટે ટીમ નિરિક્ષણ પણ કરી ચૂકી છે. કોઈ રીતે કામ થવાનું છે એ પણ નક્કી થઈ ગયું છે. જે જગ્યાએ નવું નિર્માણ થશે, તે બંધ રાખવામાં આવશે. જેવું મંદિરમાં કામ પુરું થશે કે લોકોનું આગમન થવા લાગશે.

May 24, 2018

ઈજા વધશે તો ભારતીય સુકાની કોહલી ઈંગ્લેન્ડ સામેની ટેસ્ટ શ્રેણી પણ ગુમાવી શકે છે

ભારતના ઈંગ્લેન્ડ પ્રવાસ પહેલા જ ટીમને મોટો ફટકો પડ્યો છે. જેમાં ટીમના સુકાની વિરાટ કોહલીને સ્લિપ ડિસ્કની તકલીફ થઈ અને તબીબે તેને કાઉન્ટી ક્રિકેટમાં ન રમવાની સલાહ આપી છે. જો કોહલીની આ તકલીફ વધશે તો તે ઈંગ્લેન્ડ સામેની ટેસ્ટ શ્રેણી પણ ગુમાવી શકે છે. જોકે બીસીસીઆઇના અધિકારીઓ આ વાતને સમર્થન આપી નથી રહ્યા. એ વાત પણ નિશ્ચિત છે કે વિરાટ કોહલી જે અગાઉના પ્લાન મુજબ ઇંગ્લિશ ક્રિકેટ કાઉન્ટીની કેટલીક મેચ રમવાનો હતો તે હવે રમવાનો નથી. આમ વિરાટ કોહલીની ફીટનેસ તેમજ સ્લીપ ડીસ્કના પ્રોબ્લેમ અંગે દેશભરમાં અને ક્રિકેટ વિશ્વમાં ખાસી ચર્ચા અને મતમતાંતર પ્રવર્તી રહ્યા છે.

કોહલીનું કાઉન્ટી ક્રિકેટમાં ન રમવું ઈંગ્રેન્ડના પ્રશંસકો માટે નિરાશાજનક સમાચાર છે. જોકે, ખુદ કોહલી માટે આ વાત ઘણી નિરાશાજનક છે કે તે કાઉન્ટી ક્રિકેટમાં નહીં રમી શકે. કોહલી સતત ક્રિકેટ રમે છે અને તેના કામના ભારણથી બીસીસીઆઈ પણ ચિંતિત છે. ભારત માટે આગામી 18 મહિના ઘણા મહત્વના છે જેમાં ઈંગ્લન્ડ પ્રવાસ ઉપરાંત વર્લ્ડ કપમાં પણ તેમને ભાગ લેવાનો છે.

વિરાટ કોહલીએ ઈંગ્લેન્ડ પ્રવાસ દરમિયાન ટેસ્ટ ક્રિકેટ શ્રેણીની પૂર્વ તૈયારીઓના ભાગ રૂપે કાઉન્ટી ક્રિકેટ રમવાનો નિર્ણય કર્યો હતો અને આ માટે તેણે સરે ટીમ સાથે કરાર પણ કર્યો હતો. જોકે, ભારતીય સુકાની છેલ્લા 12 મહિનાથી સતત ક્રિકેટ રમી રહ્યો છે જેના કારણે તેને સ્લિપ ડિસ્કની તકલીફ થઈ છે. મુંબઈના ખારમાં આવેલી હોસ્પિટલના જાણીતા ઓર્થોપેડિક સર્જને કોહલીની તકલીફનું નિદાન કર્યું છે.

