સુરતીઓની દુનિયા Archives - Page 41 of 76 - CIA Live

મજૂરાગેટ મેડીકલ કોલેજ કેમ્પસમાં આજે (શનિ) અને કાલે (રવિ) ભૂતપૂર્વ વિદ્યાર્થીઓનું સંમેલન

સૂરતની સરકારી મેડીકલ કોલેજમાંથી તબીબ બનીને સૂરત, ગુજરાત, ભારત અને વિદેશોમાં સ્થાયી થયેલા તબીબો આ કોલેજ પ્રત્યેનું ઋુણ અદા કરવા માટે આજરોજ તા.11 અને 12ના રોજ મળી રહ્યા છે. મળતી માહિતી મુજબ સૂરત સરકારી મેડીકલ કોલેજના ભૂતપૂર્વ વિદ્યાર્થીઓના સંગઠન દ્વારા 6ઠ્ઠો મિલન સમારોહ યોજવામાં આવ્યો છે. આ પ્રસંગે તબીબોએ સહયોગ કરીને નવી સિવિલ હોસ્પિટલમાં હાલ અભ્યાસ કરી રહેલા અને ભવિષ્યમાં આવનારા વિદ્યાર્થીઓના અભ્યાસ સાથે સહઅભ્યાસિક તેમજ સ્પોર્ટસ એક્ટિવિટીનું અદ્યનતન ઇન્ફ્રાસ્ટ્રક્ચર મળી રહે તે માટેના પણ પ્રયાસો કરવામાં આવ્યા છે. તબીબોએ સ્વભંડોળથી વોલીબોલ ગ્રાઉન્ડ તેમજ અન્ય ફેસેલિટી વિકસાવવા માટે પ્રયાસો શરૂ કર્યા છે અને તેનું પ્રથમ સોપાન આજરોજ તા.11મી જાન્યુઆરી 2020ના રોજ સાકાર થઇ રહ્યું છે.

સરકારી મેડીકલ કોલેજોના ભૂતપૂર્વ વિદ્યાર્થીઓ દ્વારા તૈયાર કરવામાં આવી રહેલા વોલીબોલ ગ્રાઉન્ડને વિદ્યાર્થીઓને સમર્પિત કરવાનો કાર્યક્રમ યોજાય રહ્યો છે. આ પ્રસંગે સૂરત ગવર્નમેન્ટ મેડીકલ કોલેજ એલ્યુમ્નાય એસોસીએશનના 6ઠ્ઠા મિલન સમારોહમાં રાજ્યના હેલ્થ કમિશનર શ્રી જયપ્રકાશ શિવહરે ખાસ આવી રહ્યા છે અને તેમના હસ્તે જ ઉદઘાટન કરાવવામાં આવશે. આ પ્રસંગે રાજ્યના મેડીકલ એજ્યુકેશન ડાયરેક્ટર શ્રી આર.એન. દિક્ષિત, ડો. મહેન્દ્રસિંહ ચૌહાણ તેમજ વર્તમાન ડીન ડો. જયેશ બ્રહ્મભટ્ટ સમેત શહેરના અનેક ગણ્યમાન્ય તબીબો ઉપસ્થિત રહેશે.

રાજ્યના મેડીકલ એજ્યુકેશન ડાયરેક્ટર શ્રી આર.એન. દિક્ષીતે સૂરત સરકારી મેડીકલ કોલેજ કેમ્પસમાં વિકસાવાઇ રહેલા સ્પોર્ટસ ઇન્ફ્રાસ્ટ્રક્ચરની મુલાકાત લીધી હતી

તબીબ તરીકેની વ્યવસાયિક કારકિર્દી જેના થકી બની છે એ સૂરતની મેડીકલ કોલેજ પ્રત્યે પોતાનું ઋુણ અદા કરવા માટે તબીબોએ જ પોતાની યથાશક્તિ ફંડિંગ કરીને મેડીકલ કોલેજ કેમ્પસમાં વોલીબોલ, બાસ્કેટબોલ, લોન ટેનિસ વગેરે સુવિધાઓસભર ઇન્ફ્રાસ્ટ્રક્ચર વિકસાવવા માટે બીડું ઝડપ્યું છે.

