વર્લ્ડ કપમાં શકિબનો અદ્ભુત દેખાવ
વર્લ્ડ કપમાં વિશ્વનો નંબર વન ઓલરાઉન્ડર બંગલાદેશનો શકિબ અલ હસન અદભૂત પ્રદર્શન કરી રહયો છે. ખાસ કરીને તેના બેટમાંથી સતત રન નીકળી રહયા છે. શકિબની અણનમ સદીથી બંગલાદેશે ગઇકાલના મેચમાં વેસ્ટ ઇન્ડિઝને 7 વિકેટે હાર આપી હતી. બંગલાદેશે પાવર બેટિંગ કરીને 322 રનનો વિજય લક્ષ્યાંક 3 વિકેટ ગુમાવીને 41.3 ઓવરમાં જ કરી લીધો હતો.
બંગલાદેશની રનનો પીછો કરતા આ સૌથી મોટી જીત છે. 99 દડામાં અણનમ 124 રન અને બે વિકેટ લેનાર શકિબ મેન ઓફ ધ મેચ બન્યો હતો. મેચ બાદ તેણે કહયું હતું કે આ એક અદભૂત અહેસાસ છે. આખર સુધી વિકેટ પર ટકી રહીને ટીમને જીત અપાવી સૌથી સંતોષજનક અહેસાસ છે. હું પાછલા દોઢ મહિનાથી મારી બેટિંગ પર મહેનત કરી રહયો હતો. હવે ખુશ છું કે મહેનત રંગ લાવી છે. મેં વિચાર્યું ન હતું કે વિશ્વ કપમાં મને નંબર ત્રણ પર બેટિંગ પર મોકો મળશે.
વનડાઉનમાં આવવાથી મને સેટ થવાનો મોકો મળે છે. અમારે સેમિ ફાઇનલની આશા જીવંત રાખવા હવે પછીના મેચમાં ઓસ્ટ્રેલિયા સામે શ્રેષ્ઠ પ્રદર્શન કરવું પડશે. શકિબના વિશ્વ કપમાં કુલ 382 રન થયા છે અને સૌથી વધુ રન કરનારા બેટધરોની સૂચિમાં તે પહેલા નંબર પર આવી ગયો છે. તેના પછી ઓસ્ટ્રેલિયાનો સુકાની એરોન ફિંચ છે. તેણે 5 ઇનિંગમાં 343 રન બનાવ્યા છે. શકિબની વર્તમાન વિશ્વ કપમાં ચાર ઇનિંગમાં આ મુજબનો સ્કોર છે. 75, 64, 121 અને અણનમ 124. પ્લેયર ઓફ ધ ટૂર્નામેન્ટની રેસમાં પણ તે સૌથી વધુ પોઇન્ટ સાથે આગળ ચાલી રહ્યો છે.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now
