USમાં શિખો પર વધતા હુમલા: 20 દિવસમાં ત્રીજો હુમલો

તર્લોક સિંહ તેમના યુએસના ન્યૂ જર્સી સ્થિત સ્ટોરમાં મૃત હાલમાં મળી આવ્યા હતા. તેમની છાતીમાં જીવલેણ ઘાથી તેમનું મોત થયાનું અનુમાન લાગવાઈ રહ્યું છે. છેલ્લા 3 અઠવાડિયામાં આ ત્રીજી ઘટના છે જેમાં યુએસમાં વસતા અલ્પસંખ્યક ભારતીય શિખોને ટાર્ગેટ કરી હુમલો કરવામાં આવ્યો હતો.

સૂત્રો મુજબ એક્સેસ કાઉંટી અભિયોજક કાર્યાલયે આને હત્યાનો મામલો ગણાવ્યો છે. જો કે હત્યા પાછળનો હેતુ હજુ સુધી જાણ શકાયો નથી. તેમના મિત્રો, પાડોશી અને સગાઓએ તેમને ખૂબ જ સરળ સ્વભાવના બતાવ્યા હતા. તેમના પરિવાર પત્ની અને બાળકો હાલમાં ભારતમાં રહે છે. તેમના પરિવારે ગંભીર સ્થિતિને જોતા સ્ટોર બંઘ કરી દીધો છે.

ભારતમાં રહેતા તેમના પરિવારને મદદરૂપ થવા માટે તર્લોક સિંહ પોતાનો સ્ટોર છેલ્લા 6 વર્ષથી ચલાવી રહ્યા હતા. આ ઘટનાથી શિખ સમુદાય ભારે હતાશ છે. નાગરિક અધિકાર સંગઠન શિખ કોલિશને ફેસબુક પર પોસ્ટ કરીને તર્લોક સિંહના પરિવાર, મિત્રો અને સ્થાનિક સમુદાયે દુ:ખની લાગણી વ્યક્ત કરી છે.

નોંધનીય છે કે આગળના બે હુમલા પણ શિખ સમુદાય પર થયા હતા. જેમાં ત્યાના લોકોમાં ભારતીયો માટેની ધૃણાની ઝલક દેખાઈ હતી.