તન, મન, ધનથી સહયોગ કરનારા તબીબો

વિશેષ સહયોગ

સૂરત મેડીકલ કોલેજ કેમ્પસમાં સ્પોર્ટસ ઇન્ફ્રાસ્ટ્રક્ચર વિકસાવવા માટે ભૂતપૂર્વ વિદ્યાર્થીઓ અને હાલના તબીબો સમક્ષ ડો. મહેન્દ્રસિંહ ચૌહાણ તેમજ ડો. વિનોદ શાહે ટહેલ નાંખી હતી. ભૂતપૂર્વ વિદ્યાર્થીઓએ ઉમળકાભેર પ્રતિસાદ આપીને ખાસ્સું ભંડોળ એકત્રિત કરી આપ્યું હતું. અહીં વિશેષ સહયોગ આપનારા તબીબોને આવરી લેવાયા છે.

• ડો. બક્ષી (વલસાડ) પોતે પણ સહયોગ આપ્યો અને બિલખીયા ગ્રુપ પાસેથી પણ અપાવ્યો
• ડો. મનીષ પટેલ (શિવજ્યોતિ હોસ્પિટલ)
• ડો. નિર્મલ ચોરારીયા (નિર્મલ હોસ્પિટલ, સૂરત)
• ડો. વિષ્ણું પટેલ (આકાશ હોસ્પિટલ, વિસનગર)
• ડો.ગૌતમ વ્યાસ (મમતા હોસ્પિટલ, બારડોલી)
• ડો.બિનોદીનીબેન ચૌહાણ (સિનિયર મોસ્ટ ફિટલ મેડીસીન કન્સલ્ટન્ટ)

ખડે પગે સેવા બજાવી રહ્યા છે

• ડો. નિમેષ દેસાઇ (પિડીયાટ્રીશન) સૂરત ડિસ્ટ્રીક્ટ ક્રિકેટ એસો.
• ડો. ચેતન પટેલ (માહી હોસ્પિટલ)
• ડો. ફિરોઝખાન
• ડો. કેતન જાગીરદાર
• ડો. રોનક નાગોરીયા

રજિસ્ટ્રેશન એન્ડ કમ્યુનિકેશન

• ડો. મીતા પાસવાલા
• ડો. વિપુલ ચૌધરી (સેનેટ મેમ્બર, વી.એન.એસ.જી.યુ.)
• ડો. કે.એન. ભટ્ટ (સેનેટ મેમ્બર, વી.એન.એસ.જી.યુ.)
• ડો. નટુ પટેલ (સ્મીમેર)
• ડો. હીરલ શાહ

ફેશન શૉ એન્ડ પ્રોગ્રામ મટિરીયલાઇઝેશન

• ડો. દિપ્તીબેન પટેલ (લવ એન્ડ કેર હોસ્પિટલ)
• ડો.રાજીવ પ્રધાન (મિશન હોસ્પિટલ)
• ડો.દિવ્યાંગ ભટ્ટ (સર્જન)
• ડો. પ્રશાંત નાયક (આભા ક્લીનીક)
• ડો. પરાગ પરીખ (ઓર્થોપેડીક)
• ડો. આભા પરીખ ( ઇ.એન.ટી.)
• ડો. અનિલ પટેલ (ઉર્વી આઇ હોસ્પિટલ)

પોતાની સેવાઓ બદલ આ તબીબોનું જાહેર અભિવાદન કરાશે

• ડો. વાય.બી. મહેતા
• ડો.ગીતાબેન અગ્રવાલ
• ડો.એસ.કે. બાજપાઇ
• ડો.પ્રહલાદ રાય
• ડો.એમ.કે. વાડેલ
• ડો.જયમીન કોન્ટ્રાક્ટર
• ડો.ગણેશ ગોવેકર
• ડો.વિકાસબેન દેસાઇ
• ડો.જયેશ બ્રહ્મભટ્ટ
• ડો.પ્રીતિ કાપડીયા
• ડો.ઋુતંભરા મહેતા
• ડો. વંદના મહેતા

આ તબીબોએ પડદા પાછળ રહીને દરેક કાર્યક્રમોને આકાર આપ્યો

• ડો. વિનોદ શાહ
• ડો.ધનેશ વૈદ્ય
• ડો.મહેન્દ્રસિંહ ચૌહાણ
• ડો.મહેન્દ્ર ચૌધરી
• ડો.વિનેશ શાહ
• ડો.લાલવાણી
• ડો.નીતિન ગર્ગ
• ડો.ગૌતમ રાવલ
• ડો.દિપક પટેલ

અજાણતામાં કોઇનું નામ રહી ગયું હોય તો સી.આઇ.એ. લાઇવને જાણ કરવા વિનંતી

આ પ્રોગ્રામ સંદર્ભે સી.આઇ.એ. લાઇવને જે જાણકારી મળી છે એ અહીં પ્રસ્તુત કરી છે. શરતચૂકથી કે અજાણતામાં કોઇ તબીબનું નામ રહી ગયું હોય તો સી.આઇ.એ. લાઇવને જાણ કરશો જેથી તેમનો સમાવેશ કરી શકાય.

