July 23, 2018

અમેરિકા અને ચીન વચ્ચેના ટ્રેડ વોરને કારણે સમગ્ર વિશ્વમાં વેપાર-વણજની સ્થિતિ ડામાડોળ થઇ જવા પામી છે. અમેરિકા દ્વારા કરવામાં આવેલી ટેરિફમાં વૃદ્ધિને પગલે સોના, ચાંદી, પ્લેટિનમ, પેલેડિયમ જેવા કિંમતી ધાતુઓના ભાવ લપસીને તળીયે બેઠા હોવાનું નોંધાયું છે. ટેરિફ, ટ્રેડ વોર, ટ્રમ્પ અને અમેરિકન ફેડરલ આ નામો હાલ બુલિયન માર્કેટમાં બોલિવુડના પિક્ચરમાં આવતા વિલન સમાન બન્યા છે.

સોના, ચાંદી કે પેલેડિયમ કરતાં વર્તમાન વિષમ સ્થિતિમાં પ્લેટિનમની થઇ છે. સફેદ સોનું તરીકે પણ ઓળખાતા પ્લેટિનમના ભાવ ગઇ તા.19મી જુલાઇ 2018ના રોજ 10 વર્ષની નીચી સપાટીએ ગબડ્યા હતા જે આ મિલેનિયમની શરૂઆતમાં એક તબક્કે ઊંચામાં 2,200 ડોલરની વિક્રમ સપાટીએ હતા. ભારતમાં હાલ પ્લેટિનમના ભાવ ઔંસ દીઠ ભાવ (31.1 ગ્રામ) ₹56,954ના સ્તરે હોવાનું ગોલ્ડબ્રોકર નામની એજન્સીના ડેટા સૂચવતા હતા.

પ્લેટિનમના ભાવ ઝડપથી તૂટવા પાછળનું કારણ વૈશ્વિક ટ્રેડ વોરના વાતાવરણમાં ઓટો ઉદ્યોગ પણ અડફેટે આવ્યો છે. યુરોપ અને ચીનમાં વેચાતી મોંઘી કારના પાર્ટ્સ બનાવવામાં પ્લેટિનમનો ઉપયોગ થાય છે. ઓટો ઉદ્યોગને સંભવિત ટ્રેડ વોરને કારણે વિપરીત અસર થશે તો તેની અસર પ્લેટિનમ પર થઈ શકે છે એમ ડોએચ્ચ બેન્કના રિપોર્ટમાં જણાવવામાં આવ્યું હતું.

ચીનના જૂન મહિનાના ઝવેરાત વેચાણના આંકડા પણ પ્લેટિનમ માટે નિરાશાજનક હતા. ચીનમાં સોનાના ઝવેરાતની માગ સુધરવા સામે પ્લેટિનમમાંથી બનતા દાગીનાની માગ નેગેટિવ રહી હોવાનું જોવાયું હતું. સોના અને પ્લેટિનમના ભાવ માટે ચીનનું જ્વેલરી વેચાણ અત્યંત મહત્ત્વનું ગણવામાં આવે છે કેમ કે કુલ માગમાં તેનો હિસ્સો 14 અને 16 ટકાનો રહ્યો છે.

એનાલિસ્ટોના જણાવ્યા પ્રમાણે, પ્લેટિનમની ઇન્ડસ્ટ્રિયલની સાથે જ્વેલરી માગ પણ નીચી રહેતાં તેનો આંચકો ભાવ પર જોવાયો હતો. વધુમાં સોના કરતાં પ્લેટિનમનો એક્સ્ચેન્જ ખર્ચ પણ વધુ રહેતાં તે ઓછું આકર્ષક રહ્યું હતું.

July 17, 2018

ટુરીસ્ટ, મુસાફરોના ધસારાને કારણે અમારું શહેર મરી રહ્યું છે. આવી રજૂઆતો સાથે બાર્સેલોના, એમ્સ્ટર્રડમ, પેરીસ વગેરે જેવા શહેરોમાં ટુરીસ્ટ વિરોધી પ્રદર્શનો દાવાનળની જેમ આગળ વધી રહ્યા છે.

