CBSE ધો.12માં નોઈડાની મેઘના શ્રીવાસ્તવ દેશમાં પ્રથમ
કેન્દ્રીય માધ્યમિક શિક્ષણ બોર્ડ દ્વારા ધો.12નું પરીણામ આજે જાહેર કરવામાં આવ્યું છે. આ પરીણામમાં છોકરીઓએ બાજી મારી છે. ટોપર્સ લિસ્ટમાં નોઇડા અને ગાઝિયાબાદના વિદ્યાર્થીઓનો સમાવેશ છે. ટોપ 10માંથી પાંચ વિદ્યાર્થીઓ નોઇડા અને ગાઝિયાબાદના છે. આ ટોપ નવ વિદ્યાર્થીઓમાંથી છ છોકરીઓનો સમાવેશ થાય છે. ક્ષેત્ર પ્રમાણે પરીણામ જોવા જઇએ તો ત્રિવેન્દ્રમ સેન્ટર 97.32 ટકા સાથે પહેલા, ચેન્નાઇ સેન્ટર 93.87 ટકા સાથે બીજા અને દિલ્હી 89.0 ટકા સાથે ત્રીજા ક્રમે છે.
બોર્ડના વરિષ્ઠ અધિકારીના જણાવ્યું કે ‘આ વખતે ધો. 12ની એક્ઝામમાં 11 લાખ કરતા વધુ વિદ્યાર્થીઓએ પરીક્ષા આપી હતી.’ પરીક્ષામાં 500માંથી 499 અંક લાવનાર નોઇડાની મેઘના શ્રીવાસ્તવ દેશમાં પ્રથમ ક્રમે, 498 અંક સાથે અનુષ્કા ચંદ્રા બીજા ક્રમે અને 497 અંક સાથે ચાહત બોધરાજ ત્રીજા ક્રમે છે.
આ સાથે આ વર્ષે કુલ 2914 દિવ્યાંગ વિદ્યાર્થીઓમાંથી 2482 વિદ્યાર્થીઓ પાસ થયા છે. આ ઉપરાંત CBSEની પરીક્ષામાં આ વર્ષે પણ વિદ્યાર્થીનીઓએ બાજી મારી છે. આ વર્ષે લગભગ 88.31 ટકા વિદ્યાર્થીનીઓ પાસ થઇ છે. અને CBSE ધો.12ની પરીક્ષામાં કુલ 83.01 ટકા વિદ્યાર્થીઓ પાસ થયા છે. HRD મિનિસ્ટરમાં સ્કૂલ એજ્યુકેશન સેક્રેટરી અનિલ સ્વરૂપે ટ્વિટ કરી પરીણામની માહિતી આપી હતી.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now