કોહલી માટે આ સમસ્યા ત્યારે સામે આવી છે જ્યારે તેને કાઉન્ટી ક્રિકેટ રમવા જવાનું છે. કોહલી 2014ના ઈંગ્લેન્ડ પ્રવાસમાં નિષ્ફળ રહ્યો હોત જેના કારણે આ વખતે શ્રેષ્ઠ પ્રદર્શન કરવા ઈચ્છતા ભારતીય સુકાનીએ કાઉન્ટી ક્રિકેટ રમવાનો નિર્ણય કર્યો હતો. મુંબઈ મિરરમાં પ્રકાશિત અહેવાલ મુજબ કોહલી બુધવારે બપોરે ખાર હોસ્પિટલ ગયો હતો અને ઓર્થોપેડિક સર્જન અને તેમની ટીમે કોહલીની તપાસ કરી હતી. ડોક્ટરે કોહલીને તેની સ્પાઈન નર્વ્સમાં તકલીફ હોવાનું જણાવ્યું હતું. તેમણે તે પણ કહ્યું હતું કે જો આ મુશ્કેલી વધશે તો તે જૂલાઈમાં શરૂ થનારી ઈંગ્લેન્ડ શ્રેણીની શરૂઆતની મેચો ગુમાવી શકે છે. જોકે, ડોક્ટરે હાલની પરિસ્થિતિમાં કોહલીને કોઈ ઓપરેશનની જરૂર નથી તેમ પણ જણાવ્યું હતું.

May 24, 2018

રોકાણકારોએ મિડ-કેપ શેરો માટે સાવધ રહેવું જોઈએ, કારણ કે તાજેતરના કરેક્શન બાદ પણ આ શેરો લાર્જ-કેપ શેરો કરતાં પ્રીમિયમે ટ્રેડ થાય છે. નિષ્ણાંતોના જણાવ્યા અનુસાર છેલ્લાં ત્રણ વર્ષમાં લાર્જ-કેપ શેરો કરતાં મિડ-કેપ શેરોમાં ચડિયાતું વળતર મળ્યું છે. આ વર્ષે આ ટ્રેન્ડ પલટાયો છે. આ બ્રોકરેજ હાઉસ હવે લાર્જ-કેપ શેરો પર ફોકસ કરવાની સલાહ આપે છે.

બીએસઇના મિડકેપ ઇન્ડેક્સમં 2018માં અત્યાર સુધી 11.7 ટકાનો ઘટાડો થયો છે, જ્યારે સેન્સેક્સમાં આ સમયગાળામાં 1.7 ટકાનો વધારો થયો છે. મિડકેપ ઇન્ડેક્સ નવ જાન્યુઆરીના રોજ 18,321.37ના અત્યાર સુધીના સર્વોચ્ચ સ્તરે સ્પર્શ્યો હતો. આ પછીથી તેમાં 14 ટકાનો ઘટાડો થયો છે. આમ છતાં બીએસઇનો મિડકેપ ઇન્ડેક્સ 46.5 ગણા પ્રાઇસ ટુ અર્નિંગ રેશિયોએ ટ્રેડ થાય છે. આની સામે સેન્સેક્સ 22.4ના પીઇ રેશિયોએ ટ્રેડ થાય છે.

ઘરેલુ ફંડ્સના મજબૂત નાણાપ્રવાહ વચ્ચે પણ મિડ-કેપ શેરોએ ઊતરતો દેખાવ કર્યો છે. માર્ચ 2018માં પૂરા થયેલા વર્ષમાં ચોખ્ખો નાણપ્રવાહ ₹36,200 કરોડ રહ્યો હતો, જે 2016-17ના નાણાકીય વર્ષમાં ₹21,400 કરોડ હતો. સિટી માને છે કે જો ઘરેલુ મ્યુચ્યુઅલ ફંડ્સના નાણાપ્રવાહમાં ઘટાડો થાય તો મિડ-કેપ શેરોમાં મોટું જોખમ આવી શકે છે.

એફઆઇઆઇની સતત વેચવાલી, પ્રીમિયમ વેલ્યુએશન અને નબળી આર્થિક સ્થિતિને કારણે પસંદગીનો અભિગમ અપનાવો. જો અર્નિંગમાં રિકવરી નહીં આવે તો બજારના ફંડામેન્ટલ સંપૂર્ણપણે ઘરેલુ નાણાપ્રવાહ પર આધારિત છે.

બજારમાં હંમેશા રસપ્રદ મિડ કેપ આઇડિયા હોય છે, પરંતુ એક કેટેગરી તરીકે તે મિડકેપ અંગે સાવધ વલણ ધરાવે છે અને તે લાર્જકેપ શેરોને વધુ પસંદ કરે છે. મિડકેપ ફોકસ્ડ ફંડ્સમાં રોકાણપ્રવાહ મજબૂત રહ્યો હોવા છતાં મિડકેપ શેરોમાં કરેક્શન આવ્યું છે.