જેમણે હજુ પણ સહયોગ કરવો હોય તો ડો.વિનોદ શાહનો સંપર્ક કરવો

સૂરતની સરકારી મેડીકલ કોલેજમાં તબીબો માટે જરૂરી સ્પોર્ટસ ઇન્ફ્રાસ્ટ્રક્ચર કે અન્ય સુવિધાઓ વિકસાવવા માટેના પ્લાનમાં હજુ પણ ભૂતપૂર્વ વિદ્યાર્થીઓ તરફથી તન, મન, ધનનો સહકાર અપેક્ષિત છે. જે કોઇ તબીબો (ભૂતપૂર્વ વિદ્યાર્થીઓ) એ સહકાર આપવો હોય તે તેમને ડો વિનોદભાઇ શાહનો સંપર્ક કરવા માટે જણાવાયું છે. વધુમાં વિદેશમાં સ્થાયી થયેલા તબીબો સહયાગ કરવા ઇચ્છે છે, આ માટે સત્તાવાર રીતે તેમનો સહયોગ સ્વીકારી શકાય એ સંદર્ભે પ્રોસીજર શરૂ કરવામાં આવી છે. તેમને પણ સહયોગ કરવા માટેની તક ઝડપભેર મળી શકશે.

વિશ્વની સૌથી બેસ્ટ ફેબ્રિક પ્રિન્ટીંગ મશીનરીના માંધાતાઓ સૂરતમાં, સ્થાનિક ઉદ્યોગમાં વિપુલ તકો

જયેશ બ્રહ્મભટ્ટ 98253 44944

હાલ મંદીનો માહોલ છે. સૂરતની ઇકોનોમી જેના થકી ચાલી રહી છે એ ટેક્સટાઇલ ઉદ્યોગમાં પણ જોઇએ એવો માહોલ નથી. આવી સ્થિતિમાં સરસાણા સ્થિત ઇન્ટરનેશનલ કન્વેન્શન સેન્ટર ખાતે આજથી શરૂ થયેલો સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ તેમજ સુરત એમ્બોરઇડરી એસોસીએશન આયોજિત સીટમે 2020 એક્ષ્પો ટેક્ષટાઇલ વેલ્યુ એડિશન ક્ષેત્રમાં કાર્ય કરી રહેલા અનેક લોકોનું જીવન બદલી નાંખશે.

ચેમ્બર અને સૂરત એમ્બ્રોઇડરી એસોસીએશન આયોજિત સીટમે એક્ષ્પોમાં વિશ્વભરમાં એમ્બ્રોઇડરી ક્ષેત્રે તેમજ ડિજિટલ પ્રિન્ટીંગ ક્ષેત્રે જે કંપનીઓ ખ્યાતનામ છે એ ચાઇનીઝ કંપનીના માંધાતાઓ હાલ સૂરત આવ્યા છે. આજે સીટમે એક્ષ્પોના ઉદઘાટનમાં તમામને નિમંત્રિત કરવામાં આવ્યા છે. જે રીતે સીટમે એક્ષ્પોના ત્રણ દિવસ માટે વિશ્વની ખ્યાતનામ કંપનીઓની આખેઆખી ટીમો સૂરત આવી છે એ જોતા સ્પષ્ટ જણાય આવે છે કે સૂરતમાં એમ્બ્રોઇડરી તેમજ ડિજિટલ પ્રિન્ટીંગ ઉદ્યોગ માટેની વિપુલ તકો રહેલી છે.

આજથી તા.5મી જાન્યુઆરી સુધી યોજાઇ રહેલા સીટમે એક્ષ્પોમાં એબ્રોઇડરી, ડિજિટલ પ્રિન્ટીંગ તેમજ ફેબ્રિકમાં વેલ્યુ એડિશન માટે જે પ્રકારે અધતન મશીનરી પ્રદર્શનમાં મૂકવામાં આવી છે એ આ ઇન્ડસ્ટ્રઝને બળ આપનારી નિવડશે. ક્ષમતા, સ્પીડ, ટેક્નોલોજી, લૉકોસ્ટ આ બધી બાબતો નવી મશીનરી તરફ સ્થાનિક ઉદ્યોગકારોને આકર્ષિત કરી રહી છે.

