મુંબઇ અને સુરતમાં ભીષણ આગની ઘટનાઓ
આજે સવારથી એક તરફ મુંબઇમાં વરસાદી માહોલની ચર્ચા હતી તો બીજી તરફ ફોર્ટ વિસ્તારમાં આવેલી જુની અને જાણીતી ઇમારત કોઠારી મેન્સનમાં ભીષણ આગ ભભૂકી ઉઠી હતી. મુંબઇની આ આગે નેશનલ ન્યુઝ ચેનલ્સ પર સ્થાન જમાવ્યું હતું તો સાથોસાથ સુરતના પાંડેસરા વિસ્તારમાં શાલુ મિલમાં શુક્રવારે મધરાતથી ભભૂકી ઉઠેલી આગને પગલે ભારે દોડધામ મચી જવા પામી હતી. આમ શનિવારે આખો દિવસ મુંબઇ અને સુરતમાં આગની ઘટનાઓ ટોક ઓફ ધ ટાઉન રહી હતી.
સુરતના પાંડેસરાની સાલુ ડાઇંગમાં લાગેલી આગની તસ્વીરો
સુરતના પાંડેસરાની સાલુ ડાઇંગમાં લાગેલી આગની તસ્વીરો
સુરતના પાંડેસરાની સાલુ ડાઇંગમાં લાગેલી આગની તસ્વીરો
પાંડેસરા જીઆઇડીસી ખાતે આવેલી શાલુ ડાઇંગ એન્ડ પ્રિન્ટિંગ મિલમાં શુક્રવારે રાત્રે ભયંકર આગ ફાટી નીકળી હતી, અાગની ઘટનાને પગલે સ્લેબમાં પડેલા ગાબડાના કાટમાળ નીચે લેબર દબાય ગયા હતા. આગ એટલી ભીષણ હતી કે તેની જવાળાઓની લપેટમાં બાજુની મિલમાં પણ આગ લાગી જવા પામી હતી. ગંભીરતા પારખીને ફાયર બ્રિગેડએ આ ઘટનાને બ્રિગેડ કોલ જાહેર કરીને યુદ્ધના ધોરણે બચાવ-રાહતની કામગીરી હાથ ધરી હતી.
આજે શનિવારના પણ આગ ઉપર કાબુ મેળવી શકાયો ન હતો, સ્લેબ પડતા દબાયેલા મજૂરોને ફાયર દવારા બહાર કાઢી નવી સિવિલ હોસ્પિટલમાં દાખલ કરવામાં આવ્યા હતા. સાંસદ સી.આર.પાટીલ પણ ઘટના સ્થળે દોડી ગયા હતા.
મુંબઈ: કોઠારી મેંશનમાં ભીષણ આગ
મુંબઈ: કોઠારી મેંશનમાં ભીષણ આગ, બિલ્ડિંગનો એક હિસ્સો ધરાશાયી
મુંબઈનાં ફોર્ટ વિસ્તારમાં એક છ માળની પ્રખ્યાત બિલ્ડિંગ કોઠારી મેંશનમાં શનિવારે વહેલી સવારે વિકરાળ આગ ભભૂકી ઉઠી હતી. આગે એટલું વિકરાળ સ્વરૂપ ધારણ કર્યું છે કે બિલ્ડિંગનો એક ભાગ સંપૂર્ણ રીતે ધરાશાયી થઈ ગયો છે. આગ પર કાબુ મેળવવા માટે ફાયરબ્રિગેડની ૧૬ ગાડીઓ અને ૧૧ જંબો ટેંકર યુદ્ધના ધોરણે કામે લગાડવામાં આવ્યા હતા. જો કે, બિલ્ડિંગમાં લાગેલી આગ એટલી હદ સુધી પ્રસરી ગઈ છે કે તેના પર સંપૂર્ણ કાબુ મેળવવો અશક્ય છે. આગ પર કાબુ મેળવવાની કામગીરીમાં બે ફાયરબ્રિગેડનાં બે કર્મચારીઓ ઈજાગ્રસ્ત થયા છે. સવારે ૪.૧૬ વાગ્યે આગ લાગી હોવાની અંગેની જાણકારી ફાયરબ્રિગેડને કરવામાં આવી હતી. જેની આઠ મિનિટની અંદર જ ફાયરબ્રિગેડ ઘટના સ્થળે પહોંચી ગઈ હતી.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now