May 24, 2018

ફ્રીલાન્સર્સ, સ્વરોજગારી ધરાવતા પ્રોફેશનલ્સ અને ઉદ્યોગસાહસિકો જાણે છે કે, આવક અનિયમિત હોય ત્યારે નાણાંનું મેનેજમેન્ટ મુશ્કેલ હોય છે. કારણ કે વ્યક્તિએ ખર્ચ નિયમિત રીતે કરવો પડે છે, પણ એ ખર્ચ માટે આવક નિશ્ચિત હોતી નથી. ઓપ્ટિમા મની મેનેજર્સના સીઇઓ પંકજ મઠપાલ જણાવે છે કે, અનિયમિત આવક ધરાવતા લોકોને ખર્ચનો અંદાજ હોય છે, આવકનો નહીં. એટલે જ તેમના માટે નાણાકીય આયોજન મુશ્કેલ બને છે.” જોકે, સમજણપૂર્વકના આયોજન સાથે આ પડકારનો સામનો કરી શકાય.

ઇમરજન્સી માટે સૌથી પહેલાં વ્યવસ્થા

વ્યક્તિએ ઇમરજન્સી ખર્ચ માટે સૌથી પહેલાં વ્યવસ્થા કરવી જરૂરી છે. એક વર્ષના ખર્ચ જેટલાં નાણાંની FD કરો અથવા લિક્વિડ ફંડમાં મૂકો. એક્સેલન્ટ એડ્વાઇઝર્સના ડિરેક્ટર પુનિત ઓબેરોયના જણાવ્યા અનુસાર સ્વરોજગાર કરતી વ્યક્તિએ એક વર્ષની આવક જેટલું કન્ટિન્જન્સી ફંડ બનાવવું જોઈએ. તેમાં વર્ષનો ઘરખર્ચ અને બિઝનેસના ફિક્સ્ડ ખર્ચ જેટલી રકમ રાખવી જોઈએ.

ઇમરજન્સી ફંડ ન હોય તો નાણાંની જરૂર પડે ત્યારે વ્યક્તિ એસેટ્સનું વેચાણ કરે છે. તેને લીધે મહત્ત્વના લક્ષ્યાંક માટેની ગણતરી ખોરવાઈ જાય છે. દર મહિને થતી આવકનું લક્ષ્યાંક આધારિત એસેટ એલોકેશન સ્ટ્રેટેજી પ્રમાણે રોકાણ કરવું જોઈએ. અન્ય રોકાણકારોની જેમ સ્વરોજગારમાં સક્રિય પ્રોફેશનલ્સે લાંબા ગાળાના લક્ષ્ય સિદ્ધ કરવા ઇક્વિટીનો ઉપયોગ કરવો જોઈએ. તાત્કાલિક જરૂરિયાત માટે લિક્વિડ અને ડેટ ફંડ્સ સારો વિકલ્પ છે. ઉપરાંત, રહેઠાણની ખરીદી જેવા મધ્યમ ગાળાના લક્ષ્ય માટે તેમાં નાણાં રોકી શકાય.

વ્યક્તિગત અને બિઝનેસ ખર્ચ અલગ રાખવા જોઈએ. TBNG કેપિટલના સ્થાપક અને સીઇઓ તરુણ બિરાનીએ જણાવ્યું હતું કે, “તમે પોતાની જાતને વેતન ચૂકવતા થઈ જશો ત્યારે તમે તેને અન્ય બિઝનેસ ખર્ચની જેમ ગણશો.

વ્યક્તિગત અને બિઝનેસ ખર્ચ અલગ રાખવાથી ફાઇનાન્શિયલ પ્લાન માટે સ્પષ્ટ ચિત્રનો ખ્યાલ આવશે. બિરાની SIPને બદલે તબક્કાવાર રોકાણની ભલામણ કરે છે. Oyepaisa.comના સ્થાપક ઉદય ધૂતના જણાવ્યા અનુસાર વ્યક્તિએ લઘુતમ રોકાણ કે બચતના કમિટમેન્ટની આદત રાખવી જોઈએ. ઉચ્ચક રકમનું રોકાણ લિક્વિડ ફંડ્સમાં કરવું હિતાવહ છે. ચોક્કસ લક્ષ્ય માટે આ પ્રકારના રોકાણની ટેવ રાખો.