વિશ્વમાં ટુરીસ્ટ ડેસ્ટિનેશન તરીકે ખ્યાતિ પામેલા અને રોજના લાખો મુસાફરોનું બર્ડન ધરાવતા શહેરોના નાગરિકો હવે ટુરીસ્ટસથી કંટાળી ચૂક્યા છે અને થાકી ગયા છે. આ પ્રકારે તેઓ મુસાફરોની સામે વિરોધ દેખાવો કરી રહ્યા છે.

ટુરીસ્ટ સિટીના પબ્લિક સ્પોટ્સ પર આ પ્રકારના પ્લેકાર્ડ લગાડીને મુસાફરોનો તેમજ ટુરીઝમનો વિરોધ કરવામાં આવી રહ્યો છે. પ્રસ્તુત તસ્વીર બાર્સેલોના શહેરમાં ચોંટાડવામાં આવેલા પ્લે કાર્ડની છે.

July 13, 2018

બ્રિટિશ સાંસદ અને બંગલાદેશના ભૂતપૂર્વ વડાં પ્રધાન ખાલેદા ઝીયાના વકીલ લોર્ડ એલેકઝાંડર કાર્લાઇલ યોગ્ય વીઝા ન હોવાના કારણસર ભારતમાં પ્રવેશ નકારાયા બાદ વિદેશ મંત્રાલયે જણાવ્યું હતું કે એ ભારત-બંગલાદેશના સંબંધો બગાડવાનો પ્રયત્ન કરતો હતો. અત્યાર સુધી આપણને એવા જ ન્યુઝ મળતા હતા કે ફલાણા ઇન્ડિયનને ફલાણા એરપોર્ટ પરથી ભારત પાછો રવાના કરી દેવાયો. પહેલી વખત એવા સમાચાર મળ્યા કે ભારતે અંગ્રેજ સાંસદ એલેકઝાંડર કાર્લાઇલને દિલ્હી એરપોર્ટ પરથી પાછો મોકલી આપ્યો હતો.

ગૃહ મંત્રાલયના અધિકારીએ પણ જણાવ્યું હતું કે કાર્લાઇલ પત્રકાર પરિષદ સંબોધીને રાજકારણ કરવા માગતો હતો, જે વીઝાના નિયમની વિરુદ્ધ છે.

કાર્લાઇલને તા.11 જુલાઇને બુધવારે રાતે નવી દિલ્હી હવાઇમથકેથી યુકે પાછો રવાના કરાયો હતો. એણે યુકેથી વીડિયો કોન્ફરન્સ દ્વારા પત્રકારોને સંબોધતા જણાવ્યું હતું કે બાંગલાદેશની સરકારના દબાણ હેઠળ એને ભારતમાં પ્રવેશ નકારાયો હતો. ભારત સરકારે એના વીઝા નકારવા માટે ખરું કારણ ન આપ્યું હોવાનો દાવો પણ એણે કર્યો હતો.

દિલ્હીમાં એ જે નિવેદન આપવાનો હતો એ એણે જાહેર કરતા જણાવ્યું હતું કે ઝીયા સામેના આરોપ રાજકીય પ્રેરિત હતા અને એ માટેના કોઇ પૂરાવા નથી.

આ મામલે વિદેશ મંત્રાલયના પ્રવક્તા રવિશકુમારે જણાવ્યું હતું કે એ અહીં જે કરવા માગતો હતો, એ વાત વીઝામાં જણાવેલ કારણ સાથે મેળ નહોતી ખાતી. એણે જે નિવેદન આપ્યું છે એ પરથી તમે સમજી જશો કે એ શા કારણસર અહીં આવવા માગતો હતો, એના વીઝા પર વ્યાપારી કારણ દર્શાવાયું હતું.