ચેમ્બરના સીટમે એક્ષ્પોમાં જે રીતે વિશ્વની સૌથી બેસ્ટ પ્રિન્ટીંગ મશીનરી, ડિજીટલ પ્રિન્ટ મશીનરીના ઉત્પાદકો સૂરત આવ્યા છે એ જોતા એવું જણાય છે કે સૂરતનો કાપડ ઉદ્યોગ નવી દિશા તરફ આગળ વધી રહ્યો છે. સીટમે એક્ષ્પોમાં પ્રદર્શિત મશીનરીઓ સ્થાનિક કાપડ ઉદ્યોગ સાથે સંકળાયેલા અનેક લોકો અને તેમના પરિવારોનું જીવન ધોરણ નવી ઉંચાઇએ લઇ જશે એમાં બે મત નથી.

ફેબ્રિક પર એબ્રોઇડરી અને ડિજિટલ પ્રિન્ટીંગ એ વેલ્યુ એડિશન ગણાય છે, થોડા મહિનાઓ પૂર્વે સુધી એબ્રોઇડરી અને ડિજિટલ પ્રિન્ટીંગને સાઇડ બિઝનેસ ગણાતો પરંતુ, હવે વેલ્યુ એડિશન ક્ષેત્ર પણ મેઇન બિઝનેસ બની ચૂક્યો છે એની પ્રતીતિ ચેમ્બર ઓફ કોમર્સ દ્વારા સૌપ્રથમ વખત આયોજિત સીટમે એક્ષ્પોના પહેલા દિવસે મળેલા જંગી પ્રતિસાદ પરથી થઇને રહે છે.

સુરત ઇન્ટરનેશનલ ટેક્ષ્ટાઇલ એન્ડ મશીનરી એક્ષ્પો – સીટમે ર૦ર૦’નું તા.3જી જાન્યુઆરી 2020ના રોજ બપોરે ૧રઃ૦૦ કલાકે કરવામાં આવ્યુ હતુ.

સમારોહમાં ચાઇના અને કોરીયાની વિવિધ કંપનીથી પધારેલા હોદ્દેદારો શ્રી વાન્ગ, શ્રી પીન્ગ, શ્રી ચેન, શ્રી સની લુ અને શ્રી રુ શુકીન્ગે અતિથિ વિશેષ તરીકે સ્થાન શોભાવ્યુ હતુ. દીપ પ્રાગટયવિધી સાથે સમારોહની શરૂઆત થઇ હતી.

ફેબ્રિક વેલ્યુ એડિશન સૂરતની ઓળખ બનશે : ચેમ્બર પ્રેસિડેન્ટ કેતન દેસાઇ

ચેમ્બરના પ્રમુખ શ્રી કેતન દેસાઇએ સર્વેને નવા વર્ષની શુભેચ્છા પાઠવી પ્રારંભિક ઉદ્‌બોધનમાં જણાવ્યુ હતુ કે, ટેક્ષ્ટાઇલમાં હાઇસ્પીડ મશીનરી થકી ઉત્પાદીત થતુ કાપડ આવનારા દિવસોમાં બ્રાન્ડ બની રહેશે. જેને પગલે ટ્રેડ એન્ડ ઇન્ડસ્ટ્રીને ઘણો ફાયદો થશે. ટેક્ષ્ટાઇલ અને ડાયમંડ ઇન્ડસ્ટ્રીમાં સુરત એમએસએમઇનું હબ છે ત્યારે આગામી દિવસોમાં ટેક્ષ્ટાઇલમાં વેલ્યુ એડીશન કરવાનું છે. ડિજીટલ પ્રિન્ટીંગ અને એમ્બ્રોઇડરી મશીનરી થકી સુરતમાં રીયલ ફેબ્રિકની ઓળખ થશે. ભવિષ્યમાં ડિજીટલ પ્રિન્ટીંગની ડિમાન્ડ રહેશે. આ પ્રદર્શનથી ઇન્ડસ્ટ્રીને નવી દિશા મળશે. પ્રદર્શનમાં પ્રથમ દિવસથી જ બાયર્સનો ખૂબ જ મોટી સંખ્યામાં ધસારો જોવા મળી રહયો છે.

સૂરત બ્રાન્ડને પ્રમોટ કરવામાં એમ્બ્રોઇડરીનું મોટું યોગદાન : દેવેશ પટેલ

ચેમ્બરના એકઝીબીશન સેલના હેડ શ્રી દેવેશ પટેલે જણાવ્યુ હતુ કે, ટેક્ષ્ટાઇલમાં સુરતની બ્રાન્ડને પ્રમોટ કરવા માટે એમ્બ્રોઇડરીનું મોટુ યોગદાન છે. એમ્બ્રોઇડરી રજવાડાના સમયથી આજ સુધી આગવું સ્થાન ધરાવે છે. હવે એમ્બ્રોઇડરીમાં નવી ટેકનોલોજી આવી રહી છે. જેથી સુરતની ઇન્ડસ્ટ્રીને વેગ મળશે.