નાણાકીય આયોજનને વળગી રહો

વ્યક્તિ નક્કી કરેલી યોજનાને વળગી ન રહે તો અસરકારક નાણાકીય આયોજન માટે ફાળવેલો સમય અને ઊર્જા નિરર્થક નીવડે છે. મઠપાલના જણાવ્યા અનુસાર “લોકો કમાય ત્યારે વધુ ખર્ચ કરે છે અને મુશ્કેલીના સમય માટે ખાસ બચત કરતા નથી. તેઓ પર્સનલ લોન કે ક્રેડિટ કાર્ડ દ્વારા ઊંચા વ્યાજે લોન લે છે.

આવી વ્યક્તિએ લાંબા ગાલાના નાણાકીય આયોજન સાથે વારંવાર સમાધાન કરવું પડે છે. એ વાત યાદ રાખો કે, અંકુશ વગરના ખર્ચા વ્યક્તિને જીવનના લાંબા ગાળાના આર્થિક લક્ષ્યમાંથી વિચલિત કરે છે.

બિરાનીના જણાવ્યા અનુસાર ઘણા લોકો રોકાણને ટૂંકા ગાળાની તકવાદી નજરથી જુએ છે. રોકાણમાં સાતત્યનો અભાવ તેના લાંબા ગાળાના લાભમાં સતત નુકસાન કરાવે છે.વ્યક્તિ લાંબા ગાળા માટે નાનું સિસ્ટમેટિક ઇન્વેસ્ટમેન્ટ કરે તો પણ તેના ભંડોળમાં નોંધપાત્ર વધારો થાય છે.

આવક વધારતા વિકલ્પો

અનિયમિત આવક ધરાવતી વ્યક્તિએ સતત આવક રળી આપતા વિકલ્પો પર ધ્યાન આપવું જોઇએ. ટૂંકા ગાળામાં વ્યક્તિની આવક પૂરતી ન હોય ત્યારે ઇમરજન્સી ભંડોળ તેને ટકાવી રાખવામાં મદદ કરે છે. જ્યારે આવકના અન્ય સ્રોત તેને સ્થિરતા આપે છે. મઠપાલના જણાવ્યા અનુસાર આવક રળી આપતી એસેટ્સ ઊભી કરો. જેમકે, વ્યાજની આવક, ડિવિડન્ડ આવક કે ભાડાની આવક આપતી રિયલ એસ્ટેટમાં રોકાણ કરો.

ઇન્શ્યોરન્સને અગ્રિમતા આપો

વ્યક્તિ માટે પૂરતો જીવન વીમો અને હેલ્થ ઇન્શ્યોરન્સ રાખવો ફરજિયાત છે. કારણ કે સ્વરોજગાર કરતી વ્યક્તિ પાસે અન્ય કર્મચારીઓની જેમ કંપની તરફથી ગ્રૂપ હેલ્થ અને લાઇફ ઇન્શ્યોરન્સ હોતો નથી. મહાનગરમાં જીવનસાથી અને બે બાળક સાથે રહેતી વ્યક્તિ માટે ઓછામાં ઓછું ₹5 લાખનું વીમાકવચ જરૂરી છે. દર પાંચ વર્ષે વીમાની રકમની સમીક્ષા કરી તેમાં વધારો કરવો હિતાવહ છે. જીવન વીમો વ્યક્તિની વાર્ષિક આવક કરતાં ઓછામાં ઓછો 10 ગણો હોવો જોઇએ.

May 24, 2018

સુપરસ્ટાર સલમાન ખાન તેની આગામી ઈદ પર રીલિઝ થઈ રહેલી ફિલ્મ રેસ-3 સાથે ફિલ્મ ડિસ્ટ્રીબ્યુશનના બિઝનેસમાં પણ ઝંપલાવશે.

સલમાને ફિલ્મ બજરંગી ભાઈજાન સાથે ફિલ્મ પ્રોડક્શન પણ શરૂ કર્યું હતું અને સલમાન ખાન ફિલ્મનું બેનર બનાવ્યું છે. રેસ-3માં સલમાનખાન સહ નિર્માતા તો છે જ અને હવે સલિમ ખાનના નામે તે આ ફિલ્મનું ડિસ્ટ્રીબ્યુશન કાર્ય પણ સંભાળશે. સલમાનના પિતા સલિમ ખાન પોતે પણ આ બિઝનેસ પર નજર રાખી રહ્યા છે.