July 2, 2018

વિશ્વભરમાં કોઇ એવો દેશ નથી જેની જેલને સલામત કહી શકાય. ગુનેગારો વિવિધ જેલોની સલામતિ વ્યવસ્થાના લિરેલીરાં ઉડાડીને ફરાર થઇ જ જાય છે. તાજેતરમાં ફ્રાન્સના પેરિસની સૌથી સલામત ગણાતી જેલમાંથી એક અત્યંત રીઢો ગુનેગાર અન્ય ત્રણ કેદીઓને લઇને ભાગી જવામાં સફળ રહ્યો છે. કોઇ બોલિવુડની સ્ટોરીને પણ ટક્કર મારે તેવી સ્ટોરીમાં આરોપી જેલમાંથી હેલિકોપ્ટર દ્વારા ભાગી છુટવામાં સફળ નિવડ્યો છે અને પોલીસને એ હેલિકોપ્ટર ફ્રાન્સના અન્ય શહેરમાંથી ત્યજી દેવાયેલી હાલતમાં મળી આવ્યું હતું. ફ્રાન્સ પોલીસ માટે આ સૌથી મોટી નાલેષીજનક ઘટના લેખાવાય રહી છે.

paris

રેડોઇન ફૈડ આ પહેલાં પણ એક વાર જેલ તોડીને નાસી ગયો હતો. ૨૦૧૩માં ફ્રાન્સના એક જેલમાં વિસ્ફોટ કરીને તે નાસી ગયો હતો. અગાઉ દસેક વર્ષ જેલમાં પસાર કર્યા પછી રેડોઇન ફૈડને છોડવામાં આવ્યો હતો. ફૈડે ગુનાહિત ભૂતકાળ માટે ખેદ વ્યક્ત કરવા ઉપરાંત માફી માગીને નવી જિંદગી શરૂ કરવાનો નર્ધિાર પરોલ અધિકારીઓ સમક્ષ દર્શાવ્યો હતો.

paris1

(જે હેલિકોપ્ટરમાં જેલ તોડીને ગુનેગારો ભાગ્યા તે બિનવારસી હાલતમાં મળી આવ્યું હતું)

ફ્રાન્સના પાટનગર પૅરિસના ઉપનગરની જેલમાંથી ૪૬ વર્ષનો રીઢો ચોર રેડોઇન ફૈડ 30મી જુનના રોજ હેલિકૉપ્ટરમાં રફુચક્કર થઈ ગયો હતો. ચોર નાસી જવાની ઘટનાના થોડા વખત પછી પૅરિસના અન્ય ઉપનગરમાંથી આ હેલિકૉપ્ટર મળી આવ્યું હતું. પોલીસ આખા પૅરિસ શહેરમાં નાસી ગયેલા ચોર રેડોઇન ફૈડની શોધ ચલાવી રહી છે. એક સમયનો ફ્રાન્સનો તે મોસ્ટ વૉન્ટેડ અપરાધી હતો. તેની સાથે અન્ય ત્રણ કેદીઓ પણ નાસી ગયા છે. પોલીસે કહ્યું હતું કે ભારે શસ્ત્રધારી લોકોએ તેને ભાગવામાં મદદ કરી હતી.

૨૦૧૦ના મે મહિનામાં કરવામાં આવેલી સશસ્ત્ર લૂંટના કેસમાં ગયા એપ્રિલ મહિનામાં અપીલ્સ કોર્ટે રેડોઇન ફૈડને પચીસ વર્ષની કેદની સજા કરી હતી. એ લૂંટ દરમ્યાનના ગોળીબારમાં એક મહિલા પોલીસનું મૃત્યુ થયું હતું. આ ગુના માટે તે અત્યારે સજા ભોગવી રહ્યો હતો. ફૈડ કેટલાક ટીવી-પ્રોગ્રામ્સમાં પણ ભાગ લઈ ચૂક્યો છે. રેડોઇન ફૈડ પોતાની ગુનાહિત જુવાની તથા અપરાધીરૂપે ઉછેર વિશેનાં બે પુસ્તકોનો સહલેખક પણ છે. ફૈડે ગુનાહિત જીવનની પ્રેરણા ‘સ્કારફેસ’ અને ‘હીટ’ જેવી અમેરિકન ફિલ્મો દ્વારા મળી હોવાનું જણાવ્યું હતું.

July 2, 2018

These are 2018’s nominees for the UNESCO World Heritage List

Ancient City of Qalhat (Oman): The UNESCO World Heritage Committee is currently debating which incredible sights across the world should be given the coveted UNESCO World Heritage status. The options include the Ancient City of Qalhat, home to the Bibi Maryam Mausoleum, pictured here.