સૂરત એમ્બ્રોઇડરી ક્ષેત્રનું હબ બની ચૂક્યું છે : સંદીપ દુગ્ગલ, પ્રમુખ એમ્બ્રોઇડરી એસોસીએશન

સુરત એમ્બ્રોઇડરી એસોસિએશનના પ્રમુખ શ્રી સંદીપ દુગ્ગલે જણાવ્યુ હતુ કે, સુરતમાં વર્ષ ર૦૦૧થી એમ્બ્રોઇડરી મશીનરીનો સિનારીયો જોવા મળી રહયો છે. દર વર્ષે પાંચ હજાર જેટલા નવા મશીનો સુરતમાં આવી રહયા છે ત્યારે હાલ આશરે સવા લાખથી દોઢ લાખ સુધી એમ્બ્રોઇડરી મશીન ધમધમી રહયાં છે. દેશમાં સૌથી વધુ સુરતનો જીડીપી ગ્રોથ ૯.૧૭ ટકા છે. એમ્બ્રોઇડરી ઇન્ડસ્ટ્રી આ ગ્રોથને હજી આગળ વધારવા માટે પ્રયાસ કરશે.

અતિથિ વિશેષ શ્રી સની લુએ જણાવ્યુ હતુ કે, બિઝનેસ માટે છેલ્લા વીસ વર્ષથી સુરત આવી રહયો છુ. વિશ્વભરમાં સૌથી લેટેસ્ટ એમ્બ્રોઇડરી મશીનરીનું માર્કેટ સુરત બની ગયુ છે. એમ્બ્રોઈડરીની મોટાભાગની મશીનરી સુરતમાં જોવા મળી રહી છે. સુપર હાઇસ્પીડ અને સુપર કવોલિટીવાળી મશીનરી સુરતમાં છે. તેમણે એકઝીબીશનને સફળતા મળે તેવી આશા વ્યકત કરી હતી.

શ્રી રુ શુકીન્ગે જણાવ્યુ હતુ કે, સુરત ભારતનું એકમાત્ર એમ્બ્રોઇડરી મશીનનું મોટું માર્કેટ છે. હુ ચોથી વખત સુરત આવ્યો છુ. દર વખતે સુરતમાં નવો બદલાવ જોવા મળી રહયો છે. સુરત કલીન અને સુંદર ઇન્ડસ્ટ્રીવાળુ શહેર બની ગયુ છે. વિશ્વ માટે સુરત મહત્વનું માર્કેટ છે. આખા વિશ્વની નજર હવે સુરત ઉપર છે. છેલ્લા દસ વર્ષથી એમ્બ્રોઇડરી મશીનરીમાં સારી સર્વિસ લઇ રહયો છુ. ઇન્ડસ્ટ્રીને સારો બિઝનેસ અહીંથી મળી રહયો છે. એમ્બ્રોઇડરીમાં હવે નવી ટેકનોલોજી અને નવી પ્રોડકટ જોવા મળી રહી છે. વર્ષ ર૦ર૦માં ચોકકસ જ સારો બિઝનેસ મળી રહેશે.

ટેક્ષ્ટાઇલ મશીનરીનું હબ બનાવવાની દિશામાં પ્રયાસો : દિનેશ નાવડીયા

સમારોહને અંતે ચેમ્બરના ઉપપ્રમુખ શ્રી દિનેશ નાવડીયાએ જણાવ્યુ હતુ કે, એમ્બ્રોઇડરી ઇન્ડસ્ટ્રીને કારણે પણ સુરતમાં રોજગારીની તક ઉભી થઇ છે. આ ઇન્ડસ્ટ્રીમાં નવી ટેકનોલોજી અપગ્રેડ થઇ રહી છે અને માર્કેટમાં સારી પ્રોડકટ મળી રહી છે. ચેમ્બર સુરતને ટેક્ષ્ટાઇલ મશીનરી મેન્યુફેકચરીંગનું હબ બનાવવાની દિશામાં પણ પ્રયાસ કરી રહી છે તેમ જણાવી તેમણે સર્વેનો આભાર માન્યો હતો અને ત્યારબાદ સમારોહનું સમાપન થયુ હતુ.