ભારતમાં સૌથી વધુ FDI સિંગાપોરથી
દેશમાં વિદેશી રોકાણ મુદ્દે સિંગાપોરે સતત ત્રીજા નાણાકીય વર્ષમાં ૧૭.૪૧ અબજ ડોલર રોકાણ સાથે ટોચનુ સ્થાન જાળવી રાખ્યુ છે. જ્યારે બીજા ક્રમે મોરિશિય્સનુ સ્થાન અમેરિકાએ લીધુ છે. ૨૦૨૦-૨૧ દરમિયાન અમેરિકાએ ૧૩.૮૨ અબજ ડોલરનુ રોકાણ કર્યુ છે.
ડીપીઆઈઆઈટી દ્રારા જારી આંકડાઓ અનુસાર, ગત નાણાકીય વર્ષમાં મોરિશિય્સે ભારતમાં ૫.૬૪ અબજ ડોલરનુ રોકાણ કર્યુ હતું. જ્યારે યુઈએ દ્રારા ૪.૨ અબજ ડોલર, સાયમન આઈલેન્ડમાંથી ૨.૭૯ અબજ ડોલર, નેધરલેન્ડમાંથી ૨.૭૮ અબજ ડોલર, યુકેમાંથી ૨.૦૪ અબજ ડોલર, જાપાનમાંથી ૧.૯૫ અબજ ડોલર, જર્મનીમાંથી ૬૬૭ મિલિયન ડોલર અને સાયપ્રસમાંથી ૩૮૬ મિલિયન ડોલરનુ રોકાણ નોંધાયુ છે.
આ સાથે ૨૦૨૦-૨૧માં એકંદરે કુલ વિદેશી સીધુ રોકાણ ૧૯ ટકા વધી ૫૯.૬૪ અબજ ડોલર થયુ છે. વિદેશી રોકાણમાં વૃદ્ધિ પાછળ સરકારની સુધારાત્મક નીતિઓ જબાવદાર છે. ૨૦૨૦માં કોવિડ મહામારી બાદ સરકારે વિદેશી રોકાણકારોને આકર્ષવા માટે નીતિઓમાં પ્રોત્સાહક સુધારા કર્યા હતા. ઈઝ ઓફ ડુઈંગ બિઝનેસના નિયમોમાં પણ રાહતો આપી હતી. જેના પગલે વિદેશી રોકાણ સતત વધી રહ્યુ છે. ઈક્વિટી, રિ-ઈન્વેસ્ટેડ આવકો અને મૂડી સહિત કુલ એફડીઆઈ ૨૦૧૯-૨૦માં ૭૪.૩૯ અબજ ડોલર સામે વધી ૨૦૨૦-૨૧માં ૮૧.૭૨ અબજ ડોલર નોંધાયુ છે.
૨૦૨૦-૨૧માં કોમ્પ્યુટર સોફ્ટવેર અને હાર્ડવેર સેક્ટરમાં સૌથી વધુ ૨૬.૧૪ અબજ ડોલરનુ વિદેશી રોકાણ જોવા મળ્યુ છે. જ્યારે કંસ્ટ્રક્શન-ઈન્ફ્રાસ્ટ્રક્ચર સેગમેન્ટમાં ૭.૮૭ અબજ ડોલર, સર્વિસ સેક્ટરમાં ૫ાંચ અબજ ડોલરનુ રોકાણ નોંધાયુ છે.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now