The Prosecco Hills of Conegliano and Valdobbiadene (Italy): The UNESCO Committee is meeting in Manama, Bahrain. One of the nominees it’ll debate is these beautiful Italian hills, the home of famous fizzy wine vineyards.

Funeral and memorial sites of the First World War Western Front (Belgium and France): Another nominee is the funeral and memorial sites of the First World War’s Western Front in Belgium and France. These vast graveyards, including the Commonwealth Military Cemetery “Prowse Point Military Cemetery,” pictured here, commemorate the extensive loss of life during this conflict.

Caliphate City of Medina Azahara (Spain): This ruined medieval 10th century palace city is another potential UNESCO site. Representatives from 21 countries assess the options — additions need to be of “outstanding universal value.”

Barberton Makhonjwa Mountains (South Africa): Also on the agenda are these South African mountains, known for their green-hued rocks that date back an incredible 3.5 billion years.

Fanjingshan mountain (China): Another incredible mountain on the agenda is this awe-inspiring peak in the Wuling Mountain range, known for its mid-subtropical atmosphere.

Sansa, Buddhist Mountain Monasteries (South Korea): Sansa consists of seven mountain temples that provide a living history of Buddhism. It’s another UNESCO applicant to be debated in the 2018 session.

Chiribiquete National Park — “The Maloca of the Jaguar,” (Colombia): Another nominee is Colombia’s largest national park, home to ancient rock art, tropical forest and mountains.

The Historic Urban Ensemble of Nîmes (France): This impressive Roman amphitheater, situated in this Southern French city, was built in roughly 70 AD and remains standing in 2018, playing host to concerts. Will it be granted UNESCO status?

Sassanid Archaeological Landscape of Fars Region (Iran): Also up for consideration are these relics of the Sassanian period (224 to 651 AD), which provide an insight into a bygone world.

Roșia Montană Mining Landscape, Romania: This nominee from Romania is an area rich with metals. It’s been a mining hotspot for centuries and is home to prehistoric and Roman mining settlements.

Aasivissuit — Nipisat. Inuit Hunting Ground between Ice and Sea (Denmark): This area has been used by hunters since the 3rd century and is now campaigning for World Heritage Status.

June 24, 2018

ઝિંબાબ્વેના પ્રેસિડેન્ટ મ્નન્ગાગ્વા બુલાવાયો ખાતે તા.23મી જુને થયેલા એક બોંબ વિસ્ફોટથી વ્હેંત છેટા રહીને બચી જવા પામ્યા હતા. ઝિંબાબ્વેના પ્રેસિડેન્ટ મ્નન્ગાગ્વા બુલાવાયો શહેરના સિટી સ્ટેડીયમ ખાતે એક રેલીને સંબોધન કરી રહ્યા હતા ત્યારે અચાનક જ બોંબ વિસ્ફોટ થતા ભારે નાસભાગ મચી જવા પામી હતી.

ઝિંબાબ્વેના બુલાવાયો શહેર ખાતે પ્રેસિડેન્ટની રેલીમાં વિસ્ફોટ થયાની બીજી મિનિટે લેવાયેલી તસ્વીર

ઝિંબાબ્વેના બુલાવાયો શહેર ખાતે બોંબ વિસ્ફોટ બાદ રેડક્રોસ સોસાયટીએ ત્વરિત બચાવ રાહતની કામગીરી શરૂ કરી દીધી હતી

June 24, 2018

ભારતીય પર્યટકોની સંખ્યા વધવાના અંદાજને પગલે ઘણા દેશોએ છેલ્લા 8-10 મહિનામાં વિઝા અને પ્રવેશ પ્રક્રિયાના નિયમ હળવા કર્યા છે.

UAE ભારતીયોને ફ્રી ટ્રાન્ઝિટ વિઝા આપે છે

તાજેતરમાં UAEએ ભારતીયોને ફ્રી ટ્રાન્ઝિટ વિઝા આપવાનું શરૂ કર્યું છે. જેના ભાગરૂપે UAE થઈને અન્ય દેશોમાં જતા ભારતીયો UAEમાં બે દિવસ ગાળી શકશે. વિઝાની મુદત 50 દિરહામ ચૂકવી વધુ 96 કલાક માટે વધારી શકાશે.