સલમાનની આગામી મલ્ટિસ્ટારર ફિલ્મ માટે બે ડિસ્ટ્રીબ્યૂટર મેદાનમાં હતા પણ આ ફિલ્મનું ડિસ્ટ્રીબ્યુશન સલમાને પોતે જ કરવાનું નક્કી કર્યું છે. આ ફિલ્મનું ટ્રેઈલર અને એક સોંગ રીલિઝ થઈ ગયું છે અને તેને ખુબ જ સારો પ્રતિસાદ પણ સાંપડ્યો છે તે જોતા ઈદના તહેવારે રીલિઝ થનારી આ થ્રિલર ફિલ્મને સારો પ્રતિસાદ મળવાની સંભાવના છે.

આ ફિલ્મ રેમો ડિસુઝાએ ડિરેક્ટ કરી છે અને રમેશ તોરાની આ ફિલ્મના સહ નિર્માતા છે.

May 24, 2018

શું તમે ક્યારેય કોઈ એવી મહિલા જોઈ છે કે જેની ઓફિસ અને ટેબલ પરસેક્સ ટોયઝની ભરમાર હોય? જોકે, આ વિચિત્ર વાત બ્રિટનમાં રહેતી કારા હ્વેલબેકના કેસમાં સાચી પડે છે. કારણકે, તે એક એવા રેર વ્યવસાય સાથેસંકળાયેલી છે કે જેમાં તેને પોતાના ઓફિસ

અવર્સ સેક્સ ટોય્ઝ સાથે જ વિતાવવાપડે છે.

કારા એક પ્રોફેશનલ સેક્સ ટોય ટેસ્ટર છે. તેનું કામ સેક્સ ટોય્ઝને ચકાસવાનું છેઅને તે તેની ચકાસણી કર્યા બાદ તેને મંજૂરીની મ્હોર મારે ત્યારબાદ જ સેક્સ ટોયબજારમાં વેચાણ માટે મુકાય છે. ડેલી મેલના એક અહેવાલ અનુસાર, પોતાના આકામ દરમિયાન કારાને મહિનામાં 15વાર ઓર્ગેઝમનો અનુભવ થાય છે અને તેનેતેના માટે વર્ષે 27 હજાર ડોલર એટલે કે, 16 લાખ રૂપિયા જેટલું વેતન મળે છે. તે દર સપ્તાહે સાત કલાક સેક્સ ટોય ચેક કરવામાં વિતાવે છે.

કારાને બે બાળકો પણ છે અને તે સેક્સ ટોય્ઝ પર બ્લોગ પણ લખે છે. તેનું મુખ્યકામ સેક્સ ટોયની કુશળતા તપાસવાનું છે. સેક્સ ટોય બનાવનારી કંપનીઓ તેનીપાસે પોતાની પ્રોડક્ટ ચેક કરાવે છે. તેની ઓફિસમાં દરેક સમયે 2000 સેક્સ ટોય ઉપલબ્ધ હોય છે. તેને પોતાનું કામ ખુબ જ પસંદ છે.

કારાનું કહેવું છે કે, તે કયું સેક્સ ટોય સસ્તું પડશે અને કયું સેક્સ ટોય સર્વોત્તમ છે તે સારી રીતે જાણે છે.

May 24, 2018

ભારતમાં બાળમંજુરી કરતા તથા શોષણનો ભોગ બનતા બાળકોને તેમના હક્કો અપાવવા તથા આરોગ્‍ય, શિક્ષણ તેમજ બાળપણનો આનંદ મેળવી શકે તે માટે કાર્યરત નોનપ્રોફિટ ‘‘ચાઇલ્‍ડ કનિદૈ લાકિઅ રાઇટસ એન્‍ડ યુ અમેરિકા (CRY)”ના ઉપક્રમે પ મે ૨૦૧૮ના રોજ બીજો વાર્ષિક ફંડ રેઇઝર ગાલા પ્રોગ્રામ યોજાઇ ગયો.

