દેશનાં 400 રેલ્વે સ્ટેશન પર Googleની મફત ઇન્ટરનેટ સેવા : યાદી વાંચવા ક્લીક કરો

ઈન્ટરનેટ અને ટેક્નોલૉજી કંપની ગૂગલ ઇન્ડિયાની સત્તાવાર યાદીમાં જણાવાયું છે કે રેલટેલની મદદથી ભારતનાં ૪૦૦ રેલ્વે સ્ટેશનો પર મુસાફરો માટે 30 મિનિટ માટે બિલકુલ મફતમાં  Wifi ઇન્ટરનેટ સુવિધા પૂરી પાડવાનું ઇન્ફ્રાસ્ટ્રક્ચર ઇન્સ્ટોલ કરી દીધું છે. ડિજિટલ ઇન્ડિયા કાર્યક્રમ અંતર્ગત જાન્યુઆરી ૨૦૧૬માં મુંબઈ સેન્ટ્રલ રેલ્વે સ્ટેશનથી ફ્રી ઇન્ટરનેટ મિશનનો આરંભ કરવામાં આવ્યો હતો. આસામનાં ડિબ્રુગઢ રેલવે સ્ટેશન તા.7મી જૂન 2018ના રોજ ભારતનું ૪૦૦મું રેલ્વે સ્ટેશન બન્યું છે.

ગૂગલે જણાવ્યું કે કાર્યક્રમની શરૂઆતનાં પહેલા વર્ષની અંદર દેશનાં ૧૦૦ સૌથી વ્યસ્ત રેલ્વે સ્ટેશનો પર તેની શરૂઆત કરી દેવાઈ હતી. આવું પહેલી વખત બન્યું છે કે દરરોજ ૧૫ હજાર લોકો ઈન્ટરનેટનો મફકમાં લાભ ઉઠાવી શક્યા હોય. આ મફત વાઈફાઈ સેવા અંતર્ગત દરેક વ્યક્તિ પહેલો અડધો કલાક ફ્રીમાં વાઈફાઈની સુવિધા મેળવી શકશે. અડધા કલાક સુધી ઈન્ટરનેટનાં વપરાશ પર વ્યક્તિએ એક પણ રૂપિયો ચાર્જ ચુકવવાનો રહેતો નથી.