ઇઝરાયલે ભારતીયો માટે વિઝા ફી મે મહિનાના ₹1,700થી ઘટાડી ₹1,100 કરી

ઇઝરાયલે ભારતીય મુસાફરો માટેની વિઝા ફી મે મહિનાના ₹1,700થી ઘટાડી ₹1,100 કરી છે. જૂન 2018થી ઇઝરાયેલ સરકારે ભારતીયો માટે એક્સપ્રેસ વિઝાની પણ શરૂઆત કરી છે, જે બે વર્કિંગ ડેમાં ઉપલબ્ધ બનશે. ઉપરાંત, પર્યટન માટે ઇઝરાયલની મુલાકાત લેનારા ભારતીયોની B2 વિઝા કેટેગરીની એપ્લિકેશન ફીમાં ઘટાડો કરવામાં આવ્યો છે.

ઇઝરાયલ જેવા દેશમાં ગયા વર્ષે સૌથી વધુ 60,000 ભારતીય પર્યટકો આવ્યા હતા. ઇઝરાયલના ટૂરિઝમ મંત્રાલયના ડિરેક્ટર હસન મદાહે જણાવ્યું હતું કે, “જાન્યુઆરીથી એપ્રિલના ગાળામાં ભારતીય પર્યટકોના આગમનમાં અગાઉના વર્ષના સમાન ગાળાની તુલનામાં 27 ટકા વધારો (લગભગ 19,000 મુસાફરો) નોંધાયો છે, જે 2018 સુધીમાં અમારા 1 લાખ પર્યટકોના લક્ષ્યાંકની નજીક પહોંચવામાં મદદ કરશે.”

જાપાને ભારતીય નાગરિકો માટે વિઝાના નિયમ હળવા કર્યા છે. જેમાં પહેલી જાન્યુઆરીથી ટૂંકા ગાળાના પ્રવાસ માટે મલ્ટિપલ એન્ટ્રી વિઝાની જોગવાઈ છે.

ચાલુ મહિને ઓમાને ભારતીય પર્યટકોને આકર્ષવા ‘વિઝા ઓન અરાઇવલ’નો પ્રારંભ કર્યો છે.

એન્ટ્રી વિઝા ધરાવતા અથવા અમેરિકા, ઓસ્ટ્રેલિયા, બ્રિટન, જાપાન અને શેન્જેન દેશોમાં રહેતા લોકોને ઓમાનમાં પ્રવેશવા આ સુવિધા મળશે. આ છ દેશોનો વિઝા ધરાવતી વ્યક્તિના જીવનસાથી અથવા બાળકો તેમની સાથે હશે તો તેમને પણ ‘વિઝા ઓન અરાઇવલ’ની સુવિધા મળશે.

UN વર્લ્ડ ટૂરિઝમ ઓર્ગેનાઇઝેશનના અંદાજ પ્રમાણે 2020 સુધીમાં વિદેશી પર્યટકોમાં ભારતીયોની સંખ્યા 5 કરોડ હશે, જે 2017માં 2 કરોડ હતી. 17 એપ્રિલથી 31 ડિસેમ્બર 2018 સુધીમાં ભારતના નાગરિકોને ખાસ સુવિધા આપવામાં આવી છે. જેમ કે, એર અસ્તાના અથવા કઝાખસ્તાનની કોઈ પણ એરલાઇનમાં મુસાફરી કરનારા તેમજ અસ્તાના અને/અથવા અલ્માતીના આંતરરાષ્ટ્રીય એરપોર્ટ્સ દ્વારા અન્ય દેશની મુલાકાત લેતા અથવા અન્ય દેશમાંથી વાયા અસ્તાના અને/અથવા અલ્માતી પરત ફરતા ભારતીય નાગરિકોને 72 કલાકનો ટ્રાન્ઝિટ-ફ્રી વિઝા મળી રહ્યો છે. 72 કલાકનો આ ટ્રાન્ઝિટ વિઝા વ્યક્તિગત પેસેન્જર્સ અને ટૂર ગ્રૂપ્સને લાગુ પડશે.

