ઇડરના ખોડમ ગામે ઓરી-રૂબેલાની રસીકરણના 30 કલાક બાદ કિશોરીનું મોત

રાજ્યભરમાં સરકાર દ્વારા ઓરી રૂબેલા વિરોધી રસીકરણ ઝુંબેશ કાર્યક્રમ ચાલી રહ્યો છે. ત્યારે ઇડર તાલુકાના ફીંચોડ હાઇસ્કૂલમાં ખોડમ ગામની 15 વર્ષિય કિશોરી સ્નેહા જીતેન્દ્રસિંહ રાઠોડને રસી આપવામાં આવી હતી. રસી લીધા પછી 30 કલાકમાં કિશોરીનું મોત નીપજ્યું આરોગ્ય તંત્ર દોડતું થયું હતું. કિશોરી સાથે 577 બાળકોને પણ રસી આપવામાં આવી હતી.

ઇડર તાલુકાના ખોડમ ગામમાં ઓરી-રૂબેલાની રસી લીધા બાદ 30 કલાક પછી 15 વર્ષિય કિશોરીનું મોત નીપજતા ખળભળાટ મચી ગયો હતો. પરિવારજનોના કહેવા મુજબ રસી લીધા બાદ કિશોરીને ચક્કર આવવા લાગ્યા હતા.

ઊંઘ આવી હતી અને ત્યારબાદ પેટમાં દુ:ખાવા સાથે ઊલટીઓ શરૂ થઇ હતી. જે પછી તેને હોસ્પિટલમાં સારવાર માટે લઇ જતા મોત નીપજ્યુ હતું. જિલ્લા આરોગ્ય અધિકારી જણાવ્યું હતું કે રૂબેલાના વાયરસથી તાવ પણ આવતો નથી. પ્રોટીનથી રિએક્ષન આવવાનું હોય તો મહત્તમ અડધા પોણા કલાકમાં આવી જાય છે.

ઘટનાને અંગે સમગ્ર પંથમમાં ચકચાર મચી ગઈ છે. જો કે, પરિવારજનોએ દીકરીનું પી.એમ કરાવ્યું હોત તો મોત રસીથી થયું છે કે અન્ય કોઈ કારણથી તેની જાણ થઇ જાત. કિશોરીના પિતાએ આ અંગે જણાવતા કહ્યું કે, રસીના કારણે તે આખી લાલ થઈ ગઈ હતી. સવારમાં શરીર પીળું પડી ગયું હતું. તેને બીજી કોઈ તકલીફ ન હતી પરંતુ રસી આપ્યા પછી થયું હોય એવું લાગે છે.