પ્રોગ્રામ અંતર્ગત છેલ્લા ૧૫ વર્ષ દરમિયાન CRY દ્વારા ભારતના ૩૬૭૬ ગ્રામ્‍ય વિસ્‍તારોના ૭ લાખ જેટલા બાળકો માટે આરોગ્‍ય, શિક્ષણ,પોષણ, તથા હક્કો માટે કરાયેલી પ્રવૃતિઓનો સ્‍લાઇડ શો દર્શાવાયો હતો. બાદમાં સાંજે બોલીવુડ ડાન્‍સ સહિત વિવિધ મનોરંજન પ્રોગ્રામ યોજાયા હતા. ગાલા ફંડ રેઇઝીંગ પ્રોગ્રામ અંતર્ગત નક્કી કરાયેલા ૫૦ હજાર ડોલરનું ફંડ ભેગુ કરવાના લક્ષ્યાંક કરતાં વધુ રકમ ભેગી થઇ હોવાનું જાણવા મળે છે.

સાન જોસ, કેલિફોર્નિયામાં ક્રાઉન પ્‍લાઝા ખાતે યોજાયેલા આ પ્રોગ્રામમાં સેલિબ્રીટી ગેસ્‍ટ તરીકે બોલીવુડ એકટર અભય દેઓલએ હાજરી આપી હતી. ઉપરાંત CRY અમેરિકા પ્રેસિડન્‍ટ શેફાલી સુંદરલાલ તથા ડો.શંભુનાથ, ડો. રોલી સિંઘ, સહિત ૧૦૦ જેટલા આમંત્રિતો હાજર રહ્યા હતા.

May 24, 2018

ફ્લાઇંગ-ઑફિસર અવનિ ચતુર્વેદી ફાઇટર પ્લેન ઉડાડનાર પહેલી મહિલા પાઇલટ બન્યા છે.

ફ્લાઇંગ-ઑફિસર અવનિ ચતુર્વેદીએ એ ગુજરાતના જામનગર ઍરબેઝથી ૩૦ મિનિટ માટે રશિયન બનાવટનું મિગ-૨૧ બિસન પ્લેન ઉડાડીને ઇતિહાસ રચી દીધો હતો. તે ફાઇટર પ્લેન ઉડાડનાર પહેલી મહિલા પાઇલટ બની છે. ઇન્ડિયન ઍરફોર્સના કાફલામાં સૌથી જૂનું મિગ-૨૧ બિસન ઉડાડવું ઘણું અઘરું કાર્ય મનાય છે. મધ્ય પ્રદેશમાં જન્મેલી અવનિ આગામી છ મહિનામાં ફાઇટર પ્લેનની જટિલતાઓનો અભ્યાસ કરીને એનો યુદ્ધમાં કઈ રીતે ઉપયોગ કરી શકાય એની તાલીમ મેળવશે.

May 24, 2018

નીરવ મોદી, વિજય માલ્યા અને લલિત મોદીની જમાતના બીજા ઘણા લોકો છે

nirav1

પોલીસને હંફાવનારા ફ્રૉડસ્ટર્સની યાદી ફક્ત નીરવ મોદી, વિજય માલ્યા અને લલિત મોદી પૂરતી મર્યાદિત નથી.

CBI અત્યારે આ ત્રણને શોધી રહી છે, પરંતુ મુંબઈ પોલીસની ઇકૉનૉમિક ઑફેન્સિસ વિંગ (EOW)ના અધિકારીઓએ ૨૦૧૫થી ૨૦૧૭ સુધીમાં ૧૯,૬૭૧ કરોડ રૂપિયાની છેતરપિંડીના ૨૮૩ કેસ નોંધ્યા છે. જોકે આટલી રકમમાંથી ઇન્વેસ્ટર્સના ફક્ત ૨.૫૦ કરોડ જ રૂપિયા વસૂલ કરી શક્યા છે.