ઘણા દેશો ઇ-વિઝા જેવી સરળ પ્રક્રિયા દ્વારા ભારતીય મુસાફરોને આકર્ષવાનો પ્રયાસ કરી રહ્યા છે. તેમને ભારતના ટ્રાવેલ માર્કેટમાં વૃદ્ધિની વિપુલ સંભાવના જણાય છે. ભારતીયો વિદેશ પર્યટનના ખર્ચમાં અવ્વલ છે, જે તેમને આકર્ષવા માટેનું સૌથી મોટું કારણ છે.

June 24, 2018

ઍર ઇન્ડિયાના ચેક-ઇન સૉફ્ટવૅરમાં ટેક્નિકલ સમસ્યા સર્જાતા દેશભરમાંથી પચીસથી વધુ ફ્લાઇટ તા.23મી જૂનને શનિવારે મોડી પડી હતી અને તેને કારણે સંખ્યાબંધ પ્રવાસીઓ રઝ્ળી પડ્યા હતા, એમ અધિકારીઓએ જણાવ્યું હતું. એવું નથી કે ભારતમાં જ આ પ્રોબ્લેમ સર્જાયો હતો, વિશ્વના અનેક એરપોર્ટ પર આવી સ્થિતિ સર્જાવા પામી હોવાના અહેવાલો મળ્યા હતા.

ઍરલાઇને જણાવ્યું હતું કે, બપોરે ૧૨.૧૦થી ૩.૧૦ સુધી ઍર ઇન્ડિયાની સેવાને અસર પડી હતી. ઍર ઇન્ડિયાના પ્રવક્તાએ ટ્વિટર પર જણાવ્યું હતું કે, દેશભરમાંથી પચીસ જેટલી ફ્લાઇટ મોડી પડી હતી.

ઍરલાઇન્સે તા.23મી જૂનને શનિવારે ફ્લાઇટ મોડી પડવા બદલા એસઆઇટીએના એટલાન્ટામાંના સર્વરમાં આવેલા ટેકનિકલ ફોલ્ટને જવાબદાર ઠેરવ્યું હતું અને કહ્યું હતું કે આની વિશ્ર્વભરમાં અસર પડી હતી.

રાજ્ય કક્ષાના કેન્દ્રીય નાગરીક ઉડ્ડયન પ્રધાન જયંત સિંહાએ ફ્લાઇટ મોડી પડતા પ્રવાસીઓને પડેલી મુશ્કેલી બદલ માફી માગી હતી.
ઍરલાઇનના ચેક-ઇન સૉફ્ટવૅરમાં ટેક્નિકલ ખામીને લીધે ઍરલાઇનના ચેક-ઇન કાઉન્ટરો પર કતાર લાંબી થતી જ ચાલી હતી. ઍરલાઇનની ચેક-ઇન અને બેગેજ સહિતની સૉફટવૅર સેવા એસઆઇટીએ દ્વારા સંભાળવામાં આવે છે.

એસઆઇટીએના પ્રવક્તાએ જણાવ્યું હતું કે આ બાબતની તપાસ કંપની કરી રહી છે.

June 21, 2018

જયેશ બ્રહ્મભટ્ટ

ન્યુઝીલેન્ડના 150 વર્ષના ઇતિહાસમાં સૌથી યુવાન વયે વડાપ્રધાન બનવાનું શ્રેય જેના શિરે જાય છે એ 37 વર્ષિય મહિલા પ્રાઇમ મિનિસ્ટર જેસિન્ડા કેટ લૉરેલ એર્ડર્નએ આજે બેબી ગર્લને જન્મ આપ્યો છે. ન્યુઝીલેન્ડના મહિલા પ્રાઇમ મિનિસ્ટરના ઘરે પહેલી વાર પારણું બંધાયું હોવાના સમાચારો ન્યુઝીલેન્ડ સહિત સમગ્ર વિશ્વમાં ભારે વાઇરલ થયા હતા. ન્યુઝીલેન્ડવાસીઓ આને ઉત્સવની જેમ માણી રહ્યા છે. ન્યુઝીલેન્ડમાં વહેલી સવારથી જ આ મુદ્દે જશ્નભર્યો માહોલ જોવા મળી રહ્યો છે.

