CIA ALERT

ફ્લાઇટ વહેલી ઉપડી એટલે તેમાં બૉમ્બ હોવાની ધમકી આપી કોરીયોગ્રાફરએ

Share On :

જયેશ બ્રહ્મભટ્ટ

ડાન્સ રિયલિટી શોના કોરિયોગ્રાફર મોહિતકુમાર ટાકનું પરાક્રમ, છેવટે જયપુર એરપોર્ટ પરથી પકડી લેવાયો

ઇન્ડિગો ઍરલાઇન્સની જયપુરથી મુંબઈની ફ્લાઇટ ચૂકી ગયા પછી એ પ્લેનમાં બૉમ્બ મુકાયો હોવાની ખોટી માહિતીને કારણે ભારતના નાગરીક ઉડ્ડયન ક્ષેત્રમાં ભારે અફરાતફરી મચી જવા પામી હતી. મોટાભાગના એરપોર્ટ એલર્ટ મોડ પર આવી ગયા હતા. જોકે, થોડી મિનીટોમાં એ વાત ક્લીયર થઇ ગઇ હતી કે જયપુરથી મુંબઇની જે ફ્લાઇટમાં બોંબ મૂકાયો હોવાનો ફોન આવ્યો હતો એ માત્ર અફવા જ હતી.

ઇન્ડિગો ઍરલાઇન્સની જયપુરથી મુંબઈની ફ્લાઇટ પ્લેનમાં બૉમ્બ મુકાયાની ખોટી માહિતી આપતા ફોનના સમયગાળામાં જયપુરથી ઉપડેલી ફ્લાઇટ મુંબઈ ઍરપોર્ટ પર લૅન્ડિંગની તૈયારીમાં હતી. લૅન્ડિંગ પછી પ્લેનનો અખત્યાર સિક્યૉરિટી એજન્સીઝે લઈ લીધો હતો અને ત્રણ કલાક સુધી તપાસ કર્યા બાદ આગળના શેડ્યુલ્ડ ઑપરેશન્સ માટે ફ્લાઇટને ક્લિયર કરી હતી.

દરિમયાન ઇન્ડિગો ઍરલાઇન્સની જયપુરથી મુંબઈની ફ્લાઇટ ચૂકી ગયા પછી એ પ્લેનમાં બૉમ્બ મુકાયો હોવાની ખોટી માહિતી આપનારને તા.20મી જૂનના રોજ CISFના અધિકારીઓએ જયપુર ઇન્ટરનૅશનલ ઍરપોર્ટ પર પકડી પાડ્યો હતો. એ વ્યક્તિ બીજું કોઇ નહીં પરંતુ, ટીવી પર આવતા રિયાલિટી શૉમાં કોરીયોગ્રાફર તરીકે કામ કરતા મોહિતકુમાર ટાક હતો. ડાન્સ રિયલિટી શોના કોરિયોગ્રાફર ૨૪ વર્ષના મોહિતકુમાર ટાંકે બુધવારે પરોઢિયે પાંચ વાગ્યાની જયપુરથી મુંબઈની ફ્લાઇટ ૬-E૨૧૮ રવાના થયા પછી સાડાપાંચ વાગ્યે ઇન્ડિગો ઍરલાઇન્સના ગુડગાંવ સ્થિત કૉલસેન્ટરમાં ફોન કરીને એ ફ્લાઇટમાં બૉમ્બ મુકાયો હોવાનું જણાવ્યું હતું.

પોલીસે તેને ઝડપીને પૂછપરછ કરતા મોહિતકુમારે કહ્યું કે તે ફ્લાઇટ ચૂકી ન જાય તે માટે આવું કર્યું હતું.  CISFએ તેને પકડી પાડ્યા બાદ સાંગાનેર પોલીસ-સ્ટેશનને સુપરત કર્યો હતો.

મોહિત કહે છે ફ્લાઇટ વહેલી ઉપડી ગઇ હતી
મોહિતકુમાર ટાંકનું કહેવું હતું કે ફ્લાઇટનો સમય પાંચ વાગ્યાનો હતો, પરંતુ ૪.૫૨ વાગ્યે રવાના થઈ ગઈ હતી. CISFના અધિકારીઓએ જણાવ્યું હતું કે ‘મોહિત સમયસર ઍરપોર્ટ પર પહોંચી ન શક્યો એટલે તેણે ગુડગાંવ કૉલ સેન્ટરમાં ફોન કરીને જયપુરથી મુંબઈની ફ્લાઇટ નંબર ૬-E૨૧૮માં બોમ્બ મૂકવામાં આવ્યો હોવાની માહિતી આપી હતી.

Share On :

આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944


You Can Find us on Google Play store too : Download Now

Leave a Reply

Your email address will not be published. Required fields are marked *

Share On :
Print Friendly, PDF & Email

Share On :