એ તમામ કેસોમાં ફરાર ગુનેગારો અને આરોપીઓને સજા ફરમાવવાના સાવ ઓછા પ્રમાણથી EOW પરેશાન છે. ૨૦૧૫થી ૨૦૧૮ની ૯ ફેબ્રુઆરી સુધીમાં કોર્ટમાં ફાઇલ કરવામાં આવેલા ૮૦ કેસમાંથી ફક્ત ૨૦ કેસમાં આરોપીઓને સજાના આદેશો આપવામાં આવ્યા છે. ૬૦ કેસમાં આરોપીઓને દોષમુક્ત જાહેર કરીને છોડવામાં આવ્યા છે. આ ઉપરાંત EOWમાં જરૂરિયાતના પ્રમાણમાં કર્મચારીઓની તંગીને લીધે કામગીરી વધારે મુશ્કેલ બને છે.

nirav2

ઍક્ટિવિસ્ટ જિતેન્દ્ર ઘાડગેએ રાઇટ ટુ ઇન્ફર્મેશન (RTI) ઍક્ટ હેઠળ કરેલી અરજીના જવાબમાં મહત્વની માહિતી પ્રાપ્ત થઈ હતી. જિતેન્દ્ર ઘાડગેએ જણાવ્યું હતું કે ‘આવા ગુનેગારોને ડામવામાં કાયદો સફળ થયો નથી. હવે તો લોકોના પૈસા લઈને નાસી જવાનો અને પછી રફુચક્કર થઈ જવાનો નવો ટ્રેન્ડ શરૂ થયો છે. આર્થીક ગુના રોકવા માટે વધારે સખત કાયદાની જરૂર છે.’

નૅશનલ ક્રાઇમ રેકૉર્ડ્સ બ્યુરોની વિગતો પ્રમાણે છેલ્લા એક દાયકામાં દેશમાં આર્થીક અપરાધોમાં ૮૦ ટકા વધારો થયો છે. ૨૦૦૬માં આર્થીક અપરાધોનો દર ૧,૦૦,૦૦૦ લોકોમાં ૬.૬નો હતો એ ૨૦૧૫માં ૧૧.૯ પર પહોંચ્યો હતો.

nirav

૫૦ લાખ રૂપિયા કરતાં વધારે રકમના મોટા આર્થીક ગુનાના કેસ મુંબઈ પોલીસ EOWને સોંપે છે. જોકે તાજેતરનાં વર્ષોમાં EOW સામે કેસોનો ખડકલો થતો જાય છે અને બીજી બાજુ સ્ટાફની તંગી છે. એ કેસોના મોટા ભાગના અપરાધીઓ ફરાર થઈ ગયા છે. જે પકડાય છે તેમને સજાનું પ્રમાણ સાવ ઓછું છે. છેતરપિંડીમાં લોકોએ ગુમાવેલી રકમમાંથી રિકવરીનું પ્રમાણ પણ નહીંવત છે.