ગત જાન્યુઆરી 2018માં જેસિન્ડા કેટ લૉરેલ એર્ડર્નએ ઇન્સ્ટાગ્રામ પર માહિતી આપી હતી કે તેઓ ગર્ભવતી છે અને 6 માસની રજા પર જઇ રહ્યા છે.

કોઇ દેશના ટોચના પદાધિકારી હોદ્દા પર આરુઢ હોય તેવા સમયગાળામાં બાળકને જન્મ આપ્યો હોય તેવી ઘટના આજે 30 વર્ષ પછી બની છે. જેસિન્ડા એર્ડર્નએ આજે તેમના પહેલા બાળક તરીકે બેબી ગર્લને ઓકલેન્ડની સિટી હોસ્પિટલ ખાતે જન્મ આપ્યો હતો. બેબી ગર્લને જન્મ આપ્યાના થોડા કલાકો પછી તેમણે સોશ્યલ મિડીયા પર માહિતી આપતા જણાવ્યું હતું કે ન્યુઝીલેન્ડના સ્થાનિક સમય મુજબ સવારે 4.45 કલાકે બેબી ગર્લે જન્મ લીધો છે અને જન્મ સમયે તેનું વજન 7.3 પાઉન્ડ (3.31 કિલોગ્રામ) છે. તેમણે ઓકલેન્ડ સિટી હોસ્પિટલના સ્ટાફનો જાહેર આભાર વ્યક્ત કરતા કહ્યું કે તેમની સેવા અવિશ્મરણીય રહી છે.

ગત તા.26મી ઓક્ટોબરના રોજ જેસિન્ડા એર્ડર્ન લેબર પાર્ટીના નેતા તરીકે વડાપ્રધાન પદે આરુઢ થયા હતા.

June 9, 2018

સમગ્ર વિશ્વભરમાંથી અંદાજે 4 લાખ લોકો અમેરિકામાં સ્થાયી થવા માટે ત્યાં કાયમી વીઝા એટલે કે ગ્રીન કાર્ડના વેઇટિંગ લિસ્ટમાં છે, આ વેઇટિંગ લિસ્ટમાં ત્રીજા ભાગના લોકો ભારતીય પાસપોર્ટ ધરાવે છે. અમેરિકાના બંધારણના નિયમ મુજબ કોઇપણ વર્ષમાં કોઈ એક દેશના ૭ ટકા કરતાં વધુ નાગરિકોને ગ્રીન કાર્ડ ઇશ્યુ કરી શકાય નહીં. આ કારણે ભારતીયોને અમેરિકન ગ્રીન કાર્ડ મેળવવામાં વર્ષો નહીં પણ દાયકાઓ નીકળી જાય તેવી સ્થિતિ હાલ તુરત છે.

ટ્રમ્પની અમેરિકન સરકારે તાજેતરમાં જાહેર કરવામાં આવેલા સત્તાવાર આંકડાઓ પર જણાય આવે છે કે ચાલુ કેલેન્ડર વર્ષ, ૨૦૧૮ના મે મહિનામાં એમ્પ્લૉયમેન્ટ-બેઝ્ડ પ્રેફરન્સ કૅટેગરી હેઠળ ગ્રીન કાર્ડ મેળવવા માટે કુલ ૩,૯૫,૦૨૫ ફોરેન સિટીઝન્સ રાહ જોઈ રહ્યા છે. એમાંથી ૩,૦૬,૬૦૧ ભારતીયો છે.

યુનાઇટેડ સ્ટેટ્સ સિટિઝનશિપ ઍન્ડ ઇમિગ્રેશન સર્વિસિસ (USCIS) દ્વારા જાહેર કરાયેલી આંકડાકીય માહિતીમાં મંજૂર કરાયેલી ઇમિગ્રેશનની અરજીઓના આશ્રિત લાભાર્થીઓ (ડિપેન્ડન્ટ બેનિફિશિયરી)નો સમાવેશ કરવામાં આવ્યો નથી.

