સ્વતંત્રતા પર્વે બેસ્ટ પોલીસ કોન્સ્ટેબલનો એવોર્ડ લેનાર બીજા જ દિવસે લાંચ લેતા ઝડપાયો

પોલીસ તંત્રમાં કેટલી હદે સડો પેસી ગયો છે તેનો વધુ એક દાખલો તિલંગાણામાં બન્યો છે. ગઇ તા.15મી ઓગસ્ટ 2019ના રોજ સ્વતંત્રતા પર્વે પોલીસ જવાનોને બહુમાનિત કરવામાં આવે છે. આવા જ એક કાર્યક્રમમાં તેલંગાણામાં સ્વતંત્રતા દિવસ પર પોતાના જિલ્લામાં ‘બેસ્ટ કોન્સ્ટેબલ’નો પલ્લે તિરુપથી રેડ્ડી નામના કોન્સ્ટેબલને એક જાહેર કાર્યક્રમમાં એનાયત કર્યો હતો.

હજુ તો એવોર્ડ મળ્યાના માંડ ચોવીસ કલાક થયા હશે ને આ જ કોન્સ્ટેબલ મહાશય પલ્લે તિરુપથી રેડ્ડી લાંચ લેતા રંગે હાથ પકડાઇ જવા પામ્યા હતા. એન્ટી કરપ્શન બ્યૂરોએ શુક્રવારે પી. તિરુપતિ રેડ્ડીને તેલંગાણાના મહેબૂબનગર જિલ્લામાં એક રેતીના વેપારી પાસેથી 17,000 રૂપિયા લાંચમાં લેતા પકડી લીધો હતો.

આ પોલીસ કોન્સ્ટેબલ કથિત રૂપે રેતીના વિપારીને તેનું ટ્રેક્ટર જપ્ત કરવાની ધમકી આપી રહ્યો હતો. અને પૈસા ન આપવા પર તેને ખોટા આરોપમાં ફસાવી દેવાની ધમકી પણ આપી હતી. આ બાદ વેપારીએ ACBમાં ફરિયાદ કરી અને જાળ પાથરીને કોન્સ્ટેબલને લાંચ લેતા રંગે હાથ પકડી લીધો.

ACBએ કોન્સ્ટેબલની ધરપકડ કરી અને તેને સ્પેશિયલ કોર્ટમાં રજૂ કર્યો હતો.

15મી ઓગસ્ટ 2019ના રોજ બેસ્ટ પોલીસ કોન્સ્ટેબલનો એવોર્ડ મળ્યો

એવોર્ડના બીજા જ દિવસે લાંચ લેતા ઝડપાઇ ગયો