May 24, 2018

અમદાવાદની ભદ્ર ખાતે તૈયાર થઇ રહેલી નવ માળની મલ્ટીસ્ટોરીડ સેશન્સ કોર્ટનું કામ અંતિમ તબક્કામાં ચાલી રહ્યું છે, આગામી 4 મહિનામાં કોર્ટના ફર્નિચર સહિતની જગ્યાનું કામ પૂર્ણ કરવામાં આવશે અને ત્યારબાદ તે વકીલોને બેસવા ફાળવી દેવાશે. નવ નિર્મિત નવ માળની સેશન્સ કોર્ટમાં ગ્રાઉન્ડ તથા ફર્સ્ટ ફ્લોર વકીલોની બેઠક વ્યવસ્થા હશે. બીજા માળે સ્મોલકોઝ કોર્ટ, ત્રીજા માળે સિવિલ કોર્ટ અને ચોથા માળથી સેશન્સ કોર્ટ કાર્યરત થશે. નવમા માળે કોન્ફરન્સ માટે વ્યવસ્થા ગોઠવવામાં આવી છે. જ્યારે વકીલો અને પક્ષકારો માટે 8 લિફ્ટની વ્યવસ્થા કરાઇ છે. જૂની સેશન્સ કોર્ટ ખાતે પાર્કિંગ માટે મોટા પ્રશ્નો હતો પરંતુ નવી કોર્ટમાં જિલ્લા પંચાયતની સામે મેઇન ગેટ હશે અને આસપાસના કંપાઉન્ડમાં 250 જેટલી કાર પાર્ક થઇ શકશે ઉપરાંત હજાર જેટલા ટુ વ્હીલર જ્યારે જજ અને જ્યુડિશિયલ ઓફિસરો માટે ભોંયરામાં પાર્કિંગની વ્યવસ્થા કરવામાં આવી છે. આ ઉપરાંત રિવરફ્રન્ટ ખાતે પણ પક્ષકારો તથા અન્ય લોકો પાર્કિંગ કરી શકશે. જે માળ પર કોર્ટ આવેલી હશે તે તમામ માળ પર વકીલોને બેસવા માટે (વેઇટિંગરૂમ) ઉપરાંત અસીલો, પોલીસ, કેદી માટે પણ બેસવા માટે ખુરશી, પંખા, ઠંડુ પાણી સહિતની વ્યવસ્થા કરવામાં આવી છે. જૂની સેશન્સ કોર્ટમાં કોર્ટ રૂમ નાના હતા અને તેમાં બેઠક વ્યવસ્થા મર્યાદિત હતી. પરંતુ નવી સેશન્સ કોર્ટમાં દરેક કોર્ટમાં 50થી 60 લોકો બેસી શકે તે માટે ખુરશીની વ્યવસ્થા રાખવામાં આવી છે. જ્યારે કેદીઓ માટે પણ અલગ જગ્યાની ફાળવણી કરાઇ છે. ઉપરાંત પેપર લેસ કોર્ટ બનાવવા માટે દરેક કોર્ટમાં લેપટોપ અને વાઇફાઇ મળે તે માટે અલગ પોર્ટની અલાયદી વ્યવસ્થા છે. આ ઉપરાંત કેદીને વીડિયો કોન્ફરન્સથી રજૂ કરી શકાય તે માટે વિીડિયો કોન્ફરન્સ માટે પણ જુદી વ્યવસ્થા કરી દેવામાં આવી છે.

નવી સિટી સિવિલ એન્ડ સેશન્સ કોર્ટમાં વકીલોને યોગ્ય વ્યવસ્થા માટે અત્યારથી જ કવાયત હાથ ધરાઈ છે. નવ માળની નવી સેશન્સ કોર્ટ વકીલો, અસીલો, પોલીસ, જજ, કેદી સહિતના લોકો માટે વિશેષ આધુનિક સુવિધાથી સજ્જ હશે. જેમાં વાઇફાઇ, વીડિયો કોન્ફરન્સ, બેસવાની વ્યવસ્થા સહિતના મુદ્દાઓને સમાવેશ થાય છે.

સેશન્સ કોર્ટ ભદ્ર ખસેડાતા ફેમિલી કોર્ટ (હાલ જ્યાં સેશન્સ કોર્ટ કાર્યરત છે)માં ભીડ ઘટશે.

Newer Posts

Older Posts

Blog - Page 702 of 709 - CIA Live

પાકીસ્તાનના રાવલપિંડીના કૃષ્ણ મંદિરના જિર્ણોદ્ધાર માટે બે કરોડ ફાળવાયા

કોહલીને સ્લિપ ડિસ્કની સમસ્યા અંગે મતમતાંતર, જોકે ઇંગ્લિશ કાઉન્ટી નહીં રમે

શેર ઇન્ડેક્ષમાં ધોવાણ પછી પણ મિડ-કેપ્સ શેરો મોંઘાદાટ

મંદીનો માહોલ છે, અનિયમિત આવકવાળાઓએ ફાઇનાન્સ મેનેજમેન્ટ કરવું જરૂરી

‘રેસ-3’ સાથે સલમાન ખાન ફિલ્મ ડિસ્ટ્રીબ્યૂટર બનશે

ગજબની નોકરી! સેક્સ ટોયને ચેક કરી લાખોની કમાણી

ભારતના ચાઇલ્ડ લેબર વેલ્ફેર માટે અમેરિકામાં ફંડ રેઇઝ થયું

મળો ભારતના પહેલા વુમન ફાઇટર પાઇલટને….

રઇશોના ફ્રૉડના ૨૮૩ કેસમાં રૂ.૧૯,૬૭૧ કરોડનું જંગી સ્કૅમ

અમદાવાદના ભદ્ર ખાતે 9 માળની મલ્ટીસ્ટોરીડ સેસન્સ કોર્ટ