ભારત પછી બીજા ક્રમે ચીન આવે છે. ચીનના કુલ ૬૭,૦૩૧ નાગરિકો ગ્રીન કાર્ડના વેઇટિંગ લિસ્ટમાં છે. ભારત અને ચીન સિવાય અન્ય કોઈ પણ દેશના ૧૦,૦૦૦ કરતાં વધુ નાગરિકો વેઇટિંગ લિસ્ટમાં નથી. અન્ય દેશોમાં અલ સૅલ્વેડોર (૭૨૫૨), ગ્વાટેમાલા (૬૦૨૭), હૉન્ડુરસ (૫૪૦૨), ફિલિપીન્સ (૧૪૯૧), મેક્સિકો (૭૦૦) અને વિયેટનામ (૫૨૧)નો સમાવેશ છે.

હાલના કાયદા મુજબ એક નાણાકીય વર્ષમાં કોઈ પણ દેશના ૭ ટકા કરતાં વધુ નાગરિકોને ગ્રીન કાર્ડ ઇશ્યુ કરી શકાય નહીં. જો આ પ્રમાણે ગણતરી માંડીએ તો ભારતીયોએ ગ્રીન કાર્ડ મેળવવા માટે સૌથી લાંબો સમય લગભગ ૭૦ વર્ષ રાહ જોવી પડશે.

ગ્રીન કાર્ડનો આટલો વ્યાપક ક્રેઝ કેમ?

કોઇપણ દેશ રહેઠાણ, આવકના માધ્યમો, એચ.આર.ડી. રેગ્યુલેશન્સ, ઇન્ફ્રાસ્ટ્રક્ચર વગેરે પરીબળોના આધારે તેમજ સૌથી અગત્યનું એ દેશનો હેપ્પીનેસ ઇન્ડેક્ષના આધારે અન્ય દેશોના લોકો ત્યાં વસવાટ માટે, હંગામી, કાયમી નિવાસ માટે વીઝા માગતા હોય છે. અમેરિકાનું ગ્રીન કાર્ડ કાયમી નિવાસી કાર્ડ તરીકે પણ ઓળખાય છે. આ કાર્ડધારક અમેરિકામાં કાયદેસર કાયમી નિવાસ કરી શકે છે તેમ જ કામ પણ કરી શકે છે. અમેરિકાનું નાગરિકત્વ મેળવવા માટે ગ્રીન કાર્ડ પ્રથમ પગથિયું છે.

ઇન્ટરનેશનલ Archives - Page 47 of 49 - CIA Live

સફેદ સોનું ગણાતું પ્લેટિનમ 10 વર્ષના તળિયે

બાર્સેલોના, એમ્સ્ટરડમના નાગરિકો ટુરીસ્ટસથી કંટાળી ગયા છે

ભારતે અંગ્રેજ સાંસદને એરપોર્ટથી જ પાછો બ્રિટન તગેડી મૂક્યો

ફ્રાન્સના પેરિસમાં દિલધડક જેલ બ્રેક, રીઢો ગુનેગાર હેલિકોપ્ટરમાં ફરાર

યુનેસ્કોની વર્લ્ડ હેરિટેજ સાઇટ લિસ્ટમાં કયા કયા સ્થળો નોમીનેટ થયા?

These are 2018’s nominees for the UNESCO World Heritage List

ઝિંબાબ્વેના પ્રેસિડેન્ટ બોંબ વિસ્ફોટથી વ્હેંત છેટા ઉગરી ગયા

ભારતીયોને આકર્ષવા વિદેશી સરકારો લાલ-જાજમ બિછાવી રહી છે

ચેક-ઇન સર્વર ખોટકાતા એર ઇન્ડિયાની 25થી વધુ ફ્લાઇટ્સ મોડી પડી

ન્યુઝીલેન્ડના સૌથી યુવા વડાપ્રધાન જેસિન્ડા એર્ડર્નએ ‘બેબી ગર્લ’ ને જન્મ આપ્યો

3 લાખ ભારતીયો અમેરિકન ગ્રીનકાર્ડના વેઇટિંગ લિસ્ટમાં !!